信州日本料理

营业中

休息中

心血來潮約朋友去西環行下，行到近碼頭附近有點肚餓想搵野食，於是上網搵下附近有無好介紹，最近有間日本料理於是決定去，沿途附近有好幾間酒吧，加上附近夜景親托感覺特別浪漫，下次可以來拍拖食野睇海景。旬前菜三點 (汁煮鮑魚(鮮甜爽滑)，麻醬汁配波菜(波菜有小小酸味道配麻汁好香又唔膩，好開胃)，雜菜沙律(日本蕃茄配醋啫哩用金鉑點飾，醋啫哩味道好清新，蕃茄質感好粉好好味，系我鍾意既質感。)三款前菜螎入左色香味，味道好夾好清新。日本99島蠔，師傅預加了酸汁和葱花，第一次品嘗這個配搭，好fresh，蠔本身都好新鮮好甜，食完還有餘甘留系口到。季節清湯選用立魚配銀杏蟹柳魚蛋。廚師推介先品質清湯原味再加青檸。原味好清好鮮味，加了青檸汁後湯的味道好濃郁，所有材料的鮮味都帶出來。好味鹽燒香魚配搭深海海草汁，香魚是三四月份才有得食既(魚既size比秋刀魚還細小)，魚肉質感有點梅但好鮮味，再點海草汁味道感覺又完全唔同啦！(各位可以親自去味嘗一下)雜錦壽司拼盆深海池魚，金木蘭魚，青魚，生菜包燒三文魚，日本馬糞海膽。廚師推介 先食馬糞海膽壽司，因為外包紫菜仍然脆口，放耐左唔脆就無左這款壽司既獨特之處。金木蘭魚既魚味比較

 堅尼地城實在愈來愈多日本餐廳，回想起十年前，其實只係得山市街嘅神谷。今時今日你想要什麼日本料理，都可以喺堅尼地城食到。今次友人帶我嚟食omakase，十分期待! Omakase簡單一句就係廚師比咩你就食D咩(當然你可以跟廚師事先揚聲唔食D 咩)。友人們選擇坐喺bar台，可以近距離望到廚師們。今餐飯有水準！ x 100！* * * * * * * * 首先嚟個開胃小食，魷魚是也，配埋sake，正!之後係汁煮鮑魚，其實我係第一次食呢個食法。刺身時間開始！刺身由廚師續一新鮮切上。先係石垣鯛(イシガキダイ)。再嚟深海池魚，個人認為可以切薄少少。再上，油甘魚(はまち)，好好味！拖羅(Toro)，加埋師傅配上的少許岩鹽，入口即溶！新鮮海膽，可以配紫菜/ 少許白飯。A5和牛！新鮮，賣相口感一流！嚟個海鮮茶壺湯，清下個胃。香濃鮮甜！燒縵魚。可以多番少少縵魚汁，就更加好。追加我最最最愛的帶子！超好味。炸天婦羅，nice。最後叫了清新嘅柚子sorbet，劃上完滿句號。呢餐飯太好味。日本嘢食得多，但omakase第一次食，一邊食一邊有驚喜。大家下次嚟西環不妨試試信州啊！

早前約了朋友過來晚飯Aminn下午已經先來個慢活Afternoon Tea到晚上就經海旁來到信州日本料理門面沒有華麗日式裝潢 只有寫着店名幾個字原來這間店特色就是Omakase 就一試吧~朋友點了$888的餐 我就點了$680的當中有旬前菜、刺身盛三點、季節清湯、半燒日本鹿兒島A5和牛、季節燒魚、季節天婦羅、特色時令壽司三點及甜點。旬前菜汁煮海螺爽口彈牙 而且原隻汁煮過不是只鹽水焯或是汁煮螺肉騙過去鴨胸肉上加了梅醬 味道微酸開胃又減輕了鴨胸的油膩刺身盛三款拖羅(吞拿魚腩)的油脂較多 入口即溶便是靚貨海螺片也很爽口 加少少檸檬汁增加鮮甜金目鯛肉質白裡透紅 肉質有點韌度 個人就不太喜歡了半燒日本鹿兒島A5和牛和牛雪花紋好美入口即溶的和牛在香港真的少有配搭的酸汁加添層次季節燒魚日式的燒魚都是幼骨的 而且啖啖嫩魚肉無論是佐酒還是伴飯吃也是美食之選季節天婦羅天婦羅炸蝦通常都大大隻肉質爽口 控制火喉才會炸得金黃秋葵本身帶點黏口 把秋葵炸到脆脆的口感Aminn好喜歡天婦羅沙椎魚肉質結實 天婦羅粉漿不會過厚店員建議我們海鮮可以蘸海鹽 而蔬菜即蘸天婦羅汁特色時令壽司三點店員建議我們由魚肉清淡的開始品嚐其

自從上次同姐妹淘去完西環海旁的 Bistronomique 吃晚飯後,一直都想再來附近的餐廳試試,反正坐地鐵話咁快就到(如果無事故的話)...早前,有朋友下午到了港大見工,就提出去海旁找一間餐廳食飯,朋友屬意日本菜,我自己對放題一向興趣缺缺,知道附近也有廚師發辦的餐廳,而且收費也公道,決定一試!我愛廚師拍版是因為我是極為喜歡近廚得食的感覺,好像在看Jamie Oliver,不過朋友說想傾計,結果我們都是坐四人的餐桌就好!Omakase 簡單來說是由廚師以最當時得令的食材去製作料理,與中國人的不時不吃有異曲同工之妙,不過Omakase 事前是不知道的,驚喜度會比中菜更高,當然,你有不想吃的食物也可以提出的喔!這裡的Omakase 分了兩個價錢,價錢高一點的食物份量比較多,而價錢低的相對份量就比較少,我們二人就選了一大一小的分著吃~先來的是旬前菜今日是汁煮海螺及清酒八爪魚,先說汁煮海螺,醬汁不濃重,可以吃到新鮮海螺的鮮甜爽口,而清酒八爪魚,醬汁也是不濃重,肉質少彈牙日本季節生蠔--仙鳳趾蠔定價較為貴的Omakase 是有生蠔的,今次的季節生蠔是仙鳳趾蠔,因為Kawai 是不吃生蠔的,就算吃

以前你叫我去西環，真係怕怕，現在有地鐵，可以多d過來了。黎得咁遠，當然要搵間好嘢食！今晚就搵咗呢間日本料理！一開餐當然食個沙律醒醒個胃先，先黎個刺身沙律（汁特別調配），本人就覺得清新得黎帶甜，剛剛好，開了個胃！跟住就黎個我的至愛—刺身，果然係一級水準，那精緻的擺放，已經餵飽晒視覺胃口，差點令我唔捨得食添！深海池魚肉質嫩滑，跟住試右口，肉質好爽！正！吞拿魚腩，近乎入口即溶，有少少...許筋，而且都嘗到那魚油味，所以都估計係上等貨式！最後試油甘魚腩，由於經過微炙，那豐富的魚油味就充分揮發出來！而本人就最喜歡那右口的清甜爽口和豐富魚油味的油甘魚腩！（自知口味極端一清一重）真係好好味！之後就上加洲卷，本人就好鍾意啦，因為我好鍾意食牛油果的，這個卷物雖然簡單，但就啱晒我口味。到了中場的清湯了，都獨特，清甜得來帶有甘甘地的味道。令人回一回神。回神之後，就繼續！三文魚生菜包，那經過微炙的三文魚又係充滿我喜愛的魚油味，但由於佢配飯和被生菜包住，當中還配了一種較清新的醬汁（少少甜帶芝麻味的醬汁），中和了，絕不會過份膩的感覺！跟住就不得了！好大個金目鯛魚頭，見到都興奮！本身魚味濃郁，再加上清甜的醬油汁（師

以前返港大都真喺幾唔方便，來來回回，都要個幾鐘！所以一放學，無乜事做都即走！今日跟大學同學坐地鐵重遊港大聚舊，點都要喺附近搵個好地方豪一番！其中一個女同學話想食 Omakase，所以嚟到依間喺西環海旁隔離嘅小店！小店裝修環並不談上奢華，但勝在舒適！一入門口右邊設有壽司吧，俾客人同師傳溝通，讓師傅為客人介紹最優質當造品嚐嘅食材！進餐過程完全喺師傅同客人之間一對一嘅交流！固然，我哋一大班人緊唔好霸住人哋壽司吧啦！安頓後，待應姐姐就為我哋送上一卷溫暖嘅熱毛巾，出街食多過咁多次飯，我真喺從來未見到咁細心嘅安排同服務！待應姐姐再好有禮貌咁問我哋要唔要清酒再加熱！嘩，真喺超細心！見我哋開始坐定哂，飲過酒後，待應姐姐就為我哋送上第一碟《刺身沙律》，而依碟《刺身沙律》當中包括有甜蝦、魚子、吞拿魚同三文魚！因為多數喺其他餐廳食到嘅所謂刺身沙律，都喺得幾片三文魚！而依到嘅《刺身沙律》提供到刺身質量同數量真喺高一層次！賣相吸引之餘，味道真喺鮮甜，而且肉質彈牙！可見食材本身新鮮！第二款送上喺碟《刺身盛盤》當中有深海池魚、右口角魚、拖羅及油甘魚腩！依個《刺身盛盤》真喺成盤藝術品，賣相超一流，可見師傅真喺好有心思

年間不時在Openrice閱讀到日本菜的食評，畢竟在香港也是數一數二的流行外來菜式。沒有刻意去搜尋或瀏覽，但總有數篇是比較印象深刻的。特別要數香港武滕鶴榮的文章，精煉深入又富趣味。八成的評文均有編輯推介，卻因篇數太少仍只是入門級別。老實說推不推介也罷，處處皆有好文未被賞識，但制度有點不公還是說不過去了。　　怎樣也好，有日心血來潮按進食家專頁，恕我未有閱畢近三十篇。最近想找一間日本料理豪一次，看著食評想參考。但價位高得驚人，大可以話我好小家，只係作為窮學生就是又要食又想平。只好看看評文比較便宜的兩間。對麵興趣一般，以前嚐過連鎖店版的Omakase，形式好像不錯。選定這間，結果找朋友同行反而比挑選店家更艱難。　　店家隱藏於西環堅尼地城海旁的角落，路易走，不算難找。店面簡潔，沒有華麗裝潢，樸實自然。外面豎著木架，上面大力推介Omakase，讓我想起文中提到作者與職員的對話。不過今次衝著這個而來，就不再多想了。　　環境也算舒適寬敞，燈光稍暗但視野都清晰。當晚近七成入座，但我沒有被安排坐吧枱。好奇心重，若果有機會都會想近距離看看，只怕阻礙店方運作。　　說要平食，我當然選左邊一款。只是近來身體感覺

西港島延線通車已接近三個月，到港島西區覓食的朋友也逐漸增多。難得朋友們遷就我下班後一起到西區覓食，豬豬自然不會推遲。信州日本料理坐落堅尼地城海旁，屬於食肆林立的區域，不久將來相信會成為港島西 Soho。在本港供應 Omakase 的日本料理不算多，在堅尼地城來說信州日本料理相信是唯一的一間。傳統的日本料理當中，有一款叫做廚師發辦 ~ Omakase。簡單來說就是由廚師決定以當時得令的新鮮食材而製作出來的料理。對於客人來說當天吃什麼，事前是不會知道的。如果有什麼食材客人不想選擇的話，也可以向侍應提出，讓廚師稍作更換。這裏的 Omakase 分大小兩種，價錢高一點的供應的食物份量較大，價錢低一點的自然食物份量較少。我們一行四人選了兩個大的和兩個小的，就看看他們有什麼不同吧。首先出場的是前菜，有汁煮海螺和清酒八爪魚。食材新鮮調味不重，自然可以吃出海鮮的鮮甜味。大 Omakase 還多了一件原殼生蠔，侍應說這款蠔名為仙鳳趾蠔，我們還笑說相信和鳳爪沒有關係吧 (嚇)。大 Omakase 的刺身五點出場了。右口魚、海螺片、金目鯛、牡丹蝦和 Toro。侍應逐樣介紹刺身名稱的時候，我也差點記不下來。刺

今天終於第一次搭港鐵來到西環，與友人逛下街，入夜後友人建議食Omakase「師傅發辦」，後來用手機在openrice 搜查附近的食店，我們尋找了這間信州日本料理，此店主要都是食Omakase，Omakase都是師傅用以時令的食材炮製不同菜式給客人享用，沒有固定的餐單，做出不同的配搭可以做出不平凡的口味，好讓客人帶一點驚喜又可以食都時令美味的食材。 為滿足了我們二人挑剔的味蕾，今晚決定一於來食Omakase， 店中有兩款Omakase，有$680及$888，我們兩人想試多些食物都選擇$888，當中有旬前菜三點、日本季節生蠔、刺身盛五點、海鮮土瓶湯、半燒日本鹿兒島A5和牛、季節燒魚、季節天婦羅、特色時令壽司五點及時令日本生果。 旬前菜三點(汁煮八爪魚、汁煮磯粒貝及鴨胸)汁煮八爪魚讓我帶點很驚喜的味道，爽口帶軟熟，又有富薑汁的醬油香，非常入味。 汁煮磯粒貝底層墊了一些蛋白的海鹽，磯粒貝都好爽口彈牙，鴨胸肉上加了梅醬，卷起日本芽葱，入口味道微酸清爽又開胃，可減輕鴨胸的油膩感。 日本季節生蠔「仙鳳趾蠔」的生蠔我都是第一次食，蠔肉都比較肥美飽滿，入口時感到好滑溜爽口，後有creamy

去年十月，好友牛一，於西環一家名叫「信州日本料理」o既日本餐廳請客，款待親友。記得當時往堅尼地城o既地鐡未通車，為慳時間，XO仔棄選慢駛o既電車，結果暈咗半個鐘得車浪先到達「信州」，心裡不停埋怨地點隔涉 。餐廳門外及沿海路邊都泊滿私家車，估計都係黎幫襯附近一帶食肆o既食客，所以就算自己揸車黎都未必搵到位泊。門外搭咗棚架o既「信州」有射燈照住，所以唔係好難搵。店舖環境簡潔企理，右手邊為壽司吧高櫈，其餘則係四方形散枱。生日會共十三人，餐廳就喺中央拼出一張長枱，座位變得狹窄，出入唔多方便，感覺都有少少唔自在 。主人家係熟客仔，每次光臨定必點選Omakase套餐，壽宴亦不例外。報章雜誌其實都有報導過此套餐如何抵食，廚窗上亦貼有其中一編，講明八道菜價格為$680，另收加一服務費。人客未到齊，早到份子就先飲自來清酒「阿櫻」，開瓶費每枝$100。人齊五分鐘不到，食物隨即陸續送上，由於服務生懶理客人進食速度，餐桌好快就已推滿食物 ，此舉乃服務分被扣主要原因。 前菜一之枝豆豆腐：淺綠色o既枝豆味豆腐又粉又嚡，淡而無味 ，Omakase第一道餸已教小肥大感失望！ 前菜二之蘿蔔煙三文魚：個人最怕

堅尼地線開啟後一直也沒有機會到來走走，聽說這裡有很多不錯的餐廳，決定隨便找一家吃吃～看到這家感覺環境不錯便進去試試看。環境佈置都不錯，乾淨企理，牆上也有少量推荐菜式～之前吃過雞泡魚魚乾很美味，看到這裡也有就點了一碟試試～味道很濃郁香口，比豬肉乾更鮮美，值得一試～！魚生配酸醋加入少少薑和蔥去腥味，相當不錯，但有著似陳相識的蒸魚味，只是魚是生的吧。。。 海膽軍鑑當相肥美鮮甜，海膽分量夠多，一口下去味道很濃郁，飯軟硬適中，壽司醋味偏重，但味道不錯～最後點了個牛肉雜菜煲，味道很清淡，牛肉亦沒什麼特別，只是飽肚擺了，幸好牛肉還算新鮮，沒有變色。踢底如此清淡，加上牛肉只是數塊根本滾不出鮮味。普通肥牛擺了，沒什麼特別，不算太薄，還吃到牛味～配有鮮雞蛋，可以打勻後點牛肉吃，但我不吃生蛋的，所以把它倒入湯中，當作蛋花也不錯。把菜都吃完後，可以加飯下去煮成粥，飯把湯的精華吸收後，加點紫菜就能吃，因為湯很清淡，亦沒什麼鮮味可言，本來好好的一道菜卻失色了！

以往入堅尼地城拜年, 要係上環再轉車,衣家可以撘MTR, 真係方便好多.加上果頭開左好多餐廳, 唔洗再勞煩親戚煮晚飯, 改為落街食~~ 太好了! 新年咁多日都係食果幾味家庭款式, 今晚終於解放親戚建議佢地屋企附近果間日本餐廳,始終呢度係親戚地頭, 加上佢地好咀DILL, 都係由佢地發板好D來到信州, 座位間隔夠大, 坐落几舒服店員奉上熱毛巾, 再看枱面的餐具擺放, 筷子係橫放的, 合格特別係魚子唔咸, 好清甜 出面大多餐廳D魚籽, 又咸又唔新鮮, 所以呢次的魚子 = GOOD配埋少少甜的特制醬汁, 配搭OK店員講解食的次序:1深海池魚 : 清清地, 好滑, 好新鮮2右口角：脆脆地, 几特別3拖羅: 即溶係口, 似係食緊海棉蛋糕, 成口充滿TORO油4火炙油甘魚腩 : 魚腩大多油份重, 這款只係輕輕燒一下外層, 果然無咁肥膩, 加上新鮮, 正食刺身次序係有原因, 刺身由清新淡口開始, 再逐步向油重味濃的刺身第一啖就食油份重的刺身, 油份會封住味蕾, 減弱左下一PART食物味道的感覺. 如果店員能再詳述原因, 相信每位客人會更易明白仲有海帶, 海草都係新鮮食得嫁, 全新的體驗, 唔係度度