佳記甜品

营业中

休息中

一場黎到元朗,緊係要黎食甜品啦專登留返個胃食B仔涼粉每次黎親,都好多人黎食佳記生意真係做唔停呀~而我地2個人都等左15分鐘。坐低之後我同朋友叫了B仔涼粉什果涼粉：呢款材料超級的豐富~ 不同水果都有,堆到滿晒，清新爽脆，最特別係海底椰，有咬口，涼粉切得好大粒，好彈口，消暑一流,正!真係要4個人要食得哂~下次搵夠4個朋友黎食先

老細請食嘢，大食會大雜燴，好有心將幾樣元朗出名嘅食物一次過請我哋食！呢間有幸入圍做甜品，膠兜唔會漏汁！打開個大膠兜已經好興奮，色彩繽紛！令人食慾大開！仲窩心將花奶另上，可以選擇落唔落（因為我就係唔落嘅）椰汁什果西米露：好多款水果，椰汁較浠，唔太甜，唔會膩，西米煮得透，一粒粒好滑！什果涼粉：呢款又唔同，水果多款，堆到滿晒，清新爽脆，最特別係海底椰，有咬口，涼粉切得好大粒，好彈口，呢款唔會水汪汪！好味！呢間以抵食夾大件做賣點，我哋人多食唔覺，如果四個人一兜一定食唔晒！

店名:佳記甜品地址：元朗教育路大坑渠側好味指數:7.5/10價錢：$14蒜茸辣椒雞翼尖(每碟)雞翼尖蒜香惹味，香辣入味，是每次到佳記必點的小食。店名:佳記甜品地址：元朗教育路大坑渠側好味指數:7.5/10價錢：$7爽滑腸粉(四條)腸粉爽滑，醬料好味。

很久冇入元朗逛, 又很久有搵過B仔, 呢日入唻梗係要食番次啦~ 以前只係食過涼粉, 今日試吓什果大菜! 記得細仔時食既大菜糕中間有蛋花, 有微微的蛋香, 而今日食呢個大菜, 大菜粒內沒有蛋花及蛋香, 只有微微的甜味。而其他材料方面則有椰果, 蘆薈(應該冇錯), 木瓜, 哈蜜瓜, 西瓜, 奇異果, 杧果, 大樹菠蘿, 紅毛丹, 材料超級的豐富~ 除了奇異果超酸及罐頭大樹菠蘿的口感較差外, 其他都是不錯, 若再冰凍一點, 更是極品今次其實最想食的是雞翼尖, 但因為什果大菜既份量太過豐富啦, 唯有等下次

話說果日行過元朗佳記甜品(B仔涼粉),見咁熱,於是就買左盆B仔西米露番屋企同家人一齊食喇!一盆B仔西米露就$72-73, 不過外賣就要加多3蚊.盆B仔西米露堅係大盆, 要我山長水遠拎番屋企都有D 吃力......不過為左食, 算啦! 呢盆野個底係椰汁西米露,上面有好多生果, 包括: 西瓜、哈蜜瓜、菠籮等等, 而呢D生果都十分清甜解渴,好適合夏天食用.提提大家, 食既時候加埋佢比既花奶會更加香滑可口~

We have ordered mixed fruits glass jelly and it cost about 70.There are a lots of fruits on the surface, watermelon, melon and it is quite fresh!The glass jelly is just nothing special,Soft with the taste that it should have but one complaint is the syrup is too much and make the whole bowl become so sweet.

是日又去屯門搵朋友食晚餐，食完晚餐之後，朋友話帶我地去食元朗好出名既b仔涼粉。去到之後有好多人排隊，而我地2個人等左15分鐘。坐低之後，我地點左芒果西米露，雪糕涼粉，同埋一D小食。芒果西米露 - 好足料，每粒芒果都大大粒雪糕涼粉 - 不過不失，雪糕和涼粉的配搭非常涼快，而且份量很多

b仔涼粉出名大份抵食，叫一份真係夠3至4個人食，有椰果、西瓜、哈蜜果等等，大概有十種水果，不過我地得兩個人食所以食唔晒，而且除左份量多之外，真係冇乜特別。但係醉翁之意不在酒，其實我地係黎食B仔雞翼尖嘅，D雞翼尖真係好正嫁，又香又辣，又有小小蒜香，真係令人食完一隻又一隻咁接住食，覺得太辣仲可以食番啖涼粉中和一下添，強烈推薦大家黎元朗一定要食b仔嘅雞翼尖

After watching annual performance in yuen long theatre, we went to 'b jai' to have dessert All of us know that b jai is famous not only for its dessert, but also the snackssssI love the chicken wings<3 it was really cheap only costs $12 for 1 bowl. The portion was very big, enough for 2 people. The chicken wings were really spicy. 食起上嚟好野味!!! special thing that the chicken wings were really hottttt lol intensifying its spiciness hahahahhahah 糯米卷 the portion was big 6 pieces total.. it was ful

在元朗劇院表演後，就同友人一齊去左好出名嘅B仔涼粉度朝聖。原來b仔係好大間，多達5個舖位。坐低後我哋就嗌左好出名嘅雞翼尖，芒果西米露，芒果糯米卷同腐竹糖水。雞翼尖味道好辣但食起上嚟又好野味，價錢又合理。芒果西米露亦好足料，芒果都係大大粒，但西米味就唔係好夠啦。芒果糯米卷有6塊，少少濟，一個人未必食得曬，芒果味有d酸，但整體可以接受。最後我哋仲買左外賣返屋企就知好味道啦。

食完一餐唔知食左D咩的日本菜, 要去食番碗湯水補番數, 去左B仔, 雖然係9點, 但都已經坐滿啦. 我們三個分別都叫左湯丸+渣滓, 湯丸+蕃薯湯水, 湯丸+腐竹雞蛋, 又叫左一碗腸粉及魚蛋.好快就嚟, 湯水, 蕃薯好淋身, 又甜, 好味, 腐竹蛋都好味呀, 我的渣滓都好味, 原來加湯丸有四粒咁多, 仲要係大大粒的, 入面係芝麻, 不過實在太多, 好漏, 同埋湯丸的皮好韌, 食左兩粒已頂唔順, 太漏啦, 佢用料好足, 渣滓的配料多到碗糖水只係料, 冇咩糖水. 所以我都食唔晒呀.腸粉縮晒水呀, 好幼. 但都好味的.我們還打包左一盒芒果卷回家, 好好味, 芒果好甜, 啖啖肉呀.

繼續是元朗半日遊當年佳記甜品，以B仔涼粉打出名堂，更成為了元朗人一定食過的食品之一。剛剛一時曾路經佳記，那時人流很多哦，星期六下午四時左右與侶伴會合後，便與他來到佳記甜品。幸運地，人流少了很多，不用等位便順利入座了。芒果西米糕$5： 皮膚不爭氣，每次吃芒果菠蘿等濕毒的食品，都是一埸賭注。因此可免則免，為免咀邊變得紅紅腫腫，盡量也會少吃它們。 這個芒果西米糕，只吃了很少得少的一口。糕質入口似椰汁糕，芒果的甜氣感覺有點人工化，不太自然，但配著粒粒綿腍的西米粒來吃，也屬不錯的。B仔涼粉$72: 甫桌的b仔涼粉，就像一個聚寶盆。玻璃盆中裝著涼粉，面頭則堆著各式各樣的水果。b仔涼粉還會附粒一小碗花奶，用來佐涼粉吃。一碗b仔涼粉包含桃，西瓜，蜜瓜，哈蜜瓜，木瓜，奇異果，菠蘿，大樹菠蘿，椰果， 蒟蒻，蘆薈，番鬼佬荔枝，香蕉及涼粉。新鮮水果中，西瓜清甜起沙，蜜瓜，香蕉，木瓜及大樹菠蘿等都不錯的。 只是哈蜜瓜太近邊位，吃著有點硬，奇異果也酸得有點痺“利”，而其他的都是罐頭水果來的。平常吃涼粉，少不免感覺有點草藥的苦味，但b仔涼粉內含糖水很多，多得連涼粉的草藥味都沒有了，吃了一大半，頓感甜度有點overl

每次來元朗都會吃的b仔涼粉……的雞亦尖。其實自己都做到，需且方法都簡單，但來到元朗總會再吃！現在的b仔除了雞尖之外應該無其他可取之處了。雞尖保持味濃﹑夠辣﹑入味﹑熱辣辣。但b仔的服務一般，價錢不平，食品也屬普通……下次未必會再試。

好多年無食過B仔涼粉, 今晚係附近食完飯, 大伙人唔知點解咁有雅興, 紛紛讚成… 平時個個扮晒9PM就要瞓…一行14人, 都幾難搵位… 咁多年無來, 以前只有2個舖位, 而家前前後後左左右右的舖位都已經變晒B仔, 仲要連樓上都係,但都爆到七彩, 好彩等咗一陣閣樓都有位, 要係小巷的又斜又窄樓梯拾級而上…話實, 由細到大我都唔鍾意食涼粉, 一來佢黑炆炆, 二來佢無味… 大伙人叫咗幾個Share, 我都係繼續我行我素, 食熱的…木瓜雪耳一味死甜, 糖加水咁… 綠豆沙相對有質數, 堅起沙的, 但還是太甜…試咗1隻雞翼尖都幾香辣惹味, 勾起到細個時掃夜市的滋味回憶…B仔涼粉真係堅大碗o架!!!黐咗1片奇異果, 嘩!!!!!! 硬過石, 酸到開眼嘅都變盲, 我仲要2隻腳不停揼地咗好耐, 先終於吞到!!! 開眼果一刻, 見到大家都好擔心, 不停問我有無事... 之後無人敢再食果幾片奇異果, 浪費了食物真的過意不去…14人食咗$280, 價錢都OK啦, 唔算貴…環境衛生嚴重惡劣, 服務咪茶記級數未至惡劣…

雖然元朗「佳記甜品」以一道 B仔涼粉打出名堂多年，但自己一直都未有去過。這一天，在元朗吃過晚飯，終於決定去試一試。兩夫妻去的是新店，去到的時候才不過晚上七時左右，店內店外都已擠滿了人。堂食的固然多，外賣的同樣的多，室外室內的座位，加上賣外賣的人龍，把店子附近擠得水泄不通。雖然才不過晚上七時多，店內的招牌食品涼粉已經賣光，過不多時，就連芒果班戟也沒有了。看看餐牌，有一道 B仔船只售 $57，比賣 $70的 B仔涼粉便宜一點，但其實只不過是把涼粉替換成香蕉的 B仔版香蕉船而已，便叫來一客兩夫妻一起分嚐。素聞 B仔涼粉以份量多，大堆頭見稱，這天初試的 B仔船也果然如此，大大碟的 B仔船，除了原條切成數段的香蕉、數量不少的荔枝味椰果和另上的一球雲尼拿雪糕外，便是大量不同的水果，好像西瓜、蜜瓜、哈密瓜、桃片等堆得整隻碟子高高的、滿滿的，確是吸引。雖然這 B仔船的材料無非是各款新鮮水果，而且也沒有自己非常喜歡吃的芒果與菠蘿，但這當為飯後甜品又得，當成飯後果又得的 B仔船，既健康，又好味，兩夫妻分享，平均一個人才不過二十多元而已，已把肚子填得飽飽的，就連回家後本來要吃的水果也省回，都幾好呢！不過這裡