元札幌拉麵 (悅來坊)

营业中

休息中

日本野真係百食不厭, 買完野就響商場搵野食, 其實都好多間揀, 但某D都貴貴地, 所以揀左呢間日式小店.裝修似日本居酒屋, 主要食拉麵, 飯及小食等. 座位唔會太迫, 舒適.見到有溫泉蛋牛肉飯$62, 連鎖店吉記都要4,50蚊, 而且仲有麵豉湯, 沙律同蒸蛋, 都幾抵. 大大碗牛肉好多, 鋪滿成個飯面, 肥牛夠軟腍, 唔會太乾, 肉味都有, 有少少甜豉油同溫泉蛋汁吊下味.白飯係珍珠米, 軟硬度適中, 食晒成碗真係好夠飽.跟餐仲有蒸蛋, 蛋味香夠滑, 熱辣辣既.沙律份量亦唔會太少, 新鮮開胃.

呢間被掛住大紅日式燈籠既餐廳好似日式居酒屋。這裡座位之間很寬敞，感覺也舒服。有好多日式小食提供，前菜都好豐富。今次揀左個凍菠菜同泡菜，前菜都算係幾抵，＄1X ~ $2X。凍菠菜幾有驚喜。上面鋪滿柴魚片，菠菜夠鮮嫩，菠菜拌滿芝麻醬汁好開胃，清新不膩。而個泡菜好夠辣，滿足左我食辣嘅慾望😄主食方面，點左一個鋪燒鰻魚飯定食同地獄拉麵。這個飯賣相很吸引，鋪燒鰻魚超級軟稔入味，啲汁甜味適中，它有很濃郁的醬油香味，拌飯一流。份量還要那麼多，真的是味蕾肚子都得到大滿足。又有個茶碗蒸，D蛋好滑，入面有少少草菇，茶碗蒸用了上湯去蒸，不會太鹹。定食包埋沙津，入面有沙律菜和粟米，沙律菜很新鮮，柚子醬足夠，配合得剛剛好，很開胃。地獄拉麵微辣，辣味可以勁少少，味道就冇乜特出。麵質彈牙，幾有彈性，掛湯力不錯，似連所店既拉麵店既質素。有成隻糖心蛋比你，個糖心蛋就好正好流心。有蛋黃香味，蛋白亦都很滑。有兩塊好大塊既叉燒。叉燒幾厚身，吸收左湯底嘅精華，好有味。小店提供紙巾同一盆唔同既調味料比客人作調味，仲有小店特製既極辣辣椒粉，要問店員攞先有架，即刻辣到飛起！最後叫左個串燒雞軟骨同串燒雞翼，好耐冇食過咁有”燒烤”味道。串

一個人除左食茶餐廳, 最佳既選擇就係食拉麵, 今晚呢頭收工, 就去左悅來坊下面既拉麵店, 呢度坐得舒服, 又唔會太迫, 最緊要唔洗面壁.唔想食咁多肉類, 要左個野菜拉麵$68, 有D菇, 荷蘭豆, 菜, 同一片肉, 清清地唔錯.個湯係味噌底, 唔會太咸亦唔太膩, 好易入口.拉麵好爽口, 軟硬度配合適中, 份量唔會太少, 食完一碗夠飽.义燒唔會太薄太細片, 各方面都夠平均.要左碟燒鯖魚$58, 好大條, 抵食. 外面燒至金黃焦香, 但肉質仍保持嫩口滑溜, 夠鮮甜.而且唔會太多骨, 好易夾肉黎食. 

路過聽到日語 便走進去！很多日本人在食呢！店員也懂日語的。點了一個牛油拉麵，牛油溶了，湯頭更滑更香。當然試一試勁辣粉！的確小小的一匙便有一個小辣，氣水都很特別 有招財貓 和綠茶 ，綠茶是推薦的！糖心蛋的心是甜甜的。聽著日本食客對談，像是去了日本一樣😉女朋友便叫了一個 札幌螃蟹拉麵下單時追加了一隻糖心蛋，上菜時才發現本身已經有半隻糖心蛋。蟹柳很甜，麵亦都爽滑，湯底濃郁而不油膩。小食就選了 大阪燒木魚郁郁下 內部有大量的魷魚 很彈牙很香呢

同朋友去完工廠開倉買野, 到附近既悅來坊食埋野, 見呢間評價幾好, 最重要價錢唔會太貴.拉麵款式都有成10款, 選擇好多, 要了牛油拉麵, 真係有一大片牛油, 不過溶掉後唔覺好油, 反而好香.义燒亦夠大片, 軟腍入味, 粟米亦幾多. 而拉麵麵質好爽口彈牙, 拉麵麵質較粗身, 咬落有口感.剩係一碗拉麵驚好快肚餓, 要多款小食, 有鹽燒五花腩, 一客6大片.鹽燒咸味剛好, 仲有D黑胡椒香味, 口味較濃, 啱晚餐時食.五花腩唔算太肥膩, 咬落亦夠腍身, 不過外表燒到脆脆地, 好香口. 呢間拉麵店感覺唔錯, 拉麵同小食都好多選擇, 侍應服務亦幾好.

荃灣成個區每個位置都好多野食, 大窩口有間酒店, 連帶酒店下既商場都好多餐廳, 而且價錢仲比荃灣中心區域平, 所以有時間都會黎呢邊.呢層好多間拉麵, 但鍾意呢間夠日式, 感覺良好D, 而且除左拉麵, 仲有好多小食同飯餐, 多D選擇.今日好肚餓, 所以要咖哩飯餐(大), 真係非常大碟, 餐仲配埋沙律, 蒸蛋同麵豉湯, 好豐富.咖哩唔會太稀, 撈到飯, 咖哩味濃, 唔會太咸或太辣, 帶少少甜.入面仲有D肉粒, 紅蘿蔔粒, 洋蔥, 用料十足. 蒸蛋都唔馬虎, 好滑溜, 熱熱的.另外要多串燒牛舌, 都幾厚切, 特別有咬口, 好爽口唔韌, 加D黑椒燒已經好夠味, 而且好入味, 好香口.份量足所以十分飽,好值得.

The reviews seemed promising so I visited this place for a bowl of hot ramen on a cold wintry day. I was extremely disappointed for the quality of ramen I got for the price I paid. I got the butter ramen, and added an extra soft boiled egg. The soup base was tasteless and lacking, the noodles were not particularly good texture-wise, and the char siu was extremely mediocre. For the price I paid for a meal here, I could have gotten a much higher quality bowl of ramen elsewhere. Definitely a restau

今日同朋友係荃灣買野 逛下逛下穿過左荃豐商場連住行人天橋就走到悅來坊 原來變化不少 悅來坊以前係以熊貓酒店出名🐼 經過翻新後成為一個多元化既食肆購物一站式商場B1哩層可以話係美食集中地 而我同朋友就被掛住大紅日式燈籠🏮既拉麵店吸引住 元札幌拉麵主打拉麵🍜 仲有好多日式小食提供 完全岩哂我同朋友入到店內就好似置身於日式居酒屋咁 日系味道濃濃牆上掛住唔同造型既臉譜 為迎接住聖誕既來仲掛左聖誕裝飾 幾有氣氛🎄午市套餐得2頁 簡單易明 價錢由$58-$72我同朋友就選左$72既午餐自選3寶套餐 可以自選拉麵 小食同礶裝飲品1款 相當抵食😬 除左拉麵 仲有炸雞🍗 塩燒五花腩 刺身 串燒 飯等選擇 好似幾吸引😋小店提供紙巾同唔同既調味料比客人作調味 仲有我最鐘意既七味粉😍小食就簡左北海道炸南瓜薯餅 薯餅做得幾好 外脆內軟 入面係滿滿綿密甜甜既南瓜蓉🎃 配埋伴碟既清瓜絲清新不膩👍🏻另一款小食係串燒雞翼額外加左塩燒雞腎 雞翼燒到金黃色 我至愛既雞皮食落脆卜卜😍 雞肉燒到岩岩好仲嫰滑 雞腎都唔錯 加2滴檸檬汁就更加惹味🍋朋友就叫左豬軟骨拉麵 我就比較貪心乜都想試就要左雜錦拉麵🍜 拉麵有一般既配料如海帶

服務態度方面星期日難得一家人岀黎食飯，見呢間唔洗排隊，就想入去試下。入去坐低到落單過程一切正常，因為媽媽食素同埋食量少嘅關係，我同爸爸叫左兩個餐之後加左d小食同味噌湯。媽子就叫左白飯。個待應入左去之後岀返黎同我地講冇白飯，冇錯，係冇白飯！我地就話拎返張餐牌再諗諗。但除左炸物外又冇嘢叫，我地諗緊嘅時候，有另一台客入咗嚟，佢哋大大聲咁叫左日式炸蝦飯。係炸蝦飯！說好的冇飯呢？當時餐廳只得兩台客人，餐廳仲有大半位置係空嘅。如果佢哋係落單嘅時候講到明要每個人叫一個餐，而唔係係到做呢啲小動作我條氣會順好多。都係想食個飯姐。。另叫嘅小食，湯同飯價錢嘅總和都等如一個餐嘅價錢。無謂為左唔想個客靜係食白飯同湯而呃人冇飯na食物質素方面媽子碗味增湯勁鹹，湯入邊嘅海帶同埋豆腐都多。我同老豆嗌嘅兩碗拉麵以呢個價錢來講我覺得唔值。首先講講個湯底，鹹味偏重，有味精，豬骨嘅味道唔突出。至於個拉麵，麵質太軟同碎，口感十分一般。份量方面都算多，配菜都足夠，筍干偏硬身。總括而言，我絕對唔會再去第二次，亦都會叫啲朋友唔好去。因為荃灣有其他更好嘅拉麵選擇，我會寧願行多兩步去台風食。都係想食得開心姐。今次係我第一次打食評，真係谷

推薦大家黎呢到食飯！！第一次食午餐，價值好鬼抵！！$5x-6x蚊就有個set。包括一個飯，沙律、湯、仲有蒸蛋食！！😍超豐富！豬軟骨飯，呢個係我屋企人叫既，本人食左一嚿，都算好淋！相當不錯！ 我自己就叫左呢個豚肉粒飯！我之前都寫過一次食評係大讚，覺得呢個飯好正，完全估唔到咁平凡既樣，但個味道可以令人咁幸福！！唔好就咁睇樣，個飯係一d都唔乾既，佢個汁好難形容，甜甜地，但可以令人食指大開！😋南瓜薯餅，都係我係到會叫既小食，每次食都覺得好正！南瓜薯餅甜絲絲，外脆內軟綿綿既呢個飯係面有包既蒸蛋，好滑，入面有菇，肉，仲有張相個個白色加粉紅色既野，我唔知佢叫咩，但係日本拉麵到有時都會見到！咁讚完，都有小小意見比返，之前係到食過好味既鹽燒五花肉，今次食就失色左好多，好似比之前切得厚左，難咬開左！仲之，失望左！

香港拉麵店越開越多, 不過動不動一碗都成百蚊.今日行過悅來坊, 見呢間拉麵價錢較平, 但人流幾多, 反正唔貴就食呢間.拉麵主打係豬骨湯底, 選擇左雜錦拉麵, 拉麵爽口, 一食可以索索聲索入口, 咬落又夠彈牙, 口感唔錯.個湯夠濃既豬骨味, 但唔會太油太咸, 好好飲.义燒同豬軟骨都夠晒入味, 肉質又軟腍.鹽燒五花腩, 小食都咁大碟, 好多片五花腩, 燒得好香口, 肉質厚實但咬落肉嫩, 軟腍又入味.鹽燒牛舌亦都非常香, 外表燒到微微焦香, 牛舌彈牙爽口. 兩款燒物小食都做得好好, 好惹味, 越食越開胃.

星期六嚟到荃灣打算去市集，結果原來市集已經完咗啦。抱着傷心嘅心情周圍搵食，見到呢間拉麵嘅門面幾有日本特色，裏面客人都幾多，抱着羊群心理，一於試吓呢度嘅環境裝修得幾似日本嘅居酒屋~餐牌簡單易明，就係呢三頁，先揀拉麵後揀小食再加番杯野飲價錢望落去比起一般拉麵店便宜，更加有意欲試多兩樣首先叫咗蟹子沙律$25，青瓜絲爽口，蟹子份量都算多。另外叫咗南瓜炸薯餅$18，外脆內軟，唔鬆散，有淡淡的南瓜蓉味呢個係A先生叫既地獄拉麵$68，我試咗一下，微辣，麵質彈牙，仲有粒糖心蛋🥚我自己叫嘅就係牛油拉麵$68，見着牛油慢慢溶化落湯底度，真係好肥呀哈哈。牛油味香，叉燒吸收左湯底嘅精華，而且大大塊，厚身又唔肥。麵質算係中等偏軟，有紫菜叉燒粟米，唯一就係欠左糖心蛋。所以加左$16，糖心蛋加汽水，其實都幾抵另外仲叫咗串燒雞翼$15，個皮燒得好香脆，肉質滑，唔錯最後必須講下，我叫左一個綠茶可樂試吓，$18，點講好呢，有少少綠茶味又有小小可樂味仲有啲波子汽水味添

同個客開完會, 行到車站附近既商場, 都係食完野先返屋企.商場有幾層都幾多野食, 閒日夜晚唔多酒店遊客, 反而好多附近街坊黎商場.選擇地庫既拉麵店, 呢間環境幾好, 價錢合理.鹽味湯底既雜錦拉麵, 先飲個湯, 豬骨帶鹽味, 鹽味唔算太咸, 清清地又唔會太油, 有少少鹽味, 感覺無咁漏.豬軟骨既肉質夠入味, 軟腍唔韌. 义燒都幾厚, 肥瘦平均, 兩舊肉都幾大舊, 所以食完夠晒滿足.仲加左客煎餃子, 煎得唔會太燶, 但仍保持脆口, 即煎唔會凍冰冰.而且皮薄餡靚, 漲卜卜夠多餡.今日好開胃, 再叫多個小食, 明太子魚餅, 外表煎到微焦, 特別香口惹味.魚餅好彈牙, 中間D餡就係明太子, 兩者加埋味道好夾, 明太子唔會有腥味.

一講到香港人最愛的國家，我想「日本」必定排首位吧。每逢香港長假期，總會聽到不少港人家庭會選擇「日本」作為旅遊地方。大阪、鹿兒島、東京、沖繩都是選擇之一。可想言之，香港人除了對日本文化有濃厚興趣之外，當地對美食的一絲不苟，必然也是原因之一。正正因為這個原因，不少新晉餐廳都以日式作為主打，推出各項日式美食，將「日本美食文化」帶入香港。的確，近年的日式餐廳進軍得很成功，不論是日式放題「大喜屋」，拉麵街之王「一x」，「豚x」，「一風x」，「霸x拉麵」等等，全部都是成功例子。日式餐廳之所以受大眾歡迎，是因為它用料上乘，對烹調的一絲不苟。「拉麵」更講求「火候」，「湯底濃度」，「配料」，「麵的質感」等等。所以要煮好一碗拉麵，一點都不容易。拉麵配的糖心蛋也是技巧之一，要做到糖心效果，蛋黃夠香夠流心，沒有幾年的功夫，一定不能做到每隻成功。所以每一間餐廳的拉麵都好與別不同，單是麵質，就已經有些較粗，有些較幼，有些較硬，有些較軟。我朋友就住在大窩口，他說附近有一間不錯的拉麵店，便帶我來這裏吃晚飯。這裏距離大窩口地鐵站大約10分鐘，不算近，就是在熊貓酒店悅來坊商場，所以都算是地標，並不難找到。我們從大窩口B出

在上次吃日式火鍋甜品放題的悅來酒店底層，有一家很有日本居酒屋的氣氛的拉面店。立即被吸引過去了。燈光微暗，紅色燈籠，木製裝潢，加上我們兩人被安排坐在吧台，更有日本居酒屋的感覺了。自家製手包餃子：皮薄肉多，足料餃子是也。唯一挑剔的地方是有點油。薯仔沙律：三個薯蓉球，薯蓉加蛋沙律的球體，口感很幼滑，蛋味和薯仔原來都好夾。而且很冰涼，是適合在夏天吃的小吃呢！朋友說這個和她在日本吃的薯仔沙律是同樣的味道呢！札幌蟹拉麵：蟹柳很有蟹味，材料很豐富，還有海草 (另外再加多啲海草) ，芽菜和粟米粒，又好大碗。湯底是用豬骨，雞和菜熬成，不是沒誠意的味精湯，而且有一種獨特的味道，既不濃又不會無味。我覺得比日本機場的拉麵更好吃。豚軟骨拉面：豬軟骨大大舊，很入味，而且很軟熟。加了溏心蛋，蛋裡面的蛋黃是半流心帶點凝固，不會讓人覺得生到吃不下，又可以吃到流心蛋的口感。