信州日本料理

营业中

休息中

臨近母親節嘅日子，又唔想喺正日喺街同人迫，於是就提早同媽媽兩個人去食母親節晚餐。由於媽媽比較少食日本菜，所以今年就比個搞搞新意帶咗佢去食日本料理。媽媽就比較鍾意食魚，所以今餐就以全魚宴，有刺身、壽司、蒸煮物同炸物。點咗嘅嘢食包括：- 真鯛薄切- 平政魚刺身- 特上壽司拼盤10件- 蒸鯛魚道明寺-手釣池魚炸物真鯛薄切真係考師傅嘅刀工，薄薄一片共十二片，配備香蔥、辣蘿蔔蓉，卷埋一齊再沾上柚子醋，味道鮮而香。平政魚刺身脂肪含量豐富，口感肥嫩爽口，味道比較濃郁。特上壽司拼盤10件各有特色，今次就第一次食赤鯥，油脂含量豐富，獨特甜味同平時食嘅刺身好唔同，拍得住喜知次嘅味道！蒸鯛魚道明寺，白裏透紅配上櫻花嘅幽香，再用櫻花葉包裹，口感煙韌嫩滑，季節限定嘅菜式，值得一試。手釣池魚炸物，炮製成又香又脆的吉列池魚，鍾意食香口嘢嘅朋友必試。呢餐飯媽媽好滿意，最緊要係佢食得開心。

無得返鄉下嘅日子就只能食鄉下嘅餸菜，今次就揀咗喺西環嘅信州日本料理。黃昏六點就嚟到西環海旁，原本諗住同Honey可以好浪漫咁睇埋個日落，點知就大霧到睇唔到，咁唯有泊好架車早D食晚飯。六點半嚟到由於時間尚早，所以唔使等位。先點咗個真鯛，薄切點柚子醋，柚子柚令到鯛魚嘅鮮味提升，一個字形容-正。然後點嘅平政魚刺身，平政魚係屬於比較爽口嘅口感，都係我鍾意嘅質感。到特上壽司拼盤，總共有10件，分別係拖羅、中拖羅、油甘魚、深海池魚、平政魚、海膽軍艦、 左口魚邊、赤鯥、牡丹蝦同埋帶子。各款壽司都有特色，不過始終最難忘嘅都係拖羅，入口即溶，滿口都是拖羅嘅味道，真係好回味！第一次食嘅時令櫻花立魚煮物，呢個好特別，粉紅色嘅口感有些少似糯米，整體味道有淡淡嘅櫻花味，令到更加懷念以前喺日本睇櫻花嘅日子...吉列池魚由於變咗炸，其實同平時食嘅吉列魚柳就無太大分別，不過好香脆。鮑魚牛油鐵板燒嘅鮑魚炒得好爽口，牛油味好香。最後炸海膽係比較特別，因為平時食嘅海膽大多數都係刺身咁食，熱辣辣咁食海膽都係第一次，不過味道同平時食嘅都係差不多，好鮮味。埋單都唔使$2000可以食到咁用心嘅日本料理，真係抵食。

呢排去開西環 去到夜晚開始喺附近搵食想食健康又好味既嘢 - 日本嘢一定榜上有名Search完一輪見到呢間review好唔錯 決定會一會佢去到門口發現原來我地幫襯過!! 仲要search緊嗰陣bf提議過去返呢間🤣(兩條友來過又冇留意呢度叫信州🤣) 即刻知道d嘢食會好ok 服務都好！waitress姐姐好好本身仲覺得bf好無聊又揀烏冬結果食得仲多過佢番茄烏冬不得了個湯底好掂我好鍾意銀鱈魚西京燒一定冇死 好味好basic既三文魚牛油果壽司 相對烏冬/西京燒較遜色 不過都ok

今晚跟朋友過嚟食日本嘢，佢極力推薦呢間餐廳，餐廳主要都係木調為主，好有日本居酒屋嘅感覺。雖然地方唔算大，但係坐得都好舒適，重點嘅係冷氣好夠凍！佢呢度食物種類都好多，我哋都睇咗餐牌好耐先決定到食咩。呢個刺身拼盤超級出色，擺盤已經好靚，每樣刺身都好新鮮，屬於水準之上。跟住我哋點左店員推介嘅炸魚鱗，佢係比一般嘅魚皮更加爽脆，而且毫無腥味，送酒一流。天婦羅拼盤入面都有好多種各式各樣嘅蔬菜，連秋葵、苦瓜都有，而且佢嘅天婦羅大蝦係超級出色，上枱嘅時候仲係熱辣辣，食嘅時候都要小心啲唔好燙親。店員仲介紹咗一款特色嘅食物俾我哋，係用日本時令嘅魚，配上櫻花葉，入面仲有一啲粉紅色嘅米飯，賣相好吸引，食落去嗰種感覺唔識形容，好特別，一試難忘。另外一款菜式係白子同埋魚春，自己本身好鍾意食白子，但係喺香港餐廳唔係成日都有得食，估唔到呢度竟然有，雖然呢度嘅白子係整熟咗，但係食落去都好軟滑，好似食緊鵝肝咁，我配上醬汁，成件事係好夾！整體而言，呢間係一間好有心思嘅餐廳，因為經常都會有啲精選菜式，而且食材都比較特別，同坊間一般日本餐廳有啲唔同，期待下次再嚟可以試到新嘅菜式。

今次去左朋友介紹的日本餐廳食飯，唔只服務好好，食物水準都好高。食完之後都有種去左日本🇯🇵的餐廳旅行既感覺。地金目鯛薄切份量都幾多，有12片，每片金目鯛切得好薄，要好好刀工先做到，將刺身沾少少醋再加蘿蔔蓉，更加突出金目鯛嘅鮮味，必定要試！鯥魚刺身第一次食鯥魚，魚嘅味道比較濃烈，不過加上預先調味的酢和洋蔥可以中和味道較為溫和，味道更加鮮甜。而餐廳特登等我哋食了金目鯛再上鯥魚刺身，由較清淡味的魚再到濃味的，十分專業，道明寺櫻葉蒸一打開蓋好有驚喜，十分之靚的菜式，用櫻花葉包住左粉虹色的飯同一片魚，味道清得黎有少少甜。牛肋骨串口感味道有少少似牛仔骨，但係就更加軟焾，調味不會太鹹，所以更加食到本身的牛味，要本身食物材料優質先可以做得到。杉版紙牛舌十分推薦的一品料理，牛舌烤得好香，而側邊嘅配菜全部烤完冇落調味，可以食到佢本身嘅味道，之後再沾上有酒味的醬汁，好惹味。魚湯烏冬魚湯好濃郁好鮮，烏冬係幼身嘅，吸左湯汁嘅味道好夠味，一啖烏冬一啖湯咁食，最後仲飲晒成碗魚湯。

同男朋友慶祝紀念日，想食日本餐廳就黎左信州。餐廳幾寬敞舒適，然後店員都好親切，由魚生轉熟食會換碟，亦都好留意顧客嘅需要，茶杯唔滿會主動斟茶，服務好好，而且食物都好好食好高質。/水雲酢物🌟佢係用魚的鼻頭肉加酸酢，配埋青瓜酸酸地幾開胃，食落口感有少少似海蜇，幾特別。/地金目鯛薄切🌟金目鯛係日本的高級魚，望落去肉質好通透，粉粉地色剩係外表都好吸引，味道好新鮮，仲有少少魚的油脂香，好好食。/鯥魚刺身🌟店員推介的季節刺身。平時魚生刺身好少會連魚皮食，但這款刺身魚皮有略為烤過，以燒霜的手法處理，所以會有更加香的油脂味。/牛肋骨串🌟牛肋骨用上黑白胡椒去調味，口感十分鬆軟，可以好輕鬆就咬得開。師傅烤的時間掌握得好好，表層有少少脆之外，仲充滿了牛的油脂味道，好香。/日本福袋🌟福袋入面材料豐富，食到有蔬菜、帶子、蝦、豆腐、菇等，外層腐皮仲係好脆，相信係新鮮炸完，澆上汁後即刻上枱，十分有心思。/蒸鯛魚道明寺🌟外表好吸晴，好似懷石料理咁細細地好精緻，用櫻葉包住左鲷魚同飯蒸成，食落味道有好少甜味，有櫻葉味道更香。/杉版紙牛舌🌟煎牛舌十分香口，配菜有松茸、南瓜、蕃薯等有少少甜味，加上充滿濃郁酒味的橙黃色的醬汁，好

西營盤地鐵B出直落，近海就到，偏闢，以往嘅諗法真係除咗咁想法，而家對住個青馬大橋，就好似好靜咁，今次到嚟呢到，真係有啲意外，呢間日本料理坐低，一啲都唔簡單，食完之後，更加覺得係一個好大嘅享受，我哋坐低叫咗個刺身拼盤八款刺身， 每款兩件或四件，有雪花拖羅，一般係腩，油甘魚，吞拿魚帶子一開二，重係好大粒，三文魚，鰤魚，外而面好小見，值得一試，池魚可口，真鯛更難得有供應。一個鹿兒島和牛A4 tiktok one， 勵志日本 鹿兒島和牛，肉質都係鮮美，比起飛驒牛又有另有一番滋味 。一個魷魚酥炸炸串， 兩串魷魚一圈圈，入口煙韌爽脆 ，醬汁香濃 ，感覺完全係新感受 。一個鮑魚，鮮到唔鮮嘅鮑魚，慢慢咀嚼 ，甘香可口 ，簡直係享受到 難以形容呀 ，啲醬汁仲係師傅特別製造嘅。季節魚湯 真係甜到漏油呀，師傅自家製大根饅頭 ，師傅用蘿蔔蓉 再用一糯米粉，搓成一個比例啱啱好，唔黏呀牙又唔會覺得唔爽嘅，饅頭味道清甜可口，值得一讚再讚，仲有嗰個 杉板仔牛舌， 嘩！你講啲好味再講我連嗰個杉板木片都攞埋返屋企 ，真係諗都冇諗過 ，會可以有張咁好嘅產品木紙 ，牛舌真的比前食的更好味，仲一個三文魚鱗真係食到舐舐脷呀。

去開西環撐世侄女剛新開經營嘅舖頭 ，真是後生可畏👍加油，她知道我喜歡食日本菜，便介紹我去附近"信州日本料理"一嚐日本菜色，地點鄰近海旁，可行下海旁影下相，好舒服呢！地點有啲似九龍紅磡海旁碼頭，望住大海好靚還有日落添！😁嘆完日落唔洗兩分鐘便到"信州日本料理"是地舖呢！如果有車的朋友可泊車在門口附近好方便。地方不算大，坐位舒適有大玻璃可望向街方向，女侍應生非常有禮貌， 隔住口罩也可望見她嘅笑容，探過熱 和消毒搓手液後，細心遞上menu還介紹精緻的日本菜呢！炸三文魚鱗~不是炸魚皮是炸魚鱗，好特別啊！入口香口兼脆口！配sake品嚐一流。特選刺身拼盤8種~有拖羅 油甘魚 吞拿魚 帶子 三文魚 鰤魚 池魚和真鯛，可能有啲名稱記錯，😂不過最重要係刺身太鮮，肉味太甜，加埋就變了鮮甜喇。呢點就唔會記錯😍👍慢煮鮑魚會松葉蟹膏~鮑魚爽口，師傅手工一流切薄薄一小片再配蟹膏嘅甘香，聞到香味，入口濃濃蟹膏鮮味，但又不影響爽口鮑魚味。鹿兒島和牛A4 TaTa Ki ~鹿兒島和牛肥瘦適中，肉汁嫩滑，侍應生介紹我哋食法，將洋蔥 蔥花 蕃茄仔 一齊進食，呢樣就係鹿兒島和牛嘅風味啦👍😍 我都醒起有年去過鹿兒島食過呢種嘅方法

我到堅尼地城的次數，真的不出2次，今日去到這裏，要找好吃的，這間日本料理看來不錯，要試一試。點了廚師發板，先來的是旬前菜三點，分别有生蠔這個是軟中帶爽，另外有糖脆腰果令人開胃，還有青瓜芥末八爪魚青瓜爽口。刺身成五品，真鯛刺身白玉透光可細味出淡淡的清甜味，金目鯛刺身油脂適中甜美嫩滑，象拔蚌刺身爽甜，牡丹蝦刺身肉厚綿滑爽甜，鰤魚刺身味道濃沃肉質厚實，吞拿魚魚腩刺身油分充足油香在口內四散。慢煮鮑魚配松葉蟹蟹膏，這個不得了，鮑魚煮得軟中帶爽，而又爽中帶滑，配上松葉蟹蟹膏鮮味爆燈。鹽燒一夜乾喜知次，這個真是不講道理的鮮美，魚的油分經燒的過程更濃郁香味，因一夜乾的關係使魚肉更扎實，而且所有精華也更濃縮在魚肉內，簡直不能停口。最後必點這個蕃茄豚肉烏冬，番茄味道甜美無比，豚肉軟滑可口，烏冬滑而不散掛上了蕃茄湯底的精華， 真的是人回味。味道: 回味再回味環境: 舒適衛生: 整潔服務: 殷勤價錢: 超值

如果唔係疫情都去了旅行，不過唔緊要，都俾我遇到好的料理店。店員親切有禮，經常有溫馨提示，如菜式上枱告知食法。叫了廚師發板和幾款菜式。<筍前菜三點>蠔肥美、糖霜腰果脆口微甜、青瓜芥茉八爪魚爽口彈牙。<刺身盛五品>真鯛魚肉呈白色，味道較淡；金目鯛呈粉紅色，味道濃郁。還有象拔蚌，牡丹蝦，鰤魚，吞拿魚都鮮味。<吸物>鯛魚湯呈白色，魚味濃，店員建議我喝一杯後，加入青檸汁，味道更鮮，其後湯的味道越來越濃。<日本鹿兒島A5和牛薄燒>和牛嫩滑，加了炸蒜味道更香。<季節和食>慢煮鮑魚配松葉蟹蟹膏，鮑魚切薄片，口感軟腍，仲要被啖啖鮮味的蟹膏包着，好味到爆登！<時令壽司五貫>油甘魚油分夠不油膩，赤鯥魚，秋刀魚，左口魚魚邊，海膽鮮甜。<時令日本甜品>日式和菓子是一個紅豆餡的甜品。<牛油炒蟶子>食落多了份牛油的香滑感，令蟶子更惹味。<蕃茄豚肉烏冬>可選牛肉烏冬，蕃茄湯味道濃郁鮮甜，我差不多喝了半大碗，豚肉唔羶，烏冬很滑。

特上壽司拼盤火炙左口魚裙邊壽司肉質好嫩滑，而且火炙後帶出油脂，味道濃郁甘香，十分爽口馬糞海膽壽司一入口都係滿滿嘅海膽鮮味，味道甘甜，一啲都唔腥，好想一食再食🤣北海道帆立貝壽司質地厚實，食落去都好鮮甜池魚壽司口感爽口，同埋帶小小油香雞皮餃子用雞皮製成嘅餃子食落去外脆內軟，雖然係雞皮但係唔會覺得有油膩嘅感覺山椒汁香魚魚嘅肉質好滑，而且完全冇腥味辣度亦都啱啱好 送酒送飯亦都好適合牛扒我地叫咗五成熟，牛扒有好豐富嘅肉汁 好Juicy蕃茄牛肉烏冬呢碗烏冬份量都唔少，有好濃嘅蕃茄味，酸酸甜甜，值得一提嘅係店員都好貼心，知道我同朋友兩個人share，佢哋自發幫我哋分成左兩小碗，服務態度非常之好

朋友知道我麻麻地中2食魚生，就揀左間有熟嘢食ge日本餐廳🇯🇵夜晚7點半左右到達，唔使排隊可以直接入座🥰我哋點左特上壽司拼盤deluxe sushi platter,我最中2油香ge火炙左口魚裙邊壽司、鮮甜ge海膽壽司& 北海道帆立貝壽司，另外嘗試池魚壽司，估唔到無腥味，好鮮味！雞皮餃子好出色！脆卜卜好有口感❤️必須encore!!! 山椒汁香魚宜家當季，所以都點左黎試下，luckily唔腥而且好滑！個steak 好正，半生熟，個汁同牛勁match, 好應該配飯！但我哋點左蕃茄牛肉烏冬，只好下次再嚟過🤤成餐飯都有驚喜！

Food was better than expected given the location and service was excellent. Very detailed orientated and polite. Plastic bag was provided for masks and sanitizer was provided before the meal. Personally enjoyed the tempura and sushi platter

同朋友黎公司附近食晚飯試下呢間日本料理經過店員介紹我地決定要個刺身拼盤同牛肉日式火鍋個刺身拼盤好靚呀！仲有我最鐘意嘅帶子刺身！🥰帶子刺身好鮮美，唔會有雪味👍池魚同金槍魚都好油潤，正！👍👍牛肉火鍋勁多材料一大盤蔬菜同一大碟靚牛仲有特別嘅麻醬而湯底即使只得一片昆布都可以煮出一鍋好好味湯底原來侍應小姐仲會幫我地煮火鍋連蔬菜都有擺盤唔係有佢，我地一定亂咁淥😂下次食一人火鍋我都要咁！蔬菜好鮮甜牛肉雪花分布平均淥得稍耐都唔會太韌👍估唔到一個盤都夠晒我地食到飽但今日侍應仲特登請我地食柚子雪芭😍😍雪芭好軟滑不過甜，清新好味👍

朋友仔啱啱搬黎堅尼地城今日黎探佢順便一齊食下飯佢帶左我黎海旁嘅呢間日式料理店估唔到呢度別有洞天～我比朋友先到，店員好親切咁招呼我同我介紹返今日嘅飛機貨同佢地嘅招牌食物好好人☺️朋友黎到，我當然俾佢發板啦佢揀左一個刺身拼盤同美國牛肉shabu shabu🤤🤤🤤刺身拼盤好新鮮絕對唔係俾hea貨三文魚有帆立貝，鰤魚，金槍魚，池魚同赤身每樣都好好味但印象最深刻嘅係赤身雖然只係赤身，但都唔會只得魚腥味，比一般嘅赤身好味好多牛肉shabu shabu平時食唔少但呢度竟然係有專人服侍幫我地煮埋大部份！店員喺我地面前將蔬菜慢慢放入窩仲排得靚靚咁☺️果然係視覺加味覺嘅享受！牛肉就等我地將蔬菜食到大半時自己落上等靚牛，脂肪分布均勻所以淥完都好淋滑～仲有葛粉，好特別，平時好少食但都好吸湯，好味！多謝朋友嘅好介紹！