影片
更多
2020-02-05
237 浏览
這個冬天不太冷，呢個星期氣溫稍為寒冷，又即刻去打邊爐啦~之前公司團年食過倫哥尚品海鮮火鍋，每位$323有【嚐鮮十二式】同無限時間任飲任食，今日入到嚟元朗諗住打邊爐，原來倫哥都有分店，唔駛考慮咁多即刻去食。嚐鮮十二式【阿嫲雞煲】可以揀辣度，我哋揀咗唔辣，入面有芫茜、洋蔥同蒜頭。雞件係生嘅，放埋【鲍你上位】(即係鮑魚)同埋魷魚豬皮，炒一陣焗一陣，梅花間竹，熟咗就食得。雖然唔辣但依然惹味，雞件鮮嫩，唔夠仲可以無限添加。食完雞煲就可以揀【自選鍋底】，我哋揀咗北海道3.6牛乳豬骨鍋，濃濃豬骨湯帶點香甜香滑牛乳味。【環球海鮮盤】有沙井蠔、海蝦、龍躉片、元貝、脆鯇魚、鑽石蜆、蟹等等。全部都大大件大大粒，好新鮮。沙井蠔淥完仲係大大隻兼爽甜；海蝦好鮮爽、龍躉片彈牙魚味濃。真係高質海鮮盤唔係hea架喎。【無與「倫」比牛頸脊】由於當日冇刺身拼盤俾咗double嘅牛頸脊。油脂分布均勻，淥到啱啱熟，牛味濃肉質嫩滑，油香肉香豐富。【秘制手打墨魚滑鲜蝦滑】墨魚鮮蝦滑都好爽好入味。【阿媽雲吞水餃】入面大粒爽蝦，連湯一齊食，正。【低鹽少油響鈴魚皮】打邊爐唔少得嘅響鈴魚皮，吸咗湯底好美味。【田園有機時蔬】菇同菜都有，食得
嚐鮮十二式
【阿嫲雞煲】可以揀辣度，我哋揀咗唔辣，入面有芫茜、洋蔥同蒜頭。雞件係生嘅，放埋【鲍你上位】(即係鮑魚)同埋魷魚豬皮，炒一陣焗一陣，梅花間竹，熟咗就食得。雖然唔辣但依然惹味，雞件鮮嫩，唔夠仲可以無限添加。
食完雞煲就可以揀【自選鍋底】，我哋揀咗北海道3.6牛乳豬骨鍋，濃濃豬骨湯帶點香甜香滑牛乳味。
【環球海鮮盤】有沙井蠔、海蝦、龍躉片、元貝、脆鯇魚、鑽石蜆、蟹等等。全部都大大件大大粒，好新鮮。沙井蠔淥完仲係大大隻兼爽甜；海蝦好鮮爽、龍躉片彈牙魚味濃。真係高質海鮮盤唔係hea架喎。
【無與「倫」比牛頸脊】由於當日冇刺身拼盤俾咗double嘅牛頸脊。油脂分布均勻，淥到啱啱熟，牛味濃肉質嫩滑，油香肉香豐富。
【秘制手打墨魚滑鲜蝦滑】墨魚鮮蝦滑都好爽好入味。
【阿媽雲吞水餃】入面大粒爽蝦，連湯一齊食，正。
【低鹽少油響鈴魚皮】打邊爐唔少得嘅響鈴魚皮，吸咗湯底好美味。
【田園有機時蔬】菇同菜都有，食得多肉更加要食多啲蔬菜。
之後就到任食啦，都幾多選擇，想食海鮮或靚牛肉就要付費追加，但唔算貴。
【甜蜜約定】最後仲有甜品椰汁雪耳，完美。
價錢合理，食物質素高，難怪近排受到疫情影響好多食肆都人流大減，但倫哥就依然滿座。
张贴
