倫哥火鍋私房菜 (已結業)

兄弟新年開年飯，要喺元朗，要食雞煲，要打邊爐，要坐得舒服，又要質素高，一諗就即刻諗到倫哥火鍋。地點就腳，喺鳳攸南食街，樓下仲有一大個停車場，啱晒揸車嘅兄弟們！先來一份惹味鮑魚雞煲，雞煲用上生炒方法，上枱後加埋鮑魚、魷魚、豬皮等配料炒十分鐘左右就食得，小辣很惹味，雞件很多，毫不吝嗇！安格斯牛肉，看脂肪分布就知道係頂級牛肉，牛味重，輕輕淥幾秒就食得！海鮮拼盤分量十足，生猛肉蟹，海蝦夠實肉，象拔蚌仔亦很爽口。獨立包裝的稻庭烏冬，重本。炸魚皮係用上低鹽方法處理，炸得夠香脆，點了幾轉都冇走樣！有十幾款飲品任君選擇。最尾還有每人一碗甜品，很滿足大部份食材質素都好高，人均300多元算很不錯呢！

今晚終於約齊朋友去食倫哥😍黎到 點野後 會有蟲草花雞湯 真材實料個雞湯好足料 好濃味 正呀冷盤 麻醬豆腐 食唔停 雞煲叫左小辣有鮑魚 牛柏葉同水魷魚🦑雞煲到左要煮佢幾分鐘 時不時要攪下佢 因為太肚餓 我地加埋水魷魚 牛柏葉 一齊煲煲佢足一隻雞 小辣已經夠哂惹味肉嫩 又勁入味 好快ko左了我地簡左豬骨湯 仲有個海鮮拼盤蜆都有幾款 大小當中有大蜆 白蜆 等最緊要鮮甜 冇沙 點左幾轉單了一大盤鮮牛肉 安格斯牛肉 入口味濃油脂分布均勻 推介埋個蝦同墨魚滑真材實料 因為食落一舊舊墨魚肉 入口彈牙 鮮甜 order左幾次 蝦滑又係同樣新鮮彈牙 好好食最後黎埋個甜品 椰汁雪燕香濃香滑晚椰汁配上雪燕 原來係咁好食 好清潤😍

這個冬天不太冷，呢個星期氣溫稍為寒冷，又即刻去打邊爐啦~之前公司團年食過倫哥尚品海鮮火鍋，每位$323有【嚐鮮十二式】同無限時間任飲任食，今日入到嚟元朗諗住打邊爐，原來倫哥都有分店，唔駛考慮咁多即刻去食。嚐鮮十二式【阿嫲雞煲】可以揀辣度，我哋揀咗唔辣，入面有芫茜、洋蔥同蒜頭。雞件係生嘅，放埋【鲍你上位】(即係鮑魚)同埋魷魚豬皮，炒一陣焗一陣，梅花間竹，熟咗就食得。雖然唔辣但依然惹味，雞件鮮嫩，唔夠仲可以無限添加。食完雞煲就可以揀【自選鍋底】，我哋揀咗北海道3.6牛乳豬骨鍋，濃濃豬骨湯帶點香甜香滑牛乳味。【環球海鮮盤】有沙井蠔、海蝦、龍躉片、元貝、脆鯇魚、鑽石蜆、蟹等等。全部都大大件大大粒，好新鮮。沙井蠔淥完仲係大大隻兼爽甜；海蝦好鮮爽、龍躉片彈牙魚味濃。真係高質海鮮盤唔係hea架喎。【無與「倫」比牛頸脊】由於當日冇刺身拼盤俾咗double嘅牛頸脊。油脂分布均勻，淥到啱啱熟，牛味濃肉質嫩滑，油香肉香豐富。【秘制手打墨魚滑鲜蝦滑】墨魚鮮蝦滑都好爽好入味。【阿媽雲吞水餃】入面大粒爽蝦，連湯一齊食，正。【低鹽少油響鈴魚皮】打邊爐唔少得嘅響鈴魚皮，吸咗湯底好美味。【田園有機時蔬】菇同菜都有，食得

新式雞煲新食法—倫哥私房菜以往都有食雞煲的習慣，但一般來說，雞煲吃完之後，店家都會直接把上湯倒進雞煲內，然後再打邊爐。因此我們經常會碰到以下問題：1。雞煲的味道是否香濃？2。雞煲配料作為湯底用作打邊爐是否好？3。在雞煲與打邊爐之間，有很長的等待時間。倫哥完全從細處出發，落力去讓顧客有更佳的體驗，這是我吃完這餐晚飯後的感想。前菜當然不在話下。首先，倫哥一開始時會先奉上雞煲，雞肉可以隨便加，這裏的職員只是我們，只要在八分鐘內，共炒四次便可食用，也即是每2分鐘一次。雞煲味道香濃，配搭芫荽更佳，而且雞肉鮮嫩，有肌肉。在等待雞煲的時候，這裏的服務員把握好等待的時間，為我們送上老火燉湯。鮮甜優質。同埋前菜麻醬豆腐，以清新的fresh fresh感覺開始。鮑魚不得不提，食雞煲的過程中，還能有鮑魚食，真係喜出望外。仲送咗一大盆海鮮，有蝦、有硯、有龍蝦，正！好多款配料，當中我至愛黑墨魚滑，佢有好重嘅不完美，而且非常彈牙，好過魚蛋同埋牛丸。一定要提嘅就係佢有一大盤牛肩脊，全部都係新鮮牛肉，牛肉味重，唔似一般肥牛剩係得雪味，將牛肉煮十多秒，便有非常嫩口及可口的牛肉食。佢呢度飲品任飲，我最喜歡的是它的涼茶。

天氣咁凍最啱就係打Bino⛄️上星期收工即刻同男朋友衝入元朗打Bino😆😆😆雖然好多人推介雞煲(連入面嘅侍應都推介我haha)，不過我就好想就咁打Bino✌🏻最後嗌咗個酸菜魚湯底🐟不過唔食得辣嘅朋友要注意，最後係會越食越辣😈主菜前先上前菜及老火湯👍🏻足料好味😋主食未到就出去行個圈，有好多調味料選擇👏🏻仲有嘢飲都係😏　介紹番主菜先，係好正嘅海鮮盤啊🥰當中我最推介嘅係蜆，首先多選擇，有白蜆、黃蜆和紐西蘭大蜆，仲要全部都好鮮甜又冇沙，reorder 咗幾次😋😋😋另外鮑魚和帶子都不錯第二樣要推介嘅係牛肉，口感同味道都幾好🐮第三樣，亦都係最值得推介嘅，係蝦滑和墨魚滑，超彈牙超好味，又係reorder咗幾次蔬菜和其他火鍋配料都幾好👍🏻總括而言，我覺得價錢和食物質素係食正比😄

之前公司請食飯想book倫哥~點知佢full曬😶所以今晚。。。要自己俾錢食🤪飲碗冬蟲草花雞湯先🐔真材實料👍雞煲未黎，食住冷盤先~ 雞煲揀咗微辣，少少辣已經夠惹味😋 不過呢個雞煲確實係大，已經ko左我地一半任食火鍋配料選擇多😍有六款湯底選擇🥘我哋今次揀咗猴頭菇五真菌湯🍄盤鮮牛肉賣相已經勁吸引🤩其他鋪頭任食嗰啲牛係好細盤😶但係呢個係勁大盤仲要係擺到咁靚🤩再嚟一個海鮮拼盤🦀🦐🦑🐟連我勁鍾意食海鮮個friend一見到都問會唔會太多😅黑白雙煞⚫⚪⚪係蝦膠 ⚫係墨魚膠健康代表🥗什錦蔬菜見到咁嘅陣容😱😱唔講仲以為四個人食，但其實係兩個女仔食咋🤫最後👏滋潤版椰汁雪燕👏👏

是日收工攰到軟奶奶，真係好唔想煮飯，一時興起問同事有咩好推薦，佢就話大力推薦倫哥，大力推薦喎，咁就試一試佢啦。由於我第一次黎，唔知有咩好食，又見有set叫，咁見佢唔太貴，就決定是佢了。餐廳前菜野飲任飲任食，野飲應有儘有，最正既地方係，佢有自家整涼茶，係檸檬薏米水，重要一啲都唔甜，打邊爐咁熱氣，飲杯薏米水真係大大力推薦，小菜方面木耳整得好好食，好好味道，豆腐配麻醬更加唔洗講啦，歷久不衰。淨係前菜，都encore到我飽飽地。食完前菜，就到雞煲啦！雞煲高質，食雞煲最緊要係乜嘢？係個煲？梗係個汁，雞煲個汁勁好味，甜得黎辣辣地，重點係我唔食得辣但我都接受到，重點係我覺得好好味呀麻！食完之後我叫佢加湯啦，佢問我：吓！食夠雞啦？我問返佢：吓！雞煲都有得refill? 痴線嫁食完頭盤雞煲無限添，仲有得打邊爐，食死人咩！😭辛辛苦苦食完重添個雞煲，已經飽到不行了，佢仲問我添唔添？我梗係不了！不了！之後就黎到重點火鍋啦，哇！一黎佢上咗個海鮮拼盤，貴價海鮮樣樣齊，鮑魚，魚，蝦滑，墨魚滑，大中小貝類，帶子，重點係大部分都係無限任點，海鮮極新鮮，鮮味十足，飽魚帶子都大大隻，可惜飽魚帶子唔係任點🥺但貝類全部任點，食

團年飯要食好d，雞煲同火鍋一式兩款就夠晒豐富喇。見到宣傳海報列出左十二款美式，有雞、有牛、有海鮮，夠晒意頭呀。落左雞煲小辣後，店員拎左燉湯俾我地飲住先，係蟲草花煲雞，鮮甜，多料，好飲。見到鋪滿芫茜，正！大火煮8分鐘，期間店員主動幫手搞下。落埋牛柏葉同鮮魷落去，好吸味，微辣。二個人雞煲份量都好多，炒到岩岩熟，幾靚。包二款涼拌小食，開胃前菜。食完雞煲，店員就幫我地轉煲打邊爐，眨下眼我地張台又出現好多食物。牛頸脊係我最中意食既牛部位，牛肉味重又林，顏色咁鮮艷就知佢夠晒新鮮。個海鮮冰盤擺到咁靚，有7-8款靚海鮮，有鮑魚同蟹，夠晒豪呀！仲有雲吞、韭菜水餃，芝心丸等火鍋配料，會唔會太豐富呀，滿足晒所有慾望呀。兩款蝦滑同墨魚滑都好好食，有粒粒蝦肉同墨魚，調味過好食。鮑魚煮左3分鐘左右撈起，幾靚，好爽口。其實真係已經食到好飽，但糖水然有第2個胃啦。椰汁雪耳，清甜，哩餐食得太滿足了！

倫哥其實好耐好耐之前喺旺角食過，果時嘅同事都已經人面全非。anyway，臨近過年，陸續好多朋友聚會，相信大家都要忙著搵餐廳，我地就黎左倫哥喇，貪呢度又有雞煲又可以火鍋，仲要海鮮食，夠哂睇頭餐廳位於鳳攸南街面積都唔細，最正係倫哥出左名，房多如果人多，自己圍內有間房仔坐，食得特別自在，唔怕嘈親人。呢度收費每位323蚊，用op訂枱有折，更加抵。每位會包左秘制雞煲、鮑魚、火鍋湯底、時令海鮮拼盤(非任食項目)、牛頸脊(非任食項目)、火鍋配料超過50款任食、飲品任飲，非常豐富。先食雞煲，再轉湯底打邊爐，湯底除左一般芫茜皮蛋、蕃茄、麻辣、豬骨，仲有酸菜魚鍋、五珍菌鍋，亦都可以加錢升級其他湯底。任食配料都好多選擇，草蝦、龍躉片、白蜆、大蜆、鮮魷、丸類、餃類、滑類、炸物、黑豚肉、雞件等。入座後店員就送上前菜，麻醬豆腐不死配搭，唔會唔好食；麻辣豆角爽脆。跟住每位有一盅燉湯，飲落足料！雞煲可以自選辣度，上枱時係生嘅，店員會教你點樣煮法，炒四次後就食得。雞煲醬炒，入味香濃，算做得幾唔錯，如果辣度高啲更加好雞件非常多，而且幾好肉地。翻炒過程蜜中可以加埋魷魚同豬皮，爽口入味。唔少得每位一隻鮑魚，新鮮爽口。食完可以

鐘意食雞煲既我今次就去試下好出名既倫哥啦！見到佢張poster寫三百幾蚊就有雞煲邊爐任食加海鮮好抵咁！一黎佢俾既前菜都幾好食，又有燉湯，可以食住等煮緊既雞！啲雞加埋都要煮8-10分鐘左右，去到最後都會加埋鮑魚落去煮～ 味道好好呢😛 小辣就好帶到個香味。我地為左打邊爐就唔加多輪雞煲啦，湯底仲有好多款式選擇，唔似其他雞煲店咁直接加湯落去～佢一黎就上左好多火鍋配料，最後食曬再加單。牛份量好多，擺放得好靚仲有一大盆既海鮮🦞😛

雞煲今次食咗不辣，雖然味道不錯，但如果叫辣會較好，吃不到辣的，可叫少辣。肥牛仍保持到水準，黑白滑即蝦和墨魚，非常好食，可以叫左3轉👍🏻，但今次美中不足是帶子，細粒，不值！👎🏻

以前食過幾間倫哥都覺得唔錯，今次去元朗嗰間試下，OpenRice 訂位有88折，仲有里數送。元朗店比其他店較小，而且人手不足。雞煲點了小辣，侍應會詳細講解應該點煮，水魷同牛柏葉加落雞煲度，吸收晒啲汁，特別惹味。元朗店現在沒有刺身牌照，所以無刺身拼盤食，有點兒失望😞。原本想點溫泉雞湯底，但店員話要預訂先有，之前去其他店都不用預計，最後點左蕃茄湯底。蝦滑墨魚滑夠彈牙。牛頸脊脂肪比例適中。其他海鮮類都算新鮮，其他食物不過不失，尚算合格。但好多食物我地想追加時都話無晒了。記得第一次去倫哥係去觀塘店，食完之後都推介朋友去，但今次有點失望，希望佢地可以改善一下

一年前吃過倫哥，現在質素大不如前，質素下降左5成有多，呢個質素，實左不值$3xx 第一，人手不足，遞到隻手抽筋先有人望到（不過睇得出職員都盡咗力既，態度都幾好）第二，海鮮係冰鮮貨（以前唔係）第三，刺生無左，前菜只得一個燉湯第四，墨魚滑入面有好大條墨魚未整碎喎😅第四，糖水叫椰汁雪燕，得幾條燕窩🤭 好似一碗椰汁多啲，不如整返椰汁西米露會爽皮啲唔⋯ 總括來說：如這個質素，搵一間任食場而比呢間便宜既，元朗還有很多選擇

雞地打邊爐出名，其中一間算係開得最耐既就係倫哥依家好多區都有分店添我地基本上年年冬天都一定黎食模式都仍然係任食雞煲加邊爐雞煲就一樣甘好食，因為店員都好著重煮雞既時間，係甘強調每兩分鐘炒一轉，炒夠四轉先熟跟住炒d 雞真係岩岩好熟又嫩之後就轉邊爐，一邊麻辣一邊酸菜魚麻辣當然無出面轉食麻辣火鍋甘出色，只有辣同鹹味.酸菜魚唔辣，但湯底只有一舊魚頭同大量酸菜，所以只有酸味，完全無魚味。。。而且兩者都有大問題。係一上黎，面頭都係超級油，油係正常，但太多真係令人見到都。。。。海鮮都唔錯，牛只會送一碟，都重牛味，水準keep 到其他料其實都ok, 但夾埋落個鍋底到真係扣左分鍋底做得唔好，真係影響食物分數同埋店員人手明顯唔夠，我地同店員講完落咩，轉頭都係無落到。。希望倫哥真係認真改善下鍋底質素同加番d 人手

我聽朋友講話呢間好好食 錦就同啲朋友去食 食物質素好好 比其他地方食到的都好好食，侍應服務幾好 但可能人手不足 我做過相關行業不太清楚，變左服務質素下降 例如侍應一時好好禮貌 一時一忙起來多人就變左得唔到我想要的服務以及食物水準好大變動好奇怪希望可以改善 下次再來食會變好