倫哥尊尚火鍋私房菜 (已結業)

之前喺社交平台見到倫哥而家做特價，人頭消費$200左右，已經可以食到任食雞煲，指定海鮮拼盤和火鍋配料，放寬限最令下，當然要約一班老友一齊烚吓烚吓啦！佐敦倫哥地點非常方便，地鐵站行幾分鐘就到，樓下巴士站仲可以去到港九新界！七點幾去到幾乎爆滿。先來一煲小辣嘅生炒雞煲，自己炒10幾分鐘就食得，仲可以出去攞啲魷魚牛柏葉加埋落去，吸收晒啲雞味，勁正，之後仲加咗一轉中辣嘅雞煲，辣得過癮！餐廳會按人頭份量出一個海鮮拼盤，蝦肉和鯇魚非常爽口！食完雞煲可以轉湯打邊爐，酸菜魚湯，酸菜味十足！而家以自助形式出去攞食物，魚皮非常香脆，新鮮炸出嚟的，雖然今次冇咗手切牛，美國肥牛都唔錯，出面仲有非常高質嘅手包雲吞，角色丸類等等，樣樣精選！汽水有10幾款任飲，實有一款啱你！人均消費$200左右實在非常抵食！

今日我同朋友去咗慶祝我哋嘅相識紀念日，咁我哋呢就揀咗一間我哋之前都未食過嘅餐廳，呢間好多人老話好好食，佢就係👉🏻👉🏻倫哥私房菜嘅火煱👈🏻👈🏻咁我哋今日呢就book咗18:00，呢度環境非常之闊落，放嘢食嘅地方擺放又好整齊，都係放晒喺雪櫃裏面，感覺到好衛生👏🏻到我哋一坐低嘅時候，店員就好快上前招呼我哋，咁我哋今日呢就揀咗個小辣嘅雞煲，仲有今日特別嘅海鮮拼盤係免費送俾我哋食，海鮮拼盤呢分別有鮑魚、生蠔、蝦、帶子、魚片同埋黃蜆🥰打邊爐食嘅時候都幾新鮮咁個雞煲就好快送到黎，店員仲幫我哋炒咗兩炒，之後仲教我哋每隔一陣就要炒多次，咁好快就食得💕D雞好入味，而且好嫩滑，加埋啲配料洋蔥芫荽芹菜，味道正宗一流，重點係雞煲都係任食‼️‼️食完雞煲之後，我哋就可以換成打邊爐，可以選擇加錢換過一個新嘅煲，或者請店員幫我哋將雞煲嘅嘢全部撈起，之後就到個新嘅湯底落去，佢湯底都有三種，我哋就揀咗蕃茄湯底，佢嘅湯底唔似外面淨係加水，個湯底蕃茄味真係好濃郁😎👍🏻外面有一個調味吧，可以自己出去調自己鍾意嘅醬料佢食物都好多選擇，肥牛同豚肉都可以任叫，仲有丸類同菜類都好多選擇，松露小籠包係一款幾特別嘅丸，食落去有淡淡的松露味，裏

倫哥位於佐敦道26號2樓，Promotion $188啫啫海陸空雞煲火鍋放題，附送海鮮拼盤(二人起)，不得了。這裏的雞煲真的不能錯過，雞煲要煮五分鐘，每兩分鐘攪拌一次，避免黐底。雞肉嫩滑肥瘦適中，油炸鬼再吸收埋店家地製香辣惹味的麻辣汁，滋味無窮。呢度啲雞煲實在太好味，忍唔住 encore一次，太滿足。海鮮拼盤非常新鮮，鮑魚肉質彈牙，魚片爽口，帶子鮮甜結實絕不鬆散，鮮蝦爽脆大有海鮮甜香，冇得輸。肥牛肥瘦均勻入口油香，各種丸類海鮮雲吞響鈴午餐肉韭菜餃魚皮餃豬紅腐皮凍豆腐牛魚丸芝士丸等出前一丁烏冬，應有盡有。各類蔬菜都係自由添加，飲品汽水都係任飲，但啤酒要另外加錢。襯佢仲做緊promotion 就快啲去啦！！！

好耐未食個麻辣雞煲，趁疫情逐漸好轉可以去吓打邊爐。個friend話呢一間倫歌私房菜都幾好食又可以任食雞件，所以就試試佢。除咗任食雞件，汽水同埋其他飲品都係任飲架。侍應首先問咗我哋想要大中小辣，我今次叫咗個小辣就覺得還可以，下次可以試個中辣啦。 啲雞味都幾好，唔會得個辣字。而且啲雞啖啖肉唔會得返啲雞骨。大家記住如果唔夠食可以再encore雞件㗎。如果食晒色覺啲雞之後，就可以叫侍應加湯轉做打邊爐一鍋二食！除咗肉之外，其他配料都可以喺出邊個雪櫃自己拎！大家可以睇吓個Menu上邊有好多唔同嘅選擇。除此之外仲有個海鮮拼盤送既，入面分別有鮑魚，大峴，青口，蝦同埋魚等等既海鮮！呢個拼盤都真係幾新鮮好正！ 呢個任飲任食嘅火鍋套餐真係食到勁飽。食完之後仲有糖水甜品送俾你。我覺得都幾抵可以再返兜。 👍

雞煲夠惹味，打邊爐又可大包圍，來到位於佐敦的倫哥尊尚火鍋私房菜就可一次過滿足兩個願望。無限時放題雞煲火鍋成人星期一至四每位只需 $198，總共有48款配料任飲任食。餐廳面積廣闊，座位排得頗寬敞。一坐低侍應會奉上海鮮盤及雞煲。2位即送海鮮盤一客，包括鮑魚、鮮蝦、青口、蜆、帶子及魚肉。鮑魚鼓壯飽滿，口感緊緻彈牙。加熱後就可快炒，炒大約八分鐘就完成，雞煲份量亦不少，可以無限量任添，因為我本身吃不了太辣，所以就選了BB辣。熱氣騰騰，麻香撲鼻，雞件啖啖肉，肉質嫩滑，徹底吸收了麻辣湯底的精華，十分入味。肥牛和黑豚肉都是任點任食，肯定可滿足食肉獸。不過將肥牛放進雞煲內炒時，記緊不要炒得太久，否則就會流失肉汁而令肉質變韌。KO 完一整個雞煲就可轉鍋開始打邊爐，今次就選了豬骨湯底，奶白色的湯頭真材實料。火鍋配料都是放於雪櫃內自助式任取，所以亦避免出現放題會漏單的問題。手工韭菜餃裹著滿滿的餡料，一口咬開豐滿多汁。牛柏葉口感夠爽口，水魷魚爽脆之餘又沒鹼水味。最後還有甜品附送，黑糖冰涼粉晶瑩剔透，比一般涼粉較為結實，Q彈透心涼。飲品都是自取，款式繁多。

今日放工周圍行 見到188蚊有放題雞煲食 仲要包海鮮同野飲 即刻上去睇下得唔得先一坐低店員講先食雞煲之後打邊爐 我地叫左小辣 每兩分鐘炒一次雞 總共炒四次8分鐘 大量嘅洋蔥芫荽 一啲都唔吝嗇 加埋雞件香辣肉嫩 越食越辣 真係好惹味 另外炒到錦上下就可以加海鮮 海鮮盤有鮑魚 青口 鯇魚片 蜆同蝦 帶子 全部都鮮甜肥美 最好食係帶子 吸左d雞件汁 好正食完雞煲唔夠係可以再添既 店員再三提醒 但我地就直接進入打邊爐🍲時間出面有好多丸類同菜類 基本上寫得係餐牌既都有 另外叫左一豬一牛 肥膏雖多 但肉味香濃 叫左好幾碟 出面仲有香脆魚皮同響鈴比大家夾送汽水既小食黎講唔錯飲品都係大路既罐裝汽水 啤酒就要加錢啦 不過好夠飲嫁啦 最特別係有兩種丸 芋泥貢丸 芋泥好香 加埋貢丸咸咸香香 好👌🏽仲有芝士牛丸好少見 仲可以拉絲嫁 👍🏼總結：-地理位置方便 （地鐵站出口行5分鐘唔洗）-店員講解流程清晰 主動幫手加湯問有咩需要👍🏼👍🏼👍🏼-188加一可任食雞仲要包海鮮 性價比算高-最後仲有甜品涼粉送 清熱解毒

近排終於同返男朋友出街食飯，見咁耐冇打邊爐，特登訂咗枱收工同男朋友撐枱腳👫🏻💕我哋大約6:45到，已經差唔多full晒，想食嘅朋友記得記得要book枱！收工勁肚餓，好彩雞煲好快到，男朋友就我食唔辣雞煲🥰雞件多，而且味道夠香濃，我哋都添咗次雞先停手😋侍應教我哋係炒雞煲時可以加鮑魚、豬皮和魷魚，即係變到好惹味👍🏻其他海鮮，例如蜆、帶子、鮮蝦、蠔等等，就可以用嚟打邊爐。其實食完雞煲後都飽飽地，但始終都想試埋個邊爐🤰🏻我哋要咗酸菜魚湯底，味道唔錯，除咗打海鮮外，打其他火鍋配料都match🤙🏻最surprise嘅係，呢到嘅火鍋配料有鵝腸，口感煙煙銀銀，而且又入味。

今日同朋友撐枱腳， 好耐冇見吹下水， 搵咗間任食嘅雞煲慢慢坐低食。 呢間倫哥冰室嘅雞煲都幾大煲， 而且啲雞炒到啱啱熟， 唔會太老， 店員的都好好咁介紹要每兩分鐘炒一炒雞煲以防痴底。 我哋兩個都唔係好食得辣， 店員就話可以叫bb辣， 唔算太辣得呢仲有啲麻味。每枱坐低即刻想一碟海鮮， 鮑魚帶子扇貝等等都好新鮮， 用嚟打邊爐真係要小心唔好整得太熟， 啱啱好就夠啦至於其他食物都可以任攞， 佢嘅肥牛同埋黑豚肉都好靚， 半肥瘦又夠滑。肉圓方面我就推介呢個 都幾有特色嘅松露小籠包， 愛情係松露肉丸， 入面就好似小籠包咁有湯跌出嚟， 小心爆汁仲有爆醬沙律丸， 入面嘅味道好似粟米湯咁， 甜甜地幾得意炸魚皮都好新鮮又夠脆飲品方面有韓國樂天嘅汽水同埋台灣出產嘅茶， 想飲啤酒嘅 仲可以tower咁叫，正

倫哥火鍋私房菜一直都好出名，近排做緊優惠$198雞煲海鮮火鍋放題，仲要包任飲、任食、免醬油費同無限時，我同男朋友即刻走去試！佐敦呢間火鍋店，都好方便，地鐵站行幾分鐘就到，一上到餐廳勁多人，最好一早book定位，座位都闊落飲品選擇都多先上個雞煲，雖然兩個人食，但都比勁多雞，好足料，啲雞都幾滑，夠曬入味之後轉打邊爐，我哋簡左蕃茄湯底，好濃好香，越煲越濃另外會有個海鮮拼盤，海蝦、蠔、帶子、魚片、鮑魚、青口⋯都好新鮮！火鍋配料都有好多選擇⋯肥牛、豚肉，塊塊都好肥，好有口感！ 炸魚皮、響鈴都好脆啲丸款式都多，仲有我最中意食嘅萵筍最後，仲送冰粉甜品我地食😍

 好耐好耐好耐冇打邊爐，我覺得起碼有4、5個月...呢輪倫哥做緊優惠，幾吸引，所以我地都訂左位食。本來以為平日應該會冇咁多人，來到現場先見到，真係全場爆滿！好誇張啊，大家都好鐘意打邊爐呢！我地訂左位，就完全唔需要等，直接可以入座。如果你地人多，都好建議訂位，尤其是倫哥有好多"vip房"。(當晚都有唔少人慶祝生日)醬料區好多選擇。店員好快手招呼我地，呢度一個價錢包左人頭海鮮，雞煲任食，大量火鍋配料任食、飲品任飲，臨尾仲有糖水。我地食左兩輪雞煲，已經好滿足！雞煲點左小辣，裡頭有洋蔥、芫茜，好香。焗熟d雞，每兩分鐘炒一次，炒四次就食得。雞件好入味，小辣對我地來講啱啱好啊，辣辣地又唔會搞到太重口味，或者太鹹。第二轉d雞件仲大舊d同好肉地，好正。起碼要食兩轉先夠皮~~~~上雞煲前就已經上左海鮮，大大隻蠔淥完都唔會縮到好細~~仲有蝦、魚腩、鮑魚、蜆、青口，都ok嘅。(我地本身都唔係海鮮控)如果用番雞煲來打邊爐就冇額外收費嘅~~我地轉左個雜菌鍋，唔洗咁油同埋幾香菇菌味呢配料選擇多，唔洗加錢任點果d都已經好夠食~~~肉類、海鮮啊可以搵店員落order，其他丸類、蔬菜果d可以喺自助區拎~~~呢d蔬菜類同

今日約咗中學同學去食飯朋友話之前試過另一間分店嘅倫哥覺得唔錯所以今次去佐敦分店試下啫啫海陸空雞煲火鍋放題除咗雞煲同埋火鍋任食 依家仲有海鮮拼盤送另外再嗌海鮮同埋靚啲嘅牛係要額外收費嘅其實送嘅海鮮拼盤都已經好豐富有大大隻嘅鮑魚 青口 蝦 生蠔 帶子 魚肉同埋蜆海鮮都好新鮮雞煲可以揀唔同嘅辣度 想講呢個雞煲真係好大份 仲有好多材料 一拎起個蓋就有浸辣辣地嘅香味勁開胃食完雞煲就可以加湯打邊爐湯底可以揀雜錦 番茄同埋酸菜魚打邊爐嘅料會有個雪櫃放住可以自己出去拎選擇都好豐富有餃子類 炸物 麵 肉類同埋唔同款嘅蔬菜同菇呢度嘅肉類都好唔錯 好新鮮 雪花分明  牛味幾濃郁 豬肉都幾嫩食到最後仲會有涼浸浸嘅冰粉送好滿足飲品櫃

同朋友嚟佐敦食雞煲火鍋，餐廳佔全層，面積寬闊 ，好彩有訂位，如果唔係全場滿座都唔知要等幾耐。先呢個雞煲，雞煲揀咗bb辣，辣度可接受。雞嘅質感都幾爽，而且份量都幾多，可以任添，不過一碟已經夠啦。由於有bb辣，味道非常香濃。食完雞煲揀咗嗰個什錦湯底，因為覺得畀番茄嗰啲較清淡，唔會蓋咗雞煲嘅味道。先介紹個重點，海鮮。配料每人一份，材料豐富有鮑魚、帶子、青口、鮮蝦等等，望到都吸引。建議餐廳可以唔使咁早攞出嚟，保持返鮮凍，但係整體味道係好味。大部分嘅火鍋配菜，例如丸類同蔬菜類係自助，由於疫症大家出去嘅時候都有帶番個口罩。仲有響鈴同埋魚皮。響鈴非常吸引，一人食咗幾件。我鍾意其中一款丸類，豬肉貢丸入面包芋頭，幾特別，值得一試。肥牛嗰啲就係要點嘅，一盒大概五件，相對比其他餐廳食嗰啲厚身。嘢飲同醬料有唔少嘅選擇，嘢飲就以罐裝汽水為主。一人價錢二百蚊左右，平民價錢可以接受，限時一個鐘45分鐘，啱啱夠。最後食埋個公仔麵就大滿足啦。

平時打邊爐都係叫鴛鴦湯底今次朋友介紹叫過雞湯底個湯底一嚟到話咗一聲成隻雞係有雞味非常之濃郁飲完湯就到正題啦炸魚皮同響鈴當然唔少得一碟靚牛就係個邊爐好唔好食既一個重要指標，呢碟牛就緊係正海鮮拼盤緊係唔少得，用料非常新鮮之後緊係要食返啲蔬菜調劑一下埋完單仲送碗涼粉冰解下熱氣正

朋友推介話好食，就去左試下。價錢做緊優惠$188，真係好抵食！可以無限加雞同無限時，對中意嘅雞又食得慢嘅我真係好適合！唔使趕頭趕命咁食又食咗好多雞，未加湯之前擺啲海鮮薯仔去炒都好好食，又冇燶。個日去好多人，但啲職員都唔會話態度好差，反而好好，冇紙巾又即刻幫我哋換，加雞又加得好快，又唔會漏單。出面嘅丸野飲都叫齊。姐姐見到我哋食完仲比左一人一碗冰粉比我地。188呢個質素真係十分抵！但遲啲應該會變翻正常價

係OPENRICE睇相好吸引。約埋朋友嚟一試。呢間火鍋，真係一次過滿足你3個願望，有雞煲，刺身，同邊爐（一盤海鮮 + 一盤肥牛）。一坐低，先嚟小食，正正常常至於野飲都係大路放題款刺身以放題嚟講都算唔錯。蝦夠爽同大隻雞煲對我嚟講係全晚highlight,好好味。最抵讚係食完可以再加。食到你滿足為止先滿打邊爐。正每人重有燉湯一碗個邊爐未到已經飽咗7，8成。跟邊爐上既有一大盤海鮮同牛。嚟到大家都嘩嘩聲唯一可惜既係呢盤就係當晚唯一既牛。之後既任點係無得叫牛架，所以要好珍惜咁食可能之前嚟既太豐富，任點既野食相對就變得無咁吸引。不過其實食之前既刺身，雞煲，海鮮等都已經好滿足啦😄