佳記甜品

营业中

休息中

食完晚飯，其實已經好飽，但朋友唔想返屋企，要去食糖水。咁唯有跟住去啦，去左B仔。入過元朗幾十次，但都未有機會食B仔，今日終於食到。排隊人真係好多，排到出店出面成10米，唉，咁唯有等啦，好在揾到張凳坐下。等左30分鐘，終於入到，人頭湧湧，好擠迫。其實環境好差下，張枱又亂糟糟，叫左幾次阿姐先黎清。坐低叫左個B仔涼粉，等左5分鐘，黎左。哇真係好大，啲料好多，生果多到就黎跌出黎。幾廿蚊食到咁大兜生果4人share,其實好抵。生果好新鮮，好甜，件件都切到好大嚿。諗拮邊嚿黎食都有啲頭痕，因為唔小心就會跌左落張枱，所以食都有啲狼狽。但係抵食嘅，因為料足味道都ok，但就唔建議假日黎食，因為排餐死。