俺流塩らーめん (新都會廣場)

营业中

休息中

黑蒜熟成濃湯拉麵，賣相非常好，未食己聞到強勁蒜香🧄，湯呈啡色濃稠，好鹹，一邊食要一邊飲水，麵硬度要左普通，不過食落偏硬。叉燒一層肥一層瘦，油脂感十足，可惜得一嚿。另一碗盛男拉麵，叉燒同麵情況如上。湯都係好鹹，要飲多d水👅

依家限聚令 2 人小出街食，6:00 後又無得堂食😫今晚就嚟買拉麵🍜本來期望都唔太大，因為始終係外賣諗住返到屋企一定無咁好食啦⋯⋯點知完全無喎，因為佢係分湯的，返到屋企自己放得靚靚咁影咗張相，真係同現塲食無乜分別😂值得讚賞👍🏻👍🏻美中不足就係炸雞無另外分開放，而係同垃麵一齊放，雖然個皮重係脆的，但下面雞肉巳浸濕，無咁好食，但整體外賣都保持到水準係值得一讚👍🏻Ps 炸雞無影到相😅

假日中午時分，與朋友閒聊小聚。經過呢間拉麫店，平時經過都見到人龍排隊入座。今日竟然唔需要排隊就可入座，我倆決定入座品嚐它的味道。不過我倆坐在電梯底下的位置，有點尷尬。除了拉麫外、仍有飯類及小食類選擇。不過當然要先品嚐它的拉麫。餐牌內有十多款拉麫可選。每款拉麫配不同的湯底及配料。我倆當樣揀了熟成湯底的拉麪，黑蒜油熟成濃湯拉麪及辛辣熟成濃湯拉麪加配玉子。每碗價錢約八十多元。拉麪可選軟硬程度、走蔥或多蔥、有筍或走筍。店內提供清水，但沒有待應自動幫你添杯，枱上亦沒有水壼。飲品要額外加錢。另外枱上亦有提供三款醬(黑蒜油、柚子及梅子)，適合不同的拉麪。個人認為柚子味道最奇怪。黑蒜油味道較好。黑蒜油熟成濃湯拉麪的湯底不會過咸，而且好香濃。麪質我揀了普通，不會太淋又不會太硬。不過配料頗少，拉麪配有少量筍及黑蒜塊，再配一塊不算厚的叉燒，味道較普通。不過碗內的流心蛋是加分位。友人的辛辣熟成濃湯拉麪味道也不錯，辛辣味不算好辣，天寒地凍食碗熱騰騰及辣辣地既拉麪都係唔錯既選擇。

呢間真係非常之好食！！！大推！平時就住附近，但都會同啲同學屋企人嚟食真係好啱胃口好好食(◕દ◕)(◍•ᴗ•◍)❤價錢正常一號好好食我成日食 個湯我可以飲曬佢√3號黑蒜油都香，不過我認為可以用佢擺喺度嘅調味料就可以√食一號再加黑蒜油稍微調味都ok我媽平時的梅子拉麵佢都好鍾意有個拉麵 個名叫唔知咩「男」（？ 好足料 我都會食 不過貴總之極度推薦！雖然有時會有少少人龍,但係整體都唔會排太耐 佢嘅小食嚟講 餃子都ok，細舊咗D耐唔耐食下都可以OVERALL EXCELLENT！(´∩｡• ᵕ •｡∩`)

【感覺普通嘅拉麵】去完附近打羽毛球啦，葵廣嘅嘢又食過下，所以就去咗新都會廣場試吓呢間拉麵啦。呢日係星期日嘅午餐時間，所以都要等10分鐘排隊先可以入去進食。因為都比較肚餓啦，就叫咗個又有兩件炸雞同兩件叉燒嘅拉麵。但係就覺得個炸雞呢其實冇比其他拉麵店做到咁脆啦，以湯底呢都係冇乜特別嘅。同埋佢嘅面呢就唔係我鍾意食嘅選擇，感覺係超級市場買到返嚟嘅拉麵。唔似得有啲拉麵店呢，係每日都係店內新鮮做出來嘅。但係面食落去呢，就冇想像中咁失望。我叫普通硬度呢，都做到呢個點嘅。咁我partner叫咗黑蒜油濃湯拉麵。而佢其實都係會有一啲調味料，俾你去調教下湯底嘅味道。所以其實我諗餐牌上嘅柚子味等等，都可以自己試吓溝出嚟。

葵芳呢間日本拉麵，門面好專業。今日食晏打算一試，平時食開拉麵都要百幾蚊碗，依傢外賣做緊7折，認真抵食！叫左個黑蒜拉麵湯底，加多個餃子試吓。拉麵有一塊豚肉及一隻蛋，如果大食嘅朋友可能唔夠飽，加多個餃子做配搭就唔錯啦！

見好耐冇食拉麵經過又唔洗排隊就試依間位置就唔太好 起2條電梯之間 俾人望住曬咁 又驚人咳一咳飛曬啲菌落黎...餐牌選擇比一般拉麵店多 而且味道較特別又梅子醬 又柚子味咁 仲有2款限定款式: 墨魚拉麵同芝麻醬雞肉冷麵我就揀咗個人氣嘅 鮮味蛤蜊濃湯拉麵 ($89)+菠菜 (+$12)賣相不錯 已被蜆吸引了👀真係超多蜆肉😂我諗有~15隻仲要食落幾新鮮 唔太沙 又唔腥湯底味道好濃郁 令拉麵十分入味 🍜麵質我揀咗硬 的確一開始食係硬咗少少 (但係都熟嘅) 不過浸咗起湯一陣就越來越淋 變咗啱啱好 所以寧願一開始揀硬麵條比較幼身 未去到話超彈牙嗰隻 但係有口感同好滑👍🏻都好食仲有幾片椰菜 椰菜味就唔出 亦冇原先脆嘅口感 好彩另加咗個菠菜菠菜超清淡因為完全烚 除左加咗少少芝麻粒 乜醬都冇加🥬預你加入湯麵食不過我分開食 食完鹹鹹嘅拉麵 餸一口菠菜中和吓口味😌至於另加嘅叉燒(+$13)半肥瘦 厚厚嘅一塊 但係唔夠腍 味道亦唔出 $13 一塊真係唔抵食-賣單2個人各一個拉麵 各加咗1樣野原本加埋service charge 10% $207.9但疫情關係 有20%off 食市優惠 變咗 $170如果冇優惠就

晚飯時間到都好多人，最怕就係要等位，見排隊人數唔多，第三張枱就有得食，之前都冇食過呢間，第一次試。新嘢期間限定墨汁魷魚🦑豚角拉麵，裡面啲豚肉超多，有十幾廿粒咁😱食極都有😂人氣～俺流塩湯拉麵，一片义燒但都算大塊，個湯唔會大咸👌🏻拉麵軟硬度適中🍜大阪燒餃子🥟6隻，我鍾意上面沙律醬配木魚絲😋，好有大阪燒感覺，餃子唔太大隻，一口一粒🍡不過拉麵店位置唔太好，因為係商場中間電梯位附近，比較開陽！而當日座到最入轉角位，自成一角，侍應差啲睇唔到我哋😂落order 等咗一陣子

拉麵之旅來到葵芳新都會廣場地下正中心的拉麵店，在openrice見到餐牌都幾豐富。由於疫情關係所以選擇留在寫字樓吃午餐，用了首次外賣自取優惠買滿$40減$20，又真係幾方便，有得用alipay先付款，又有通知告知可以取外賣。整個過程等了20分鐘就可以拿到外賣。【黑蒜油熟成濃湯拉麵】黑蒜味道聞著很香很撲鼻，不過湯底味道喝下又不太有味，蒜粒份量很多，可惜除了咸和蒜味就沒有特別。而拉麵質地可以，選了普通，不過這款拉麵始終浸久了就有鹼水味。叉燒好吃，肥瘦紥在一起，口感交錯，只得一塊就不夠喉。【俺流餃子】外賣自取優惠$20，一粒粒炸一口餃子，中間菜肉饀香，值得一試。

在附近工作的關係見證這餐廳開幕至今，每次經過門口都大排長龍等候，所以無緣品嚐它的美味！直至最近我朋友問到葵芳有什麼好食的餐廳介紹，於是便想起這間久違了在新都會廣場的一間日本拉麵🍜餐廳。到達現場後可能過了食飯時間人流不算太多，門外沒有排隊人潮，可直接入座相當不錯👍由於我朋友喜愛食辣野同鰻魚，我看見餐牌上有鰻魚飯🍚/辛辣熟成濃湯拉麵🍜就很快就選擇了👏🏻而大板燒餃子🥟覺得幾特別於是我們決定試試！味道方面一般但不太特別好吃～若沒有試過又不知道其味道如何😋

第一次光顧本店，坐於吧枱位置（還好，因為有部分坐位位於於電梯底下，感覺不大好）試了俺流紫蘇梅子拉麵，選了普通軟硬度的麵、有䓤、有荀。麵不算很有嚼口，但算不錯；肉有一片，頗厚，肥瘦適中；湯不油膩，不錯；加上有一粒梅子，很開胃的。同時我食用了放置於桌上自助享用的梅子醬、柚子胡椒和黑蒜油（各只試了一小匙），回家後腹痛+肚疴/肚瀉，一直到第二天還有腹痛肚疴肚瀉，相信是醬料不乾淨的原故。建議餐廳換個方式提供上述醬料。

一早想試試這間來自東京涉谷，自從登陸香港之後已開了多間分店，主打鹽味拉麵的拉麵店，這天因要到附近工作，工作過後，來到新都會廣場找午餐吃，見這拉麵店門外排隊等候的人不多，正好一試。鹽味拉麵一向是我最喜歡的拉麵口味，味道不但比濃味的豚骨湯底拉麵和味噌拉麵為清，即使與同樣較為清新的醬油拉麵相比，亦更加清新不膩，「俺流塩湯拉麵」（$59）既是這兒的招牌出品，而且以日本拉麵店來說，價錢也極為相宜，初次光顧的我當然要先試試它。這拉麵店是有下了檸檬片的冷水供應的，所以飲品方面本來可以不用叫，不過我見這兒的有吸引的「蜜瓜梳打」（$10/跟餐價）在餐牌上，被它吸引的我也有點來一試。午餐價才十元的「蜜瓜梳打」當然不會店家自製，而是來自日本的罐裝飲品。這罐味道不太甜，帶有蜜瓜味的有氣梳打飲品，在炎熱的日子裡伴著熱呼呼的拉麵喝，不錯。「俺流塩湯拉麵」的靈魂鹽味湯頭不算十分的濃，清清的，味道仍算足夠，與之前我在北海道函館吃的鹽味拉麵相比，味道雖或稍有不及，還是好喝的，微曲的麵條也頗索湯。喜歡這拉麵除了主要配料，質素不差的日式叉燒外，還有不少我喜歡的筍乾、大蔥和菠菜做配料，在相當程度上彌補了這拉麵沒有溏心蛋吃的缺

見到呢間野話骨膠原湯底好似好吸引，又無咩人排隊。男盛拉面，好多餸，有2舊炸雞，2塊叉燒一粒蛋，個湯底就係佢個骨膠原湯，有啲失望，唔夠濃味，又無咩鮮味，枱面有3樽醬都你點撈先最好食，但我試均都覺得麻麻。期間限定咖哩拉面，個賣相好得，好芝士，不過最後塊芝士係變左一舊甘，都溶唔到。味就係重口味既，但又唔係好咖哩。叉燒又係麻麻，炸雞又麻麻，對我泥講呢間係味千level🤐唔知食左一堆咩。

依家拉麵啱啱開嘅時候長期都有好多人排隊 所以一直都冇機會黎試， 不過最近見佢少咗人嚟食所以終於可以試， 本身鍾意食比較濃味湯底嘅拉麵， 嚟之前睇過食評，呢一間嘅湯底味道偏淡，所以期望唔係太大，本身諗住揀黑蒜油熟成濃湯拉麵， 但係望真啲檯面已經有三樽醬畀你加，包括係黑蒜油，柚子胡椒同埋梅子醬，咁諗一諗都係嗌最普通嘅鹽味湯底 然後再自由配搭醬料，好似可以一次過試曬咁多隻味咁，而且價錢仲平啲。試一試個湯底的確比較清淡 不過之後自己加番啲柚子胡椒醬，個湯又濃返少少 麵嘅質地普普通通都算彈牙，叉燒有燒過算係合格， 而且都幾大片，不過都係嗰食式拉麵冇流心蛋 ，始終差少少，當然你可以自己加錢去配埋，不過我就冇喇。如果喺新都會廣場諗唔到食咩，見佢又唔使排隊嘅話 都可以試下嘅，但要排隊就。。。。

今次我叫左辛辣塩湯拉麵 $65 + 玉子$12湯底好夠味😋唔算好辣 麵口感煙韌除左主食拉麵之外，仲有🥟大阪燒餃子$39🍗炸雞$45 估吾到2樣都好好味😍另外仲有個明太子餃子都唔錯👍🏼👍🏼香港地放lunch break時間吾長依間拉麵絕對係快食lunch 之選👍🏼又抵食上得又快 食完仲有少少時間番公司抖抖先work 😛😛