你妳 (運通洋樓) (已結業)

荃灣依間粉紫色小店坐落印尼店、五金店之間，格格不入的小清新店子，主打台式食物，睇落又幾吸引就試下。食物以小食為主，都有魯肉飯、湯麵、乾拌麵選擇。🍜 #台式牛肉麵湯底勁香濃，牛肉份量多，炆得好稔同入味，麵條係手麵，好煙韌有口感。🍚 #台式香腸魯肉飯簡簡單單又好味，唔係死鹹，魯肉入面仲有豆腐碎，好有口感。台式蜜味香腸夠惹味，送飯一流。跟餐加8蚊轉特飲，#金鑽鳳梨綠茶 和 #烘焙烏龍珍珠奶茶 都調配得好好。最後食埋 #芋圓鮮草凍，佢既包心芋圓好特別，加埋白肉丸子煙煙韌韌食完勁滿足。

今晚收工唔想煮飯 又去左你妳you you買外賣之前食過幾次 食物味道同份量都非常好食材仲係台灣直送到港價錢合理 性價比極高 所以已經開始變左飯堂🤣粉紫色既門外 次次黎都有唔少人等位/等外賣 真係好受歡迎每次黎都必叫既牛肉湯麵$72呢個麵真係冇得輸牛肉湯頭香濃 牛肉份量又多 食落軟嫩又juicy麵條係手工做既 食落彈牙 牛肉湯頭掛麵 實在有去左台灣旅行既感覺芋見紫薯吐司$45係芋頭紫薯控必叫之選成個吐司都搽滿左紫薯同芋泥每一啖都多到爆餡顏色仲係好靚既深紫同淺紫色 非常吸引芋泥同紫薯味道濃郁 打得幼滑食落好滿足夜市鹽酥拼盤$86講到台灣小食不得不食既係鹽酥雞同花枝丸想一次過滿足晒所有心願？呢個拼盤就啱晒有齊鹽酥雞、花枝丸、蝦卷同四季豆香脆鮮嫩但又唔會過於油膩讚！最後叫咗2杯飲品金鑽鳳梨烏龍茶 同 炭培烏龍珍珠奶茶跟餐+$8 非常抵飲金鑽鳳梨飲落好解渴好fresh炭培烏龍唔會太甜 珍珠Q彈好飲

好遺憾之前去台灣飽得滯食唔落爆餡芋泥肉鬆吐司🥲好彩而家香港都有！·🥪肉鬆芋泥吐司（$40）其實我唔太喜歡芋頭但好愛肉鬆🤣mix埋一齊我覺得都唔錯！吐司烘到熱辣辣香脆，夾住微凍香甜芋泥、仲有正正肉鬆😋建議2個人share,食完一件已經飽飽地～不過芋泥可以熱食既話，會更好味😝·🐔古早味炸雞卷（$45）媽媽睇餐牌見到就話好吸引好想食🤣但食落咸左少少🤏🏻同埋肥膏位有點多😂不過食落唔會好乾身.·🍜台灣牛肉湯麵（$72）唔建議大家點牛肉麵🥲牛肉份量少且鞋口.有一兩粒好有韌性🤣放棄左·🥚溏心蛋（$13）同蛋魔始祖-媽媽食飯，緊係要追加🥚😆不過不失🙃·⚠️我地仲外賣左芋圓番屋企嘆～不過好稀，賣相唔靚仔無影到🤫唔知堂食係咪會好啲...·📍你妳荃灣運通街6號運通洋樓地下K號鋪

朋友話想食呢間人氣餐廳好耐啦，就今晚放工黎試下佢。我地有主場之利，係荃灣一放工即刻衝過黎，六半左右到達未使等位。呵呵，做到第二枱客，店員仲好好咁比左張四人枱我地呀，坐得濶落啲。餐牌實在太多野想食，左睇右睇最後點左呢啲，兩個人算唔算點得多左呢？飲品先到，點了仙草冰奶茶＆芋泥珍珠小芋圓，前者微甜幾啱口味，後者嘅芋泥好香口，入面爆多珍珠同小芋圓，鍾意煙煙韌韌嘅口感就啱晒啦，其中一粒綠茶味嘅小芋圓超有綠茶味，每次一啜到個陣綠茶味就傳出黎啦。見呢樣幾得意咁就叫一份，要左台灣甜不辣五分脆+原味椒鹽粉，又真係幾脆，但甜不辣本身韌韌地，食落係幾得意㗎，薯條包裝嘅造型，份量都幾多添。本來想點珍珠魯肉飯，但原來係周末限定，改左點細魯肉飯，魯肉香口，珍珠米軟綿綿，仲有隻溏心嘅滷蛋好正。朋友點左士林香腸魯肉飯，台灣香腸真係好好味，甜甜地勁正。仲會附上呢碟蒜泥，好香嘅蒜蓉味，朋友話正到攞黎撈飯添呀。之後就到甜品時間，呢樣係朋友最想試嘅芋見紫薯吐司，爆餡勁吸引，好濃郁嘅紫薯味，飽肚之選黎噃。又點少得食番碗仙草糖水呢，點左仙草四號（三色芋圓/包餡芋圓/珍珠/荔枝爆珠），睇餐牌就寫到勁豐富，黎到完全無失望！勁多料成碗

一入到嚟見到張餐牌，我就比佢個芋泥肉鬆吐司吸引住。食之前其實我都估唔到芋泥同肉鬆兩者係夾到，但後尾咬落去就發現肉鬆可以令芋泥既口感變到脆脆地，芋泥又可以調和到肉鬆既味道，兩者可以話係雙輔雙成，有啲意想不到。你妳珍珠魯肉飯，睇個名好似伏伏地，但食落又ok wo！飯面上係沾滿即魯肉汁既珍珠，加埋肉鬆等配料，個味道出奇地夾～仲嗌咗個乾拌麵同埋手作紫芋牛奶。雖然就咁睇個份量唔算特別多，但食落其實都幾夠幾飽。好彩有叫埋杯野飲，個種紫芋好濃郁，最重要係天氣咁熱飲到杯台式特飲真係好爽！！！ 期待仲有下次！

趁住復活節假, 大食妹同朋友去咗荃灣嘅美食街覓食終於可以食到呢間bookmark咗好耐嘅你妳因為仲有好多嘢都想食, 所以就過嚟食少少野<台灣甜不辣>如果有睇大食妹之前嘅post就知道大食妹超鍾意食甜不辣你妳嘅甜不辣份量唔算多, 但係係新鮮即炸嘅, 又熱又脆仲有六款味粉可以選擇, 好似係原味椒鹽粉、酸甜甘梅粉、限定草莓味、瘋狂十級辣、輕嘗辛辣味同香濃咖喱味大食妹就揀咗比較經典嘅原味椒鹽粉, 味粉唔算多, 但食落都幾香口如果想試多一種口味, 就可以加多7蚊嗌個大大份, 大令妹嗌完先發現有呢個option, 早知就嗌呢一個<士林香腸 魯肉乾拌麵>除咗食小食之外, 我哋仲嗌左份士林香腸魯肉乾拌麵套餐大食妹食過, 覺得超好味特別係魯肉乾拌麵你妳嘅麵條係粗身嘅, 非常彈牙面頭嘅魯肉少少肥肥地, 再加上獨特嘅辣醬, 非常惹味士林香腸同糖心蛋都非常好食<古早冬瓜茶>跟餐加三蚊仲有得更配古早冬瓜茶, 味道清甜, 清涼解渴

如題，食物ok,服務態度有待改善，去到門口，冇咩人等位，待應小姐一開口就話掃QRCode, 當然你好聲好氣咁講，我唔會認為你係冇禮貌。但佢唔係！嘢食係冇問題，係人囉，員工需要再培訓。完。

終於捱到星期四，聽日就開始放一連五日嘅復活節假，真係諗起都興奮，今晚就一於兩口子嚟荃灣運通街搵食。其實呢間以粉紫色為主調嘅台式小店，想幫襯好耐，不過一直懶得行，難得今日有人主動提出話要去試下，我當然樂意奉陪。據說餐廳係由一對 80 後嘅情侶開設，取名「你妳」，主打一系列台式美食，而當中最吸睛嘅，相信非幾款鐵板手作芋泥吐司莫屬。我哋點咗個套餐：士林香腸魯肉飯 ($74)，另外再加咗小食同吐司各一份。碟魯肉飯質素唔錯，魯肉肥瘦適中，調味亦恰好，入口有醬油香，用來下飯一流。米飯夠熱，粒粒分明，食落頗煙韌。士林香腸皮脆肉嫩，入口甜甜地，充滿台灣風味。伴吃的溏心蛋亦很有驚喜，蛋心甘甜，蛋白入味。套餐 +$8 可以配杯台式特飲，而 +$18 更可以配燙青菜魯肉汁。揀咗杯炭焙烏龍珍珠奶茶，奶茶很順滑，入口散發獨特的炭焙香氣，就算飲到尾都不覺太膩。燙青菜好爽口，魯肉汁能帶出蔬菜嘅鮮甜，唔錯。另外呢個小食台南鮮蝦卷 ($45)  水準亦不俗，用上鮮蝦嚟炮製，內有蔬菜粒，加上新鮮即炸，挾起來時仍熱辣辣，爽口又彈牙。芋見紫薯吐司 ($45)，份吐司嘅餡料真係好飽滿，紫薯+芋泥，兩種紫色拼埋一齊，一深一淺，感

聽同事講荃灣開咗間台式餐廳叫［你妳 You You]，個名好特別，聽聞主打係芋泥三文治，咁有文青feel咁當然要黎試一試。😋黎到緊係叫左肉鬆芋泥三文治同紫薯芋泥三文治，影相係幾靚，但食落好普通😑肉鬆芋泥三文治凈係食到肉鬆味，芋頭味完全唔出，令人確實有啲失望。。。😑另外一隻紫薯芋泥三文治都唔係好好多，兩邊既味道都唔多食得出😅食過一次就算😂如果喜歡試新野既朋友都可以試吓，很特別🤣🤣🤣🤣🤣

見不用排長隊就入去試下...等待排隊時叫飛沒有叫我們的籌號短髮女侍應跳過我的籌號 直接再我號碼打上交叉 上前一問先才說下張到你 食物很快上枱 ，但點知 吐司凍冇味又乾 一啲都唔夾 一啲都唔值$40而拌麵 就十分普通 食了一半冇左食....拌麵上只淋上少許汁 加肉碎台灣腸 街邊小食店都好食過佢 拌麵跟凍飲 $3 有蜂蜜綠茶只可以話 得杯野飲ok 而職員只顧及聊天 態度唔多友善呢間餐廳真係可一不可再 只能怪責自己相信網上食評。真係中伏 大失所望 話好食

𝟸𝟶𝟸𝟷 𝙼𝚊𝚛 想念旅行的方法, 就是食當地好野 ～今日突然就想念台灣的慢活 & 自由自在所以今日 Lunch 要去食芋圓 😍😍我最愛一定係炸炸炸花姿丸 你見有兩份就知啦～ 真係食唔停口架 ～藥膳排骨麵又係好好食~ 好龍嘅藥膳湯底 我如果我唔係要食咁多炸丸、 我應該都會揀多碗藥膳湯面仲有芋丸呀！食第一啖已經超級掛住台灣唔知幾時先可以再去台灣食 我下次要食紫薯芋泥呀～見到隔離食好吸引～ 但係今次叫太多已經好飽留返下次啦

街坊系列 – 你妳💛荃灣又一台式良心長龍店🐉週六週日要食等一個鐘係基本😱再加上永生限聚令😤平日時間都係長期人龍🤫------------------------------環境: 座位唔多🤨大約20個左右台內空間不大😥座位偏逼夾位與位間加上膠板😱提升了壓逼感但整體環境幾淨潔😗近住廚房都唔覺得有異味👏🏼------------------------------食物: 下午茶+包飲品( $62)🇹🇼小魯肉飯+一口鹽酥雞+炸酥甜不辣小魯肉飯:🍚魯肉香帶點微辣🌶️撈飯一流😋但係份量稍為小左啲附帶半隻流心糖🥚煮既時間岩岩好而且醬油味整理好好😋唔會太濃一口鹽酥雞🐥似普通炸雞粒完全無鹽酥粉🧂欠缺香口酥炸甜不辣🔥炸既火喉幾好外邊酥脆得黎入面持到軟彈😁蜂蜜綠茶🍵甜 (已叫左少甜)------------------------------服務: 店員太多數為年輕人👦🏻👧🏻部分有禮貌☺️服務幾好但部分就需要多加教導😦服務態度稍為有點參差🙈------------------------------環境: 5.5 /10食物: 6.5 /10服務: 5.5 /10地址: 荃灣運通街6號運通洋樓地下K號舖人均消

台灣菜接近香港人的口味而且價錢經濟實惠，所以我都不時光顧，今次就來到位於荃灣的你妳。招牌紫薯肉鬆吐司分別有三款，紫薯肉鬆，芋泥肉鬆和芋泥紫薯，我點了紫薯肉鬆，吐司烘得脆口，紫薯餡香滑軟糯，味道天然，而且微暖，比另一間是凍的好多了。你妳珍珠魯肉飯看到限量供應就點了試試，有青瓜絲、珍珠、肉鬆和溏心蛋。雖然叫魯肉飯但其實是沒有魯肉的，用了珍珠代替，煙韌咸咸的，幾特別。檸檬風味烤雞腿這個烤雞腿的外層色澤黃金，微脆帶焦香，內層肉質嫩滑多汁不油膩，而且有淡淡的檸檬清香，沒想到如此美味，推介。台灣牛肉湯麵牛肉厚身，肉質軟稔，而且入味，湯底則充滿濃郁的牛肉味而且帶點微辣，手工麵質麵質偏粗而且有彈性，掛湯能力也不錯，推介。桂圓紅棗甜湯熱甜湯有款，我點了桂圓紅棗，用桂圓紅棗湯加入左三色芋圓、包餡芋圓、小丸子 和紅豆，芋圓好煙韌，煮得剛好，包餡芋圓入面包咗芋泥好，加上軟綿的紅豆，口感豐富。桂圓紅棗跟餐點了桂圓紅棗，只是$8，而且還有不少台式飲品選擇。一間餐廳有熱食，吐司，甜品和台式飲品，而且親民的價錢，不論午餐，下午茶，晚餐甚至宵夜都合適，難怪這麼多人光顧。

今日叫food panda呢間竟然肯送到青衣，即叫試吓。叫左流心蛋牛肉麵，芋泥紫薯吐司，烘焙烏龍珍珠奶茶。送到屋企，牛肉麵係分湯上，但湯不夠熱，麵非常硬，雖然咁照食湯底甜甜地好濃郁，流心蛋正，兩件牛肉好正，煙韌有少少肥好有牛味。可惜外賣唔夠熱。吐司方面個餡超多，外賣又係凍左，現場食烘底應該好翠口，不過就好飽。奶茶第一啖以為好甜，再飲落去甜度適中，烏龍味重，珍珠夠林，好味。下次一定會去鋪頭再試😋😋😋

今日黎到荃灣既你妳 晚餐時間係門口已經見到唔少人排隊 等左一陣我地就可以入座了肉鬆芋泥吐司 ($40)因為太掛住台灣既芋泥捲 所以一見到芋泥吐司即刻勁期待咁order左一個做餐前小食 吐司烘熱左 凍既芋泥配上肉鬆 食落都唔錯 不過就同想像中有落差 無芋見紫薯個種好爆餡既感覺 下次都係加番多幾蚊先得台式滷水雞扒魯肉飯 ($76)滷水雞扒份量超驚人 有成七.八件咁多 滷水味就唔算太岀 但加左香蒜反而更加岩我口味 溏心蛋就好入味又流心 魯肉飯都好岀色 d肉唔算肥但香氣十足 唔會太鹹士林香腸乾拌麵 ($74)士林香腸好惹味啊 真係夜市既味道 同魯肉飯set一樣配有半隻溏心蛋 乾拌麵睇落好dry 但係撈埋魯肉同甜辣醬之後就唔同晒芋泥珍珠小芋圓 芋圓煙煙韌韌 珍珠好彈牙 少甜甜度剛好 唔會好漏高雄紅茶牛奶珍珠 茶味好搶 奶味不足 清清地 少甜甜度適中Menu另外 有個小插曲就係我地坐低左之後 發現隔離個2個阿姨講野勁大聲又係咁對住我噴口水 座位又迫夾 但係都無得轉位 真係有少少灰