健康食品拉麵 (威利大廈)

营业中

休息中

聽聞中環有一間日本人主理嘅拉麵小店，而且都幾多好評，想喺香港搵返啲真正日本feel嘅我梗係嚟試下喺呢間嘅拉麵有幾正宗～同健康(?) 🍜整體體驗唔錯，不過喺拉麵上就有啲失望 ᘳᗒ.ᗕᘰ 店鋪位於中環威靈頓街比較隱蔽嘅位置，舖面唔大，座位比較狹窄，人流多嘅時候都比較焗促同嘈吵。不過在場大部分食客都係日本人同韓國人，所以覺得氣氛好似新宿，幾有《深宵食堂》入面居酒屋嘅味道！😂 📌特製拉麵- 普通軟硬度($99) 我諗佢「特製」嘅意思係配料份量比其他拉麵款嘅多🤔配料有紫菜、「溏心蛋」🥚同埋三塊叉燒肉片，豬骨湯底味道濃厚，唔會好膩，麵條軟硬度適中。叉燒片都煮得軟腍入味。而且師傅真係落好多蔥，唔鍾意食蔥嘅朋友可以剔少蔥～ 坦白講味道平實冇咩驚喜，不過整體質素唔錯。唯一美中不足就係佢嘅「溏心蛋」係100%嘅烚雞蛋🥲完全貨不對辦，明明睇相其他人食都唔係咁㗎喎⋯⋯ 📌溏心蛋拉麵 ($80) 同特製拉麵最明顯嘅分別就係配料份量，其他方面例如湯底同配料種類都一樣。最失望始終都係溏心蛋，點解連溏心蛋拉麵都係食烚雞蛋🥺而且係淡然無味，唔係見我哋香港人就覺得我哋鍾意食烚雞蛋掛(,,Ծ‸Ծ,, ) 📌柚子酒 & 檸檬

之前已經試過幾次外賣,食咖哩豬扒飯,咖哩雞件飯或者係鰻魚飯,都十分好味。今次尊登黎試下佢堂食o唔ok。之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌! 個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅!

一到lunch time，呢間就出現人龍。所以之前就試過賣外賣便當🍱味道唔錯👍🏻👍🏻今次咁岩經過又見未有人龍，就入咗去堂食啦，期待啲拉麵會唔會都好食呢🫣🫣🫣▪️溏心蛋拉麵 $80價錢上，同市面上嘅大部分拉麵店都差唔多。賣相上，唔算好吸引🙈🙈🙈湯底係豬骨湯，濃嘅，但偏咸同油咗少少🤏🏻拉麵係幼身，但彈牙。叫咗溏心蛋，但上到嚟隻蛋熟曬，唔係溏心☹️☹️兩塊叉燒比較薄，但唔韌。平時拉麵會有荀絲，但呢度好似用咗菜去代替。個人覺得佢嘅便當出色啲😆😆😆

中環有好多餐廳及小店,有平有貴。作為打工仔嘅我,梗係想揾平靚正的。最近發現中環街市附近有間日本人開的便當店,店內全部員工都係日本人。我每次都叫外賣,因為有9折同埋唔使除口罩喺店入面食😁。佢D便當好多款, 今個月開始仲出咗每日便當優惠。張傳單寫$55一個便當,但收錢時只收$50,中環揾到咁平仲要有9折,我真係唔寫食評俾你唔得。而於食物方面,真係好好味。可能係日本人開嘅關係,成個便當好靚,亦好地道。今日食咗佢個炸蝦便當,有4大隻咁多。攞到公司仲卜卜脆,一D都唔油膩。 我之前食過佢嘅三文魚便當、炸雞明太子紫菜便當同炸豬排便當,每次都好好味。好過去Donki買果D好多。另一加分位係佢可以Whatsapp落單,每次我落完order, 行到去舖頭就有得攞,唔使等。佢仲有送外賣服務添,不過我未試過。唔知lunch hour會唔會好耐先送到。總括而言,呢間小店暫時係我喺中環最鍾意食嘅,一星期起碼會食一次。而家佢推出「每日便當」,我可能會食多幾次😋由於太好食,忘記咗影相。不過D賣相同佢哋嘅傳單都差唔多。真心推介。

【🇯🇵家鄉嘅味道！中環居酒屋🏮 🍻一次滿足3️⃣個願望：燒鳥x日本酒🍶x拉麵🍜 】2年幾冇去過旅行，掛住🇯🇵掛到傻咗🥲🥲 今次介紹一間好有日本味道，環境同食物連服務都超級japanese style 🏮 連店員都係日本人超親切🥰 有雞串燒仲有唔同日本酒，仲有日本酒放題🥳呢間都好受日本人歡迎👏🏻___ ___ ___ ___ ___ ___ ___ 有加一✨香港撈麵 $85 呢個隱藏special menu出色，有白飯配😂淨係呢件事已經好日本😂乜都配飯雖然唔係香港風味，但入面嘅配料同調味好好食，炸醬配肥豬肉，小編鐘意呢隻麵多過拉麵🍜，夾埋少少辣但唔會太咸，會一啖接一啖✨ 特製拉麵 $99豬骨湯底，湯底唔算好濃郁，但有日本家庭味道， 配料多～3-4叉燒，溏心蛋切半，大量大蔥同芽菜，配料夠晒佛心👍🏻係好食過唔少拉麵店✨炸雞 $55非常唐揚，但調味可以再多啲🥴🍻draft beer sapporo $30 Happy hour $30 超抵，有種唔叫對唔住自己😂 據友人話炒飯都值得一試👍🏻，入面氛圍真係好日本，食物高質，環境唔錯係長枱有dd窄。中環呢個價錢有家鄉菜同服務推薦！👍🏻👍🏻✅

叫咗特製拉麵、天婦羅溏心蛋、炒飯、腐皮壽司。特製拉麵同天婦羅溏心蛋嘅蛋係100%煮熟咗、蛋黃實嗮、乾、黃。腐皮壽司嘅飯唔係醋飯，而係熱辣辣啱啱從電飯煲舀出黎嘅普通白飯。拉麵普普通通，湯底嘅味精頗重手。最不能接受嘅係炒飯。炒飯既濕又油，第一啖食落口想嘔。白米唔需要咬就可以粉碎成澱粉。我估佢嘅炒飯嘅目標食客係無牙嘅老人家。大廚去安老院做咪幾好，開餐廳就浪費嗮哩啲良苦用心啦。完全唔明啲人點解會排隊、哩間野響Google map 有105個reviews 4.1分係點黎。

同友人上太平山，上山前食個豐富lunch！小小的店舖，座位唔算寬闊，有d窄，我地兩個坐左係卡位！店主係日本人，要用英語溝通！👉🏻冷烏冬 $50 (+$10多一隻溏心蛋)烏冬非常煙靭，勁多蔥，冷烏冬真係好開胃，溏心蛋都好好味！👉🏻芝士年糕 $30真係超級好味，外脆內軟，綿綿的流心芝士，再加埋啲鹽，我哋忍唔住再encore叫多一碟！👉🏻炸雞塊 $30都唔錯，唔會好熱氣嘅感覺，肉質唔會整到好乾！呢度外賣自取半價，真係好抵！

3/5In love with this small hearty izakaya place. Lots of snacks that’s very simple yet feel likes home. Yakitori sauce is so good, most of it grilled well, some maybe too hurry. The grill rice ball both two times still too soft inside out. Raman is nice here as well, the broth is rich pork bone base.

今日放lunch經過, 見到佢個餐廳名咁健康~一於試下佢有幾健康啦🤣☘️☘️☘️☘️☘️☘️☘️☘️☘️☘️☘️☘️健康拉麵set ($83) + 溏心蛋($10)食物如其名, 真係好健康🤣🤣有椰菜, 有菠菜, 有芽菜,仲有少少蜆肉同魷魚,成個湯好清甜, 一d都唔油😋👍🏻而個set仲會包沙律同益力多,幫助腸道蠕動, 真係好正😝😝不過粒蛋唔夠溏心, 爭dd😣🍀🍀🍀🍀🍀🍀🍀🍀🍀🍀🍀🍀如果心血來潮想食拉麵, 又驚肥,不妨食而間😋👍🏻💯❗️

疫情後第一次幫襯返 仍是咁好味😋不過湯底今次好似比從前多左一點油 但湯底就比從前更香濃一點 我最鍾意佢拉面🍜入面配上波菜 立即覺得健康加分不少 另外我鍾意佢既糖心蛋 每次拿小小蛋黃加面加點湯 個蛋溶係個面上加上香濃湯底 簡直係絕配

難得去上環，搞掂晒啲嘢去食下午茶，健康食品拉麵嘅自家釀酒同燒飯團令我念念不忘，要去encore。今次試咗Yuzu酒，都係檸檬酒好飲啲🤤燒飯團配枱面嘅辣芽菜好好味，原來辣芽菜唔一定配拉麵㗎！雞軟骨炸得香脆，配埋Yuzu Wine一絕。同埋下午茶時段有啲指定酒精飲品係有Happy Hour price，得閒可以同朋友嚟飲番杯。#健康食品拉麵 #KenkoSyokuhinRamen #YuzuWine #GrilledRiceBall #健康拉麵 #燒飯團 #柚子酒

友人飯堂，話係日本家庭式小店，所以去試下，招呼客人嘅都係日本人，所以用英文溝通！點左個凍烏冬，煙煙韌韌，好爽！！連埋其他配菜，青瓜絲，流心玉子蛋，非常之唔錯！！叫左芝士流心年糕，芝士控必食，外脆內軟，好正！！！之後叫左天婦羅魷魚絲，d魷魚就有d似魷魚乾，硬左d，但份量都ok!點左花邊魚，聞落好香，但感覺無咩魚味:-? 最後叫感左杯自家製柚子酒，細細杯，好香柚子味，飲落去味道都好濃郁，價值70蚊一杯！

星期六中環夜晚想快靚正究竟有咩食呢？答案就係健康拉麵。由於中環真係冇咩嘢食大家都一窩蜂去咗呢間拉麵店食飯，一等就等咗半個鐘，其他都唔係好聽到廣東話，一係聽兩位店員喺度講日文，一係聽到啲老蘭鬼妹鬼仔喺度講英文 。入面都幾有居酒屋味道，手寫嘅日文餐牌周圍貼，唔識睇日文嘅我差啲攞咗部電話出嚟翻譯。特製拉麵 hkd99材料有紫菜、一隻雞蛋、芽菜、大量蔥、少少菠菜同幾塊豚肉。個人認為呢個價錢應該可以食到更加好嘅拉麵。對我來講呢個拉麵有啲咸但唔濃，純粹係一個鹽水拉麵，麵條我揀咗硬，亦都唔夠硬。只可以講忙着搵飯食，呢度就不過不失啦

Lunchtime時路過，購買一盒炸雞便當試試。$55，外賣仲可以減5蚊。份量算足份嘅。珍珠米白米粉口感比較糍，像糯米。喜歡壽司飯口感的人會鍾意咯。炸雞有點炸過火，外皮烤burn咗，味道就是正常炸雞味。配嘅沙律包菜絲直接雪櫃落出黎嘅，係冰嘅口感，無味，感覺雪咗好多日。唔鍾意。其他小配菜反而好食過沙律菜咯。總體而言，係平價足份無算好食嘅便當。推薦指數 only 2 stars餐廳環境較小，午間時段 門口街道比較人多。

A cockroach was on my shoulder while I was eating my food. My partner had to get it off me, the people on the other table left as a result. We told the hostess what happened and she thanked me for informing her. No attempt was made at service recovery, we were charged full price and given no compensation. We didn't even get an apology!This ruined what was otherwise tasty and authentic food in a typically Japanese setting. Cockroaches crawling on patrons is NOT acceptable!