但馬屋 (創紀之城五期(apm))

营业中

休息中

第一次食呢間日式自助火鍋，食評唔錯，自助火鍋分別60及90分鐘選擇，食量少嘅客人都適合。餐廳細細間枱嘅編排都好密吓，二人枱好細，櫈下有籃可以放袋，都幾細心。我哋揀咗最平嘅嚴選牛肉套餐，鍋底係甘露鍋同藥膳麻辣鍋，麻辣鍋聞落麻味都幾出，甘露鍋就剩係得湯，完全無湯料。服務唔錯，肉類每次都好快嚟，收碟又快。火鍋醬汁企理乾淨。朋友話麻辣鍋唔辣，開始用嚟燙牛肉覺得唔係咁合適，食食吓覺得還可以。甘露鍋得湯，同個圖唔同，味幾好，有少少甜味。嚴選牛肉，油脂少，淥到啱啱熟都可以，肉唔鞋。丹麥皇冠豚肉，都係唔可以淥咁耐，唔差但肥啲會好好多。丸類，最鐘意係魚腐，夠軟滑。菜類。蔬果，菌類幾新鮮，連秋葵都有，另外有豆腐，粉麵類。除咗罐裝飲品外，香茅蜜糖茶都幾好，香茅中和甜品，幾清新，怕飲凍嘢仲熱飲茶包供應。Haagen dazs有藍莓，比利時朱古力，抹茶，芒果四種口味。

但馬屋最近出左個新湯底🥘🥰🥰🥰🥰🥰鍾意食酸辣既我地一於去食《冬蔭功湯底火鍋》 店員先介紹步驟，將 香料放人湯底🍲今次叫澳洲上級長期穀飼牛套餐😀😀😀😀😀肉質不錯，牛味都濃既😀😀😀😀豬豚肉仲好食😘😘😘😘😘😘😘自助吧有不同配料，新鮮，好多款👍🏼👍🏼👍🏼👍🏼👍🏼食到咁上下食埋HAAGEN-DAZ雪糕就完美啦😘😘😘😘😘😘😘😘😘😘😘🍨

今晚收工後約左朋友係APM食晚餐，朋友想食火鍋🍲放題，就黎左但馬屋食啦，去到好多人排隊，拎左飛等左15分鐘左右先有位，朋友見到新出左個香辣椰香冬蔭功鍋配北海道夢之大地豚放題套餐$249賣相唔錯，可以食90分鐘，任食北海道夢之大地豚肉、澳洲產長期穀飼牛，呢度一人一火鍋🍲，十分方便！醬料係出面可以自由配搭；個冬蔭功鍋湯底好足味，椰香味好濃厚，內有一隻鮮大蝦同魷魚🦑，少少微辣但可接受，仲有埋泰國蔬菜盤，有木瓜絲、蔬菜🥬、青檸等，夢之大地豚肉好彈牙QQ嫩滑，澳洲產牛肉切得很薄身，灼一灼就食得，易熟牛味濃，出面仲有多款火鍋配料任食，有各款丸類，特別是白魚蛋好爽口彈牙，仲有響鈴🔔、萵筍、菇類、羽衣甘藍🥬，粟米等，想再飽肚d就有烏冬、拉麵食，罐裝飲品仲可以任飲，最特別係有香茅蜜糖茶，甜甜地幾潤喉！
最後10分鐘就留肚任食HAAGEN-DAZ雪糕🍦，有四款味道：最愛藍莓味道，味道幼滑細膩！好滿足既一頓晚餐🥣！👍👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

放工後和同事來了但馬屋吃晚餐每人一鍋的座位滿座了，所以我們4人坐大鍋的枱我們點了鴛鴦鍋，分別是美肌鍋及藥膳麻辣鍋選了$199的穀飼牛放題套餐，有兩款牛肉，分別是澳洲產長期穀飼牛及嚴選牛肉，另外還可追加丹麥皇冠豚肉美肌鍋是以雞湯做base，味道較清淡據餐牌介紹，藥膳麻辣鍋加入了6種藥材辣度算是ok，但不用擔心太重藥材味，食材的味道不會被藥材味所掩蓋！穀飼牛，牛肉質素不錯，帶有牛味薄切牛肉稍稍一灼就熟肉質幾嫩滑～～豚肉同樣不錯！每碟的份量都算多～四人入席，一開始就有4碟肉啊！自助吧有各類蔬菜﹑菇菌﹑丸和麵食另有魚柳和雞肉可取醬料齊全，還有汽水﹑果汁﹑健康飲品等等甜品有haagen dazs雪糕丸類質素不差，墨魚丸和貢丸幾香，算彈牙～～芝士豆腐很好吃，灼熟之後，芝士帶點點流心～～除了生菜﹑娃娃菜一般常見的菜外，另還有日式火鍋店較少有的萵筍和蟲草花！烏冬都算ok，夠滑溜，不是很粉的那一種烏冬整體來說，以連鎖式日式火鍋店而言但馬屋的食材質素算是中上配料選擇夠多元化～～湯底可再改良，不過現時不會太重味精味都算不錯！

觀塘創紀穩好西=============見到一間有泰式湯底的任食火鍋^^ 一去到門口都幾多人，但都好快入到座haha~一路等已經聞到好香冬蔭公味！我地叫左$199 澳洲產長期穀飼牛套餐~ 是一個DIY冬蔭公鍋，意思係火鍋香料&香菜 同 火鍋湯底分開上。甘辣度同味道都可以自己決定拉~~我地比較中意食辣就放曬所有辣椒仔^^呢度所有牛肉，不同火鍋配料同Haagen-Dazs雪糕都可以任食,我覺得雪糕已經贏左好多餐廳haha~~ 因爲Haagen-Dazs 口感真係最好食，重有多款口味。 HAAGEN-DAZ雪糕任食（抹茶同朱古力係我最愛）澳洲產長期穀飼牛，肉的花紋不錯，肥瘦適中^^吃落去不會感到太油膩，但也不缺和牛香味~~薄切豬肉片，肉嫩新鮮任飲泰國象啤，比起其它牌子比較清甜滑口，女生更容易接受~~~最後90分鐘食到夠曬飽haha~~

apm但馬屋成日都好多人排隊，今次行過見到有冬蔭功鍋，友人嘈住話想試，終於排了隊。我同友人揀了每位$249嘅餐，貪佢有靚啲嘅牛肉同豚肉食，而且好似要$249或以上先有冬蔭功鍋揀。揀完餐無耐已經上咗個鍋，一人一鍋好方便，因為你可以自由根據自己口味以蔬菜盤嘅食材調較湯底嘅味道，不過唔駛落已經好香口，酸酸辣辣，夠哂開胃。首輪會先上肉，之後想再添就要向店員落單，肉類全部都係即切，睇見都知好新鮮，紋理、脂肪比例都屬中上水平，肉味夠。其他火鍋配料要到自助區拎，選擇好多，最正係佢連菜都有好多款揀，連蟲草花、羽衣甘藍都有。配合泰國主題，除咗普通汽水之外，仲有香茅蜜糖茶飲，食火鍋食到膩，飲返杯清新嘅飲品，解膩一流。仲有綠色三角椰子糖食啊。雪糕有Häagen-Dazs，記得預早啲出嚟「不」雪糕。需加一服務費，埋單2人約$550。如果你鍾意睇我嘅食評，不妨關注我，支持吓我，謝謝你☺️💕

同朋友難得一齊放假而咁岩大家都想打邊爐,佢就介紹左我黎依間日式火鍋🍲依間日式火鍋特別之處係可以一人一鍋食90分鐘,咁就可以隨便落自己鍾意食既野吾洗驚同朋友口味吾同,而且佢有吾同價錢既牛肉選擇,咁大家就可以根據自己既budget黎揀吾同既套餐😝今次我同朋友揀左澳洲產長期穀飼牛放題套餐,湯底有千夜鍋,甘露鍋,藥膳麻辣鍋,美肌鍋,意式番茄芝士鍋等等,因為見佢新出左冬陰公鍋,而我同朋友又鍾意食辣,所以即刻叫黎試😋冬陰公湯底好濃郁,食落去有淡淡既香料味,而酸辣味道岩岩好好開胃,而且仲配有泰式子彈椒,青檸同泰式蔬菜盤,咁就可以根據自己既喜好去調校湯底嘅辣度同香料😝牛肉係即叫即刨,切得好薄而且脂肪分佈平均,食落去肉質嫩滑牛味好重,refrill左幾次都係咁有質素而且速度好快☺除咗牛肉仲有豚肉,豚肉都好薄身,同冬陰公湯底好夾,而且因為湯底好入味所以基本上唔使點豉油已經覺得好好食🥰冬陰公湯底入面仲有蝦同魷魚,令到湯底更加充滿鮮味💓火鍋配料都非常豐富,特別既係佢連羽衣甘藍同秋葵都有😍平時打邊爐好少見到有!!飲品方面除咗有象啤仲有自家製嘅香茅蜜糖茶☺而且醬料除左胡麻醬仲有泰式辣醬好正啊!!甜品

今日冇飯食，又同隻佬官塘搵食，係但馬屋門口見到有新湯底，決定試下佢！今日好好彩，半個鐘左右有位喇！入座後梗係叫左新既 冬蔭功湯底，見佢湯底仲有蝦同尤魚，都幾好！一放底陣味好香，應該落重香料！試左一啖湯好正！湯底仲附送一個泰國菜盤，入面有大量莞茜，通菜/茄子/車厘茄/青檸/菇！都唔錯架！呢道食放題，餐廳都幾重本，有得任食羽衣甘藍！都好多選擇！仲有唔少醬汁可以選，因為有冬蔭功湯底，泰式既香茅蜜糖菜都可以任飲，唔錯！我都拎左杯飲，唔係好甜！幾好！仲有哈根大師任食，正！我地今日選左 澳洲上級長期穀飼牛，牛味算濃，但我覺得太薄 🤣🤣 不過份量一碟都算多！黑毛豬，我個人鍾意豬多過牛！冬蔭功湯底整菜幾好食，但冬菇唔知點算唔吸味，個萵筍好甜呀！冬瓜都好正，可以唔駛點豉油黎食！幾好！金菇菜同羅白配湯都幾好！貢丸同墨丸，個付皮打結幾特別！蟲草花原來同冬蔭湯做唔到朋友 🤣🤣 蓮藕好正！臨尾食個 檸檬雪葩同雜莓雪糕，圓滿！

每次係屋企打邊爐都係個幾種湯底，而今次就可以一人一鍋的形式可以盡情享受自己的廚藝之餘，更不用遷就別人的口味，終於試到新的香辣陰功湯底lu~湯入面有，炒香和牛粒，牛粒好新鮮，唔會太瘦，其中蝦, 魷魚配落湯到好香，好好味，海鮮唔洗加醤油都有味仲保留到原有鮮味。泰國蔬菜盤 ：蔬菜十分爽口多種類。澳洲上級長期穀飼牛：牛肉好厚片，都新鮮，配湯已經好入味，再加上自己調製的醬油就更yummy 😋服務方面： staff見到客人離開坐位火鍋滾左都會幫忙熄細d火👍🏻👍🏻👍🏻 如果火鍋火候容易控制那是最好。而自助區：自助吧抬排列整齊乾淨，食材新鮮種類多，仲有雪糕，好吸引！另外有專門staff幫忙refill 食物 不斷供應新鮮食物，好貼心。

許久沒吃過放題，今晚再來觀塘吃日式火鍋放題。這家餐廳每次經過都大排長龍，今日也不例外。晚上6點，餐廳已坐滿8成客人，限時90分鐘，60分鐘已經開始結帳，基本上不能超時。餐廳的面積不算大，桌面空間只放得下一人一鍋和食物，坐得比較親密。有不同價錢的牛肉和豬肉放題，價錢由$180至$300多都有。我選擇了$249的北海道夢之大地豚放題套餐，任吃北海道夢之大地豚、澳洲產長期穀飼牛、嚴選牛肉和丹麥皇冠豚肉。湯底有千夜鍋、甘露鍋、藥膳麻辣鍋、美肌鍋、意式蕃茄芝士鍋等。⭐️冬陰功鍋冬陰功鍋得湯底很豐富，有墨魚、蝦等海鮮，但冬陰功的香味不算濃郁，湯頭偏淡。火鍋醬料齊全，另外有不少飲品，果汁、香茅蜜糖茶和罐裝飲品，一應俱全。火鍋配料選擇不少，有丸類和蔬菜，蔬菜應是最大的亮點，有蟲草花、黑木耳和羽衣甘藍等較少見的火鍋配料。⭐️北海道夢之大地豚⭐️澳洲產長期穀飼牛只吃了最高質那兩款肉，肉切得很薄很薄，不過牛肉的脂肪部分不太平均，蘸醬料才能突出肉味。最吸引還有Häagen-Dazs雪糕無限吃，共有四款，分別是藍莓、咖啡、焦糖和雲尼拿味，到了7時雪糕更是大排長龍，建議早點吃。

日式牛日火鍋，我叫的是最基本的牛肉火鍋餐，牛肉新鮮美味，火鍋配料亦豐富！有魚蛋、多款蔬菜及新鮮魚肉。雖然是最便宜的餐，但牛肉上菜很快，飲品也是任飲。最後整返個hagandze 雪糕，滿滿飽足感！我會建議早少少，例如5:30到，叫個90分鐘餐，一定夠食，始終上菜快！另外，可試曬所有4款雪糕，因你出去食hagandze 雪糕都要$50，食曬4款你都有賺。牛肉最好每次4碟上，甘樣你又食得開心，服務員又唔駛一碟一碟比你。

同好耐冇見嘅朋友約食飯但又一時諗吾到食咩好就揀咗打邊爐。禮拜日晏就5點半就攞飛，嗰下仲同朋友講咁早攞飛咪好早食，但事實證明我係錯。攞咗飛等咗1個鐘先入到座，真係好多人排隊㗎。入到座，嗌咗179嗰個餐，因為大家都吾係話特別對邊隻牛有意見，平平地都ok。一人一個細鍋，我朋友要咗甘露鍋，即係普通嘅豉油湯底，正正常常。自己嗌咗蕃茄芝士鍋，一上枱都見到有片芝士，但湯滾咗食唔出有芝士味，係正常嘅蕃茄湯底。呢度加湯唔係加水，而係加翻嗰隻湯，呢樣抵讚。配料方面有雞肉，魚蛋，墨丸，芝士魚餅等等。最特別應該係佢有魚柳，平時好少喺呢啲日式火鍋食到魚柳。菜方面都不外乎係唐生菜，娃娃菜等，而麵就有拉麵，烏冬，公仔麵。整體配料選擇都算多。雪糕係哈根大師有脆心花生味，第一次食，好正。整體而言，記得早啲去排隊

今次同朋友來到但馬屋打邊爐，見到最近新推岀既湯底係冬蔭公湯底，好吸引！於是我地就揀咗呢個湯底試吓。火鍋是一人一鍋，香濃的冬蔭公味傳咗出嚟，湯底入面有魷魚同蝦和香茅。肉類方面，牛肉我地點左澳洲穀飼牛，賣相唔錯，條紋都好分明，牛味頗濃。而豚肉就幾薄身，同冬蔭公湯底都好match另外，配料方面係非常豐富，包括有不同丸類及蔬菜類、魚肉、響鈴卷、芝士豆腐同芝士腸等等。有好多選擇呀！最後既重點係有Haagen dazs雪糕仼食！咩都抵番曬啦！

每次經過apm，找有什麼餐廳用膳時，經過這間火鍋店都非常多人排隊，生意非常火爆。難得今天早了下班，來到時仍有位置，便和朋友決定要嚐嚐到底這間火鍋為什麼會這麼多人排隊。叫了最便宜的套餐，限時90分鐘，火鍋走日式放題路線。平時是每人一個小鍋再自行選擇想要的湯底，但當天只剩下大枱和大鍋，所以店員讓我們選擇兩個湯底雙拼。壽喜燒味的湯底和清湯一坐下叫餐後，店員便會送上豬牛肉數碟，吃後覺得好便再加點。豬肉牛肉有bar枱在外面可以自行選擇火鍋配料飲品也不少，有白色可樂雪糕是哈根達斯，食多幾球，好好味

但馬屋係日式火鍋放題店，一人一鍋的，閒日晚上等位的人數也是極多，都幾誇張！晚市限時90分鐘，有不同款式的湯底和肉類可供選擇。自取的有丸類、蔬果類、雞件、醬料、飲品和雪糕等等。排列整齊，既美觀又衛生。啲用料仲要一啲都唔Hea，有秋葵、萵筍等等。而雪糕就係高級嘅Haagen Dazs，焦糖脆脆味同埋藍莓味都勁正！飲品也不只有一般的汽水，連Coke Plus、Sprite Plus、解茶都有！冬蔭公湯底帶微酸辣，而且有好重嘅香茅同埋南薑味，勁香勁開胃，又唔會搶走食材的原味，超正，推介！Order咗冬蔭功湯底會送一盤泰式蔬菜籃，有通菜、泰國茄子、青芒果絲同埋秀珍菇等等，Match返個湯底！除咗有泰式蔬菜籃之外，嗌冬蔭功湯底仲可以任飲泰國象啤，真的泰爽了！我哋Order咗 $249 嘅套餐，跟嘅係澳洲產長期穀飼牛，油花分怖均勻，而且切到勁薄，係咁易烚幾秒就食得，入口又香又滑又重牛味，真係可以瘋狂Encore！$249套餐的豚肉也是超高質的，$249套餐和$199套餐的分別就是在於這個豚肉！北海道夢之大地豚肉的賣相相當吸引，肉質軟腍，肥瘦適中，食咗好多碟都完全沒有感覺肥膩，推介！原來Order咗冬