住家菜 (柯士甸道)

营业中

休息中

星期６晚上與家人外出，不想大魚大肉，選了清清淡淡的「住家菜」。位置有點難找，在柯士甸道某一橫街轉上樓梯，但餐廳地方尚算大。家人早己訂位，甫到餐廳職員查了好幾回也找不到booking各相應餐桌，或許是周末晚上繁忙安排有點混亂。點了幾款「家常便飯」：老少平安蒸肉餅西檸雞鮮雜果咕嚕肉其中黃金蝦平時屋企唔會整，因為步驟繁複，而且高膽固醇多吃亦唔健康。黃金蝦唔算好大隻，但蝦殼炸得好脆，沾上咸蛋黃，小吃也多滋味～另外，竹筒飯亦唔錯，飯香又夠熱，唔想淨食白飯也可考慮試試。最後每人附送喳咋糖水一碗，雖然係免費，但亦好足料～餐廳主打清淡少油，堪稱不加味精，的確食完都無特別口乾的感覺。下次可以試試推介絛味精的湯水。總括來說也達標，沒有失水準。

住家菜日日食都唔厭，特別係蜜味蒜香骨，之前喺cwb店都已經成日食，尖沙咀店一樣保持水準，由於太好味呼一聲就食哂，只有甜品俾大家睇🤣🤣🤣下次要試埋丫嫲雞同黃金蝦

今天約好三、五知己食晚飯，平日多數會選擇食buffet或放題，因時間可以食耐D，不過有朋友提議今次叫餸食飯，所以揀了這家之前食過，感覺不錯的「住家菜」。這裡的大枱數量較少，我們一行五人被安排坐卡位，但加了一張主席櫈，不過這個安排對我們來說反而比坐㘣枱更好，坐得親蜜D，傾偈方便D。我在訂位時順便點了半隻招牌雞，另外再叫了幾個小菜、一個湯羹和竹筒飯。落單後，餸菜都算快上枱，大家先喝粟米魚肚，很足料，他們標榜沒有味精，味道雖然較清，但味道不錯。上次食過黃金蝦，覺得很好味，所以今次翻點，的確沒有令人失望，一碟約有八至九隻大蝦，去頭連殼炸，再以壓碎咸蛋黃兜兜，好味。不過琵琶豆腐卻令人失望，只是微暖，而且豆腐與魚肉、豬肉的比例配搭不太合宜，所以味道比較遜色。竹筒飯雖然味道不錯，但卻欠缺竹的香味，是因為竹筒翻用多次了嗎？沙拉骨質素平穩，與一般食肆無異。至於招牌雞雖然味道不錯，但好味的程度未至於需要預訂吧，而且稱為「招牌」也似乎有點言過於實。飯後加送紫米糖水，不過對我來說太甜了，所以吃了一口就沒有再吃。整體而言，如果與朋友來聊天和飯局來說，這裡也是個不錯的選擇，但要留意是有限時個半鐘的，不過如果沒有

要有住家菜feel，唔洗諗最重要一定係老火靚湯！呢間「住家菜」就真係成煲老火湯咁送上枱，勁足料，絕對唔係溝水😂 難怪每一枱都一定會見到一煲湯啦👍🏻 老闆話老火湯日日不同，而且數量有限，太晏黎就會賣哂嫁喇！除左靚湯，呢間「住家菜」既住家菜一樣出色！蕃茄豬扒份量夠大，蕃茄酸得黎帶甜（我都唔知自己講緊乜🙈），配合埋少少蛋花真係完美！另外賽螃蟹都好好味，蛋白炒得好嫩滑，一來唔會太老，二來唔會太油，整個菜式掌握得好好👍🏻

份量不小，例湯鮮美，三杯雞是目前為止係香港食到既最好味👍㗎喎係尖沙咀尼個地方，仲可以食到人均100上下下，價錢公道。餐廳侍應都好細心，主動添水，態度不做作，溫和。食完仲問我，需唔需要綠豆沙糖水。我食唔曬梗多嘢㗎！感覺好好，好似返到屋企，下次會繼續幫襯尼間

話說我好耐冇去到我嘅愛鋪住家菜， 貪佢食野無味精仲有啖靚湯飲。 今日心血來潮walk-in去到竟然有位，仲要唔駛限時交枱。 不過太肚餓食咗個下午茶，所以打左個5折(。•́︿•̀。) 兩個人 都係叫咗一個送一個湯同一個飯。 今晚例湯係霸王花，一如既往嘅好飲。 而翠玉瓜炒牛肉都係家常小菜，食得舒服。 偶然 見到 宣傳 ，like佢facebook upload張相就會送一張湯券。 所以就問一問職員 ， 喺閑談之間 知道原來呢個係老闆 呢間住家菜喺一間有十幾年歷史嘅老店。 亦都知道尖沙咀呢度原來仲有一年幾就會結業。 佢講 呢間中菜嘅利潤好低，只不過係 因為屋企關係所以先繼續經營 。佢其他 經營緊 嘅 餐廳 利潤都高好多。所以諗，我地真係要支持下啲默默經營嘅中菜

放咗工去尖沙咀搵嘢食，好耐冇食過住家飯，上網睇吓有乜好介紹先！發現到呢間住家菜，不過嗰時已經九點，但佢收十點，打電話去問一問先！原來10點係last call所以可以去食喇！個湯真係冇味精嘅喎，因為我一食到味精個鼻就痕，但飲完成兜湯都無痕過我真係好耐都未食過好味嘅中式牛柳喇！真係好味！認真推介千島蝦球，超好味！lee 個蟹黃西蘭花就一般般喇！下次可以叫第二樣飯後再送南瓜西米露，好味丫！下次再試第二啲菜式！

原本諗住簡簡單單搵間大牌檔食吓小菜，輕輕鬆鬆吹吓水，老友記就推介哩間位於尖沙咀嘅住家菜，話試過，覺得唔錯，又抵食，不防試一試我地叫咗六餸一例湯：鮮果千島蝦球最正，蝦夠大隻，又夠彈牙，鮮果有火龍果，菠蘿及提子，配上千島醬簡直就係一碟中式大蝦沙律；阿嫲雞嘅雞肉夠滑，但味道唔覺太特出；柱貝魚湯雜菜煲就無特別；柚子西檸雞嘅雞皮炸得夠脆口，柚子中和咗檸檬嘅酸，恰到好處；鐵板蒜爆牛柳粒用鐵板上熱哄哄，牛柳粒保持到腍身嘅咬口，可惜無牛味，而蒜味不太濃；咸魚蒸肉餅感覺特別，煎過更香口，送飯一流，不過個人認為咸咗少許味道ok，價錢合理，總括來說覺得都唔錯。

今晚同屋企人去左住家菜都食,lee度裝修似食上海餐廳既風格,暗暗既釣燈幾特別,座位都幾舒服,菜式都好多選擇,都唔錯!我地唔係好多人,所以都係叫左幾個餸菜試下,鼓汁蒸蒼魚,就魚隻眼就知蒼魚好新鮮鮮甜,師傅蒸既時間亦控制都好好,蒼魚肉質保持得好嬾滑配埋豆豉,香蔥,辣椒再加埋師傅特醬既豉油,味道更加出更加好味!粉絲蒜蓉蒸開邊蝦,海蝦好鮮甜彈牙,開邊蒸方便我地唔洗用手拆蝦殼食,又入味蒜蓉味完全滲入左蝦裡面,伴碟一齊蒸既粉絲都一樣好入味,好好味!三茹西蘭花,用三種茹一齊煮,D茹味道好濃郁好有茹味,西蘭花索晒茹味同醬汁味,D西蘭花好惹味彩椒火龍果斑片,翠肉瓜好爽口配上甜甜地既火龍果,味道甜甜地都幾特別,斑片厚切啖啖肉黎炒一樣都咁滑!魚湯粉絲浸時菜,時菜&粉絲索晒魚湯味,時菜&粉絲都好鮮甜好味,魚湯仲放左d蝦米,再增添一份鮮味,都唔錯!

朋友生日，我們想食健康d，揀左這間住家菜，環境是有心思的，中式設計，感覺舒服，不過好迫！點了些小菜及湯，例湯係木瓜雪耳豬展，份量唔少，原煲上，好甜，感覺冇味精，我們七個人也夠分還可以潻。琵琶豆腐賣相吸引，有朶花裝飾，有8件，水滴狀，好夠香，出面脆，入面好熱，豆腐加左其他配料，好有口感，好味。亞嫲雞要早一天訂，好香，似沙薑雞的味道，雞肉夠滑，又入味，唔肥。煎虎蝦，有三種做法，我們選豉油煎，好大隻，好香呀，啖啖肉夠爽口，正呀鎮江小排骨，醋味都配得很好，酸酸甜甜的，排骨好細件，容易入口，又容易入味，唔會肥，好正。中式牛柳，好多洋蔥，牛柳好多，不會鞋，好淋好容易食，甜甜地的。入晒味！！粟米班塊，好好味，魚外脆肉軟，唔鞋唔腥，好多粟米彩，送飯一流鮑魚雞粒竹筒飯，爇辣辣，夠香及顏色好好，有靚，味道入味唔咸。肉餅，馬蹄夠香，肉餅好淋，有些土魷，好香好彈送的南瓜西米露，夠香甜食物好味，感覺係健康，價錢合理，服務就有待改善，環境比較迫，同埋收切餅費100元不過唔會幫你切，成個蛋糕俾番你……收完枱也不會抹乾淨……

今日一行四人揀咗呢間野食，四個人叫左六個菜一個湯。因為有朋友遲到所以我哋等左一陣然後要求要卡位，最終成功左。個湯真係值得讚，好重料而且好多碗湯。開始食飯時我已經飲咗三碗。呢個酒味極重，小妹的確好唔受得酒，所以食左一舊就覺得頂唔順，同行的友人食左兩舊都放棄了。建議唔受酒的人不要點呢個。欖菜四季豆，呢個好好食，好夠味，不過始終係小菜難免會咸些小，所以要送飯食架喇。最中意欖菜夠多。中式牛柳，我唔食牛所以一口都冇食，呢個係友人叫的，佢地總結係個獻太結，太多生粉，然後個牛肉片拿得太勁。不過個味係正常嘅。三杯雞，雞件夠滑，但係唔夠金不換味，干蔥太小，而且洋蔥又偏多，爆得唔夠身，但係個味ok嘅，成煲野主要係我食晒。麻婆豆腐送飯一流的，可惜唔夠熱，食左一半大家就放棄了。

今日帶屋企人來呢間住家菜,，等佢地唔洗煮飯之餘又可懷念下以前唔洗自己煮飯既日子都幾多人來食，等左十分鐘左右就埋位啦～既然食住家菜緊係叫啲屋企食開既野啦，雞牛豬啦海鮮啦湯啦飯啦都叫齊！鐵板牛柳粒唔難咬，易入口～雞就多肉少骨，都唔錯～腐竹加菜仲有汁，入口清爽唔話得～蝦球肉餅咁難得～又脆又滑啖啖肉！最後唔小得飯同湯啦～原本想叫白飯，但有呢個飽魚雞粒竹筒飯吸引到，就試下叫來食啦，啲飯一粒粒太正啦！最後飲埋個住家老火湯，仲有大大隻雞腳，老人家最岩食！最後都係要多謝廚房入面既爸爸媽媽，我會多啲帶你地出來食好野

今日去到佐敦拎野，本身都未諗到食咩好，突然想叫餸食飯，又想坐得舒服，我就擇左"住家菜"，呢間係我第二次黎食，好記得上次我同個朋友飲個燉湯飲到～同上一次一樣，都係坐窗邊..裡面裝修有d 中國風.. 而且座位寬闊..坐得好舒服.. 一坐低服務員就介紹今日例湯係螺片湯由於得我同條佬2個人，所以叫1 碗 (例湯有分碗/盅)，上一次我4個人就叫盅.. 就算係碗裝都唔細架.. 每人都飲左三碗左右材料份量十足，真係有螺片，杞子，黨參... 即刻諗起媽咪平時成日煲既湯班片好厚好實d肉，食落口不會散曬⋯同埋都好多塊架... 我個人慣左食肉之餘都要有菜食落肚同埋我好中意食魚～ 所以叫呢個餸.. 另外叫左個撈飯一流既中式牛柳... 酸酸甜甜... 肉質厚又軟腍腍 我上一次都有叫呢個牛柳，太好味了！今晚糖水係紫米露食落不會好甜，一d都唔稀，紫米份量剛剛好!

昨日去食晚飯，叫左兩個餸同一個例湯， 叫咗一個黑椒西蘭花牛柳粒同廚師推介的什果古嚕肉。 份量非常充足，食完之後好飽。兩款味道不錯，但太多鹽同油，黑椒西蘭花牛柳粒好濃味，食完好口渴，要飲好多水。雖然是住家菜，但不是平常很健康清淡。湯都幾好味。個人認為叫有菜的餸比較好。

同屋企人出街食晚餐 好少會食中式可能因為平時係屋企都食開靚太住家菜今晚黎到佐敦的住家菜試下！一早打黎book左枱，八點黎到，都有五六個等緊枱，生意不錯！一坐低梗係即係叫菜叫左蜜燒卜卜蝦($95)，蜜味蒜子雞煲($68)，咸旦雞旦啄豬肉($72)，金沙蟹肉西蘭花($78)，鮑魚雞粒竹筒飯($78)，再加每人一碗例牌住家老火湯($20)呢度環境唔錯，好有中式的味道上菜速度好快，同埋服務態度都好好，真係有d家的感覺。但更有家的感覺係d野食，特別係個湯！係我啊媽平時好中意煲的粉葛豬腱紅蘿蔔湯例牌都好大碗，好足料。全晚最中意的係蜜味蒜子雞煲，蜜味食落唔會好甜好假，一件接一件咁食！蜜燒卜卜燒個蜜味一樣咁好味，但如果好似我啊媽咁meet埋殻會開心d (港孩mode)呢度有好多款蒸肉餅，老闆話係招牌菜試左款老闆推介話出面食唔到的咸旦雞旦啄豬肉，入面有勁多肉碎，咸蛋，雞蛋，仲好似食到有皮蛋？但如果就咁食有少少偏咸，所以連埋飯一齊食會好d！我啊媽就最中意金沙蟹肉西蘭花，咸蛋黃好香，大大舊的蛋白鋪返係西蘭花面，正！最後個竹筒飯都好足料，成餐飯好滿足，d餸真係好住家的感覺！最後送多個中式甜品 西洋菜蜜比我地😛