你妳 (運通洋樓) (已結業)

一入到嚟見到張餐牌，我就比佢個芋泥肉鬆吐司吸引住。食之前其實我都估唔到芋泥同肉鬆兩者係夾到，但後尾咬落去就發現肉鬆可以令芋泥既口感變到脆脆地，芋泥又可以調和到肉鬆既味道，兩者可以話係雙輔雙成，有啲意想不到。你妳珍珠魯肉飯，睇個名好似伏伏地，但食落又ok wo！飯面上係沾滿即魯肉汁既珍珠，加埋肉鬆等配料，個味道出奇地夾～仲嗌咗個乾拌麵同埋手作紫芋牛奶。雖然就咁睇個份量唔算特別多，但食落其實都幾夠幾飽。好彩有叫埋杯野飲，個種紫芋好濃郁，最重要係天氣咁熱飲到杯台式特飲真係好爽！！！ 期待仲有下次！