元札幌拉麵 (悅來坊)

营业中

休息中

很久沒來悅來坊逛，這裡真的多了不少商舖，還有餐廳。看到這間的門面很吸引，原來是元札幌拉麵。記得之前吃過另一分店覺得不錯，便決定試試，比較一下。這裡座位不多，但座位之間寬敞，感覺也舒適企理，更有免費wifi 。冷菠菜 $25木魚絲多到都蓋住了菠菜🤣，菠菜夠鮮嫩，芝麻醬的份量和味道都不錯。龍田揚炸雞 $32炸雞炸到金黃香脆，粉漿不厚，內裡的雞肉非常嫩滑。塩燒五花腩 $48燒到很香口，剩下沒太多油脂，但入口不乾硬，就是略嫌鹹了一點。牛油拉麵 $68（加$16 溏心蛋+汽水）一上桌已經很香，味噌豬骨湯底味道濃郁但完全不鹹。而這裡的拉麵除了味噌湯底，還可以選醬油或鹽味，麵質也可以自選呢。我選了一般麵質，拉麵的質地軟硬剛好，而且口感有彈性。温泉蛋牛脷飯 $75來的時候嚇了一跳，不知道原來連沙律、茶碗蒸及麵豉湯一起上，這個價來說也太驚喜了吧。茶碗蒸用了上湯去蒸，味道不錯，口感夠滑，內裡更有雞肉、香菇、鳴門卷等，一點也不馬虎；沙律的各種生菜夠新鮮，柚子沙律醋酸度剛好，很開胃。這個飯賣相很吸引，除了流心温泉蛋，有菠菜、蟹柳、醃蘿蔔，味道已經很多樣，加上主菜牛脷煮到超級軟稔入味，而且很重牛肉味，份量還要那

原來熊貓酒店樓下的商場都有不少食肆，有很多不同種類。不過同樣喜歡日本菜的我和寶寶，看到拉麵店便二話不說決定了。原來除了拉麵外，MENU還有幾款飯食選擇。不過當日就只有拉麵可點。拉麵選擇不少，而且還可以自行選擇湯底。豚軟骨拉麵($72)配味噌湯底，加上配料粟米﹑香蔥﹑昆布和味玉，份量很足。味噌湯不算太濃太咸，而且不會過油，很適合香港人的口味。拉麵麵質一般，不過豚軟骨做得不俗。豬軟骨醃製得很入味，而且煮的火喉很夠，所以軟骨咬落很俐落爽口，而肉質依然軟嫩。平時最怕就是食到很硬或很乾的豬軟骨，但這個做得很好。札幌螃蟹拉麵($72)則選擇了醬油湯底，麵質點了硬身一點，口感較好。醬油湯則比較淡口，蟹棒反而很軟很重蟹味。味玉做到溏心效果，帶著香甜蛋黃味，而蛋白部份醃至入味。追加了筍($6)，份量很多。味道調得剛好，爽口。串燒雞翼($15)燒到外皮乾身香口，所以保持到肉汁。炸豆腐($38)淋上醬油和木魚片，為淡味的口腐調味得更豐富。

呢日係荃灣 呢到呢到 朋友話想食下野 見呢間小食好多款 我地就入左黎啦晚餐時間都好多人黎食 走嘅時候出面仲有人排緊隊tim由於我地都唔係好餓 只係叫左好少野食😛😛冷波菜 $25係波菜上面有好多木魚絲 個sauce 就係芝麻醬 呢個配搭都係第一次試 都幾新鮮 不過我就覺得芝麻醬太重手 搞到波菜嘅味冇咩😔海鮮大板燒 $42呢個都係有大量木魚絲係面 加試沙律醬同海鮮醬 個餅燒得幾好 只係入面海鮮好少🙈🙈🙈但個味道係唔差嘅👍🏻食物味道不過不失 但服務很好 經常主動加水👍🏻👍🏻

經過一天的辛勞，總令人想起出走的日子。緣份促使下讓我遇到你，令我可以暫時放低工作的煩擾，放鬆一下。它座落一個被一遺忘的廣場內（近年翻新成功，人流也算昌旺），地點有少少隱蔽，但剛好令你有置身日本小店的感覺。這小店主打是拉麵，介紹得當然味也相當不俗。前菜先來一個蟹籽沙律，比一般多點點生菜絲，令口感更加爽脆，加上新鮮蟹籽變成雙重爽脆。相當清新。再來一個黃金雞翼，皮脆多汁，鮮嫩可口。金黃色的表皮，令人有一口咬落去嘅衝動。當然唔會少得最重要嘅拉麵啦！麵身彈牙，時間掌握得很好。而流心蛋一咬落去剛剛好，味道可口。最後，還點了一個梳打汽水，純粹被瓶身的招才貓吸引，竟然與食物相當配襯，令到成件事變得相當完美。

去荃灣同朋友整完野經過悅來坊見到札幌諗起上次食嗰個牛油炒菇勁好食決定今次又食過6點幾去到 好彩唔使點等但望哂成個餐牌都唔見有 問下先知原來大窩口呢間同荔枝角唔一樣所以今次就試咗其他新野名太子魚餅 龍田揚炸雞塩燒五花腩五花腩勁好食 熱辣辣 重口味要選配埋青瓜絲 同椰菜食一碟有8 9 塊 大部分都係我一個食哂鰻魚好肥美唔太食既我都咬左幾啖好彩行快兩步 過多十幾分鐘就開始多人臨尾追加多雞翼 上碟個陣滋滋聲又係一個人食哂減肥真係一句口號only

今日係熊貓酒店附近做完野，就去搵舊同事食下飯，呢頭好少黎，更係叫同事話事啦！我地黎到呢個商場搵食，原來都好多野食，最後揀左食搵麵！門口冇人等位，可能我地早去，侍廳安排入坐！裝修都好日本風，好似去左日本橫店食咁！除左搵拉麵，仲有好多小食選擇！枝豆，粒粒賬卜卜，好有豆味加埋少少海鹽，正！南瓜炸薯餅，呢個有驚喜，南瓜加薯仔，好夾，又唔覺好油！炸得剛剛好！蟹籽沙律，青瓜同菜好新鮮，即撈即上枱！鹽燒海馬友，啖啖肉，有魚既鮮味！燒得唔錯，仲juicy既！安格斯牛肉串，燒得好好，牛肉帶汁地獄拉麵，湯底濃郁，少少辣，麵質彈牙，叉燒入口即溶！叉燒拉麵，豬骨湯底超正，呢度d 叉燒好大塊，啖啖肉

位於熊貓酒店下面既熊貓商場，有一間唔太起眼既日式拉麵店，聽朋友講佢既湯底好正，所以決定試下！係扶手電梯落一層直行去到尾轉個彎就見到。睇到個餐牌搵都多選擇，叫咗個我平時食開既麵，叫埋炸五花楠加雞翼做前菜。炸五花楠係食日本嘢地方少見，諗住都係hea炸，食落出乎意料地好，香口得來唔會好肥膩。加埋拆骨炸雞翼香而不太咸，之後食返個青瓜魚子沙律清下個口，令係令人期待碗麵。隨便叫咗個麵，配菜一啲都唔重要，因為我飲咗啖湯底再食多啖麵，就知道呢間餐廳真係用豬骨餚咗個靚湯底，唔會太咸又唔似得老千拉麵咁一咪用味精！

呢輪三兄弟個腸胃都唔好，屋企啲乳酸藥食得七七八八，所以今日過左荃灣間寵物店買乳酸比佢地。後來行到過黎熊貓酒店悅來坊搵食，之前食過呢個商場嘅牛之鍋同定食8，今次就試下地庫呢間「元札幌拉麵」啦。遇上食飯時間，加上店鋪唔大，坐位不多，難免要攞飛等一等。等左5分鐘左右就有位啦，攞起份MENU睇睇，小食同飲品種類都算多，而且價錢都幾抵下喎。主食方面，有拉麵同飯可供選擇，而拉麵除了有3款湯底，味噌、醬油同埋鹽味可揀之外，連麵嘅軟硬度都有得揀，認真貼心。牆上嘅木制掛牌相當精緻，令店鋪沾上一番日本風味。先黎小食，串燒雞軟骨，雖然稍為乾了點，但仍然食到照燒味道，而且好香好脆。串燒雞翼，外皮燒得夠晒香脆，價錢只係$15咋，真係好抵食。極力推介呢個燒牛舌，呢度個牛舌不單夠厚，而且相當惹味，口感十足。有機會一定要試下。老婆點左豚軟骨拉麵，選了醬油湯底及硬身麵底。佢最鍾意隻流心蛋，唔會太生或太熟，啱啱好。豚軟骨煮得夠腍，有咬口，而麵底就夠晒彈牙。而我個牛肋條飯連沙律、蒸蛋、麵湯都只係$75，認真超值。而且份量都唔細，正常男人食量都夠飽架。

好耐無去日本, 太掛住日本拉麵, 行完商場一於搵間食下先.商場內都幾多野食, 不過呢間環境似日本多D, 而且價格唔算貴, 可以好好食番餐.除左餐牌上既食品之外, 牆上仲有"是日精選"既食品, 睇見樣樣都想食.小食點了鹽燒五花腩, 燒至金黃, 外表香脆, 除左鹽仲帶少少黑椒, 特別惹味.五花腩肉同脂肪各分一半, 入口唔肥膩, 更覺香口. 而且肉質軟嫩入味.拉麵點了雜錦拉麵, 豬骨湯底, 湯底味濃唔油膩.拉麵爽口, 咬落煙韌彈牙, 食到索索聲, 頓時感覺去左日本.雜錦既材料仲有义燒, 大大片肉夠嫩, 唔算太多肥位. 豬軟骨夠腍, 軟骨位仲好黏口.其餘有大大條蟹棒, 粟米, 海帶, 流心蛋.整體風味似日本拉麵小店, 而且呢度食得悠閒, 唔洗趕45分鐘交枱, 很自在.

經過悅來坊正好lunch時候，當然入去搵下有咩食!行行下竟然俾我見到元札幌之前係荔枝角試過，幾好食!今日試下分店咩水準岩岩lunch時候，未有太多人，有好多超人公仔上次去食晚餐，今日食lunch，唔知兩間店menu有無唔同。一早胃口淡淡，點左一份炸豆腐同地獄拉麵!!!刺激下胃口吧先係炸豆腐，一上黎聞到好香木魚碎味吉開見到滑身既豆腐，入口香滑，炸外皮既豆腐加上木魚碎，十分香口，唔錯主角係地獄拉麵!辣湯底果然唔同啲，應該用辣醬煮，微微辣好惹味!最正係溏心蛋一，雖然最底熟左少少，但中間溏心部份夠凍夠蛋香拉麵質地唔錯，夠滑夠彈牙。叉燒仲有兩大塊!但佢唔係好多脂肪既類型，係偏瘦既叉燒，但不失肉香味。個人比較著重脂肪比例，鍾意入口即溶既油脂香，但呢塊雖然瘦，但肉夠嫩滑夠香，都非常唔錯!

荃灣多野食就係人都知架啦今日去完熊貓酒店搵人就係落下度搵食又想食日本野就近近地試下呢一間 我叫左個叉燒拉麵, 呢度食野最正既就係可以再自己加餸, 我今次就加左有竹荀同埋粟米 佢一放上黎既時候我覺得係好大碗!!! 但係後加既材料好似冇咁原來！！佢係分碟上的！！份量仲要係幾大份下！！ 竹荀$6 粟米$6 先講一講個個拉麵, 叉燒拉麵既叉燒份量會較多!! 有成4塊咁多, 而每一塊都keep到好嫩滑, 有少少入口即溶既感覺!!! 最正係個湯底都好夠味!! 然後我再叫左串燒食 燒雞軟骨好香口同埋脆脆的口感好正, size唔算細, 食落好有口感!!

之前喺荔枝角食過一次，印象不錯，見到分店就再入去試下店鋪裝修得不錯見到一個叫做招財貓嘅汽水飲品，好奇叫咗一試， 店員話呢一個係日式嘅忌廉汽水， 飲落同香港嘅分別係，日本既冇咁甜。日式餐廳入面，一定會有嘅配菜就係菠菜啦。呢個好似係南瓜蕃薯餅， 每一次食都係覺得好好味！ 呢間分店賣18蚊咋， 如荔枝角嗰間分店在賣38蚊，但非常 大舊。 呢間size就細好多， 不過都依然好好味。 好想快d再食多次! 鹽燒五花腩， 係睇其他食評介紹嘅， 真係好好味冇介紹錯 五花腩薄切燒得非常之香口香脆記得淋上檸檬汁， 咁樣會令過五花腩啲又知食落冇咁肥膩！ 呢個又係好推薦畀大家我下次去又會想再叫多次嚟食叫咗一個飯 應該係免治豬肉粒飯，呢個飯睇落普通， 本身冇咩期待 ！結果就好味到嚇親！ 呢d就係日本料理給人嘅感覺吧？飯上面的 免治豬肉粒 既 醬汁煮得好好， 一啲都唔死鹹，甜甜地， 同港式嘅完全唔同！再來就係講呢個飯配嘅 麵豉湯 ， 我同朋友都覺得ok啦，唔會太鹹。仲有燉蛋， 又係好正，食落非常之滑飯仲有配一個沙津菜㗎， 個沙律菜加咗柚子醋， 非常清新下次要帶埋屋企人去食，請佢食餐，cp值高嘅飯先

悅來酒店不經不覺間已經變天成為很多食店進駐的食場, 今次我跟朋友行經呢間元札幌拉麵店, 好似幾似樣, 便入去試吓。店內地方唔算大, 一間小型嘅日式拉麵店格局。除咗拉麵供應, 還有咖哩飯、牛肉飯及日試小食等, 價錢大眾化, 大部分拉麵單叫都係 $68左右。我哋午餐時間食, 當然食最抵嘅拉麵套餐, 除咗有拉麵, 仲有一款小食任擇,兼送罐裝汽水, 飯套餐及拉麵套餐由$60蚊至$72蚊不等。雜錦拉麵套餐 ($72 包1拉麵+1小食+1汽水)雜錦拉麵材料豐富,除咗一般拉麵嘅基本配料; 牙菜、海帶、栗米、蟹柳、溫泉蛋及大量蔥花, 仲有大大塊叉燒, 湯底我揀咗日本拉麵最基本嘅麵豉湯底, 比較清淡, 唔油膩, 有淡淡麵豉香又唔會太鹹, 叉燒係半肥瘦, 肥瘦適中。溫泉蛋睇得出的紅潤嫩滑, 又係淡淡的鹵水清香。拉麵尚算爽滑, 但略嫌淋咗少少, 可能我掛住影相影, 放耐左, 下次要影快啲先得。 鹽燒五花腩($48)其實今之入黎食拉麵, 最主要都係為咗呢個五花腩, 見人地食好鬼靚, 上檯果然香噴噴, 一層肥一層瘦的五花腩, 面層燒得燶燶的, 爽口油香, 鹹鹹地, 勁好食, 幸好冇為你而入錯黎。跟餐小食 ~ 燒

放工約了荃灣區老友食飯,就係佢公司付近搵食,見到哩間拉麵店地方幾企理, 侍應姐姐又好好笑容咁企係門口等我哋入去 見到個餐牌真係畀佢嚇一嚇 係咪寫錯價錢❓喺港島區拉麵店的2/3價錢左右, 上菜之前已經做好準備, 質素唔會太高。 當小食來一食, 喜出望外 質素與價錢合比例, 唔會太鹹。 拉麵賣相老實講真係一般碗邊有泡,但溫度keep得住, 而試入口,湯底味道又唔錯喎, 麵底方便 都好係彈牙,唔會話冧入口淋bet bet。 咁嘅價錢,食到相對的好味,我和朋友都食好開心

見熊貓酒店附近的悦來坊近日開左不少食店---元札幌拉麵。出面擺設、裝潢吸引而試！店內裝潢好有日本feel，門口紅紅燈籠，好sharp...入內一座，店員好快遞上熱茶，因為座角位，見到兩個日本女娃公仔，幾得意，座位舒適、安靜！一看menu 有10多種不同拉麵，還可以自選湯底！豚軟骨拉麵：份量足，有3大舊豬軟骨，肉同軟骨分佈平均，豬軟骨亦非常入味、夠腍同有黏口感👍拉麵彈牙。除左拉麵，小食也有很多選擇。😬鹽燒五花腩：熱辣辣上檯，五花腩燒得香氣四溢，㳘滿D油香，肉質好厚。Q彈Q彈！㚈皮好香脆