倫敦大酒樓

营业中

休息中

約了好友，除夕＜倫敦＞飯聚，係指旺角彌敦道的＜倫敦＞，作為2024年最後的晚餐。 點左几個菜，有素有葷，為了健康 ，晚餐少一點肉類也無礙。燒味拼盤  雞鴨叉，味道正常。北菇紅燒豆腐   軟綿綿，容易咬。錦鹵雲吞    有豬膶，叉燒，魷魚，蝦，青椒，蕃茄，洋蔥。首次遇到配料豐富的錦鹵雲吞。五柳甜酸汁酸度不突兀，沒有蓋過雲吞皮的原味。捏碎雲吞皮，變做碎片，沾上五柳甜酸汁，絕配。五香脆素鵝   香脆外皮，內裡腐竹軟滑。檸蜜焗肉排  豬肋骨，肉質上已經無得輸，再配上酸甜又帶鹹的檸蜜汁，很惹味。瑶柱蛋白炒蝦仁  份量足。炒蛋撈炸雲吞的甜酸汁，又似蕃茄炒蛋。上湯粟子豆苗煲  乾燒伊麵    皆為全素，走葱韮蒜。六位點了八款食物，真係好飽。

自從媽咪行路不方便，我又要喺屋企養病之後，好耐冇出過旺角飲早茶，琴日同媽咪去咗做眼部手術，所以今日一朝早又要去覆診，因為好快睇完所以去咗對面飲茶。#倫敦大酒樓 喺旺角都可以叫話歷史悠久，都好多年冇上過去飲茶喇，見到仲係推住點心車，仲有嗰個煎炸檔口睇見都開心。我小時後每日都係同媽咪一齊飲茶，所以我好好鍾意飲茶，尤其是可以出去攞點心特別過癮，不過而家好多酒樓都係用點心紙，所以我覺得冇咗飲茶嘅 feel ～難得今日細佬都喺度，我哋兩個好似失控小朋友甘，見到乜嘢都好想叫，之後諗都唔諗就叫曬以前必定食嘅嘢，芋角芋頭糕，煎腸粉，魚翅餃豆苗餃，豉汁蒸魚雲（媽咪啲朋友話好食），黑椒金錢肚，柴魚花生粥（我平時唔食粥嘅，但唔知點解覺得酒樓嗰啲好好食），蝦膠丸，豬腳薑醋（我媽話超正條友差不多自己食曬成碗），最後就叫咗個椰皇燉鮮奶（我見嗰個出去搶，幾乎每一台都叫）今日好開心大滿足呀，好耐冇試過食得咁開心啦，有機會都要帶老公去食一次～#倫敦大酒樓 #懷舊點心車

細個係住港島區，所以好少過九龍，大個之後先識旺角哩間倫敦大酒樓。潮流興懷舊，最近好多人提及倫敦酒樓仲有推車仔賣點心，咁就嚟試吓啦！雖然地方都寬敞，但佢哋啲車仔都唔係推嚟推去，只係泊兩架喺度，等啲人自己埋去攞！咁唯一俾到我有啲懷舊感覺嘅，就係啲人自己捧住啲點心埋自己張枱囉！記得細個見啲大人都係走出去睇吓有咩點心，因為驚住啲車仔俾人攔截哂！😅點心方面，腸粉好食，粉質地係以前嗰種滑、薄得嚟唔易爛，但又唔係依家有啲煙韌到唔似腸粉皮！蝦餃有筍！👍🏻依家啲蝦餃只係大隻多蝦！其實好食嘅蝦餃唔需要大隻，啱啱好一啖就好，而且要有筍囉！燒賣就同蝦餃飲茶係一定要有嘅，但佢嘅燒賣就麻麻，我唔係要有蝦，但一定要有冬菇，否則就只係一嚿豬肉囉！佢嘅薄罉都唔得，厚身麵粉，少韮菜，用火腿！🙄無香味！記得細個食嗰啲，係有糯米粉+粘米粉、蝦米、韮菜、菜甫，煎得薄薄，邊有啲燶脆，中間軟糯。整體不過不失啦！

下午1點半入到嚟，無人問津，見到無人坐就自己行埋去搭枱，開茶啲啊姐都唔想so你。2點開始無點心，剩係得蘿蔔/芋頭糕、奶皇包、金錢肚、牛柏葉。難得有五籠雞扎，又唔夠啲叔叔阿婆搶，眨下眼乜都無。點知諗住叫蘿蔔糕，阿姐煎得勁慢，又多人等。飲完壺茶，跟住叫阿姐幫手加水，又黑晒面叫我搵另一個職員加，不如你俾返+1服務費我，我自己加仲好呢鋪真係食包食飽，下次都係落樓下麵包舖買包算。真係可一不可再想練身法鬥搶嘢嘅可以一試

倫敦大酒樓其實成日都經過，但每次都無上去食，今日咁岩約左朋友係附近，就決定去試下，發現真係重回兒時飲茶的回憶。呢度同平時酒樓好唔同，呢度要自由搵位，都幾特別的體驗，但服務其實好好的，大家可以放心。點心亦都可以去出面點，煎腸粉係即煎，夠蝦米又煎得香，雞扎大大件，算幾抵食。蝦餃都做到晶瑩飽滿，牛肉球正常發揮。另外會有推點心車的姐姐，好有懷舊特色。另外推介椰皇，我見枱枱都有叫，椰子味勁香，蛋白都幾滑，必試!

一間非常有歷史的懷舊酒樓，酒樓有兩層，3/F係懷舊之最，沒有人帶位，可能要搭枱，位子超級多但需要自己找。而4/F係領號碼籌，有人管理枱號。早上來到飲早茶，酒樓裡已經高朋滿座，幸運地很快就有吉位。現場大部份顧客都是上了年紀的老人家，很多老人家喝著茶聊聊天看報紙，令我回想起兒時同父母去的地方，一個好有香港人回憶的地方。酒樓面積頗大，眼見懷舊裝潢，看得出有一定年紀，東西都舊舊的。還有傳統手推車和煎點心製作檔口，食物大部分要去自己選，選了之後服務員會在你的單子上畫單。酒樓還保留原本的佈置，有龍鳳雕刻背板用來擺喜宴用的大禮堂。小雨傘啫喱是香港人的童年回憶小食，食物正常發揮，價格不算平，勝在懷舊。椰皇燉鮮奶幾乎每桌都有點，奶味濃郁椰味清香，味道還不錯，呢個是必點的甜品。其他的還好沒有特別驚艷，路過想吃道地港式點心可以來試試。總結：點心水準非常一般，好彩還算夠熱，服務一般，如未來過的話可以來這裡喝喝茶嘗試一下這裡的氣氛。

3樓收銀台服務人員態度非常惡劣，問問題直接不回答，問了2遍都不理人，甚至搖頭擺手讓你走。沒有一丁點禮貌可講，更別說服務態度。不知道這麼大間餐廳，怎麼會有這樣毫無素質可言的服務員，員工都沒有基本素質培訓的嗎？

呢間舊式酒樓仲有點心車周圍推真係好懷舊，要地方大嘅酒樓先可以咁做。不過呢度最出名嗰樣野係要自己出去點心亭攞嘅，就係呢個椰皇燉鮮奶。拎到返埋位仲係熱辣辣，一揭開就好香椰子味，入面D燉鮮奶好Q彈，又香又滑，一路食一路就覺得好滋潤。叫咗碟山竹牛肉，質素都OK。鮮竹卷都OK。個煎腸粉幾好食，難得煎得好乾身。

Chef Ecy’s Dining Experience:🥰 Food | Corkage Fee | Cake Cutting Fee | Wheelchair | Easy Access | Price🙂 Service | Ambience😠 Pet Friendly | Easy Parking | Restroom CleanlinessThis is one of the tranditional Chinese restaurants in Hong Kong. It serves dim sum and traditional chinese guangdong style dishes. I tried many times especially the dinner banquets. All dishes are delicious! They serve quickly so the dishes when get to the table are still hot. They don‘t have any branches in other loc

今天已經很少遇到樓面面積如此大的酒樓，而且還要在旺角的彌敦道上，估計租金應該非常驚人，不過此酒樓屹立於這個地方已經有很多年，他廚房出品的味道應該不錯，點了四款點心，四款也很好吃。蝦餃皮薄餡靚，雖然不是外間興的巨型蝦餃，不過勝在餡料新鮮，尤其是蝦餃內的蝦，爽脆彈牙。牛肉腸粉也不錯，首先是牛肉有牛味而沒有梳打粉味，腸粉的皮也做得不錯。煎釀尖椒和矮瓜也做得不錯，釀魚肉的魚肉含量相信很高。最後一樣是很久沒吃的臘腸卷，熱辣辣味道佳，臘腸不會太肥，真的不錯。

新年伊始第一個午餐，五人選址屹立逾年的倫敦大酒樓茶聚。甫走入局，即時重現以前茶樓訂酒席的樓面場景：一張長枱加數張大櫈，說着多少圍翅加多減少，勁超！酒樓分有幾層，蒸點自取，煎炸點及腸粉是推車的，還有可以走到其他層數拿點心，老格式的碗柜，可樂也！走動不休，無需擔心會坐至窒息，挺有意思！酒樓供應的俱是傳統點心，其中最好食的乃是鳳爪和腸粉。鳳爪腍滑入味，牛肉腸粉更有不少牛肉餡！其次是南乳豬手，南乳味足卻不會過鹹，豬手軟彈，做得不錯。反而其他的好像金錢肚很靭，燒賣、蝦餃以及牛肉都不夠熱，影響食味。炸點有春卷、鹹水角和炸雲吞，雖然未算極油，可是脆硬得來不夠鬆化，不過爾爾。未知是否酒樓的冷氣太勁了，到枱的點心放下不久經已擱涼，有些剎風景；喜見原來食的就是懷舊的意思。

一間仲要自己走出走入去攞點心嘅酒樓，真係好懷舊，想當年我都仲係小學生一名😆呢度真係好多人，排隊係唔洗理佢，最緊要大叫「有乜」、「想要乜」有時可能有一、兩架車會繞場一周鴨腳紮雞紮仲用緊沙爆魚雞做餡料麻蓉包算係最新式嘅包點，芝麻蓉未到流心，不過甜度適中豉汁鳳爪味道足黑椒金錢肚黑椒好足，金錢肚好夠黑椒嘅辣，而且新鮮蒸出嚟，質地好爽彈西米布甸懷舊酒樓甜品之一，少有酒樓供應！中心嘅蓮蓉餡太少😔 好返啲先會有更好嘅味道，不過本身都做得好滑溜，甜度亦都配合現代健康潮流

今天跟韓國朋友一起來旺角「倫敦大酒樓」飲茶外國朋友說想去一下比較傳統的飲茶，我覺得倫敦酒樓還保留了推車子的飲茶習慣很是特別，所以就帶他們過來了車子推過來我們叫了一大堆的燒賣、煎堆、蝦餃、錦鹵雲吞、乳豬、叉燒包等等一大堆食物，再去他前面的一些小吃部拿一些現成的小吃或者叫他們馬上做，韓國朋友覺得很是新鮮又特別而且這裡的裝潢還在很久以前年代的樣子，他們很是喜歡，老實說這裡的飲茶不是很貴，可是重在氣氛而且位子又多，很滿意的一餐

今日和家人飲早茶，選了一間旺角的懷舊酒樓，地方寬闊共2層，坐得舒服，酒樓還是採用手推點心車，將一籠籠熱辣辣的點心送到你面前，或者拎點心紙出去自己拎，想起小時候跟父母飲茶的窩心回憶，彷彿回到小時候，想重溫呢種感覺，這里能滿足你，老人家應該也很喜歡這里，推介一家人來感受下特別推介：金錢肚相當入味，質感唔會太淋，口感剛剛好，十分推介叉燒腸蒸得熱辣辣，口感嫩滑，味道很好咖喱魷魚好有咖喱味，味道濃郁，魷魚煙韌彈牙，好咬感

屹立旺角多年既傳統茶樓 仍然保持手推車點心 🙋‍♀️舉手姐姐嚟幫你埋單 充滿香港特色嘅茶樓今次一口氣點咗鳳爪 煎腸粉 牛肉球 小籠包 椰皇燉蛋 先講要自己去搵點心車 逐架車仔問有乜嘢食 姐姐回覆 好似尋寶嘅過程幾有意思🤭鳳爪大大隻 整得入味 山竹牛肉球好食 夾雜馬蹄 爽口 小籠包熱辣辣 每粒都灌湯 一定要趁熱食 腸粉即叫即煎 外皮煎到少少乾身 配埋花生醬 甜醬 好食😋 最後椰皇熱辣辣 燉蛋除咗🥚蛋香 仲有陣陣嘅椰青水味 軟棉口咁 屋企家人長輩一定鍾意🥰