佳記甜品

营业中

休息中

Since godbro XO and I have already made our way to Yuen Long for sushi, I decided to show him the infamous dessert shop that sells the iconic B Boy grass jelly!  I've been to this shop a few years ago when my brother and I came to Yuen Long, so I knew the B Boy grass jelly is humongous!  XO and I were quite full after our sushi dinner, so I bought the B Boy grass jelly to go to bring home to share with my mom.We got to the dessert shop around 9pm, and it wasn't very busy.  The cashier is outside

食完晚飯，其實已經好飽，但朋友唔想返屋企，要去食糖水。咁唯有跟住去啦，去左B仔。入過元朗幾十次，但都未有機會食B仔，今日終於食到。排隊人真係好多，排到出店出面成10米，唉，咁唯有等啦，好在揾到張凳坐下。等左30分鐘，終於入到，人頭湧湧，好擠迫。其實環境好差下，張枱又亂糟糟，叫左幾次阿姐先黎清。坐低叫左個B仔涼粉，等左5分鐘，黎左。哇真係好大，啲料好多，生果多到就黎跌出黎。幾廿蚊食到咁大兜生果4人share,其實好抵。生果好新鮮，好甜，件件都切到好大嚿。諗拮邊嚿黎食都有啲頭痕，因為唔小心就會跌左落張枱，所以食都有啲狼狽。但係抵食嘅，因為料足味道都ok，但就唔建議假日黎食，因為排餐死。

佳記有好多種類嘅甜品，但我自己就偏向鐘意食佢地嘅雞翼尖同榴蓮班戟，雞翼尖啲辣令到我欲罷不能，平得嚟數量仲要多，適合兩個人分享一碟，如果唔食得辣可能真係要諗下係咪揀啦！我本身就係唔好榴蓮嘅人嚟，但嗰到嘅榴蓮班戟真係好鬼正！先唔講又平又大件，榴蓮味仲要好濃郁，就算平時好憎食榴蓮嘅都可以試下！如果係想食榴蓮班戟嘅就要早啲去啦，事關我晏少少去都已經賣曬

山長水遠入到黎元朗打完邊爐緊係要去食個糖水3個人 叫左一個亦尖。平時唔鍾諗食亦尖既朋友都讚不絕口腐竹糖水：相比之前松記 呢個整得好食好多薑汁撞奶：好食B仔涼粉：我地食大左 3個人基本上唔會食得哂！ 最終打包！味道都係咁埋單130蚊食到咁多野好低

筆者雖為元朗人，卻未曾為這「出名」的元朗食店動筆。晚飯過後，便與友人來這裡食碗糖水。筆者點了碗熱喳咋和一份芒果班戟。喳咋內容豐富，有紅豆、綠豆、腰豆等豆類，再加上大塊的香芋頭，澆上香滑椰奶。遠遠的已嗅到其香味。一口下來，味道不甜，卻甚有層次。全因不同大小的豆類，營造了口感。豆類和芋頭煲得軟熟，吸收椰漿的味道，又滑又香，嚼感十足。由於喳咋內含很多不同豆類和芋頭，又煲得稠，頗具飽肚感。幾塊芋頭撈起，餘下的喳咋也沒淨下多少。芒果班戟一盒三份。從雪櫃拿出來。黃色外皮薄薄的，沒有甚麼味道。裡面包著滿滿的忌廉和芒果。果肉份量一般，味道也一般。不會太多汁，也不是太有新鮮的感覺。整體來說沒有甚麼驚喜，一般水平之作。其實，店內款式良多，要食遍全部可謂一個挑戰。糖水店，其實也不是食一種味道；也是食一份情懷，食一份時光。

食完晚餐行左陣街就同朋友去b仔食宵夜！鹵水雞中翼整得好入味，唔會好咸而且雞肉唔會淋晒，食落仲好實 傳說中既雞翼尖辣得好爽！有蒜香、好野味！好淋、好入味！食到停唔到食完辣野飲番杯木瓜汁就解到辣！木瓜汁唔會溝水溝到稀，真材實料！好fresh既甜

那天在荃灣，可以順路到久違的元朗，探一探B仔。我又可以回味小小的腸粉、魚蛋，不過今次的腸粉質感未夠滑，有點失準。而魚蛋也是一樣細小彈牙，有陳皮味道。而雞翼尖第一次品嚐，朋友的好味推介，不過原來是超辣的，我吃了幾隻已辣到不能再吃，這種辣是令咀巴覺得很熱之餘又持續。 最後也點了榴槤布甸，份量都算細碗。 布甸未算太滑，不過榴槤肉份量頗多，夠香濃。

B仔涼粉係好多年前走係潮流既尖端 係第一間開始賣雜果涼粉 不過依家周街都有 佢就已經冇乜特別 唯一賣點就係平同多！兩個人都食既話 只可以叫呢個迷你版 生果款式會少d例如西瓜 芒果 火龍果 哈密瓜 等等不過份量一樣係好足 生果既質素亦唔錯 幾新鮮同甜 係芒果就酸少少 因為未係時候而涼粉亦係大大粒 份量十分充足兩個人share的確係好扺可惜既就係佢地既服務真係好差！成日叫人出去排隊但係根本就冇人龍而且有位、叫極又冇人落單 見到有一枱我食完佢都未嗌到、落單既時候聽唔清楚佢講乜又要俾人鬧 黑面指數100 所以除左食涼粉飽之外 仲食左一肚氣 咁既對待扣唒分 幾好食幾抵都冇用

今日入左元朗經過佳記(久違了),可能红日,下午茶時段都依然咁多人(等左2o分鐘位)今日叫左個雞亦尖(依舊蒜香味重又夠辣,好味),芒果河粉同芒果西米撈:兩款甜品都好味,由奇係芒果河粉,,芒果夠香甜,河粉好滑同D芒果汁好夾,保持倒水準食物就ok但係服務就欠奉了(可能太忙嘅関係)

嗜辣的朋友一定喜歡B仔的蒜辣雞翅尖,雖不是啖啖肉,食一整碟亦不能夠令你滿足,但只食一隻已有令你食下一隻的衝動。先論香味,未嚐一口,已被那濃烈蒜香的味道吸引。食到辣椒碎更是驚喜,把你口腔充滿那種辣味。又不至於麻,但會上癮的那種。喜歡“損”雞翅的朋友更是適合,不過建議不要一人食,食太多雞翅會有激素,而且要平衡一下味覺。這種味道,真的沒有變過

我黎B仔從來都唔係為左涼粉  而係為左雞翼尖!雞翼尖 食幾多次都覺得好正，一碟入面有好多隻比你慢慢蒜。講反味道，D 雞翼尖好入味，咸得黎有D 辣味，過足口癮。確實係油膩ge，但味道真係好  我仲叫左腸粉，魚蛋同芒果糯米滋芒果糯米滋D 皮都唔算厚，幾煙韌；都多芒果，但D 芒果有D 酸  腸粉都OK, 腸粉濕度都夠，唔會乾爭爭，同都比左好多醬　

B仔涼粉，我相信好多人都聽過，但係係咪真係咁好味? 今晚同老公去左試下。我地叫左個西瓜大菜糕同大樹菠蘿大菜糕，先講西瓜，西瓜夠晒冰凍而且好甜好新鮮!肉色呈鮮紅色，西瓜肉又嫩又多汁，入口仲好鮮甜!大樹菠蘿，黎到一聞已經覺得好芳香!果肉夠晒大塊，肉質有咬感，香氣四溢!當然就梗係夠晒冰凍! 果肉唔會太熟，咬落去林林地又帶點爽，咁樣既大樹菠蘿最正!大菜糕係老婆既最愛，唔加花奶都夠晒甜，D大菜糕雪得夠硬，有咬感!所以我同老公都好中意食!不過B仔真係多人到顛左..想等位都有排等...

上一次去這店已經是數年前了，今天特別再去懷舊吓。首先叫左B仔涼粉，份量十足，夠两三個人食。涼粉上面蓋满多樣生果，新鮮的芒果酸酸地，西瓜和菠蘿甜而爽口，大樹菠蘿和荔枝則甜而清香，加上爽口的涼粉，食落好有口感覺。榴櫣班㦸的榴櫣肉好香榴槤味，加上鮮忌廉，配搭起来又香又滑。芒果河粉就一般，芒果雖然多但唔甜，用椰䊢做的河粉則幾爽口但無乜味道。B仔雞翼尖好嫩滑，拌上辣味和酸醋味的醬汁，食落口感覺良好，味道十足。

平價甜品都可以好好味。平時食慣啲睇落好高卡噶甜品，突然就會想食翻呢啲，而且仲發覺又平又抵食 水果撈真係好大份吖，而且啲生果好新鮮，每種生果都會切成一舊舊仔，可以一啖食一舊，再加上少少椰果一齊食，軟硬口感碰撞，正！ 榴槤糯米糍，食完第一啖即刻想叫多一份吖！外面有糯米皮包著榴槤肉，榴槤肉好大舊，咬落去好軟熟，好香榴槤味 蒜蓉雞翼尖，爽口開胃，而且雞翼好入味，再加埋啲蒜頭一齊食，好香 魚蛋同腸粉落左些少花生醬，味道好香滑，而且魚蛋好彈牙，好有魚味

位於大坑渠邊的B仔，首次光顧是十五年前，還記得這裏的雞尖真的是十五年如一日，一樣好味，喜歡那超乎想像的濃烈蒜味辣味。臀部痕癢自己翻查食譜試着模仿，最叻囝一次也有八九成像，加上雞尖脂肪極高，縮縮漸漸地只光顧它的甜點。每次味蕾被永年的大辣猛烈攻擊後都想來點甜的，今次亦不例外，小弟很討厭每次到同一間餐廳亦點同一樣的食物，但每次到B仔也按捺不住對雷沙湯丸及凍綠豆的掛念，像被迷惑住一樣，我討厭我自己。想不到今次竟能突破道德的防線，嘗試去發掘第三樣食品，想來個豆花，就紅白吧。由於湯丸從來是女人的，以及大多數時間B仔的收銀處不好容納兩人，故此於B仔點單一事向來由內子負責，但，我離遠已經知道那老闆娘並不好惹，對，離遠，已經聞到那陣方向的氣味。不知今日是清明還是孟蘭，收銀處竟然一個人也沒有，那個突破程度有如did did姐邀請陸永跳番part鈣質舞一樣難能可貴，兩頭傻傻的羔羊昂然闊步，一路向西，眼見餐牌上有紅豆杏仁豆腐心想定必會有豆腐花吧，便隨口說出紅豆豆花，豈料老闆娘不只面色轉西，還將頭部作出九十度的右轉向，這個情景應稱之為西面向北，續說：我地無賣豆花。我對她震懾的一招西面向北顯得毫無招架能力，已經不