倫哥尊尚火鍋私房菜 (已結業)

傍晚做完gym攰攰哋，想搵個可以慢慢坐嘅地方食飯。行過佐敦嘅倫哥，見到【啫啫海陸空雞煲火鍋放題】，重點係任食任飲無限時，可以hea住食攤抖吓，啱晒！我哋6:30上到去，咁大間舖咁早已經坐咗一半人。坐低先嚟個雞煲，有得揀辣度，香噴噴好惹味。雞煲仲無限量添加，抵。之後就自選湯鍋湯底，原本轉火鍋只係將湯底倒落雞煲，我哋唔想有雞煲味所以轉新煲，要加$30。揀咗豬骨湯，幾香濃。海鮮拼盤有鮑魚、帶子、青口、蠔、海蝦、鯇魚片、蜆。款款都大件兼新鮮，絕無欺場。四十八款配料任食，除咗肥牛同豬，其他都係自己出去攞嘅。餃子類、丸類、菜類、炸物粉麵、腸類、粟米等等，一般火鍋料都齊備。肥牛就肥咗啲，不過切得幾好，味道都不錯。黑松露小籠包都幾特別。甜品有冰粉，食完涼透心。地方大，坐得舒服，無限時任食無壓力，同成班朋友歡聚就啱晒。

早排友人喺「倫哥私房菜」外賣咗個「無火版懶人雞煲」回家品嚐，據說一份有成 500g 三黃雞，加水等 15 分鐘即可享用，非常方便，惹得我蠢蠢欲動。本來還說要找天也買個來一試，豈料還沒起行，友人就已經來電邀約我去「倫哥」佐敦分店食雞煲，哈哈，正合我意，我當然樂意奉陪！原來友人話佢已經很久沒在外吃火鍋，所以今次是特意來吃這個「$198 啫啫海陸空雞煲火鍋放題」。看了門口的 Poster，個放題果然好吸引，除了可以無限時任食雞煲及火鍋配料外，仲免茶介、醬油費和任飲汽水，2 位入座更會有海鮮拼盤贈送！雞煲可以自選辣度，我哋揀咗 BB 辣，原來個雞煲都唔野少，雞件份量超多，另外還有芫茜、紫洋蔥、辣椒和蒜頭等，打開蓋已經聞到香噴噴。店員建議我哋每兩分鐘炒一次，大約炒四次即可享用。雞件用上三黃雞炮製，肉質很嫩滑，雞味十足，而且吃起來不會太辣，味道香麻又惹味，雞油香濃，很是滋味。雞煲可無限追加，可以食到滿足為止先至打邊爐。食完雞煲就輪到吃火鍋，餐廳備有三款免費湯底供客人選擇，有蕃茄、雜菌同酸菜魚，如果唔啱心意，亦可以自己加錢轉其他湯底。先吃餐廳送贈的海鮮拼盤，冰盤內共有 7 款海鮮，當中包括有鮑魚、生

在數年前就經朋友介紹，吃過一次倫哥火鍋私房菜（那時候他們還沒擴大發展，只有佐敦那家店）。那時候覺得很新鮮，因為有熟食和老火湯和刺身等，然後更有「先吃雞煲再吃火鍋」這個新穎方式，所以那次吃完後我就很喜歡去倫哥吃火鍋。我和朋友們最常去的是元朗那家分店，這一次決定回去佐敦的分店。雞煲是頭盤菜當晚叫了中辣，辣味和麻味也很惹味，但麻味偏重和略微有點不夠汁，所以整個鍋身有點太乾，整體上雞件是好吃的！雞肉的肉質也不會太老海鮮拼盤（二人份量）鮑魚，帶子，生蠔，蜆，魚，青口每份海鮮的size也很大，鮮味也足夠沒有雪味！我最喜歡的是鮑魚，因為那個口感軟硬適中。這家的火鍋配料是自助式的，想吃什麼就可以自己去拿，不用麻煩侍應。(只有肥牛和豬腩片和麵類的配料，需要麻煩侍應幫你拿）吃到最後還有一碗冰粉，很消暑和透心涼的甜點。總結來說，這家一人才$218較元朗店便宜，因為這家沒有了熟食和老火湯等那些供應。可是以這個價錢來說，性價比算不錯了！

疫情發生之後再一次幫襯，原來有好多食物套餐都有改動，經過店員講解目的想令食客食得安心，同時保持食物的新鮮度同減低對自由取食物的接觸。今次試吓一個比較優惠嘅套餐，位位＄198。依家有質素嘅放題就呢個價錢又好食嘅話買少見少。首先入座座位舒適，餐枱夠大可以放好多食物餐具，火鍋嘅關係冷氣充足係一個重點。店員快手快腳值得一讚，冇漏單之餘仲主動幫忙。雞煲味道冇得彈，叫中辣最為合適，不過記得要有耐性炒幾炒肯定雞肉全熟先好食。雞煲係任食，所以要幾多有幾多，不過唔好忘記仲有火鍋喺後面，留返少少肚！呢個價錢包海鮮拼盤，當然唔少得有鮑魚、生蠔、元貝和青口，樣樣都OK，我哋將鮑魚同青口放入雞煲炒兩炒，吸收雞煲更加惹味！火鍋配料樣樣齊，普通的牛肉和豬肉還可以，另外仲有蔬菜類、什菌、什丸、腸仔、魚皮餃、雲吞、蟹柳、午餐肉、豬紅、魚皮、響鈴等等⋯⋯記住可以叫烏冬。最後會有特色甜品：黑糖冰涼粉，值得一試！！！

＄198一位任食雞煲＋火鍋＋任飲，座無虛席就知道抵食呀！嘩！海鮮拼盤一上枱艷壓全場，個個都攞相機出嚟食先：鮑魚、象拔蚌、海蝦、青口、帶子、魚片、生蠔，賣相真係唔錯，令人食指大動！雞煲上場，有BB辣、小辣、中辣、大辣選擇，建議大家起碼都要叫BB辣，因為雞煲一定有啲胡椒同薑蔥配合，如果加上BB辣會更加惹味否則感覺差好遠架！話明任食就真係可以無限次encore，每次啲雞都係生炒，所以有店員不是提你每2分鐘炒一炒以免黐底，啲雞都算啖啖肉，好好味！拼盤內嘅海鮮可選擇放入雞煲或之後的火鍋內煮。火鍋有唔同嘅湯底選擇，我哋揀咗蕃茄湯底非常濃郁，火鍋配料放在自助區，店員會不停添加，放入雪櫃內感覺衛生。

上禮拜三放工聽同事講佐敦有間任食雞煲邊爐幾好味，其他菜品都唔錯，佢話耐無食過雞煲，好想去試下，就話請我食餐好嘅。😛😛呢間餐廳都唔算難搵，佐敦地鐵站出口行多5分鐘就搵到。店面好大，我地去到都成7半，爆曬棚，雖然個場都幾大，但幾乎坐滿曬人，係有少少嘈，但我覺得氣氛幾好，😆😆幾熱鬧，幾岩一大班人放工約埋打邊爐吹水。好彩我地都醒目有book定位，唔係嘅話應該都要等一排先有得食。坐低之後，個侍應就即刻問我我地要咩湯底嘅雞煲，我同我同事都中意食辣就梗係食麻辣雞煲啦。趁佢準備緊個雞煲，我地就去教定d醬料同拎野飲，呢度d野飲款式都幾足，汽水，果汁，啤酒都有得揀。好快雞煲就上咗，雖然上果陣未開蓋，都隱約聞到陣香味，好鬼吸引，個店員都好貼心提我地等8分鐘就食得，期間每隔2分鐘就兜下佢費事癡底。☺️☺️經過8分鐘嘅等待，終於食得，首先可能因為加咗洋蔥同芫西嘅緣故聞落去爆香，同埋其實個雞煲分量都好足，我覺得計埋之後打邊爐預鬆少少嘅胃，3-4個人食都夠。個味道自然唔洗多講，夠鹹夠香，麻辣味十足，雞肉嫩滑得黎，最緊要係入到味，呢d野真係食極都唔夠喉咁，好上癮。我地兩個就咁一件一件咁夾黎食，清曬成隻雞，都算勁。食完雞就

之前一直都聽過倫哥個名 今日終於同個frd試下啦呢間私房菜環境非常大 不過偷聽到7點幾walk in嘅話已經無位 所以要book定位198任食雞煲真係抵佢嘅雞係任食 不過我同另外一個女仔兩個人真係唔使加雞 已經飽咗一半佢嘅雞煲比平時多種陣孜然粉味 好香口我地今次嗌咗少辣 唔夠辣嘅可以加多啲辣椒食完雞煲就加湯打邊爐我地嗌咗酸菜魚湯 真係有魚味仲有好多酸菜 好特別我地加咗半兜辣椒 啲辣係越煲越出正另外仲嗌咗啲海鮮有好多種類 好似有生蠔 蝦 青口 帶子 魚片同鮑魚 鮑魚好鮮甜 好正除咗海鮮 仲嗌咗午餐肉 窩筍 准山啲准山好正 食咗幾轉雜菜嗌咗幾兜飲品方面啤酒要另外加錢 但其他汽水係任飲都幾多選擇又有甜嘅汽水忌廉溝鮮奶等又有純茶 埋單每人都係200鬆啲 呢個價錢真係抵

雞煲及火鍋都很美味, 但要注重衛生°雞煲味道不錯，惹味好食， 火鍋湯底亦很好， 除了肥牛 其他食品都不錯， 只是衛生有所改善 ，店員沒有提醒食客帶口罩取食物 ，亦沒有指示牌提醒戴口罩 眼見兩個老人家在調味料前良久討論調味料， 跟店長反映 他只是很敷衍地說已跟客人提了， 並未有跟進。

Chicken Hot Pot🐥🐥🐥🥘🥢 All You Can Eat💫..之前好hit 既火鍋雞煲🐥，好耐之前食過其他分店既倫哥，質素唔錯。今次去開油尖旺，就黎到佐敦 吃個倫哥火鍋私房菜吧。.一個價錢，免醬油 無限時。就食到啫啫海陸空 雞煲火鍋放題。有高質既單次性食物海鮮+其他火鍋配料任食。但可能疫情關係，刺身拼盤、海鮮類都冇，不過勝在雞煲可以無限次添加，雞件都算嫩滑又惹味。.食完雞煲🐥，就可以食火鍋 揀左蕃茄濃湯底。雲吞水餃🥟，餡料都足幾好食。而響鈴、魚皮，好快清光光又會即時refull，流量快 即開即食，質素保持爽脆。汽水、涼茶🥤，都係任飲添。最岩一大班朋友一齊gathering 吃個雞煲吧。最後吃個冰粉潤潤。..×××火鍋私房菜 -Lungor Private Club]××ש佐敦佐敦道26號E2樓全層..

$198加一任食雞煲但雞肉已事先走咗油，上枱後再加熱炒熱，肉質好乾好嚡，雖然任叫任食，但由於頗油膩，真係頂唔順每位另送海鮮併盤，有鮑魚，青口，鱔片，蜆，蠔，帶子，蝦(每人每樣一隻)食完雞煲可如湯打火鍋但實在太油，我地加$30换個皮蛋芫茜湯，湯味幾好又多芫茜可任叫肥牛同豚肉但肥牛頗厚，淥完頗韌兼嚡另外自助櫃只有丸類，菜類炸魚皮，炸響鈴同鴨紅以$220位來計實在性價比頗低連鯇魚片都要加錢至有冇下次

今日和幾位同學仔媽媽行街購物準備覆課，剛好行到佐敦附近，我們一行四人都行攰了，大家都肚餓想吃雞煲加火煱，其中一位媽媽便說倫哥有新價格可以一試，大家就過去了～先在樓下等待時看見他們有外賣自煮雞煲火煮，疫情底下真的需要轉變才能努力下去！入座時大約8：00，已經滿滿人～每檯之間也有膠板阻隔！先下單來個雞煲小辣，雞煲內配料足，味道濃～先再自助區拿點豬皮，魷魚，金姑，魚皮，芋絲，放在雞煲內一起炒熟～再來一個海鮮拼盤，拼盤內有鮑魚，蠔， 蜆，蝦，帶子，青口，魚片～海鮮拼盤也夠新鮮的～指定海鮮可以再向店員追加～自助區有丸類， 蔬菜類，加起來有十多款選擇～如要牛肉需向店員下單～食完雞煲我們選擇了酸菜魚煱～湯底比較清，這時最適合配上海鮮和自助區食物了～自助飲品區也有必有的汽水和茶款飲品～大家吃飽了結帳時，店員會送上甜品，黑糖白涼粉～$198加一服務費，這價錢真是便宜的～因為雞煲可無限加雞，雞肉也夠滑，淨食雞煲我已經飽了7成😂

🥘🥘🥘［倫哥尊尚火鍋私房菜］ ———————————————————————————最近想食雞煲 但又唔想比人限時咁 就發現左呢間無限時 仲可以任加雞簡直滿足晒我地呢啲大胃王嘅心願重點仲要只係$198 見到都有啲心動🤤但通常呢個價就感覺會有啲伏 食落發現都唔差 ——————————————————————————— 🐥🐥🐥［雞煲］雞煲揀左bb辣 對於唔係好食得辣 又想要啲味嘅人可以揀bb辣炒雞煲建議可加牛柏葉 魷魚落去 當入左味會好好食🤓店員都會好用心講解點食 同等幾耐調味係足夠 食落幾過癮 幾開胃 但食耐左 雞肉有啲油膩 所以要食快啲 ..🦐🦐🦐［海鮮拼盤］有海蝦 鮑魚 青口 蜆等等食落都比較新鮮 ..🍡🍡🍡［芋泥包心貢丸］原本都唔知係有芋泥係到 咬左一半之後發現到都幾驚喜😂😂都好特別 同配搭得唔錯😛 ..🥘🥘🥘［酸菜湯］食完雞煲 就可以打邊爐 店員會幫你拎走曬啲雞 先落湯底 值得一提係佢個酸菜湯底 唔似得出面嘅湯底食落好淡而佢真係有好多酸菜 就係去到第五 六轉 個酸菜味道仲係到🤓🤓 值得一讚 ——————————————————————————— 總括而言 環境夠大 服務都唔錯 上

因為疫情，已經好耐都冇打邊爐，作為口水婆嘅大胃，口痕難耐，趁情況好咗啲，小心翼翼咁打個邊爐都ok啩？飲品都幾多選擇，由汽水到茶水，一應俱全打邊爐前首先食雞煲，樓面提醒大胃每兩分鐘打開攪一攪，再返焗，如此4次，就食得喇趁未食得，混吓醬先，都有幾多配料揀食得喇，好juicy呀，每塊雞都平均沾上醬汁，好香濃，食落仲好滑，不過要食快啲，好易燶㗎食完雞煲可以請樓面加湯，蕃茄湯相當濃厚仲有海鮮包埋，驟眼睇幾新鮮喎豬牛要自己口頭落單，佢地都切得幾厚海鮮食落好嫩好鮮，仲沾晒蕃茄湯汁，好味道其他配料可以自己出去攞，好多丸類選擇感覺整齊又企理，放心食用今餐一解邊爐癮，大快朵頤

同我由細玩到大既兩個表弟終於畢業，佢話想食雞煲，所以呢日就同左佢地黎食返夠本場內好大，但都最好book位，因為我地七點幾已經滿座咁濟！！！呢度既雞煲可以揀辣度，甚至走辣，所以唔食得辣既朋友都唔洗擔心而雞煲内既雞件都好大件，肉質鮮嫩！！！場內兩邊設有自助吧檯不論係醬料定火鍋食材都可以自己拎每檯都會按人頭有一盆海鮮拼盤呢日既魚片係我打邊爐必食既脆鯇黎架豚肉同肥牛都可以無限追加連Q彈既讚岐烏冬都可以係度搵到打邊爐真係唔可以無凍既飲品除左酒精飲品外，罐裝飲品全部任飲埋單個時，店員仲拎左幾碗冰涼既黑糖冰粉俾我地食添

自從一月之後，都好似無再同朋友外出打邊爐啦！！！！呢晚終於有朋友忍唔住，call齊人黎返個雞煲火鍋夜搞手朋友係俾呢個HKd$188+10%一位既無限時任食雞煲同火鍋既“啫啫海陸空雞煲火鍋”放題吸引住一行入去就見到兩大盆响鈴同炸魚皮俾人客自行取用行前少少就見到各式各樣既火鍋配料而醬料都係響自助吧到自行調配因為我地四個人之中，有人完全唔食辣，所以要左走辣雞煲，另添辣醬第一輪先食無辣口味，估唔到唔辣既都好惹味，d肉仲好嫩添食完雞煲就加入酸菜湯打邊爐二人以上就會有一盆既海鮮拼盤海鮮都好新鮮，而任點既豚肉片都好驚喜，薄片豚肉易熟肉爽，我地平均每人食左兩三碟自取既蔬菜種類都唔少最後仲有冰粉仲甜品添