但馬屋 (創紀之城五期(apm))

营业中

休息中

係觀塘放工又咁岩約咗朋友食飯, 就一於去APM但馬屋試下好唔好食, 因為平時經過都有好多人排隊因為我地唔介意搭臺, 所以琴晚一去到就唔洗等就可以入座我地叫咗黑毛和牛放題套餐 $289, 而鐘意食辣嘅我地就梗係要藥膳麻辣湯底啦一人一鍋, 唔洗爭, 藥膳麻辣湯底夠濃味又唔會太辣, 而且係加麻辣湯唔係加水, 所以唔會越食越淡黑毛和牛就唔係多講, 好好味, 雪花分布均勻, 淥3 4秒就食得, 啖啖油香好重牛味, refill嘅碟碟質數都一樣咁高質Haagen-Daz 雪糕都係任食, 身為雪糕迷嘅我當然食咗5 6球先走啦總括而言, $300食到咁嘅質數真係物超所值

APM 行街途中妹妹想打邊爐，搜尋下見到商場有兩家主打食火鍋。妹妹選了「但馬屋」90分鐘放題。有不同的價錢組合。選了有嚴選牛肉、丹麥豬和澳洲穀飼牛的$199 組合。湯底5款基本和新推介的冬陰公。我選的是美肌湯，用雞湯煲成，煮蔬菜非常清甜。各款肉類即叫即切。澳洲穀飼牛比基本牛肉肉味香濃多了！叫了好幾盤。丹麥豬肉也不錯，肉味十足。自助區有各式蔬菜、丸、麵食。蔬菜新鮮乾淨。丸和其他肉選擇比較少，只有各兩、三款。醬油區有妹妹最愛的麻醬。哈根達斯雪糕任食，當然要食返幾球，今晚有特別的脆心花生醬。

近日經過APM才發覺新開了好幾間食肆，除了台灣過江龍，還有兩間火鍋店。今天嘗試的是有點像半放題式的但馬屋。火鍋共有5款湯底，晚市放題有豬、牛、豬牛配等6個選項。一人一鍋，肉類吃完後可請店員再上，小盤子可在蔬菜區挑選火鍋配菜。藥膳麻辣鍋，有淡淡的藥材香味，辣度是微辣不會搶去食物的鮮味。$199的套餐共有三款肉類，三款肉類也不錯，穀飼牛牛味香濃，豚肉肉質鮮嫩；蔬菜類有7、8款選擇，還有罐裝飲料和hagaz-das雪糕，絕對可以飽吃一頓。

知道APM開左間但馬屋好耐，一直都無去試過。今日難得係APM附近開完會，就同友人黎左試下！７點到都要等陣位，好爆場呀！係門口等位果陣已經問定你要咩湯底，原來一人一鍋架，入到去坐已經放好哂俾你，一坐低就可以食！今次試既係香辣椰香冬蔭功湯底火鍋 ，入面有蝦同魷魚，仲有Ｄ香料，另外仲有一盤泰國蔬菜盤同埋子彈椒及青檸，可以隨你口味添加，不錯不錯。內容都係任食牛肉同豬肉既放題火鍋，佢資料寫係澳洲上級長期穀飼牛，仲有任飲雪櫃既罐裝飲品，不過佢仲有Ｄ特色野飲，就係呢個香芧蜜糖茶，應該係期間限定，成日飲罐裝野飲得多都悶呀，有呢Ｄ特色野飲都唔錯！甜甜地又有香芧既香。最後當然唔少得有我最愛HAAGEN-DAZ雪糕任食，今晚有朱古力、雲呢拿、綠茶同咖啡，由於任食所以我每樣都食左２球呀嘩哈哈哈。總括黎講，全部都好食，上牛既速度好快，一人一鍋乾淨衛生，侍應都好主動同好快手，同友人都食得好開心！

餐廳中午12點開門。黎到見到排哂長龍。店員分批入人。避免爆哂人出去拎野食。等左15分鐘。好彩最後都有位入到去。揀左90mins谷穀飼牛放題套餐。甜豉油同麻辣湯。甜豉油好夠味。麻辣湯唔太辣主要係有個香味。配料主要都係丸同蔬菜。蔬菜都算新鮮乾淨。不過豆腐由嫩豆腐變左布包豆腐。望落表面已經乾哂。牛肉一上枱望落真係有啲似合成肉。啲脂肪同肉分隔得太分明。不過食落味道正常。望到隔離枱食低一級嘅嚴選牛肉啲脂肪紋反而正常好多。豬肉唔錯。雖然有少少硬不過食落有豬味。問侍應先知原來晚市先有雞肉。飲品主要係罐裝。另外仲有熱茶同凍香茅蜜。雪糕係哈根大師。有4隻味。侍應全程收野上野都好快手。不過枱就擺得比較密。比較同區同類火鍋。呢間相對高質。難怪成日都要等位。

我地book左7pm，入到去已經坐滿人，閒日都咁多人，相信呢個就係日式火鍋嘅威力。頂頂大名嘅但馬屋由日本黎到香港咁耐我都未試過。事實上，係好耐冇食過日式火鍋放題至啱!但今次嘅湯底有啲唔同，因為係冬陰功。我地叫左“北海道夢之大地豚放題“，可以任食北海道夢之大地豚肉、澳洲產長期殼飼牛、嚴選牛肉、丹麥皇冠豚肉。店員送來泰國蔬菜盤，將蔬菜放入火鍋湯底更添美味。另外，店員亦建議我飲香茅蜜糖茶，潤喉得黎十分有泰味。我地二人食左兩碟豬兩碟牛。豬肉薄切嫩口，牛肉的牛味香濃，一食就知高質，係日式放題先食到嘅質素。另外，出面仲有雞件，烏冬、面、各款蔬菜，獎料區等。仲有haagen daz雪糕任食。總括黎講，呢餐都算幾抵食。每人$300都唔洗就食到高質日式放題，正!

係apm睇完戲，經過見到呢間但馬屋個menu幾吸引，就排隊試試。Lunch有60分鐘同45分鐘，湯底同肉質選擇都好多! 真係花多眼亂!!! 等左大約20分鐘入得座。我地要左一個千夜鍋同一個藥膳麻辣鍋。左上角果個就係藥膳鍋，湯底色澤好深，但不算濃。而右下角就係千夜鍋，是鏗魚精華來的，淡黃色的，同樣地，湯底不算濃。好快主角就到。雖然我地叫最基本既套餐，豬同牛既質素都不錯!! 另外，配菜選擇都有好多。最正就係個拉麵，好彈牙!!! 甜品就有任食四款haagendazs 😍😍😍總體來說，食物質素不錯。不過地方淺窄，枱與枱之間既距離較少，行出行入去拎野食不太方便。枱亦較細，擺放食物位置有限，所以一次唔好拎太多野食。

每一次喺APM想食晚餐，都會比呢間嘅邊爐香吸引到。不過每一次門口都好多人排隊，好彩今日朋友嚟呢度等位先，咁我一放工嚟到就可以入座啦。原來今日咁岩新出咗冬陰公湯底，仲會送泰象啤添，咁就一於試吓啦。湯底一上枱，就聞到好香嘅冬陰公味。試完發覺唔係太辣，不過好香好開胃，所以唔食辣嘅人都可以一試啊。我哋叫咗200幾蚊質素嘅牛肉，啲牛肉好高質啊。牛肉碌一碌就熟，而且啲牛肉嘅牛味好重，肥瘦適中。除咗牛肉同豬肉任叫之外，出面仲有好多蔬菜，丸類，雞肉，魚柳可以任拎。而且飲品方面有好多唔同種類揀，汽水或者香茅茶都有，啱晒唔同需要嘅人。而我就覺得呢個湯底同啤酒好夾，估唔到唔使去泰國或者食泰國菜都飲到泰象啤啊。最後梗係要食雪糕啦，呢度有haggen daz雪糕任食，食返幾杯已經回本啦。呢間火鍋湯底又多選擇，食物配料又多種類，而且牛肉都好高質，唔怪得次次經過都咁多客人啦。

做完尖8點幾，黎左但馬屋打邊爐一入去聞到好香冬陰公味，就決定簡呢個湯底！但馬屋比人感覺好衛生好乾淨！冬陰公湯送既蔬菜盤正呀！我地簡左澳洲穀飼牛套餐，牛肉好靚，有牛味，又大大份！湯底好飲，之後再加湯都係加東陰公架，唔係加清水，實在好有誠意！豚肉，靚到好似parmaham咁，食落唔會比牛差，十分滿意！外面自助區都好多選擇，推介芝士魚餅（芝士腸右邊）仲有任食haagendaz雪糕，四個味，藍莓超正！我覺得但馬屋係apm黎講一個好選擇，抵食環境又好，雖然限時90分鐘，但佢啲牛肉豚肉黎得好快，係夠時間食架

嗰晚收工突然好想食日式火鍋，所以臨收工就問下同事有冇興趣一齊去涮一涮~~~哈哈，俊男同事咁岩被佢女神放佢飛機她sad，所以要化sad為食量，要陪我大涮特涮咁話woooo！！！我地揀左喺apm入面既一家食日式火鍋放題既餐廳落腳：）記得好耐之前好似都有同朋友黎過，印象中質素都唔差架，呢晚見到有個新推既鍋底：“泰式冬蔭公”，我同俊男同事都有興趣想試呢款湯鍋，所有大家都要左呢款做湯底！！呢個泰式冬蔭公湯底有得diyyy，辣度同香料由自己揀，中意落幾辣就幾辣！！！而價錢就視乎返食邊款肉，我地都要左“北海道夢之大地豚放題套餐”HKd$249+10%，除左可以任食穀飼牛之外，北海道豚肉、丹麥豚肉同嚴選牛肉都可以任點架xpp薄切既穀飼牛輕輕一涮就經已食得，唔嚡之餘都算嫩，牛肉味濃同酸酸辣辣既冬蔭公湯底都幾夾，仲愈食愈開胃添~~豚肉質素亦比想像中好唔嚡口仲幾爽嫩啵！！呢度既火鍋配料質素都唔差，由其係啲雜菌蔬菜好新鮮又多款！！！飲品都係任飲架，仲有哈根大師既雪糕任添任食♡♡♡呢晚一共有四個口味，分別係雜莓、藍莓、芒果同焦糖脆餅，食完熱辣辣既火鍋之後食香滑冰凍既雪糕真係零舍梳乎架！！

之前去日本旅行食過但馬屋 唔錯見香港都有 就去左試試用左thegulu排隊好快就有位有5種湯底可以選擇今次就試美肌鍋先牛肉就選左澳洲牛肉類賣相都唔錯穀飼牛真係幾好食又切得薄 放入鍋好快就熟 1啖就食到湯底都幾濃郁服務員都有禮貌整體都幾好 價錢就中平啦

呢到除左豬，牛肉有侍應送菜之外, D配菜同丸類都要自己出去拎, 牛肉質量不錯, D配菜都算新鮮, 湯底就叫左個蕃茄湯底, 都幾入味, 加上牛肉就唔錯. 呢到限時入座開始計1.5小時，打邊爐打得有D趕。

第一次食但馬屋，可以用GULU app 拎定位先，可能地方唔大，都等得耐。如果是一大班朋友去食就可能唔係太適合啦，3~4位 perfect💫有好幾款湯底，其實來來去去都係果d, 我揀左甘露鍋，即是壽喜燒湯底，比較咸，要雞蛋需要另付。肉類方面試左$199 2牛1豚，如要比較的話，親民價的日式火鍋之中，呢間的肉比較軟身，淥完唔係一張紙。我地旁邊的食客揀左$349的肉，我地見住佢不停refill, 好似真係好唔錯，下次會試～ Waiter 都好快手，有禮貌。地方唔係太大，但其他的自助火鍋配料選擇都頗多，丸類到蔬菜都有。另外甜品有桶裝Haagen Daz 4個口味，都夠食ga la~

2019年6月14日 約了幾個朋友食飯吹水， 我們幾個都好喜歡食火鍋， 而呢間在觀塘區黎講可以說是很好的日式火鍋店了， 因此我們早早就拎定籌， 等差不多到的時候才過去等。 呢間日式火鍋店是每人一爐的， 爐睇落細細個但都可以一次過放好多食材入去， 有4-5款湯底比我們選， 我自己就選了麻辣藥膳湯底， 湯底辣之中亦食得出藥膳的感覺。 這間日式火鍋店所選用的牛肉品質都是非常好的， 唔似其他的日式火鍋店的平價牛肉就差到一個點， 我們點了最普通的嚴選牛肉SET， 但肉質已經係非常不錯了， 一樣入口即溶。 食材方面有很多是一般日式火鍋店沒有的 例如秋葵、蟲草花、冰菜等等， 好食得黎又少見。而且甜品方面呢間都落重本， 有4款口味的haagen dazs比大家回本， 所以我都食左2大碗。200蚊既日式火鍋性價比非常高， 因為呢間所用到既食材都是有品質保證的。

🥩日本產黑毛和牛放題$289另加一🥩考完Final，跟著友人食好西賀一賀佢🤪呢間嘅和牛幾香肉味，雪花都幾靚，入口軟嫩👍🏻配料選擇唔算多但新鮮，特別係蔬菜，有羽衣甘藍揀😍甜品有Haagen dazs雪糕任食，而且有拖肥餅乾嗰款🥴最後忍唔住食咗三碗😂.不過下次應該唔會去呢間分店啦🙊一來衛生麻麻，二來...店家有啲奸🙊大家睇下張相...(食到一半先影)第二盤肉嘅質素明顯係次一級嘅，無雪花又肥🙊去到第三盤都係咁，忍唔住出聲，店員都唔太想換咁🙊佢話都係和牛黎喎😒😒😒感覺唔太良好🙊分別咁明顯，點忍？最後佢都有幫我地換翻正常質素嘅牛肉，但已經扣哂分👋🏻.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌑🌑🌑