健康食品拉麵 (威利大廈)

营业中

休息中

大曱甴!!!!! 本身帶男朋友去唸住試下地道日本拉麵... 野食係幾好食啊，不過，食完有隻2寸長嘅曱甴從天而降，座落喺男朋友嘅衣領喺度爬😱😱😱 我要徒手手幫佢撥開！隔離檯男女啱啱坐低叫野食都即刻走！我受驚後平靜落黎，立刻同waitress講。佢無道歉，無咩表示，淨係話thanks for telling me 話會一陣check下。完全咩補償/service recovery嘅意識都無。張單照收錢，一蚊都無平。我印象中日本人好似唔係咁服務standard架wor... 麵係幾好食啊，不過地道拉麵餐廳唔係得你一間。衛生係基本吧。明白有時好難完全避免，但最最最起碼都要道歉掛？🙄幾好味都無用啦唸起都無胃口。

7月24日，又在中環遊走搵食。。。諗住budget within $60，見到呢個價錢符合，餐廳入面得一個客人，於是就決定堂食。門口有個似係 ABJ 嘅女仔招呼，好好笑容。坐低左，望個menu搵唔返門口見到個d，先知門口個d只係 for 外賣。員工有差不多6人，全部係日本人。叫左個牛筋烏冬，食物到左，冇人俾水/茶。請頭先知個ABJ 俾杯水，佢話，i will get you one。Will 左唔知幾耐都未有，我叫另一個staff 俾先有。到埋單，我想問ABJ 收唔收卡，佢話 i will come back to you in a minute，幾分鐘都過左佢都冇理我，但佢冇野忙緊，我直接遞張credit card 俾另一個員工。佢地收10％服務費，但我唔知我有咩服務得到。食物味道真的不錯，但服務差甚至冇服務另我唔想再幫襯，又或者下次外賣算了。

之前諗唔到食乜 係中環周圍行下發現左呢間小店 店員係日本人主打拉麵同烏冬 呢個冷烏冬 好好食!野菜炸得好香脆 冷烏冬汁調很剛好 配上wasabi好開胃 溏心蛋煮嘅時間都剛好 蛋汁撈麵一流 不過因為價錢唔平 所以扣左啲分

話說放左工，因為老婆同龜蜜去浦，所以我一個人做孤獨的美食家。原本上去食中環啲比較貴拉麵店，點知有幾間都無開，行行下就行左去呢間隱世拉麵。而呢間日本野真係日本人開，啲侍應同大廚都係日本人，又或者日文好叻嘅。由於我唔識日文，所以就食佢啲店員推介野，又真係幾好食。首先黎一個炸流心蛋，個蛋炸左之後都好多蛋汁，外面好脆口，幾得意。雞串燒幾支，大路野，但好好食，食左幾串。最驚喜係有雞patpat食，第一次食呢個位，好有雞油香。佢地續串上，唔記得影。圖為雞軟骨，雞胸骨黎，有啲柚子辣醬，好醒胃。之後上碗拉麵，唔記得叫乜拉麵。個麵係用鑊炒個嘅蔬菜做餸，個拉麵師傅話呢味係日本貼地野，好食，有驚喜，打破我對拉麵想象。食食下上埋個燒鰤魚，第一次食呢啲燒魚，不就鰤魚印象高價野。魚翅位黎，好有魚香味。啤酒影左相點都要post埋。

唔係行到街尾都唔知有間日本餐廳，門口仲要勁唔起眼，隱藏係打冷舖最深處。成間舖都係男人，我一個人彷彿闖進了異域，破壞左佢地呻兩句既氣氛，都有唔少日本人收工過嚟嗲兩嘴。雖然店名叫健康拉麵，但似居酒屋多啲，有關東煮、串燒、燒飯團、炸雞蛋（？！）......叫左個冷烏冬，非常爽滑，有咬口，麵汁係鰹魚汁，加左青瓜絲同生洋蔥絲每到成碗烏冬既層次再提昇只係我唔食生洋蔥者，食完會有陣味同喇口。又好想飲酒，所以叫左串雞腎加啤酒，一個女仔都可以好似男人咁麻甩店員係日本女人同埋一個識日文既香港女仔，幾可愛下次再見👋🏻坐得迫d，收信用卡Visa/Master

幫襯健康食品拉麵多年，通常都是食溏心蛋拉麵，$80一碗，有溏心蛋一隻，3片燒得香口的日式叉燒， 菠菜同香濃但不過咸的豬骨湯，配上任落的明太子芽菜, 每次均十分滿足。 拉麵我會要求較硬身的。佢地，execution算穩定，但也試過一兩次稔左DD, 但都可以接受。 是我在中環的飯堂之一。今次想講吓佢地個炸豆腐配牛筋腩。$70一客不算便宜，但你會覺得值回票價。炸豆腐是輕輕炸過，豆腐滑不溜口，豆味香濃，一定是日本貨。牛腩我最初也怕炆得不稔，誰知入口即化，日式的香甜加上牛油香，美味得不得了。豆腐的滑同牛筋、腩的香甜，配合得天衣無縫。建議配搭一配珍珠白飯或者一個燒飯糰同吃。註：用某信用卡埋單有9折。

呢間小店係日本人主理，餐廳設計都好似去咗日本食嘢咁。坐得比較逼夾，而且佢嘅坐位同食物安排就有少少混亂啦😅1️⃣叉燒丼 $60日式叉燒份量好足，肥瘦適中。溏心蛋🥚好Q彈，仲有菜有生洋蔥都幾清爽。。飯煮得好綿而且份量好多，飯🍚加咗麻油令到飯🍚更加香口，不過我食完就好口渴，我唔會再encore。🙆🏻‍♀️美味指數:6.02/102️⃣溏心蛋拉麵🍜 $80拉麵🍜嘅麵好幼細，軟硬程度適中，溏心蛋🥚俾湯底蓋過佢原本嘅蛋香味，而且唔係好流心。湯底鹹咗少少。🙆🏻‍♀️美味指數:6.04/10💡整體來講，初時以為日本人打理會好正，點知係咁伏🤧健康食品拉麵地址🐾:中環威靈頓街97號威利大廈地下B,C,D舖

見到個招牌健康食品拉麵，好好奇到底有幾健康啊？店員很多只講日文，所以相信是日本人開的。沒有特別是午餐的餐牌，出面易拉架嘅便當應該是外賣便當，入到去沒有這麼平。我叫了一個健康拉麵set，$83。第一眼望以為拉麵是素食，但原來都有少少海鮮。另外還附送益力多及沙律。枱面上的辣芽菜是任加的。整體而言還好。

今天和愛人過海，打算沿著行人天橋上堅道一帶，除酒吧小店外，知道有很多店星期日都會休息，於是決定在威靈頓街橋底位置一帶，路過睇啱就吃⋯⋯眼見有間日式拉麵店，好地道日本感，於是決定入內試試。星期日下午二時許，店內只得店員，講兩句原來是日本人，於是我們便立即看餐牌點餐了。自家柚子酒、橙酒和梅酒，每杯$70。㕑房店員是本地人，即叫即落單。店內很有日本店舖風味，可惜今天有點熱，只得風扇，感覺沒有冷氣，坐落後頗熱，但愛人說: 反正速食，冇所謂啦⋯⋯鹽汁炒烏冬$70~椰菜、芽菜還有一些”义燒拉麵” 的义燒切碎炒烏冬，比較油膩，至於鹽水的味道尤如即食麵那包味精粉味道，還有重重的胡椒粒，炒完的烏冬，灑上葱花。這味道相信酒醉後，感覺相當不錯，可惜現在清醒下吃著⋯⋯蛋芯蛋~Facebook 內讚 Like 之後，加送糖芯蛋一隻，蛋本身不會難吃，但作為一間由日本人主理的一隻糖芯蛋來說，是不合格，而頗求奇。日式餃子$36~在只得一枱客的情況下，煎到包青天咁樣嘅餃子，而者還很多油，筆者真係搖頭嘆息⋯⋯原來食店的logo 為手指公嘅意思係⋯⋯服咗你相信今次在這店是錯誤選擇了，招牌可能是拉麵而不是這些，早知簡單地吃拉

日本人主理的日系小店！中環內街裡好像熟客也很多，老闆娘用日語招待和下單。天婦羅拉麵🍜、冷麵小孩都很喜歡。最特別是炸雞蛋🥚、燒飯團。Pretty good place to go if you expecting to feel like Japanese for a lunch ;)

呢間小店係中環大排檔嘅旁邊，位置有點隱秘，室內佈置唔算好精緻，但open kitchen、吧檯嘅設置，再加埋當晚有日本人黎幫襯，令人感覺置身係日本嘅食堂！友人曾經食過呢間嘅外賣定食，極力推薦炸雞，所以點了一份定食炸雞炸到金黃色，睇外表就知佢脆卜卜，一啖咬落去更加覺得驚喜萬分，雞肉嫩滑唔在講，仲要係好juicy!! 一d都唔乾，係外面真係好難食到炸雞炸得咁好，味道唔會過咸，點少少沙律醬食更滋味！點左一碟棒棒雞中華冷麵，夏日炎炎食冷麵就最岩！手撕棒棒雞啖啖肉無骨，有醬料同芝麻撈過味道幾香，配搭青瓜絲同蕃茄感覺清爽唔膩。另外再叫左燒飯團，上檯時牛油慢慢溶化睇見都想食，外面燒到脆脆地，每粒飯都沾上了醬汁，加埋牛油嘅香味，真係食過番尋味！係漏左少少姐同場加映：只要like佢地facebook就會送糖心蛋一隻！幾入味架

因為吾會去邊度食嘢好，就見到有間日本小店都唔少人食仲有拉麵岩晒先生就入去食，本來想食羊肉鍋但要出去食（因為味濃），所以最後冇食，叫了一個丼，拉麵同小食，每人$166價錢可以但比較迫。味道都吾差。味噌拉麵，要了硬麵口感好味比較幼身不錯。但偏咸而义燒好味，加$10要了溏心蛋，唔好食，勁咸同蛋味吾夠香。沙律蝦，蝦新鮮程度一般幸好有不少沙律醬係度同偏油身，約$55/6粒價錢比較貴。驚喜炸雞好食，炸得香口而雞嫩滑份量不少又新鮮。燒牛肉丼，牛肉少少厚都軟熟，有隻生蛋再和醬汁混一齊食好味4喎，不過牛味再濃更好同白飯吾夠。

裝修，氣氛至食物均很日本，點了一些小食及拉麵。拉麵屬清湯拉麵，蔬菜很多，適合配搭其它食物。日本酒選擇不少，點了”ばくれん 超辛口吟醸 “及”雪男 本醸造”。ばくれん 超辛口吟醸 亀の井酒造釀製，酒蔵另一label為較有名的#くどき上手。中鮮，中旨，日本酒度雖達+15，但入口只是淡中辛。沒有細緻的味道，特點是鮮味特出，不俗的食中酒。亀の井酒造產地 山形県鶴岡市使用米 亀の尾精米歩合 55%酵母 小川10．M310Alc 15%日本酒度 +15 - +20酸度 1.1冷飲雪男 本醸造 中辛，淡米香，淡中蜜瓜香。青木酒造產地 新潟県南漁沼市使用米 日本產米精米歩合 65%酵母 --Alc 15%日本酒度 --酸度 --冷飲

今日同左約好耐的朋友食lunch今次推介的係一間位於中環的日本小店有大學讀日文的朋友成功認證無論係廚師定侍應都係 日本人！。最正的地方 當然除左日本妹之外落單時 好似一蘭咁可以選麵的粗硬度 蔥的份量等好味過一蘭！。🍜節骨拉麵 $83🍜呢碗係勁好味既肥叉燒拉麵🥩肉質好軟身 一放入口就散左🦴日本人煮既係唔同啲既😂個湯底不重味精味😋份量足夠 又再一次食唔曬啲麵🙃。🍛醬汁豬排丼 $70🍛如果想食炸豬排既話記得唔好叫menu上的醬汁豬排丼😔但就一定要叫牆上寫的lunch menu的豬排丼因為小妹就係叫錯左😞Lunch menu: 厚身好多 勁厚 又Juicy#下次要食番補數 💪🏽💪🏽。🍜味噌拉麵 $83🍜湯底鹹左少少🤥份量比上面提到的節骨拉麵多了整整三分一🥳#其實一直都唔清楚味噌與味精的分別

一開始是被易拉架的照片吸引，連店名也沒看清楚就進去了，所以不知道原來是出名食拉麵。午餐餐牌花多眼亂，隨意翻一下菜單，最後決定點一份鳥冬麵，沒想到店員卻說需要等待較長時間，作為中環打工仔，在分秒必爭的午餐時間只能向現實低頭，於是改為選擇店員推介的叉燒丼。當時心想：半分鐘前也聽到隔隔隔壁叫了叉燒丼，估計也不會太差吧？好吧，我錯了。叉燒丼上有半隻溏心蛋、紫菜、日式叉燒和大量生洋蔥絲。叉燒有稍微煎過，香口，就像平常拉麵上吃到的叉燒。因為沒有醬汁或者飯素拌飯，所以口感很單調，食到最後，口腔內的只是滿滿的洋蔥味。叉燒丼也會附上一碗清湯，不知道為何，突然想起了網上流傳的「一乾三濕」潮文，這碗湯實在太像廣東撈麵的清湯，讓我一度有衝動澆兩勺在白飯上。感覺這次點菜失敗了，大家來這裡還是好好吃拉麵吧！（因為不是食主打的拉麵，公平起見，這次食評只給上「OK」的評分）