僕之拉麵 (已結業)

|旺角正宗日式叉燒拉麵🍜 • 外賣首選|📍 旺角豉油街74號而家冇咗堂食又唔係間間都做外賣 有啲乜嘢選擇好 如果你離開旺角 或者啱啱行完花墟買年花 推介大家可以嚟呢間 正宗日式拉麵店買外賣🍜呢間店好專一 主打做叉燒拉麵 所以叉燒一定有水準😊 我今日揀咗呢個餐 有六大塊 又薄又瘦嘅叉燒 仲有一大塊灸燒叉燒🤩 配上佢嘅濃湯 仲有流心嘅溫泉蛋 真係一流 面嘅份量亦足夠😁值得一讚嘅係店主好貼身 將湯同麵分開 而且仲用保鮮紙包住個湯 所以就算遠水路返到屋企都仲係暖🥰🥰

誠意推介鬧市中一間好有心的拉麵小店喺旺角豉油街有好多餐廳，呢間新開嘅拉麵店門口好靚，就試吓買外賣返屋企食。一入舖頭，店員非常有禮貌，好有去日本嘅親切感覺我平時好鍾意食粟米、紫菜、雞蛋等等嘅配料，但係成一碗拉麵百幾蚊，再加晒咁多配料好貴，所以通常都係揀一兩樣配料就算。點知喺點餐紙見到，一碗唔使$100嘅拉麵，竟然有齊我鍾意嘅配料！！！好興奮～ 同行友人比較大食，所以嗌咗肉食拉麵呢一款一定係肉食愛好者最啱食嘅拉麵，叉燒份量十足，再加上肉質柔嫩嘅豚肉粒，令人大快朵頤，叉燒肥瘦均勻，唔會話太過油膩，再加上厚薄均勻，令人食落非常滿足，再配上濃湯，撈埋芽菜，香蔥同埋麵一齊食，簡直係一流店員包裝得好好，分湯，完全唔會漏。紫菜另外用保鮮紙包好，追加嘅芽菜用另外一個兜裝住。返到屋企先發現，原來廚師將啲餸鋪得好靚食個外賣都開心過人呀

天氣陰陰涼，梗係去食番碗熱辣辣既拉麵啦，順便可以慰藉一下思鄉之苦😅今次黎到旺角既僕之拉麵，雖然店舖細細但係坐得舒服😊而且裝修都好日本呀❤️睇下餐牌齋睇圖都好吸引呀，大大碗又勁多料🤤我叫左個“A”特選拉麵，當然係俾佢咩都有而吸引到啦，的確冇失望，上枱可以嘩嘩聲，選了豚骨濃湯湯底，湯底夠味而且濃郁，炙叉燒燒得平均，香而不膩😊超驚喜係蛋，真係做到岩岩好，糖心效果入口即溶化，好滿足🤤另外想講講佢地既麵質，佢地可以就客人要求去選擇麵既要求，而我今次就冇特別去選擇🤭而佢地既麵質亦都非常彈牙，而且份量足夠😎另外我仲試左炸章魚，即叫即炸，脆口惹味😊最後黎番支野飲，爽曬❤️

最近旺角新開咗間僕之拉麵，身為拉麵愛好者，當然要去試一試，可惜疫情之下，無得堂食，只能外賣。外賣包裝唔馬虎，拉麵嘅湯，麵底，配料都分開袋，確保唔會浸淋食材，我同bf叫左2個拉麵，店員都好細心咁寫底邊個餐打邊個餐，同放埋一棟，咁就唔會拎錯左啦😙人氣拉麵 豚骨濃湯，有叉燒＋ 紫菜4枚＋粟米＋糖心蛋好多追加配料都想試下 水餃子，蟹棒，溫泉蛋，海帶，椰菜，我唔揀啦，全都要🤪人氣拉麵幾岩唔多食肉既我，紫菜同粟米令成個拉麵感覺健康左，再加埋配菜有海帶同椰菜，多菜小肉既拉麵就完成啦✌️本身無咩味既海帶同椰菜點一點豚骨湯會更易入口😄特選拉麵 有叉燒 1.5倍 十 炙叉燒＋紫菜2枚＋葱＋味筍＋糖心蛋，再追加蟹棒我bf就比較鍾意食日式叉燒所以就叫左特選拉麵黎食，一開蓋估唔到真係咁多肉，佢好開心，普通叉燒偏淋同入味，炙叉燒就有陣燒焦味係面，肉就較韌，口感唔錯，另外糖心蛋既心真係好流心同入味😍小食炸雞，炸章魚，炸章魚丸，炸餃子炸雞表面唔多炸粉，炸皮薄，咬落雞肉嫩。炸章魚反而炸皮厚小小，脆得黎加埋章魚既口感，幾好咬。炸章魚丸同炸餃子都足料，唔錯😆支裝飲品 綠茶，桃梳打*免加一服務費，外賣仲有8折☺️

同friend喺旺角行完街，但想一齊食飯又冇晚市食，又唔想咁快返屋企，唯有做下街童～ 因為我地突然想食拉麵，又見到呢間新野，所以就走左試試佢啲外賣😆🍜特選拉麵 $135佢啲堂食相真係好吸引啊！然後雖然係外賣，但都好似堂食咁足料～ 好多塊好大塊嘅叉燒😍之後有啲叉燒又燒到岩岩好，有少少炭燒味～之後個流心蛋好入味同好靚啊～橙紅色嫁～ 食得出係真係日本蛋嚟😋 🐷肉愛食者拉麵 $120嘩真係爆多肉肉～呢碗仲多叉燒過特選拉麵～仲有啲叉燒粒粒添～好有口感，食咁多都唔會膩！而且呢碗都有糖心蛋，超級大碗又多料😚兩碗我地都叫左濃湯😍 個湯好有膠質，同埋勁重豚骨味！聽聞係淆左成12個鐘嫁，飲落真係唔係味精湯，完全唔會覺得口渴～另外佢個拉麵真係真係好多！多到我同朋友都食唔哂～而且麵質真係好彈牙，唔會煮到過淋或過硬，啱啱好～🥰如果遲啲開返晚市，我真係想試下堂食～

而家無晚市堂食，搞到日日都要食外賣🥲同朋友睇完波鞋，都要買外賣回家食見到呢間係食店中比較顯眼嘅餐廳，見佢外賣有8折就決定買佢回家。但其實店舖入面都幾靚，我好想堂食呀，好在返到去屋企都仲唔差🥺我今次叫左兩個拉麵🍜，分別係特選拉麵同肉愛食者拉麵。佢有得簡清湯同濃湯，食開重口味嘅我當然簡濃湯啦。特選拉麵同肉愛者拉麵都係多叉燒版拉麵，而我最愛就係特選拉麵既灸叉燒，佢大大件仲要好好味😋仲有比平時拉麵多叉燒，1.5倍呀另外肉愛者拉麵都好多叉燒，足足有三倍再加角切叉燒，好癲呀🤩而拉麵嘅軟硬度都適中，紫菜同埋湯佢都會分開，做得幾好小食我叫咗炸雞同埋炸章魚🐙估唔到拎到返去兩樣都咁好食，加埋檸檬汁同埋沙律醬就更加出色，我覺得佢嘅炸物真係好食過其他店舖

夜晚冇得堂食，唯有外賣， 驚喜遇上食過有最多叉燒的叉燒拉麵，而且有三款唔同款式既叉燒B肉愛食者拉麵($120) 名副其實，鍾意食肉嘅朋友一定喜愛， 有叉燒片和角切叉燒， 分量多到好似食極都食唔完咁，超抵食，肉香唔肥， 靚叉選A特選拉麵($135)可以試到另外一款叉燒：炙叉燒，師傅即席燒香豬腩肉，即使企喺度等外賣，都忍唔住隨著香味望過去，超級期待，食落口果然冇失望，滿口焦香，薄切肥膏香， 好正呀～講到湯底有濃湯和清湯兩款，前者濃厚，後者充滿鹹香， 味付雞蛋也是又香又好吃小食炸雞件($38)、炸章魚($30)和章魚丸($30)，可能外賣拎到返屋企涼咗嘅關係， 口感已經變淋了，但章魚粒彈牙有咬口， 即炸即食一定仲好食

I heard about a ramen shop in Hong Kong that served a bowl of ramen with a circle of chashu. That place is 僕之拉麵 (English name: Boku no  Ramen). Originally from Sham Shui Po, it's open by a Japanese expat. But when we finally found some time to visit the shop, it had closed. Much to our surprise, we discovered it had re-opened in Mong Kok! Curiosity got the better of us so we decided to give it a try.The place was spacious enough. Plenty of tables along with counter tables facing the open kitchen

已經好耐冇去日本啦😔今日嚟到旺角呢間拉麵店，喺日本食拉麵嘅回憶返晒嚟😍位於旺角嘅僕之拉麵，由正宗日本人星野先生主理，主打日本地道拉麵。內部裝潢都充滿日式簡約風格，另外最讚嘅地方就係檯面有一壺冰水❗️無謂出面幾凍，食碗熱辣辣嘅拉麵，而且拉麵份外彈牙又不易變腍，再飲啖冰水，真係咩回憶都番晒嚟❤️C人氣拉麵$98叉燒、紫菜4枚、粟米、味筍、味付雞蛋湯底我就揀咗豚骨濃湯，濃湯以3種不同的豬骨，熬足8小時，口感濃厚，而且一點也不油膩，每一啖湯汁都包住每條拉麵，食完都唔會覺得口渴，而且勁回味❤️叉燒方面，真係超級好食，肉香豐富，有一種放入口就會化掉的感覺。味筍，簡直有驚喜，我居然全部都食晒😆平時我絕對唔會食，因為有種怪怪的味道，但呢度嘅味筍出奇地好食😋下次絕對要追加❗️小食：炸章魚$30小食方面點了炸章魚，即叫即做，熱辣辣的，外脆內軟。

雖然夜晚冇得堂食，但依然可以食到好味又熱辣辣既拉麵。經過呢排街，見到呢間新開既拉麵店，於是決定買外賣返去試下。選擇左一個特選拉麵和一個肉愛食者拉麵。首先兩個拉麵都選擇左硬啲既麵，甘攞到返去食就軟硬適中啦，粗和曲既拉麵食落有彈性，食得出有麵粉香味。醬油味既清湯和濃湯，兩個湯都唔錯，但個人比較鍾意濃湯，拉麵吸收左濃湯，味道更加好食。兩個拉麵既肉都頗多，叉燒食落好香，厚薄適中，肉質軟滑。炙叉燒燒得微焦，一入口已經有好香既焦香味，好食。

最近僕之拉麵係旺角開左 冇得堂食都想食好啲就去左買外賣拉麵 性價比高！天黑黑都想記錄一下食左啲咩😝湯底可以揀豚骨濃湯/清湯(醬油/鹽味)仲可以追加味配料 男朋友揀左蝦油+$12✨特選拉麵 $135(叉燒1.5倍 炙叉燒 紫菜 蔥 味荀 味付雞蛋)✨肉愛食者拉麵 $120(叉燒3倍 角切叉燒 蔥 味荀 味付雞蛋)男朋友比較大食仲加埋水餃子 (+$25)有3隻😚皮唔會太厚 餡既豬肉肥瘦適中😆我就加左海帶(+$10)~~肉既份量真係幾多 叉燒係最好食！切得薄身食落好嫩又唔肥😍 炙同角切都好有咬口👍🏻👍🏻望落價錢比較貴 但份量真心多 同埋外賣係有折的 期待下次可以堂食😚

經常陪家人到廣華醫院附近覆診，之後出來必會在附近覓食。呢次路過豉油街天氣凍凍地就去食碗拉麵🍜。自問自己都係一個不折不扣嘅食肉獸，而拉麵一定要配日式叉燒先至係王道，咁就叫左碗炙燒肉加叉燒拉麵，配清湯加蝦油，口感清新唔肥膩，加蝦油係好香，好大條火炙燒肉，郎住隻碗，既驚且喜！另一碗要豬骨湯底叉燒拉麵，湯底濃厚程度好高，我喜歡濃郁有膠質感覺，但當然有人會覺得太濃厚，如果可以湯底有得選擇程度會更完美。另外一讚係小食，炸雞及炸章魚，炸雞做到好似波波咁！幾得意都好多肉汁，炸章魚係一粒粒都好食既。總括來說都係有回頭率，如果價錢平多少少碗麵就開心哂！

旺角鼓油街開了好多新餐廳，同朋友行經 #僕之拉麵，見到餐牌有 #肉愛食者拉麵，這款拉麵舖滿 "灸伊比利亞叉燒"，賣相好吸引，便進入餐廳食晚餐。拉麵🍜:#肉愛食者拉麵 $120上枱時真令人很驚喜，賣相極吸引，叉燒份量有3倍，薄切伊比利亞叉燒，肉質嫩滑，溏心蛋晶瑩剔透而且味道甘甜，配料有角切叉燒、竹筍、溫泉蛋、葱，加入豚肉濃湯，濃湯味道剛好，喝下也不覺油膩，值得一試。#特選拉麵配濃湯 $135特別於 #炙伊比利亞叉燒，分佈脂肪均勻而且半肥瘦，味道香口。配料有紫菜、竹筍、溫泉蛋、葱，加入豚肉濃湯，拉麵有彈性及嚼勁。小食🧆:#炸雞🐔(4粒) $38炸雞​酥脆外皮，雞肉多汁，讓人一口接一口的美味。#炸餃子🥟 (4個) $30餃子皮薄餡嫩，味道鮮味。#炸章魚丸🐙 (6粒) $30章魚丸飽滿多漿，章魚彈牙、加入醬汁，好惹味。#鶉春蛋🥚(6個) $15細細粒，而且香味可口。飲品🍹:#桃梳打🍑 $24有桃汁成分的梳打水，淡淡桃香，絲絲甜蜜的味道。#蜜瓜梳打🍈 $24擁有哈密瓜香氣的蘇打，味道清甜。🏠僕之拉麵📍旺角豉油街74地舖

知道琴日last day 堂食，即刻約埋老公去食好野先，唔係都唔知幾時先有返堂食🤬因為中午約左幾個朋友去旺角睇戲，所以近近地係都係附近食竟算🤩，之前經個間舖頭幾次，都見到有人排緊隊，今日叫老公收工去攞位先，一人叫咗一碗拉麵同一個小食仲有一支嘢飲🥰特選拉麵$135+肉食者拉麵$120，拉麵大大碗份量，麵質超級彈牙，仲有成幾倍嘅叉燒，完全啱晒鍾意食肉嘅朋友，小食炸魷魚鬚都好鬆脆非常之香口，我哋做一人叫咗一支梳打，全部日本製造，超好味😋😋

本身諗住食米線 經過見到呢間新開嘅拉麵日式裝潢幾靚就入去試下啦餐廳環境簡約舒適 有普通枱同埋吧枱呢間拉麵主打肉食鍾意食肉嘅可以嚟試下呢度嘅肉愛食者拉麵足足有三倍叉燒特選拉麵 $135呢個拉麵材料超級豐富有1.5倍叉燒 灸叉燒 一隻糖心蛋 味筍 紫菜同埋京蔥湯底揀咗豚骨濃湯 上堂見到隻色就知有幾濃郁啦香濃嚟又唔會太油膩灸伊比利亞叉燒燒完好焦香 略嫌有啲啲肥叉燒脂肪較少 食落好嫩口面底用咗粗麵 掛湯得嚟好彈牙糖心蛋煮得啱啱好基本拉麵 $78 蝦油+$12 櫻花蝦+$12拉麵可以追加醬料同埋配料自製咗個櫻花蝦拉麵櫻花蝦份量好充足 每一啖都食到滿滿嘅櫻花蝦加咗蝦油嘅湯底更加鮮仲有一大堆木耳 竹筍同埋半隻糖心蛋炸章魚丸 $30炸章魚丸即叫即整上枱熱辣辣外皮唔厚 口感外脆內嫩 唔會漿口配埋沙律醬好好味桃梳打 $24柚子汽水 $24