低調高手大街小食

营业中

休息中

今日原本打算同朋友行山，在等待朋友期間經過附近嘅小食店發現其中一間店名非常特別，便走上前研究一下這店賣的小食竟然發現有明星嘅合照，經朋友說起才發現這店舖非常出名而且排隊的人非常多雖然只接受外賣，但人龍不絕，所以亦想一試雖然這間店舖買的東西很多間店買不同嘅小食但主打絕對是格仔餅和雞蛋仔對於喜歡食雞蛋仔的我來說絕對要一試，所以即使排很長的隊也不介意，點了雞蛋仔（原味）$20站在鋪面大概20分鐘，終於拿到雞蛋仔，撕開一粒發現非常脆身，而且熱到剛好，溫度不影響雞蛋仔的軟硬度。當我將第一粒放入口時，發現雞蛋仔超脆身，但又不乾，雞蛋仔中間軟淋淋，有咬口，而且超濃蛋香味，以這價錢來說絕對物超所值，非常推薦一試

大概兩三年前其實都已經嚟過食呢度嘅雞蛋仔同埋格仔餅，當時係覺得好好食㗎～但真係因為有少少太遠，所以一直都冇機會返嚟再幫襯～今次咁啱同朋友去龍脊行山，所以一早已經諗定行完山一定要食返個雞蛋仔獎勵下自己🤪今次同我幾年前你所有嘢都一樣，人一樣咁多，小食一樣咁正～.2 years ago, on my Hong Kong Egg waffle hunt 😆 i tried this place in Shau Kei Wan and absolutely loved it 🤤 but its seriously way too far so didnt get the chance to visit this place as often ☹️ finally got the chance the other day after a Dragon’s Back hike 😊 even though the wait was long, but it was well worth it!.《邪惡黃金雞蛋仔》$30 😋😋😋俾錢嘅時候店員話要等30分鐘，不過算啦覺得一場黎到點都要食嘅～依家所有嘢食都要

這間不用多說，在網上一直都很出名的低調高手在黃金格仔餅同雞蛋仔一直都不知道試那個好問了店員 黃金格仔餅等了10 分鐘 而雞蛋仔等5 分鐘，算幸運 不用等半小時為了吃到更濃的咸黃 ,就決定試格仔餅一打開 看到濃濃咸蛋黃配合平常格仔餅的配料砂糖、花生醬等沒想過是如此配合格仔餅很脆不會因加了醬而變軟口感一流~比想像中有驚喜

假期有嚟到筲箕灣，過到筲箕灣就會講到低調高手，上次食過，今次嚟到梗係要再食啦。唔單止要食，仲帶埋屋企人一齊嚟食。我哋叫咗一份原味格仔餅同一份鹹蛋黃格仔餅。好正好正好正。啱啱出爐有脆又香。 雖然要等至少10分鐘，但係好值得等。食哂先知唔記得咗影相

放學時間見到好多人排隊, 等左25分鐘左右就有得食, 拎上手聞到好香蛋味, 熱度啱啱好入到口, 脆到可以續粒啪出黎, 呢間係食過咁多間最脆既雞蛋仔, 但入面既餡唔多, 食落口唔夠滿足感.  

雞蛋仔同格仔餅都有原味$20同咸蛋黃味，咸蛋黃味貴$10，但係好吸引，一場尼到，2 隻味都要試哂！不過比完錢佢話要等 30分鐘，都幾耐下~原味雞蛋仔睇得出底面有少少鴛鴦色，即係個底無烘得咁耐。食落口都外脆內軟，只係略略嫌個涵唔夠多，食落無咁滿足。黃金雞蛋仔呢個好好味！就咁聞已經好香咸蛋黃味，搣開同樣好鬆脆，佢只係其中一半有咸蛋黃，所以一粒食落口唔會覺得好漏，反而咸咸地既雞蛋仔更開胃，大家好快就食哂！原味格仔餅平時食開北角一間格仔餅，即刻覺得低調高手呢個有d比下去，佢餅身比較薄，算正常發揮唔突出

筲箕灣東大街食肆臨立，剛剛才到「金東大小廚」享用了一頓令人滿意的晚餐，已急不及待到街頭走訪一轉，以馳名馳名雞蛋仔作小點甜品。「低調高手大街小食」是炮製有關小吃的小店，門外輪候者眾，不論點餐煮食也要耐心排隊。雞蛋仔有多款口味，價錢由 $20 至 $32 一底不等。初試啼聲，點選了一底「原味雞蛋仔」($20) 分享品嚐。相比坊間同款小吃，這份雞蛋仔烘煮得比較燶，外觀偏向啡色，吃起來份外脆香。中心部份仍能保持一定鬆軟感。即時品評熱辣辣，確實幾好食。下回有機會再試試其他口味的雞蛋仔及格仔餅。

雞蛋仔係我其中一樣comfort food💛 由細個到而家都唔知食左幾多底😂 每間嘅雞蛋仔都有唔同嘅口感，我呢就中意外面少少脆，入面軟但一定唔可以係實心！低調高手嘅雞蛋仔就正正做到呢樣野👍🏽 除咗做到外脆內軟，佢嘅雞蛋仔仲有陣牛油香味，食落每一啖嘅滿足感超大😍你地又中意食點樣嘅雞蛋仔呢？▫原味雞蛋仔 $19

🐣 原味雞蛋仔 HK$20即叫即整，等嘅時候已經聞到幾香，熱辣辣攞上手，食起黎係脆嘅，但可惜蛋漿好似唔夠多，所以中間嘅蛋心唔夠多，而且氣泡都算多，食起黎唔夠厚實，無好實在嘅口感。不過係宜家香港雞蛋仔舖黎講已經算中上。

叫咗一個鹹蛋雞蛋仔，一個原味雞蛋仔，同埋一個鹹蛋格仔餅，鹹蛋味要$30，原味就$20。格仔餅好快就可以攞，但係雞蛋仔就等左差唔多20分鐘。已經有三個人喺廚房不停手，但因為真係好多人，所以等待嘅時間都好長，等得耐的會好期待，也許會有一點的失望。原味雞蛋仔好趣卜卜，但係蛋香一般，鹹蛋雞蛋仔味道香好多，不過略嫌有些太焦，最好味反而是不用等的格仔餅，外邊脆卜卜入邊香甜軟熟。所以下次都應該係叫返格仔餅，最好要所有醬都落晒。

【黃金雞蛋仔🐣】HKD29呢排好興黃金乜乜，有唔少菜式小食甜品都加入左咸蛋，又幾新穎喎🤤 連呢間都推出左黃金雞蛋仔！呢間咁出名唔洗點介紹啦🍳 原味雞蛋仔一向高水準，估唔到咸蛋味一樣咁正！熱辣辣散發咸蛋香氣👃🏻🌀 雞蛋仔外內脆軟，食到粒粒嘅咸蛋😍 味道香濃不錯喔會食到停唔到口👍🏻 美中不足有啲有好多咸蛋粒，有啲又無，平均啲會更好。食原味食到厭嘅不妨試下新口味😋

作為一個雞蛋仔嘅愛好者，點可以唔食下「低調高手」呢搭一日叮叮慢活一下，黎到筲箕灣，點可以錯過一黎就當然要叫個「原味雞蛋仔」、「格仔餅」試晒佢啦🕵🏼‍♂️格仔餅比較快、5分鐘左右就到手喇。花生醬開得太稀，油味比較重，砂糖唔覺有，外脆唔覺得，內軟就還做得到，但整體黎講比較失望😞算了，都係期待一下雞蛋仔大約30分鐘左右，雞蛋仔到手，極速影相就開始食嘩！脆係脆嘅，不過好輕飄飄，蛋香味唔突出，比龍X好一啲囉叫做。諗唔到點形容，反正好失望

筲箕灣有條東大街埋藏好多小店～其中呢間《低調高手大街小食》一直bookmark 左，但都冇時間去，今次食完已經成為我東大街掃街必食首選😻！/🔸黃金格仔餅格仔餅都係即叫即製，送到手個陣重係熱辣辣😚，絕對值得等一下！格仔餅蛋香充足，外層微脆，內裡鬆軟，加入花生醬、砂糖及煉奶重有鋪滿激多鹹蛋黃碎，好足料呀！鹹蛋控必食😛！店員重會細心問格仔餅要唔要分半，同朋友開心share咁就可以減少邪惡感🤣！

飲茶㩒飛仔，我就試得多，只系想買個雞蛋仔姐都要㩒飛仔，我真係第一次試，而且仲要等起碼半小時。因為我地之前有大約二十底雞蛋仔未做起😞😞⋯⋯而且這間鋪只買二種食物：雞蛋仔和夾餅🧐🧐⋯⋯在等待的當中，大家真的好似小學雞默默地等。終於等了四十五分⋯⋯🤪🤪⋯⋯「熱立立」，紙袋有好多細孔，是用來散氣，免雞蛋仔變軟。保持住脆口口感！拿上手，無「濕立立」，好乾身，但咬落去，原來入面有一層軟綿綿的蛋漿！好特別，好有蛋味道，原味！$20一底。價錢都合理。原來他們的雞蛋仔有好多款色：五味人生系列：士多啤梨，朱古力，辣椒🌶️😱，黃金。真的五花八門。而夾仔餅味道亦是。最後用十全美食來形容。

之前看過很多人說黃金雞蛋仔很好吃，所以與男朋友一起到來嘗試，所有雞蛋仔和格仔餅都是即叫即做的！很有蛋香和熱辣辣的，黃金雞蛋仔很好吃，但是黃金格仔餅很鹹建議大家可以嘗試黃金雞蛋仔。