但馬屋 (創紀之城五期(apm))

营业中

休息中

今晚同老公選擇一人一鍋既火鍋放題(呢排頻頻搭車去觀塘食飯HAHA)老公要甘露鍋,而我就係意式番茄芝士鍋(一般呢~甘露鍋反而重好食)估唔到牛肉油脂咁少,我地相對地比較愛丹麥皇冠豚肉。牛肉食完檯上果碟,我地就無再要多碟啦,反而豬就有encore。選擇都算多,特別既我用括號括出黎啦,有唔同既丸類﹑菜類(有羽衣甘藍﹑秋葵)﹑菌類(蟲草花)﹑粉麵類。最最最開心係Haagen Dazs雪糕任食, 四隻口味,拎左細細球.分別食左2次^3^掛住同老公傾下食下,無咩點影相呀~ 整體還可以呀,係日後晚餐想打火鍋既選擇之一但馬屋地址:觀塘觀塘道418號創紀之城五期(apm)4樓22號舖電話號碼:27931232營業時間:星期一至日12:00 - 23:30

聖誕篇🎄X平民高質火鍋系列▫️餐廳：但馬屋Tajimaya▫️地點：香港有3間分店📍 葵芳興芳路223號新都會廣場2樓251-255號舖（港鐵葵芳站 D 出口, 港鐵葵芳站 E 出口）▫️營業時間：星期一至日12:00 - 23:30▫️價錢：$80+—美味：🍲🍲🍲🍲環境：🍲🍲🍲（book位先去/2點後）價錢：💰💰💰+0.5💰—👧🏻👦🏻最愛係冬天食火鍋🥶🥶🍲想平平哋食幾高質既火鍋可以考慮吓依間🤗雖然午市同晚市都勁多人，但2點後都唔駛點排隊，仲可以平啲（💕12-5pm較平）佢哋有5款湯底，👦🏻👧🏻今次選擇咗千夜湯同蕃茄芝士湯🤣仲選咗黑毛和牛午市定食套餐（$129）個牛係幾高質，睇賣相就知👀👧🏻👦🏻冇揀任食，因為一份都夠大份🤗如果你大食啲，加幾十蚊任食肉都可以🤩而火鍋配料、飲品同甜品都係自己任拎☺️雪糕係haagen-Dazs，有4隻味，任食🤭🤗🤗整體性價比都幾高—

一個人打邊爐，剛好的選擇！放工突然好想打邊爐，又冇約，本來打算去吉吉家，大家落 睇吓D一人邊邊，點知，加埋D追加牛肉，響玲，福袋，找數差不多$100，再行一陣見到但馬屋，90分鐘放題都係佰鬆D，所以排除一人晚餐的孤獨感覺後，就拿了一人位的號碼牌，行住街等入座。睇圖就冇嘢好講！抵過快餐店好多！任食豬，牛，雞，配菜湯底6種。 我揀麻辣。再睇吓兩碟牛AB 無論A定B碟碟都好新鮮！By the way, 我只係叫最平果個歺，雖然不是什麼肥牛，但最緊要新鮮，有牛味！豬其實比牛更抵食，薄切快熟配料，汽水，仲有品牌雪糕任飲任食，90分鐘其實一個人食完來只係剛剛好

但馬屋經過開觀塘，又想打邊爐就揀咗但馬屋食。以為佢星期一至五先至會有Lunch Menu，點知星期日都會有，而且價錢都幾抵。$109 午市放題食足60分鐘，有牛亦都有豬。其實之前都食過，係一人一鍋嘅方式，啲食材都比較新鮮所以都幾鍾意食。一坐低揀完要咩款牛就會幫你落咗湯底先，其實個湯底佢哋入廚房攞好快就會即刻送到，今次我試嘅係甘露鍋(其實即係日式甜醬酒湯底)，我哋有三個人食，之後職員就攞咗三碟牛同一碟豚肉過嚟(仲可以無限refill)，啲牛同豬嘅色澤都好靚，一睇就知好食😋。然後枱面上會有一人一個兜仔，係for你係出邊攞其他食物。為咗減輕油份吸收第一時間當然係攞菜先，啲菜唔會爛同埋個樣都係好新鮮嘅。雖然佢嘅款式唔係多但係想輕輕打下邊爐，唔係話嗌到成枱都係瘋狂咁食嘅話，其實都係一個唔錯嘅選擇。成間餐廳雖然唔係話大，但係錯位都比較闊落舒適，唔使話同人哋咁迫。喺呢間餐廳食過兩次都係lunch，雖然唔知佢晚餐咩價錢，但都叫多個選擇，香港人一年四季都鍾意打邊爐，如果有時收工想食唔使下下食快餐廳打邊爐。😄

經濟價錢人平均二百元左右一個晚餐，牛肉及豬肉真有質素。但可惜服務安排好唔掂。話明係放題，時間得90分鍾，落左order但唔無落單，結果好遲先黎到。另一重點係，由入門到結帳都無話你聽幾點走，淨係識比張單你叫你比錢。點知一問，話已經夠鐘，迫住走但台上還有食物，當住你面抽起哂所有野，煲裹既水差點因動作掉出來。經過此不快，以後都唔會再快。建議：參加某機關經營手法，一門口入坐時，給予客人一張紙，紙上寫清楚離開時間，以及離開前15分鐘不得再order。客人才清晰知道時間性。

星期五去到觀塘APM食聽聞咗好耐， 一直都未有機會去試嘅但馬屋。 十幾年前去日本食過一次， 呢間應該唔係日本開過嚟個間？！？！一去到就已經大把人等位， 等咗大約20分鐘就有位喇！ 湯底揀咗麻辣湯， 同事就揀咗美人鍋湯底。 個麻辣湯底微辣香口， 仲諗住日式會冇咁重口味。 套餐要咗牛+豬組合， 牛肉不過不失， 出面任食丸類， 菜嘅選擇都夠多！ 雪糕條隊就排得耐咗小小。 整體嚟講價錢都算合理， 同起平類型嘅全食Shabu Shabu 高質小小咁多！

肉: 中上級都無味。豬一樣任食: 頭兩次靚。之後下等。多脂肪APM無敵落地玻璃窗口卡位: 幾多人呢都唔會坐到得。四個卡位下午時段。四個卡位都畀員工坐曬。休息食嘢傾計。一人一卡from真實食家

今日去觀塘apm行街購物，發現有得換美食現金卷，就決定係呢度食埋晚飯。我地見有時間，就揀左間多人排隊嘅餐廳，心諗實無死啦！我地足足等左差唔多45分鐘先有得入座，但係值得嘅！我地揀一人一鍋，有5款湯底可以自己揀，嗜辣嘅我就當然揀左藥膳麻辣配$179嘅放題套餐～ 一入座嘅時候，啲小鍋已經放左係位度，可以自己出去夾嘢食。嘢食嘅選擇都好多元化，有菜、菇、丸、烏冬、拉面、公仔面等等。我覺得好食嘅係烏冬、魚滑、芝士魚腐同埋菇！嘢飲方面有橙汁、酸梅汁、蘋果汁同埋梨汁。我就揀左比較無咁甜嘅梨汁。個湯底好夠味，除左辣味外仲有啲啲藥材味，啲菜吸收左啲湯底食落去都真係會麻麻地，食到中途會流鼻水🤣🤣 加湯個陣發覺佢地會因應你個湯底而加番相應嘅湯，咁就唔會愈食愈淡！甜品方面就有雪糕，有三隻味揀，我梗係唔執輸咁食左幾球，甜品係第二個胃黎架嘛！

今日突然心血來潮想打邊爐，去咗依間有午市火鍋放題嘅餐廳 中。我叫左嘅餐係109蚊加一。湯底有四五種，我就揀咗最清淡嘅清湯。食物種類都有幾多選擇，菜有三四種，其他蔬菜類嘅都有五六種，其餘丸呀，腸仔呀等等，加加埋埋都有好多選擇， 種類都算幾豐富。另外飲品都有四五種，加埋各式汽水。呢個餐，牛同豬都係可以無限嗌，肉質就唔好期望太多啦，呢個價錢算ok啦。另外有haagen dazs嘅雪糕，我今次就冇試到啦。開枱計限時60分鐘，佢會喺仲有15分鐘嘅時候提醒你，到真係夠鐘就會差唔多每隔5分鐘咁催你走。態度都算係咁啦，起碼唔會一夠鐘就收曬你啲嘢。

正所謂擇日不如撞日，同朋友嘅時間太難就，食餐生日飯都改兩次期，突然咁啱大家都得閒，不如就今晚啦😍 不過，即興嘅飯局，想搵地方食嘢都唔係咁易，度度都咁多人，又想打邊爐又想放題，突然諗起呢間食店😋呢度環境舒適，枱與枱之間有塊板隔住，感覺有多一點私人空間😃食物質素亦不錯，湯底好好味，食物亦新鮮，款式亦算多，仲有雪糕食😍下次會再黎❤️

好少食火鍋既我今次走進日式Shabu-shabu放題🥘叫$249以上任食可以免費試新出火鍋湯底Tom Yum Goong可以自由添加配料落湯底都比較喜歡食酸可以大家多啲檸檬喜歡食辣可以加多啲指天椒 愈食愈開胃🌶任食澳洲長期榖飼牛及北海道夢之大地豚肉 榖飼牛肥瘦好均勻落兩下湯底10秒就可以拎返上嚟 好嫩滑🤤大地豚肉比較重豬肉味每塊好薄 肉質鮮嫩任食火鍋點唔少得肉丸 蔬菜 烏冬 麵條估你唔到有羽衣甘藍🥬 蟲草花 😳另外汔水果汁任飲 仲有香芧檸檬茶 酸酸甜甜解油膩飲多2杯都唔怕另外有自助式雪糕 有特別味道 雲尼拿拖肥雪糕 甜到入心💓

間唔中Lunch Hour可以打到個邊爐，尤其喺happy Friday，就更加賞心樂事！中午選餐分類，由於得一個鐘lunch hour，就揀個牛肉豚肉盛合餐，咁就兩款肉都試到。每位提供一隻木盤，供自取配料用，有超過30款配料任君選擇，普通火鍋放題比較少嘅有萵筍、羽衣甘藍、蟲草花、秋葵推介必試︰芝士豆腐牛肉、豚肉都不錯揀咗甘露鍋湯底，即日式甜醬油味哈根大師雪糕，當日有四款選擇，夏威夷果仁、藍莓、呍呢拿、士多啤梨，我就覺得夏威夷果仁係最好味，可無Summer Berries，飲品都有多好選擇，罐裝汽水、烏龍茶、玉泉忌廉溝鮮奶… 等等，有一款係香矛蜜糖茶，個人認為味道有D怪，唔係咁啱我口味，好彩係自已斟，試咗少少，唔會浪費。晚市價錢貴一倍以上，用餐時間一樣係90分鐘，所以午市相對比較抵食！

香港人打邊爐係冇分四季😆天氣熱辣辣邊爐癮起APM 但馬屋開左一排，唔洗飛日本都有 shabushabu 食前幾日見到冇咁多人排隊終於可以試倒😋⌛️90分鐘⏳ 一人一鍋我哋揀咗「北海道夢之大地豚放題套餐」叫左🍅意式番茄芝士鍋俾阿仔食👶🏻🌟酸酸甜甜好開胃我就食左期間限定既🦐冬蔭功鍋🇹🇭🌟本身湯底香料十分多，有蝦等等海鮮，佢會將配菜、辣椒等等成盤俾我地，酸辣度可以自行調較，既好玩又美味😋❤️任食既澳洲穀飼牛肉同北海道大地豚肉都非常鮮味，一分錢 一分貨，我哋三大一B食左十幾碟🙈 味道係唔錯不過服務質素有待改善.

今晚來到觀塘覓食，揀左呢間出名多人既但馬屋，真係勁多人，我地都要等左成20分鐘以上先有位🌚新品係冬蔭功湯底，就試佢啦！同行女友叫左個美人鍋，可能有美容功效🙈今次兩人都叫左$249北海道豚肉，咁就要試真啲喇！首先湯底都幾足料，成碟香料俾我放入個冬蔭功到，但本人唔太喜歡啲香葉，所以只係放左一部份菇，青檸，車厘茄等入去，但都十分夠味！當然唔係好似一般泰國菜冬蔭功湯咁濃，但都會沾左落食物到，每件落去既食物都會有冬蔭功味，所以相對地可以唔洗點咁多豉油。火鍋主角當然係火鍋料，豬同牛都係高質素，尤其係豬，爽口彈牙，肉質一食就知係高質啲，唔會好似中國豬有陣騷味，出面仲有其他野任揀，包括雞件，菇類，秋葵，粟米，響鈴，烏冬等，全部都幾正，響鈴都比想像中好食，一開始仲驚佢質素唔掂，但食落都ok，所以任食來講基本上都唔太差😊飲野就較為失色，以罐裝為主，我就飲左個非罐裝既蜜糖香茅飲，配埋冬蔭功湯，真係幾有泰國feel😂最後就食個雪糕作結，要自己動手去挖，但已經俾人食到7788，揀左個芒果雪糕，味道尚可，我個人prefer用杯裝，衛生啲又好味啲。總結，同牛x鍋比好似無咁多款，但裝修，湯底新鮮感搭救，可以一試👍🏻

哩間觀塘分店已經幫親過好多次。。。啲食物係幾好食。。。但今次真係佛都有火。。之前幫襯都知多人排隊會等得耐但今次真係等到咩心情都冇晒。。。我地兩個人黎食。。要由46號開始等。。甘我地拎100號。。等冇所謂。。但見到啲過左3個號碼嘅反轉頭唔使從新拎飛再排就可以優先。。。甘就唔好係張飛寫住過左3個號碼要從新排啦。。。之後明明好多A籌嘅人等緊。。就不停叫啲B C D籌。。係咪少就唔係客。。甘嘅帶位機制有屁用。。根本就係睇負責個個同事想點就點。。。以後都唔會再幫襯。。。個幾百文寧願俾乞丐。。都唔會俾你地賺。。垃圾!!!決定黑名單