健康食品拉麵 (威利大廈)

《健康食品拉面》特制拉面🍜📍中环威灵顿街97号威利大厦地下B,C,D号舖本身呢间店完全系我雷达范围外，因为我睇完OpenRice 个 menu之后，如果佢唔系一间专做拉面，而系乜鬼都有得食，好似间居酒屋咁嘅店，除非有人推荐，如果唔系我多数会 skip。而呢间店食物种类之广阔令我认为佢彻头彻尾就系一间和食屋，或日式饭堂，最令人吃一惊系佢连牛肠锅都有做。原先我朋友系推荐呢道嘅沾面，不过唔知佢其实系几耐前食嘅，我今次去食店员就话冇做。咁 ok 啦，叠埋心水一于食返拉面啦。《特制拉面🍜》店名有”健康食品”四个大字，而我又系第一次食，我去之前系相当好奇佢点呈现健康食品于一碗各方面都唔太健康嘅拉面呢？食完我大概心中有数。香味 (2/5)虽然呢款面叫特制，冇标明系咩汤底，不过睇完menu个卖相，同其他面款都好肯定系豚骨汤。如果以豚骨汤来讲，香味系唔ok，因为我闻到嘅就只有麻油味同葱嘅味，豚骨味就闻唔到。汤 (2.5/5)个汤味道系够，咸度适中，但唔系浓浓豚骨味为主，豚骨味只系个配角，我偏向认为加左唔少科学味道，个汤同出前一丁味粉嘅味道差不多，但点都好d因为食得出豚骨味系真实的，而个汤比味粉汤有层次，只系个味道效果类近。面条 (3/5)正正常常，都爽口，唔错嘅。配料 (3.5/5)叫得特制拉面，料一定要丰富，叫点佢系做到。猪叉烧系猪五花，上碟时先用铁板煎香先，又香口感亦扎实，厚度够，有三块都算系咁，满足嘅。比起叉烧，蔬菜嘅量系多到惊人。首先要注意系佢系加左超大量嘅葱丝同葱粒，近乎系每一啖都食到满满嘅葱。不过因为葱系生嘅，冇煮过，所以有唔少葱嘅辛辣味，如果唔好食葱嘅人未必会钟意。另外就系菠菜，又系量超多，而菠菜煮得亦唔够透，好就好在脆口，唔好在于要咀嚼好耐都未必完全咬得烂，食到半路中途我牙较开始有d软。紫菜我冇细心数过，不过至少都有三块。不过咁，我都算系注重健康嘅人，多菜食我冇投诉，纵然d葱同菠菜都未尽满意，不过食咁多蔬菜落肚点都系好事。溏心蛋正常，调味刚好够。整体 - 不推荐。但经过可食碗。看来，店家呈现健康食品嘅方法，正正就系加入巨量蔬菜响碗面当中，除此之外我就食唔出仲有边方面系健康的。…查看更多

睇完社交平台介绍就想试好耐，因为系日本人主理，拉面店装修同日本嘅拉面店风格一样，令人感受到日本嘅风味。点咗一碗特制拉面，汤底咸度恰当，面质好弹牙，配菜份量足够;另外点咗5串串烧，鸡翼、鸡颈、鸡肾、鸡皮和鸡腿肉，烧得好好食，好有风味👍🏻👍🏻😋…查看更多

同朋友响附近饮嘢消遣，突然觉得有啲饿想食啲嘢，朋友就建议食拉面。本想话夜妈妈边度仲有拉面食，然后就嚟到《健康食品拉面》。佢个招牌简单到唔留意佢系拉面店。店内个感觉好老日本餐厅感觉，原来老板系日本人，嚟到香港开店。响店入面好似去咗日本咁，个个都系讲日文，连香港人都系讲日文，所以我都抛下书包，用日文点餐(笑)。我哋点咗份串烧、关东煮同《豚骨拉面》，佢个拉面最好嘅系有硬度选择，家下好多都冇得拣。佢个汤底好浓郁，我估除咗用上猪骨熬制外，再加上酱油，所以个咸味先咁出。做到咁浓厚嘅汤底响香港的确比较少见，相信佢系用传统嘅方式去熬制汤底。面嘅硬度我拣咗「硬身」，面挂上浓厚嘅汤汁，令人有一种「思乡」嘅感觉，真正日本嘅味道。价钱方面，《豚骨拉面》只系$75蚊，响同区之中算系平，而且店嘅装横好地道日本家庭式嘅居酒屋，好有亲切感，而且一大班人一齐讲日文，系一个训练日语嘅好时机。…查看更多

中环健康拉面 隐藏在小巷门面不起眼 很容易走过日式昭和风食物主打低卡高蛋白招牌拉面    -汤头熬足12小时，骨胶浓郁带焦香细面挂汤一流，叉烧厚切入口即化溏心蛋流心诱人节骨拉面  -汤头浓郁带骨香，面条弹牙挂汁佳叉烧软嫩入口化，溏心蛋流心诱人杂锦天妇罗现炸酥脆不油腻，虾肉弹牙蔬菜甜番薯绵密、茄子多汁，蘸萝卜泥酱油更提鲜日式牛小肠锅  -浓郁脂香弹牙，酱油汤底醇厚，韭菜提鲜解腻串烧鸡中翼  -皮脆肉嫩多汁，炭香入味鸡三角软骨  -脆爽弹牙，焦香微甜烧汁鸡皮  -焦脆油香四溢，酱甜不腻口…查看更多

呢间健康拉面，真系我每次饮完酒去食，绝对系世一嘅Comfort food。呢度个拉面系我觉得喺香港揾到最近日本口味嘅拉面我今日食呢个健康拉面，主要其实系用蔬菜做配料，但系完全唔觉得冇咗叉烧嘅𠮶个缺陷感，而且个汤底系好浓郁，又唔会食完觉得口渴。同埋每一啖都充满蔬菜佢有唔同嘅萝卜芽菜洋葱等等。平时食普通拉面嘅油腻感将拉面提升另一个层次。健康拉面仲配咗支益力多添。记住加埋个炒饭好好食𠮶度仲有好多特色小食例如串烧同埋玉子烧等等都好高质。…查看更多