影片
更多
2020-06-29
3800 浏览
早排友人喺「倫哥私房菜」外賣咗個「無火版懶人雞煲」回家品嚐，據說一份有成 500g 三黃雞，加水等 15 分鐘即可享用，非常方便，惹得我蠢蠢欲動。本來還說要找天也買個來一試，豈料還沒起行，友人就已經來電邀約我去「倫哥」佐敦分店食雞煲，哈哈，正合我意，我當然樂意奉陪！原來友人話佢已經很久沒在外吃火鍋，所以今次是特意來吃這個「$198 啫啫海陸空雞煲火鍋放題」。看了門口的 Poster，個放題果然好吸引，除了可以無限時任食雞煲及火鍋配料外，仲免茶介、醬油費和任飲汽水，2 位入座更會有海鮮拼盤贈送！雞煲可以自選辣度，我哋揀咗 BB 辣，原來個雞煲都唔野少，雞件份量超多，另外還有芫茜、紫洋蔥、辣椒和蒜頭等，打開蓋已經聞到香噴噴。店員建議我哋每兩分鐘炒一次，大約炒四次即可享用。雞件用上三黃雞炮製，肉質很嫩滑，雞味十足，而且吃起來不會太辣，味道香麻又惹味，雞油香濃，很是滋味。雞煲可無限追加，可以食到滿足為止先至打邊爐。食完雞煲就輪到吃火鍋，餐廳備有三款免費湯底供客人選擇，有蕃茄、雜菌同酸菜魚，如果唔啱心意，亦可以自己加錢轉其他湯底。先吃餐廳送贈的海鮮拼盤，冰盤內共有 7 款海鮮，當中包括有鮑魚、生
本來還說要找天也買個來一試，豈料還沒起行，友人就已經來電邀約我去「倫哥」佐敦分店食雞煲，哈哈，正合我意，我當然樂意奉陪！
原來友人話佢已經很久沒在外吃火鍋，所以今次是特意來吃這個「$198 啫啫海陸空雞煲火鍋放題」。看了門口的 Poster，個放題果然好吸引，除了可以無限時任食雞煲及火鍋配料外，仲免茶介、醬油費和任飲汽水，2 位入座更會有海鮮拼盤贈送！
雞煲可以自選辣度，我哋揀咗 BB 辣，原來個雞煲都唔野少，雞件份量超多，另外還有芫茜、紫洋蔥、辣椒和蒜頭等，打開蓋已經聞到香噴噴。店員建議我哋每兩分鐘炒一次，大約炒四次即可享用。
雞件用上三黃雞炮製，肉質很嫩滑，雞味十足，而且吃起來不會太辣，味道香麻又惹味，雞油香濃，很是滋味。雞煲可無限追加，可以食到滿足為止先至打邊爐。
食完雞煲就輪到吃火鍋，餐廳備有三款免費湯底供客人選擇，有蕃茄、雜菌同酸菜魚，如果唔啱心意，亦可以自己加錢轉其他湯底。
先吃餐廳送贈的海鮮拼盤，冰盤內共有 7 款海鮮，當中包括有鮑魚、生𧐢、帶子、海蝦、青口、白蜆同脆肉鯇。鮑魚鮮味十足，肉質細嫩軟滑，並帶點彈牙，十分好吃！生蠔厚肉又脹卜卜，蠔味甚重。帶子大大粒，非常爽口；海蝦新鮮又夠爽甜。脆肉鯇味道亦唔錯，爽口脆身又有魚鮮味。
至於其他火鍋配料，除咗肉類之外，其實大部分都已經放咗喺自助區內。出去行咗一圈，原來醬料放咗喺屏風後面，另外凍櫃入面就擺滿了餃子、丸類，有機蔬菜、水魷、牛柏葉、鵪鶉蛋、鴨血等，而旁邊檯面則放了炸魚皮同響鈴卷。
丸類同餃類的款式都幾多元化，至於肉類方面，貴精不貴多，只有手切黑豚肉、手切肥牛片同滑雞件，可以自己口頭向店員落單，肥牛雖然唔可以話係頂級質素，但亦不過不失。
另外飲品櫃入面放咗好多罐裝飲品，除咗酒精類之外，全部都可以任取任飲。
原來結帳時仲有甜品送，碗冰粉加入了黑糖炮製，外表晶瑩剔透，口感滑溜，加上成份天然，用來消暑真係一流！
张贴
