俺流塩らーめん (新都會廣場)

营业中

休息中

很久沒有到這店了，突然很掛念它，加上天氣悶熱，最好就是吃碗日本拉麵。由於店舖空間不算大，所以平時在午飯時間必定是大排長龍，但每人都安心等候安排入座。以前這店只有拉麵及小部份小吃，但今次發現他們加添了新款式，日本丼。但我偏愛這店的叉燒拉麵，他們很細心，很專業，可以任由客人選擇麵的硬度及是否需要加大蔥或荀，另外桌上還安排了3款調味醬料。美味的濃湯叉燒拉麵，湯底濃郁，麵硬度適中，最值得讚就是他們的叉燒。叉燒香味特別香，肉質鬆化，不油膩，與其他店完全不同。這樣的質素配這個價錢是非常底吃，所以每次吃後都會想再來。

與朋友約了看電影，看電影前決定試一試這間長期要排隊入座既拉麵店。我們點了俺流柚子拉麵和辛辣熟成濃湯拉麵，拉麵麵質彈牙，湯底濃郁。我地選擇了一個硬麵和一個適中的麵，但兩個麵的硬度都沒有不同。

係葵芳揾間可以坐係到食既拉麵鋪都無邊間了，在新都會既地庫有間係日本開到香港都有分店既新店 ! 一於試一試!叫左碗 豚肉盛盒拉麵⬇️⬇️大胃口既人士我建議食盛盒，因為真係夠足料大碗!第一啖當然飲啖湯先，豚骨湯肯濃味很好!五花腩肉夠晒軟，拉麵有得自己選硬/中/軟，可走某些配菜。今次我選了軟麵，個麵食落都唔夠軟，適中硬度，可能師傅有堅持總括來說個拉麵係真係好有在日本食的風味! 而唔係調配左的港式拉麵味道!而且裝潢也很有日式味道，這裡是一間有日本味道的拉麵店!

俺流拉麵係新都會都開左一段時間，但午飯時間經常都出現要排隊人潮。見一段日子都無光顧，今日午飯時間就去會一會😂我都食過幾次午飯，想不到水準都依舊保持到。是次安排座位不是近電梯兩旁，坐得比較舒適👏🏻是日點選俺流塩湯拉麵等左十分鐘拉麵終於到味道唔會偏咸 比平時既🍜拉麵湯底清淡，👍🏻👍🏻👍🏻食完唔會成個下午都好口渴叉燒厚薄適中，🥬菠菜為其配菜食落又出奇地夾可因應個人口味加添桌上的調味料🧂但分量只是剛好，如果大食少少既朋友可能要加小食先夠飽P.S. 收了10%服務費，卻不能感受店員既服務

拉麵店越來越氾濫既時候，都好難去選擇一間真正一試難忘既店舖，少不了黑蒜油，豬骨，辣味湯底。呢間都有既，但係佢就多左柚子同梅子兩種選擇既湯底。今次我選擇了俺流柚子拉麵，麵身唔算特別出色，但湯底好香柚子味，飲落去仲帶少少清新，減少左一貫食完會好口渴既感覺。店舖仲放左三款醬料俾客人加料，同aeon 買到嗰啲好似一樣，輕嚐便可，太多可能會破壞左湯底原來的柚子香。值得一提想講下佢地有個細心位係倒完水會放張紙巾「come」住唔好跌晒啲塵落水到，係細心既～不過建議唔好倒住或者客人黎到先倒係咪好啲。

平時嘅拉麵館都賣濃湯（當然呢間都一樣有），但我鍾意呢間有兩款酸味味、清清地嘅湯底可以選擇，就係紫蘇梅子湯底同埋柚子湯底，我同朋友都一人試了一款，好好味呀，兩款都係好開胃既味道，一點兒都唔覺得太油膩，如果你覺得唔夠味都仲可以係枱面上加多d醬料，多麼的貼心，有黑蒜油、梅子醬同埋柚子醬三款可以揀，啖啖試足唔同味都得，亦唔需要食完飲好多水去"朗"口。

入到呢間餐廳，就叫左個俺流叉燒飯食。心諗住一個叉燒飯啫，應該好快到。點知個飯等左成15分鐘先有，對食lunch 有時限而言就有啲耐。哈，當我諗住俾劣評呢間餐廳之際，我食一口飯，哇，咁好食嘅，叮一聲，有驚喜呀第一啖飯，我食到有炭燒嘅肉味，原來啲叉燒係即燒即食。加上飯裡仲加左大䓤，增加左香味。而肉質方面，偏向我鐘意嘅瘦。整體而言，個飯不錯。下次可以試埋個炸雞飯,我見有人食，飯面有芝士。Yummy Yummy

好味美味幾正嘅拉麵🍜。已經去咗光顧幾次啦。因為認為呢間拉麵店所買嘅拉麵都幾貼近日本拉麵店嘅質素，而且系香港來說價錢不算貴。夠熱的。因為曾經試過其他拉麵店的拉麵非常重鹼水但這間拉麵店的拉麵正常吧好像是點了蜆肉拉麵我最喜愛這個湯底又不會太濃，那吃完不會非常口渴好重味精嘅感覺完全沒有。有一次叫咗碗立美拉麵又唔會話有啲又甜又辣嘅感覺好奇怪。而且上菜速度亦可以吧因為試過有啲拉麵店要等好耐先至會來碗麵俾你。

開左咁耐終於黎試下呢間拉麵店啦價錢就一般拉麵店咁上下今次就嗌左黑蒜油熟成濃湯拉麵，同俺流濃湯拉麵。仲加左蛋😂麵條比較粗同彈牙，係我鐘意既麵底😍不過拉麵入面有通菜就怪左啲囉🤔🤔黑蒜油個款居然無咁咸，黑蒜油味唔太夠俺流個款湯底好香好好食，會咸啲，兩隻湯底都係好濃。見到勁多人叫俺流盛男拉麵有啲後悔無叫到，好多餸睇落好正🤤🤤🤤味道、賣相、價錢都中上，葵芳可以坐底食既餐廳真係唔多，唔想掃街可以黎食下佢有供應調味料，不過湯底好夠濃，無用過😅

平時行過見到好多人排隊有時仲好快賣哂終於等到無人可以試下心諗咁多人排隊一定好好食成碗拉麵除左隻蛋好食之外我覺得其他都一般叫左支哈密瓜梳打點知飲落似藥水味真係有D後望

俺流塩らーめん來自東京涉谷，在2010年由從事拉麵業多年的小林先生創業。葵芳的分店位於新都會地下，經常都有顧客排隊等候入座。等候期間，侍應會遞上餐牌及點菜紙，有13款拉麵，麵的軟硬程度、蔥荀都可以自己選擇。湯底基本上有兩款，一款是熟成鹽湯，利用壓力鍋，將大量的雞骨及青蔥煮成白白的濃湯，看似是豆漿。第二款湯底材料都是一樣，慢煮而成，故湯底清徹。各款的拉麵除了基本的湯底，分別加上辛辣、味僧、黑蒜等口味。店鋪會定期推出一些新口味限定，近期推出的是蕃茄海鮮拉麵。我第一次來的時候選的是柚子拉麵，味道很清新。今次來，想試濃味的，所以選了黑蒜油熟成濃湯拉麵。濃濃的蒜香撲鼻而來，為濃湯點睛。豚肉也很軟熟。雖然不是柚子拉麵，但湯麵上都會有少許柚子白蔥作為點綴及提味。菠菜和流心多也是隨湯附上。喜歡蔬菜多點的朋友可追加多一碟菠菜。也可選擇柚子椰菜。流心蛋真的有在流。以香港的日本拉麵的價格來說，已算是比較大眾化，可以接受。

今日去新都會行街買衫，行到攰啦就諗住喺度食埋野，好多餐廳都唔知揀邊間好，跟住見下面果層一間拉麵鋪唔使等位就二話不說走咗入去環境就真係麻麻啦，佢其實都唔算係一間鋪頭，佢係喺正扶手電梯下邊夾出嚟嘅一間店，兩條扶手電梯嘅中間所以一想一落嘅人全部都睇到你食野！我就叫咗個黑蒜濃湯拉麵有張紙落單嘅咁可以揀麵既軟硬度，走唔走蔥，要唔要筍咁我就面就揀咗普通，要蔥要筍好快都已經有得食湯嘅黑蒜味唔算重如果開濃返少少就比較好夠叉燒係厚身，得一片我比較鍾意食薄身多啲我加咗啲類似XO醬咁嘅嘢，都幾好食最後佢個流心蛋，唔錯～味道就普普通通，但係$73都算抵食但環境就麻麻～好處係唔洗等位～

新年新開始，先祝大家有個愉快順心的 2019年！首文來個好意頭，襯冷天氣和大家吃暖𥅈𥅈拉麵，怎麼樣？ 來自東京澀谷的「俺流塩らーめん」，在港的幾間分店都不乏捧場客，看來已站穩住腳，說真它的出品質素不錯，定位也不算貴。加上不停有新產品作「期間限定」，都幾 match 香港的「潮流」效應，keep 住有新鮮感也。 而咁啱，「俺流」的意思就是「我的潮流」。創辦人小林先生首作「熟成鹽湯」，用超高壓壓鍋將豬肉、雞骨及香蔥等材料餚成精華湯底，以此揚名。 今次是我第三回來吃，此期間有限定的海老系列： 小吃「海老餃子」$42 外型不似一般平放打橫煎的日式餃子，比較似圓邊鍋貼，脆底的。 每隻餃子有兩隻爽彈蝦仁，沾酸汁吃，好提味，也可去油膩感，頭炮幾開胃。 「玉子大版燒」$18 似章魚小丸子 x 大版燒，味道也相近： 因為賣得很平宜，有估不到是這樣大碟。小丸子其實是玉子燒，有幾粒，軟綿綿，配木魚絲和大版燒酸汁也好吃；而且堂食只是賣 $18 啊，街頭小食價。 「味噌海老拉麵」$89 店內無論甚麼拉麵，都可以有不同個性選擇，例如麵質軟硬、湯底濃淡、 配菜追加等。我點的這個是原汁原味，所有設

和朋友簡單地食了一餐拉面，我叫左俺流男盛拉麵，選了辣湯底送餐不算太熱，相信扮左一段時間湯底不算太辣，只是一般的辣油，整體味道較淡，但麵質有咬口，炸雞在湯中已經稍為浸琳，口感大打折扣，份量足夠，味道尚算可以接受

新開張嘅時候，日日夜夜長龍不斷。隔咗一段時間冇响新都會逛街，最近行街見唔駛排隊馬上衝入去，點知中伏了 要試吓間拉麵店得唔得，最好試食佢嘅叉燒拉麵。最普通最平嘅拉麵，最簡單嘅食材，可以試出師父嘅基本功。如果連最基本既嘢都做唔好，其他嘢就唔駛試喇！相反，如果連最平最簡單嘅拉麵都有用心去做，咁其他食品就可以放心喇！今次點嘅叉燒拉麵揀咗味噌濃湯底，拉麵上枱時只見到啲湯（真係好多湯），完全見唔到拉麵同塊叉燒。撈咗一陣終於撈到筍絲，一塊叉燒，大蔥，仲有一隻冇蛋黃嘅流心蛋 賣相唔得唔緊要，咁味道呢？湯底方面 - 明明揀咗濃湯，但味道就好淡，同普通拉麵一樣！拉麵方面 - 軟硬適中，可惜分量太少，食完都唔飽 ！叉燒方面 - 食得出係日本豚肉，肉味好濃，鹵得入味軟爛，但得一塊咁多，想追加一塊加$13 ！配料方面 - 筍太少，但蔥絲好多，所以湯底幾香。但個流心蛋就變咗"走心蛋" ，蛋黃全走，得返個蛋白殼 服務方面，完全本地化，冇日本拉麵店嘅貼心，食完馬上收碗抹枱，催埋單趕客 以全店最平$59 （＋10％）嘅叉燒拉麵嚟講，我唔推介 ！