影片
更多
2021-04-01
212 浏览
終於捱到星期四，聽日就開始放一連五日嘅復活節假，真係諗起都興奮，今晚就一於兩口子嚟荃灣運通街搵食。其實呢間以粉紫色為主調嘅台式小店，想幫襯好耐，不過一直懶得行，難得今日有人主動提出話要去試下，我當然樂意奉陪。據說餐廳係由一對 80 後嘅情侶開設，取名「你妳」，主打一系列台式美食，而當中最吸睛嘅，相信非幾款鐵板手作芋泥吐司莫屬。我哋點咗個套餐：士林香腸魯肉飯 ($74)，另外再加咗小食同吐司各一份。碟魯肉飯質素唔錯，魯肉肥瘦適中，調味亦恰好，入口有醬油香，用來下飯一流。米飯夠熱，粒粒分明，食落頗煙韌。士林香腸皮脆肉嫩，入口甜甜地，充滿台灣風味。伴吃的溏心蛋亦很有驚喜，蛋心甘甜，蛋白入味。套餐 +$8 可以配杯台式特飲，而 +$18 更可以配燙青菜魯肉汁。揀咗杯炭焙烏龍珍珠奶茶，奶茶很順滑，入口散發獨特的炭焙香氣，就算飲到尾都不覺太膩。燙青菜好爽口，魯肉汁能帶出蔬菜嘅鮮甜，唔錯。另外呢個小食台南鮮蝦卷 ($45) 水準亦不俗，用上鮮蝦嚟炮製，內有蔬菜粒，加上新鮮即炸，挾起來時仍熱辣辣，爽口又彈牙。芋見紫薯吐司 ($45)，份吐司嘅餡料真係好飽滿，紫薯+芋泥，兩種紫色拼埋一齊，一深一淺，感
其實呢間以粉紫色為主調嘅台式小店，想幫襯好耐，不過一直懶得行，難得今日有人主動提出話要去試下，我當然樂意奉陪。
據說餐廳係由一對 80 後嘅情侶開設，取名「你妳」，主打一系列台式美食，而當中最吸睛嘅，相信非幾款鐵板手作芋泥吐司莫屬。
我哋點咗個套餐：士林香腸魯肉飯 ($74)，另外再加咗小食同吐司各一份。
碟魯肉飯質素唔錯，魯肉肥瘦適中，調味亦恰好，入口有醬油香，用來下飯一流。米飯夠熱，粒粒分明，食落頗煙韌。士林香腸皮脆肉嫩，入口甜甜地，充滿台灣風味。伴吃的溏心蛋亦很有驚喜，蛋心甘甜，蛋白入味。
套餐 +$8 可以配杯台式特飲，而 +$18 更可以配燙青菜魯肉汁。揀咗杯炭焙烏龍珍珠奶茶，奶茶很順滑，入口散發獨特的炭焙香氣，就算飲到尾都不覺太膩。
燙青菜好爽口，魯肉汁能帶出蔬菜嘅鮮甜，唔錯。
另外呢個小食台南鮮蝦卷 ($45) 水準亦不俗，用上鮮蝦嚟炮製，內有蔬菜粒，加上新鮮即炸，挾起來時仍熱辣辣，爽口又彈牙。
芋見紫薯吐司 ($45)，份吐司嘅餡料真係好飽滿，紫薯+芋泥，兩種紫色拼埋一齊，一深一淺，感覺好夢幻，用嚟打卡真係一流！芋泥口感非常綿滑，芋頭香氣突出；而紫薯泥亦香甜細膩，夾埋一齊食，絕對可以滿足到紫薯和芋泥控的慾望！
另外再加多咗杯芋泥珍珠小芋圓 ($39)，睇下幾足料，除咗綿密嘅芋泥之外，杯內還有不少 Q 彈嘅珍珠和嚼勁十足嘅小芋圓。飲品完全無添加任何的色素同香料，啖啖都真材實料，整杯喝完超滿足！
一場嚟到，無理由唔食埋甜品先走，單係仙草系列就已經有 4 款可供選擇，花多眼亂，真係唔知揀邊款好。心大心細，最後點左仙草 2 號 ($46)，材料包括有仙草、三色芋圓、包餡芋圓、小丸子和紅豆。 
仙草好滑溜，芋圓每粒都食到芋頭香。小丸子口感煙韌、而紅豆亦煮得好腍，加上甜度又夠適中，兩個人 Share 一份啱啱好。
张贴
