住家菜 (柯士甸道)

营业中

休息中

放完新年長假前梗係要捉緊假期既尾巴去食食食啦女朋友話同FD食過間小菜又平又正,我就乖乖地跟住女朋友去開餐啦D間住家菜位於尖沙咀, 但係其實係佐敦站出會近好多, 出左地鐵行5-6分鐘就到去到六點鐘鬆D, 已經坐左唔少人, 到六點九到埋單, 已經坐爆左基本上要咩家常菜都有, 睇菜單似唔錯住家老火湯-$50/煲: 今日係老黃瓜扁豆豬展湯, 好足料, 飲落唔會好似飲味精水咁, 仲好飲到唔同既材料既味道, 而且$50真係超值, 起碼有10-12碗, 鐘意飲湯人士必叫蜜味蒜香骨-$72: 個蒜香骨好香口, 而且用個蜜糖中和返個骨既熱氣感, 甜甜地好開胃黃金蝦-$102: 大約有10隻蝦, 之係平均$10隻蝦, 幾抵食, 而且蝦幾大隻, 抵呀! 食落D蛋黃岩岩好包好D蝦, 蛋黃唔會太多, 又唔會太少, 令到隻蝦更香, 而且係蝦中間略為開左條界, 令到D蛋黃味能夠滲到落蝦肉, 好美味甜水係送的!!!係龍眼甜水黎, 龍眼味都幾濃, 有錢都覺得值, 何況唔洗錢呢?總結兩個人食埋單, 連餸叫埋汽水+兩個飯, 都唔洗$300, 抵呀, 而且上菜超快, 但又唔係整定, 係食落好熱騰騰的, 而且好好味, 職員服務

尖沙咀返工，真係每日念食咩嘢都有排煩，不過有間住家菜打救左我，距好多菜式，不再是ABCD餐，呢個非常正，標榜屋企湯水，湯夠老火，但係要早，因為實在好多人，我點左粟子炆雞煲，好野味，雞件用姜蔥爆香，好入味，收曬水，好正，好入味，有大排檔風味，而且雞無雪味，粟子好大粒，好飽滿，而且好蘇軟，粟子好補腎的，好味又有營養，不得了😍住家靚湯係超級老火湯，粉葛赤小豆排骨湯，好香濃，雖然我遲左無老火湯飲，但係紫菜肉片湯，都唔錯，肉片好香滑，湯好清甜，最後係糖水，日日唔同，今日係腐竹馬蹄露，馬蹄好甜好爽，加埋滑滑嘅腐竹，🈚️得頂吖😍👍

同家長食飯通常都會選擇中餐,一定岩食,不過要搵健康一點既中菜館又真係唔太容易,因為太多餐廳都會用味精或者好多油,好唔健康.今次見到住家菜既招牌,標榜住家味道,無味精而又清淡少油,似乎係同老人家食飯的好選擇.普通中菜館格局,都算坐得幾舒服. 食客都好多,成晚都滿座的狀態.食品選擇都好多,亦都有時令推介.三菇扒豆苗($90)份量都幾大碟,有冬菇,草姑同埋雞脾菇.加上當豆苗,十分清新健康. 因為本身菇類味道唔算好濃,所以餐廳用上一個淡味的芡汁,作少少既調味.整個餸都好有屋企的味道.北菇花膠海參煲($113)又北菇又花膠又海參,材料十分豪華,而價錢就好相宜.份量都仲要唔少,都算好足料.冬菇煮到好入味,花膠雖然唔算好大塊好厚身,但食落好淋,似是啖啖骨膠原口感,而且吸收晒成個煲的枺料的味道同精華.海參都幾粗身,不過切得比較短身,咬落好爽.而底下既西蘭花都煮到好淋,但又未至於過火,就算伯母牙齒比較唔好都食左好幾舊.泰式蝦醬炒飯($70)因為兩碟餸都送飯一流,所以我地點左碗白飯.食食下又覺得唔多夠喉,所以點左泰式蝦醬炒飯.好香的蝦醬味,加上菜粒,香蔥,辣椒和蛋,炒到粒粒飯都好乾身,而且味道好豐富.值得

對於我呢d冇飯家庭黎講，有時都會想食番一餐半餐住家飯，但係礙於我唔識煮飯，又想食既話，就只有厚住面皮去好朋友屋企度黐餐，又或者落尖沙咀麗斯中心呢間住家中菜館。佢係係柯士甸道，近佐敦地鐵站，由D出口行去大概5分鐘路程，地點相當方便。呢度地方唔逼夾，裝修簡單，環境座位都舒服。Menu呢度係主打住家菜，自然就係有屋企feel既菜色啦，我鍾意黎食係因為呢度係主張冇味精，清淡少油既，arm晒想食得健康又冇時間煮飯既朋友住家老火湯$50（煲）今晚既老火湯係花生眉豆雞腳湯，湯料十足，真係做到少油，而且味道清甜，一煲有成8碗，好抵飲沙拉骨$72呢度碟碟都好大，份量多，沙拉骨同平時食既有d唔同，食落啖啖肉，味道甜甜酸酸咁，好醒胃金針雲耳蒸雞$72呢個蒸雞arm arm好，雞肉嫩滑，雲耳同d冬菇都好大片同厚身，好有口感金銀蛋時蔬$70我地揀左油麥菜，食落新鮮爽口，又夠清嫩魷魚馬蹄啄肉餅$75呢個肉餅食落就知道冇落鹽，唔會重鹹味，只係有少少豉油調味，食落爽口彈牙，有口感，撈飯一流南瓜西米露食飽仲有個飯後甜品，而今晚既就係南瓜西米露，味道香濃，西米煙韌，制作一d都唔馬虎

餐廳都蠻大的，一般中餐的格局。雖然都放滿了餐枱，但每張桌的位置及空間都很足夠。冬至正日前夕，坐無虛席。除了點菜紙上密密麻麻的食品選擇，牆上還掛上特式或招牌的菜式，選擇都算蠻多，而且價錢都很合理。豉汁西鰽($88)每日新鮮的魚類都寫在牌上，本來我們想點龍躉的(才不過$130左右)，但剛好賣完。於是便請侍應推介一下，由於寶寶喜歡食比較滑身而少骨的，侍應便推介西鰽。反而都不知道是什麼魚，便點來試試。$88的西鰽，份量也不小。用上最家常的豉汁去烹調，味道調得剛好。魚味不算重，偏淡味，而肉質則正如付應所推介一樣，很鮮很滑。最重要是沒有幼骨，很簡單便把魚肉挾起，食落啖啖肉。蜜味蒜子雞煲($72)用足材料去炒起的，有大量惹味蒜子﹑洋蔥和香蔥，加上蜜汁調味，惹味開胃。雞塊醃得很入味，芡汁帶點蜜汁香甜，更為增加了味道的層次。泰式蝦醬炒飯($70)一送上桌便聞到很香的蝦醬香味，配料還有脆肉瓜粒﹑菜粒﹑香蔥﹑辣椒和蛋絲，十分滋味。而飯粒是偏濕身的，看上去每粒都均勻地沾上了上色的老抽，加上炒過的蝦醬，更是風味十足。飯後侍應還送上了一碗甜品，椰汁西米露。椰汁及芋頭味很重，而甜度適中。食過冬至飯後，身心都十分滿足

星期六被叫返工，仲要係放假MOOD中，真係一件非常痛苦既事，午飯就去了附近的住家菜解決。住家菜是我每次諗唔到食咩既時候都會去幫襯既地方，原因係款式多，實有一款啱食，而且有湯，有甜品，十分豐富。餐廳大部份是卡位，座位舒適且光猛，完全無食茶餐廳既又迫又濕既感覺。點了餐後，先送上羅漢果菜乾豬骨湯，羅漢果有甜味，加上菜乾兩者的鮮甜回甘的感覺，湯甜且滋潤，冬天最啱飲。同事叫的豉汁蒸西糟西糟已去骨，有半份份量，是每天新鮮取貨，所以魚肉新鮮鮮甜，沒有魚腥味，肉質嫩滑，而且雪白無骨，加上豉汁蒸，豉汁咸味落了在魚肉內，有咸味亦提鮮。我點的蝦醬蒸豬肉片蝦醬味比較淡而且甜味較重，肉片混合了碎冬菇、豆卜及蝦米等，其中豆卜吸收了所有的精華，有菇香又有鮮味，比豬肉片更吸引，另外豬肉人手切片，不會太厚，肉質嫩腍，非常入味，送飯一流。最後上埋糖水綠豆沙，有很香的臭草味，還有海帶，綠豆煲得很腍及爆花，甜度適中。茶餐廳價錢，中菜館級數，性價比高，是我其中一間最喜歡的餐廳。

今日外出到尖沙咀睇戲，到了柯士甸道的住家菜食午餐。餐廳有是日午餐，價錢是$48，亦有高級一點的商務午餐，款式甚多，全部都是$68。羅漢果菜乾豬骨湯，菜乾完全無沙，湯鮮甜無味精，而且是落足料煲，味道濃郁。鮮雜果咕嚕肉咕嚕肉外脆肉嫩，應是新鮮炸起，淋上汁後依然保留脆口，裏面肉質軟腍，是梅頭豬肉，配上新鮮雜果有火龍果、紅提、菠蘿等，酸酸甜甜，十分開胃。家鄉蒸豆腐家鄉即是簡單的豬肉碎及梅菜放面，豆腐放下面一齊蒸，豬肉不似用機全攪，似部份是人手切肉，所以有咬口，梅菜是帶點甜味，豆腐很嫩滑，整體味道適中，是簡簡單單的家常小菜。綠豆沙比較濃稠，綠豆不會太多，但全部都煲得很腍，裏面還有海帶及濃郁的臭草香味，味道不錯。整體食物質素不俗，性價比高，簡簡單單的家常小菜，但做得很出色，而且抵食。

聖誕節周圍都係人，難得係柯士甸道揾到呢間住家菜可以輕鬆食個晚餐❤️ 首先嗌左個三杯雞煲($72)🐣🐣 都幾惹味，雞件都幾多，肉質嫩滑，底仲有d冬菇好入味！之後要個鎮江小排骨($72)🐽🐽 酸酸甜甜好開胃！排骨都幾易咬，連軟骨一齊食好有咬口😋😋😋 主食揀左鮑魚雞粒竹筒飯($80)🙊🙊呢個飯誠意十足，好夠鮑魚片同雞粒🐣🐣而且炒得幾香口，粒粒分明🤓🤓 最後加左個三菇扒時蔬($70)🥗 小小咸，白菜仔煮得剛好，唔會老💁🏻💁🏻 送飯一流😉糖水送左紅豆沙，甜甜蜜蜜好開心❤️

<健康家常住家菜>🍚😄對上一次食住家菜已經係好多年前 嗰時仲開喺尖東嗰邊 ,今日聖誔🎄 真係唔想同人迫 食埋d呃錢聖誔餐 😂所以決定黎食下家常便飯 食店環境同酒樓差唔多 😄食物健康 應該無乜甚至冇用味精 仲有好多家常小菜 同每日既老火湯🍲老火湯系列🔥🍴節瓜旺菜薏米🍲 一煲50 蚊如果逐位計係20 蚊 甘我叫一煲仲抵 勁大煲 食食埋埋有成10 幾碗 😂 入面材料豐富 節瓜 🥒旺菜 薏米 蠔屎 瘦肉🐷 d食物煲得好林 一睇就知煲左好耐 😍 材料足 飲落好香甜 正 😍🍴鐵板鳳陽豆腐 75 蚊😃 鐵板上既豆腐以蘿白 🥕洋葱🌰 葱花 🌿蒜頭做配菜 熱辣辣又夠香 豆腐煎至有d金黃色 出面帶d脆 入面夠哂香滑😄 再加上軟林既豬肉🐷 味道突出 好正好香 撈飯一流🍚🍴柱貝旦白肉崧竹筒飯 80 蚊🐷🎋🍚好耐冇食過竹筒飯😄 以一個長型竹筒放住飯 一開香噴噴😄 飯都幾多 入面既飯粒分明 充滿住香滑既蛋白 🥚 瑤柱既口感同飯粒合而為一 而入面 既肉崧就做好調味 🐽加上食飯時都有幾香既竹筒香味 整體成個飯既平衡感唔錯 好食👍🏻🍴阿嫲雞 60 蚊🐤住家菜特製既阿嫲雞 雞肉好滑 係類似切雞嗰d口

住家菜之前同一班朋友十幾人哋食過， 大家都 對佢評價非常高，而家臨近聖誕節， 想同家人去睇燈飾，好食的西餐又經常爆滿， 日本嘢又唔係好啱bb食， 諗起呢一間即刻book位， 連埋工人姐姐，bb ,老公一家四口去食。今日放工遲左， 好彩老公醒水， 先點一個鮑魚雞粒竹筒飯俾bb開餐先， 去到已見到佢食到津津有味 望落好似好細份量，但原來夠一人一碗，有四至五碗仔份量。 望落好似好鹹，但其實唔會,都幾啱小朋友食。例牌阿麻雞，呢碟餸一定要早叫，因為遲我大半個鐘入嚟隔離枱，想叫竟然冇。 我老公話味道係加咗麻油的雞鹽焗，但雞肉非常鮮嫩， 我bb好鍾意食呢個雞皮。黑椒牛柳有6至8塊大大塊牛柳， 黑椒汁加紅椒青椒大火炒，個汁好正，叫多兩碗白飯黎送。食咁多肉冇菜唔得，叫左翠玉瓜炒雜菇， 顏色鮮豔的，叫食指大動。最後仲送埋個糖水， 熱芋頭西米露， 芋頭蓉加西米，潤濕香甜埋單埋加一都係三百計，好抵，下次可以帶埋父母一齊黎

工作耐左~當然想念住家菜!除左返屋企仲可以點呢~~原來仲有間店叫住家菜湯湯幾好飲~而且飲完不會囗喝! 應該冇落味精~ 拍得住屋企啲住家靚湯!!價錢唔貴可以接受~ 地方亦都寬敞坐得非常舒適叫到全枱都係~ 有味飯都非常之好食!

老公話今晚食小菜，帶左我去食「住家菜」坐低，點個老火湯飲下先，一煲$50，都有成6小碗份量，無味精，得本來想點豆豉雞，店員話「阿嫲雞」係店既推介，加沙薑用電飯煲煮，好啦，試試啦！阿嫲雞-雞肉尚算滑，沙薑味可以再濃d,不過整體味道都ok添丁甜酸骨-呢個味道唔錯喎，好似食薑醋咁，酸甜度剛好奶油津白-成碟菜滿滿的奶油，好正飯後奉送紅豆沙其實有好多食小菜既地方都會加好多味精，好重味，不過呢間「住家菜」，餸菜味道唔會一味味精，可能有部分人唔鍾意，但食完唔口渴，我覺得唔錯，又多一個食飯好去處

早上來訂檯，想不到訂得到中間收工遲左，改遲時間，員工樂意協助，仲為我們留左呀嫲雞同多寶魚!8點到餐廳，上菜10分鐘到!真心想不同雞同魚可以咁鮮滑，員工仲不時添茶!其他小菜，好似醬爆百靈菇同腰果雞丁，唔辣、又香又正最值得讚係個湯，老火湯，沙參玉竹猴頭菇，竟然都係$50元一煲，飲到成8/9碗，超甜真心底讚，無味精好食做得到!

Lunch想食下中菜見到住家菜有飯有湯有甜品幾正咁就黎試下西洋菜豬骨湯算少油份量好足但我覺得咸左少少雖然一般麗湯都係咁蒜香骨👍🏻送飯一流份量對於女仔就岩岩好對男仔可能就少左d但唔驚 仲有甜品送蛋花馬蹄露好深色下😂覺得糖分都幾高下沒有太大驚喜環境有點似酒樓同埋可能因為位置比較高要係地面行幾層樓梯先到感覺好似大陸個種餐廳咁衛生環境都ok餐具算乾淨Staff的服務都算幾好整體都ok性價比算中等！

朋友生日，想食得清淡一些，所以選擇了這間從未試過的食店。但沒有想到如此失望！原本想慶祝生日在店內切蛋糕，都知道一般餐廳會收取切餅費，但沒想到切餅費是$100，還要什麼都沒有提供，有點不合理吧！店內地方狹窄，坐位不舒適。員工服務有待改善，老闆態度欠佳！剛食完的碗碟，服務員立即收走，感覺有點想趕我們走食物味道尚可，有點偏咸，飯後亦有糖水贈送，但重點食唔出有住家菜的味道！在地理位置談論，價錢的確相宜，但服務仍有改善空間。不過沒有想再嘗試的理由，所以絕無下次！