元札幌拉麵 (悅來坊) (已結業)

附近見完工有D餓, 行左黎悅來坊睇下有咩食, 原來除左地面果層, 落一層地庫仲有好多選擇, 平時少黎呢頭真係無留意.睇左一輪想食拉麵, 就入左呢間元札幌, 環境幾日式, 感覺舒服.拉麵款式有成十幾種, 而且有飯定食, 比其他拉麵店多個選擇.豚軟骨拉麵, 先飲下個湯, 好濃郁既豬骨味, 唔會太黏口, 感覺無咁漏. 豬軟骨有三大舊, 肉同軟骨平均分怖, 肉質夠嫩, 軟骨夠腍有黏口感, 好入味, 充滿骨膠原. 拉麵唔算太粗, 要左一般硬度, 口感較彈牙爽口, 唔會過腍.追加左煎餃子, 外面煎到金黃香脆, 唔會太過火.個皮算薄身, 餡料足夠嫩滑, 食完都唔會太飽濟.日式店特式綠茶可樂, 甜甜地有D氣, 夠解喝.