信州日本料理

营业中

休息中

晚餐 • 2人今年嘅聖誕節無特別慶祝，只係喺唔肚餓嘅情況下突然好想食日本野，所以就去左呢間日本餐廳試下喇～店舖唔算大，主要以木嘅裝潢為主。正值聖誕，有簡單嘅聖誕裝飾特選刺身拼盤8種 ($528)刺身係新鮮嘅，而且有海膽有拖羅，所以感覺好滿足，係略嫌價錢貴咗少少。牛油果軟殼蟹卷 （$108）一向鍾意食軟殼蟹，但呢個味道比較普通，就係淡淡嘅牛油果+唔算特別脆口嘅軟殼蟹。蕃茄牛肉稻庭烏冬 ($138)蕃茄湯底好濃味，所以食落特別飽肚，牛肉雖然唔算多，但味道好好，所以都唔錯南瓜雪糕 （$100)歷史悠久嘅南瓜雪糕，但我第一次食咋當時已經幾飽，不過都覺得幾好食～總括嚟講，野食味道唔錯，服務態度都ok (如果有笑容會更好)，可以一試丫～

說到要吃新鮮日本材料，當然要去信州品嘗啦～幸運的還有季節限定的菜式～先來個上刺身拼盤5款，有油甘魚、鰤魚、吞拿魚、帶子和甜蝦～新鮮就當然的了，加上魚刺身的鮮甜～～我最喜歡油甘魚，有淡淡香甜味，爽身不油膩～每件也切得厚身，很有口感很滿足～～蟹膏鮑魚鮑魚質感爽口，不硬身，加上香濃蟹膏，很配合，讓人食指大動呀～～燒牛舌、西京面豉醬牛舌很腍滑，面豉醬甜甜的很醒胃，帶有輕輕烤過的木香味～～北海道秋刀魚，剛好是秋刀魚的季節，肉質很鮮味烤得剛剛好，皮少少脆，新鮮可口～～還點了一個傳統和食 - 大根饅頭有些雲耳絲，中間是蘿蔔蓉，炸後外脆內軟，味道清甜，剛好去一下口腔的油膩感～～半燒日本A5鹿兒島和牛肉質肥瘦適中，牛肉香充斥滿口，醬汁酸甜味也令味道層次更豐富～吞拿魚蓉海膽飯吞拿魚香味濃，海膽好鮮味呀～～

同親老公係屋企附近搵日本嘢食，通常都係揀信州料理因為佢開係海邊，幾relax 又幾好坐，所以我哋通常都會揀去傾吓計食下野。因為我好多魚嘅壽司都唔識咁老公就幫我嗌左海膽壽司、帆立貝壽司同埋甘海老壽司比我。各樣都非常之新鮮同埋我好鍾意呢一種壽司嘅size，啲飯唔會扼得好實，又唔會一大舊飯放都放唔到入口！岩岩女仔。之後叫咗個海鮮紙火鍋，樣樣材料都好新鮮，湯又好飲，靚到連湯都飲埋。串燒方面雖然我嘅最愛係免治雞肉棒，但係我覺得信州嘅燒魷魚仲好食，佢燒得香口之餘又會鮮味十足。我每次去信州都會叫一個野菜烏冬。因為佢用嘅魚湯真係好好飲。搞到我一個人食晒冇分俾老公食。總括嚟講信州料理真係又好食又好坐服務又好。

信州日本料理之前吃過一次，覺得食物質素和服務都很不錯，今日再帶朋友來吃。首先當然要來一客刺身，有油甘魚，鰤魚，吞拿魚，帶子，甜蝦。款款新鮮有光澤。最愛帶子和甜蝦，非常鮮甜！凍食，鮑魚爽口嫩滑，蟹膏甘香，鮮味十足！牛舌經過師傅炆煮，然後再煎香，所以變得更腍身入味，外層帶點微焦，食落更香口。再配西京麵豉醬，帶點酒香，份外滋味。鹽燒秋刀魚，新鮮燒起，熱辣辣，滿滿魚油香，蘸上酸汁，好好味。這個坊間比較少有，做法亦較複雜，首先把大根打成蓉，再加入木耳絲，麵粉輕炸，外脆內煙韌，口感層次豐富。蟹鉗結實飽滿，很鮮甜。薄薄的和牛經過火炙，三成熟左右。肉質很軟腍，牛肉油花均勻，入口即溶，可配蒜蓉，蕃茄，洋蔥，香蔥一起吃，增加味道層次。再來一碗呑拿魚腩蓉飯，啖啖魚腩蓉，海膽帶甘甜，好正。食埋碗飯真係超飽！侍應服務貼心，會主動添茶和介紹菜式。

西環自從有了地鐵後，很多有質素的食肆進駐此區；可媲美中環 Soho。今天特地來接阿女放工，就在附近搵食。沿著海旁有間日式餐廳，望落地方雖然不大，但坐得舒適。服務員有禮地招呼我們坐在窗旁，還介紹了一個美味而奇特的紙煱二人晚餐。特選刺身五品刺身非常新鮮，質素唔錯。服務員細心地提醒我們品嚐刺身是由淡至濃味，所以先食真鯛、池魚、油甘魚、甜蝦，三文魚。蟹膏鮑魚鮑魚採用煮形式再撈上蟹膏，味道濃郁惹味。炸豆腐薄薄的脆漿裹著嫩滑豆腐，豆味很香。海鲜紙煱用紙來盛載著海鮮然後放在爐火上，這形式的火煱都是第一次見，感覺新奇。而煱內有帶子、松葉蟹腳和蝦，還有些菇菜等；材料豐富而湯底清甜。米牛簿燒牛肉雖然是薄片，但牛味濃。內裏放了很多葱花可減低肥膩感，而米牛又燒得香口；有雙重有口感。碎葱吞拿魚腩飯軟綿綿而充滿油脂的吞拿魚腩配上鮮甜海膽和魚籽伴上壽司飯食得很滿足。柚子雪芭最后以勁多柚子蓉的雪色用完結。

Farewell同事就食個靚靚日本菜lunch啦海膽同吞拿魚都好新鮮份量對女仔嚟講都唔少不過我自己食唔到咁多魚籽午飯時間一般都滿座，最好都係訂位先係附近嘅好選擇

堅尼地城少有的高質日本菜館。店內裝潢並不華麗，但食物水準高，服務又殷勤。二人份量套餐，份量足夠。刺身五品真鯛，池魚，油甘魚，三文魚和甜蝦鮮甜味十足，時令海鮮。蟹膏鮑魚用松葉蟹膏餚製鮑魚，入口甘香軟熟，多一個層次感，好正！米牛薄燒薄薄的煎牛肉，包裏著蔥花，炸蒜片，牛脂香滿腔，惹味可口。日式炸豆腐即做熱呼呼，外層薄薄的，內裡滑溜，一點也不油膩。海鮮紙鍋蔬菜和海鮮的精華盡在湯中，鮮甜好飲。碎蔥吞拿魚腩飯吞拿魚腩，魚籽，海膽，再加入蔥花，鮮，甜，甘，香....盡在不言中。整體來說非常滿意，值得推介。

西環有唔少有質素嘅日本料理餐廳，而信州料理呢一間餐廳我都食過唔止一次，水準亦都非常之高。我覺得信州最出色嘅係壽司，所以每次黎都會叫。今次我就叫左海膽、鰤魚、赤鯥、生蝦、帆立貝、鯛魚、左口魚邊、池魚、吞拿魚腩同油甘魚腩。壽司size唔係好大，一啖一舊，我覺得啱啱好，好適合我。飯同刺身嘅比例亦都做得非常之好。最正我今次覺得係海膽，鮮甜到呢～一d藍凡味都無。之後我哋又叫咗一個紙火鍋。材料用得都幾足，好多海鮮，唔會用到一啲平價貨，好新鮮，好食！佢啲串燒都處理得唔錯，熱辣辣好好食。但係另外嗰重點我會放喺佢既野菜烏冬。聽落好平凡，但係佢用咗魚湯做湯底，非常之鮮甜；而且烏冬亦都好煙韌彈牙，超正。一間餐廳嘅出品要好食唔容易，要保持到水準係更加難，但係我覺得信州係做到既。

西環其實都有好多高質素餐廳，尤其是堅尼地城，我係呢度嘅地頭蟲，呢一日就同家姐去咗堅尼地城海旁食日本野！餐廳員工好友善，同客人有講有笑，又給我們介紹菜式！我地點左幾款壽司，我最中意食中拖羅，軟滑無筋！壽司飯粒軟硬適中！真鯛壽司都唔錯，加咗檸檬皮，好清新，魚肉清爽！仲有鰤魚腩，魚肉肥美帶油花，帶濃郁鮮甜嘅魚味！灸燒左口魚裙邊都好香，魚油好豐富！我哋點左兩款刺，油甘魚同深海池魚，用燒汁調味，兩款都爽口新鮮！黑板有每日推介，我地點咗兩樣，第一樣係牛舌杉板燒，牛舌煮得好淋好入味，食得出杉板嘅香，仲有各種配菜好似秋葵日本番薯等等！另外配上西京麵豉醬，甜甜地用嚟點牛舌好好味！令一樣今日推介就係汁燒魷魚串，燒魷魚真係好香，魷魚非常新鮮，而且大大件，塗上醬油之後再燒，好惹味！點品有師傅自制棉花糖，比一般棉花糖冇咁甜，質感更綿密，第一次食咁特別嘅飯後甜品！

好耐沒有跟細佬吃飯，細佬話要請家姐去吃日本料理，記得西環海滂附近有一間日本餐廳，質素不錯的，我們就行過去吃晚餐！這間日本餐廳小店有刺身、壽司、鍋物、燒物等等。我們都點了一些。我們點了兩款刺身，分別是油甘魚和深海池魚，先食比較淡味的油甘魚，然後再食深海池魚，好特別，刺身相都加了燒汁，而不是點醬油，本身白肉刺身的味道不會很濃烈，加上燒汁味道很配合，刺身下面還有一些青瓜絲，可以夾着一齊吃，口感更清爽！之後我們點了幾款壽司，不想吃三文魚那些普通的就點了一些特別的！鰤魚腩其實就是油甘魚，脂肪分佈平均，肉質很甘甜，魚味濃郁！灸燒左口魚裙邊充滿魚油的香味，齒頰留香！白蝦壽司好特別， 蝦子中最小的品種，迷你蝦肉是人手一隻一隻剝下的，真花心思，配姜蓉來吃，新鮮美味！伴碟也不要小看，很特別的紅酒蕎頭，偏甜味，咬下去有紅酒香，可以用來清一清口腔！之後點了一個蟹膏鮑魚，超級香濃的蟹膏味，這個是冷盤來的，鮑魚好彈牙，惹味小食！牛舌杉板燒的賣相很有霸氣，杉木的香氣滲入牛舌中，牛舌炆得好淋，好軟滑，牛舌的油脂還滲進口腔，加上西京麵豉醬回味無窮！最後加多一碗魚湯稻庭烏冬，鮮甜無味精的湯底，很滿足！

好耐沒有跟細佬吃飯，細佬話要請家姐去吃日本料理，記得西環海滂附近有一間日本餐廳，質素不錯的，我們就行過去吃晚餐！這間日本餐廳小店有刺身、壽司、鍋物、燒物等等。我們都點了一些。我們點了兩款刺身，分別是油甘魚和深海池魚，先食比較淡味的油甘魚，然後再食深海池魚，好特別，刺身相都加了燒汁，而不是點醬油，本身白肉刺身的味道不會很濃烈，加上燒汁味道很配合，刺身下面還有一些青瓜絲，可以夾着一齊吃，口感更清爽！之後我們點了幾款壽司，不想吃三文魚那些普通的就點了一些特別的！鰤魚腩其實就是油甘魚，脂肪分佈平均，肉質很甘甜，魚味濃郁！灸燒左口魚裙邊充滿魚油的香味，齒頰留香！白蝦壽司好特別， 蝦子中最小的品種，迷你蝦肉是人手一隻一隻剝下的，真花心思，配姜蓉來吃，新鮮美味！伴碟也不要小看，很特別的紅酒蕎頭，偏甜味，咬下去有紅酒香，可以用來清一清口腔！之後點了一個蟹膏鮑魚，超級香濃的蟹膏味，這個是冷盤來的，鮑魚好彈牙，惹味小食！牛舌杉板燒的賣相很有霸氣，杉木的香氣滲入牛舌中，牛舌炆得好淋，好軟滑，牛舌的油脂還滲進口腔，加上西京麵豉醬回味無窮！最後加多一碗魚湯稻庭烏冬，鮮甜無味精的湯底，很滿足！

間店位於西環海旁，交通好方便，突然想食日本料理就過來了，當然加上見到網上評價都唔錯，首先服務員非常nice，好認真介紹每一道菜，然後我地點咗牡丹蝦、刺身拼盤、季節清湯、茶碗蒸蛋，蝦同埋刺身好新鮮，口感非常好，清湯還可以吧，蒸蛋蒸得啱啱好，唔會好老。整體來說，食物係高質量加上服務態度很好，所以價錢就會覺得好實惠，會再來的。

堅尼地城午餐食乜好？有好多選擇，今日就試日本菜！午餐有魚生飯都有熟食有好多選擇，仲跟套餐有前菜沙律，蒸蛋。蒸蛋原來會放白果！試左燒牛肉伴溫泉蛋飯，好足料，份量很大，一個女生可能吃不完。調味不錯，雖然有少少濃味，但配洋蔥同飯就剛剛好。食飽飽之後仲有泡芙做甜品！

位於堅尼地城高逸華軒和泓都旁，鄰近小巴站、的士站、巴士站和港鐵站，交通方便，最好是街邊車位多，自駕來也方便。面對海風把樹木輕輕搖晃，動感非常。餐廳面積不算大，平桌約有28坐，吧桌有6位，要來最好先訂位。開始餓了，先點餐。黑板有今日推介，新鮮料理，多人可選擇。真鯛薄切。晶凝通透的真鯛，配上蘿蔔蓉、茗荷絲（即姜蔥頭絲）、柚子醋、份外清甜。炸海膽，師傅月紫菜包好海膽，加上天婦羅醬油炸至金黃色，再用利刃分開，灑鹽提升味道。壽司八件：赤身、深海池魚、地金目鯛、油甘魚、真鯛、帆立貝、甜蝦和燒左口魚邊。赤身，吞拿魚的背脊部份，油份不算多，但味濃。深海池，加上茗荷絲，口感一流。地金目鯛，魚身淋甜，勁有鮮甜味。油甘魚，魚味濃，油份高。真鯛，魚身淋甜、有淡淡清香。帆立貝，鮮甜、嫩滑，有質感。甜蝦，爽甜有蝦膠質感，比平常的甜蝦厚實，鮮甜！燒左口魚邊，勁多油份，滑溜，口感佳。牛肉烏冬，牛肉勁嫩勁滑，又香牛味，烏冬都系超滑，食完就好飽滿！優質食材，豐盛的晚餐，正！一定要再來。

來到這裡晚餐， 叫來了;刺身沙律，切粒魚生們與沙律菜們各用料新鮮的。蚧膏鮑魚，鮑魚蒸熟切片撈上蚧膏， 凍上， 鮮味的。炸雞軟骨，脆炸但外層炸粉厚厚的。海鮮紙鍋，拆殼蝦兩隻，小蟹鉗兩個，魚旦兩片及菇菌菜們及大蔥兩段， 湯底清甜的。燒鯖魚，附上柚子醬汁可提升一下味覺的。茄子田樂，入口很油膩的。焼雞翼，鹽燒，肉質還不太乾的。以上試過的幾款， 還是像一般的日本料理店一樣； 味道及菜式并不算特別。飲料叫來了，賀茂泉延壽，凍上， 會有幾款杯给您自己簡的。beer的選擇只有一款。這店鋪地方很有限， 餐枱跟坐位也與隔離客人們十分鄰近； 以乎相隔半個身位也沒有..整餐飯都聽到隔離枱的人說話， 有束縛而不自在。枱面位置還有限， 所以叫來的東西都不能完全同時一齊放下享用啊。。