俺流塩らーめん (新都會廣場)

营业中

休息中

和老公放工後拍拖拖，他突然想吃拉麵，見到這間店都有些人排隊，估計應該不錯。晚飯時間我們等了約20分鐘就入到去。因為我沒太好胃口，不想吃濃郁的拉麵，見到期間限定的青檸雞肉冷麵，正合我心意！吃下也不負所望，雞肉新鮮和滑嫩，麵質爽囗。青檸汁酸酸甜甜的，又凍冰冰的，吃下很舒服！很清新！老公揀的撈拉麺剛剛相反，味道濃，多配菜，其實都幾好食的。最欣賞是麺質十分爽囗，又有炸蒜和生雞蛋，撈在一起吃很香！叉燒也味道不錯！

掛住日本有主店就為之正宗？很久沒有再吃味千拉麵，想不到今日又回到了味千的懷裏。拉麵店位於新都會廣場的地下，正正位於兩條電梯的中間位置。老實說，位置真的很不討好，上蓋地方沒遮沒掩，左右兩邊的人群都在上上落落，沒私癮也有欠衛生。俺流塩有很多間分店，之前都是在商場內見過，但從來沒打算光顧，只是這次遇上人龍，而且在人龍不絕的影響下，便羊群心理起來了！加上店外的拉麵海報的確有點吸引...好吧！就試試吧！翻了翻菜單，拉麵的款式有很多，口味也分很多，而且價錢不貴，賣相也很不錯！還聽聞在東京渋谷有主店～忽然間覺得找對了！店內有提供檸檬冰水，檯面擺了幾款調味料，可任意加入麵條中調味。拉麵放到檯面上的一刻，吸引力極高，賣相超好的！循例先喝一喝湯...對不起自己！中伏了！！晴天霹靂...什麼鬼的熟成湯？大量豬骨熬製？這湯與味千拉麵的湯有什麼分別？在發現味千拉麵所用的不是純豬骨湯後，便沒有再光顧了！感謝俺流塩將我帶回了過去！加上吃過了日本正宗豬骨湯後，我想這基本的豬骨湯味道，我還是懂分別的啦！太失敗了！怪便怪自己有羊群心理，以為有人龍的地方便不會伏罷了！除了湯頭是不行外，麵條還是可以的，最少不會有梘水味，叉燒

今日難得諗住同男朋友試吓呢間朋友力推既拉麵店，點知個感覺好差囉⋯⋯食物質素一般，青檸雞冷麵冰都無一粒，總括黎講，無我朋友講到咁值得一試囉！環境氣氛一D日本feel都無，仲要不斷聽到D「叮叮聲」，唔講仲以為去咗茶記呀🤦🏻‍♀️⋯⋯人哋一X堂都叫日文啦，咁先叫日本風架嘛！咁啱我哋坐喺廚房附近，不斷聽到入面既人嘈到出國際，有冇諗過會嘈到D客架我真心唔會有下次囉！都唔係日本拉麵style，香港茶記style叮叮叮！好失望

在大埔及葵芳分別見到呢間拉麵店排長龍等位，一於同男友試下係咪咁好食男友點的拉麵好抵食，有兩大件炸雞、叉燒及溏心蛋。我試左黑蒜油叉燒拉麵，兩款也好味，黑蒜油湯底好香好濃味。小食餃子味道麻麻地，外皮唔脆，味道好怪。隔離枱的食客叫左青檸味既雞肉冷麵，聽到佢話唔好食，似食緊白烚雞肉，青檸味既麵唔好食，我心諗好彩我冇試，入坐前都有少少心郁想試，好彩冇試呢款

今日經過新都會廣場, lunch time試下呢間拉麵, 之前夜晚見過有好多人排隊入去食, 但openrice嘅😢都唔少, 驚會有少少伏~所以拖到今日諗唔到食咩先嚟試😆我叫左個鹽湯拉麵(人氣) + 玉子一送到埋嚟個湯頭都.....幾油下~諗住唔叫豬骨濃湯就係想清清地~望到都幾嚇親😵义燒得一塊但尚算幾厚, 麵質一般, 玉子合格但一定唔係蛋味濃郁那種~個湯唔係咁油嘅話其實都幾好飲, 我之後加左啲黑蒜醬 & 柚子胡椒~ 啲醬都幾好味, 可能我唔叫鹽湯拉麵, 叫其他口味嘅拉麵會令我對呢間拉麵店嘅印象會好一點😅總括而言加埋一要$75, 加多$10去第二啲拉麵店已經有好多唔錯嘅選擇P.S. 服務一般 😑可能剛開舖的關係😆

早幾個星期同朋友試左呢間拉麵店，之前一直唔記得寫食評... 今日終於的起心肝寫番先!作為一個男子漢，梗係叫佢既 "俺流男盛拉麵" 試下啦！ 份量唔小，有日式叉燒，流心蛋，同唐揚炸雞。其實即係一碗過橋拉麵套餐 , 湯底叫左熟成湯底，湯底呈奶白色，豬骨味非常香濃，唔會太油太膩，咸度亦適中，食哂d 麵之後飲埋個湯都唔會覺得太咸。小食方面叫左個期間限定既海鮮野菜餅 share 黎食，上菜時不太熱，應該係預先整定，味道不過不失

這店舖在葵芳開業有一段時間，但每日午飯及晚飯時段都現人龍，今晚七時半左右到，只是排了10分鐘左右便有枱，枱與枱之間排放緊密，坐得不算舒服，食物質素不錯，湯底味道濃厚，麵質可自由選擇軟硬度，叉燒厚厚的一片，比其他日本拉麵的薄切叉燒來得更有口感，溫泉軟滑溏心，一口咬落蛋汁立即溢出，平均$80一碗，可算抵食。食完一碗麵已經非常飽，點了的海鮮野菜餅已吃不下想打包走，但店員表示因店家並不設有外賣，所以沒有提供外賣盒，膠袋或紙袋一律欠奉為免浪費唯有撐下去！

今日2點幾一個人去試試呢間平日排哂長龍嘅拉麵店，今日人流未算好爆所以唔洗等，由帶位到落單俾水送餐有位男職員都好好服務。點左個期間限定蛤蜊濃湯拉麵+叉燒，重有玉子大阪燒。先黎個玉子大阪燒，需說大阪燒，但其實只係溫泉蛋加大阪燒醬汁，個溫泉蛋入面熟左小小，不過咁嘅配搭都幾好食嘅；之後黎左塊叉燒，重諗住會拉麵同叉燒一齊黎添，個叉燒唔太肥，咬落有d鞋口，燒得唔夠，普通不過但要13蚊一塊；最後拉麵黎到，賣相唔錯，蛤蜊都幾多但偏細粒肉，湯味道幾好，濃而不過咸，拉麵普通，連加一，130元結帳。

從雜誌見過，一直都好想試下。今日難得黎開葵芳，一於去試下柚子拉麵。穿梭係兩條扶守電梯之下，如果唔係雜誌介紹過，真係唔會無啦啦入黎試。我order左柚子拉麵，第一啖覺得清新同得意，但愈食愈咸。老公order左梅子紫蘇湯底，中意梅味嘅朋友可能會like,因為幾重梅味。價錢合理，不會差唔多價錢我會寧願食返一風堂。

星期日無咩地方想去，隨便走走，見到排曬長龍、應該唔差，就同蝦子餅試下點左俺流熟成濃湯拉麵，俺流塩湯拉麵，柚子椰菜，俺流餃子拉面還可以，椰菜偏鹹，餃子味道正常食夠$200仲可以免費泊車3個鐘

返工返得耐，好多小店都試過， 所以今日決定嘗新， 去新都會食拉麵。等候時間不算太長，店員還細心地給我們餐牌讓我們選擇。而我所選的是紫蘇梅子拉麵和炸雞，拉麵送溫泉蛋一隻。可是，叉燒只有一塊，實在太少了。等我講返正題啦，拉麵以紫蘇為賣點，可能係我個人不太習慣紫蘇的味道啦 ，我認為這種味道太濃烈，不過整體上還可以。麵條可以自行選擇硬度很貼心，更可以自行選擇配料，我這次選了硬度正常出來的結果也不錯呢！ 溫泉蛋煮得恰到好處，我很喜歡這隻蛋，鍾意食溫泉蛋的朋友一定不可以錯過！另外，我另叫炸雞，一碟有四舊。配料沙律醬很好吃。 總結，有機會我還想是其他拉麵呢！

湯底無料到， 炸雞又淋又凍， 叉燒鞋口，成碗嘢都係垃圾，唔知以為自己去咗隔離葵涌廣場車仔麵。浪費了食材。 仲要唔係平。 以為喺新都會有啲水準。點解要寫夠八十字，兩個字講晒，垃圾。

經過總看到拉麵店外長長的隊伍，12時在新都會，又未到午飯繁忙時段，沒隊伍當然要吃！半自助點餐模式，食客圈好再交給店員。這裡只可選麵的硬度，湯的濃郁度及油膩度沒得選了。大概是保持湯底味道的一致感和層次感吧。下單後，5分鐘拉麵便到了，看到已覺得不會是濃味或很辣的味道，拉麵泛出一層層油，卻不是辣的油，是豬骨湯的油，不吃辣的人也可挑戰。麵條是幼麵，口感偏軟，即使點了硬麵也很快被湯底浸軟化了。有一塊叉燒，肥瘦適中，可選有蔥有荀作配料，玉子是另上的，麵來的時候，還以為漏單了，真是個大鄉里🙈🙈蛋的溏心狀態令人滿意。

今晚去新都會廣場食飯,到到都大排長龍,見到呢間拉麵好似流轉得幾快,就去排下隊先。等左15分鐘到就入得。首先,睇下menu先啦。睇哂成本餐單,一於試下03人氣黑蒜油熟成拉麵餐廳仲有得選擇不同硬度的麵質。登登登登。主菜黎啦,飲一口湯底先,由於小妹鐘意重口味,非常喜歡呢個湯,非常濃郁,啖啖蒜味一流呀。而且仲有3款醬料比你添加,menu仲有教你咩拉麵配邊款最適合。自己就鐘意柚子胡椒,酸中帶胡椒味,幾特別不過塊叉燒口感略嫌硬身,而且只得一千零一舊。同場加映期間限定海鮮野菜餅。一口咬下幾脆身,而且有好多不同蔬菜,但太多我唔鐘意既紅羅白囉哈哈。不過總體都好食既,有蝦有章魚。總括,埋單加一百幾蚊,雖然無話超好食,但都算幾抵食既。

環境：👣👣👣食物：😋😋😋😋態度：😊😊😊性價比：👍👍👍環境方面，太過開放式，而且係電梯底，所以扣少少分食物方面，之前食芝士辛辣覺得太鹹，今次試期間限定既蛤蜊拉麵，豬骨濃湯湯底，蛤蜊好多，我食個碗無沙，我朋友話食到一兩粒有沙。整體ok。明太子芝士雞翼，拉芝黎，幾正，不過整體食落就好一般。態度方面，不過不失啦。比較少接觸，所以無太大意見整體而言，有下次既