倫敦大酒樓

营业中

休息中

今日抱住一個重溫兒時回憶去呢度飲茶，點心姐姐、大部分部長既熱情都係熟悉感覺，野食亦有舊時味道，可惜比一個地中海部長破壞晒成件事，睇得出各人都好忙，但唯獨佢一個鬧客，自己講野又唔清晰仲要喝返人轉頭，雖然唔會需求高質服務，畢竟會同回憶中不同，但呢條友存在既一日我相信每位食客都食得不愉快，可惜今日唔係拍野，下次有機會實時報道一下呢位咁高質既部長先，今次就係到寫，下次媒體平台見。重點一提，點心姐姐真係好好，同細個去飲茶既感覺真係一樣！同埋3樓野食多同集中d！

今時今日香港地，仲有手推車賣點心，應該已經係小之又少啦！位處旺角嘅倫敦大酒樓就係其中一間⋯樓高5層，3樓可以搭枱，好多－支公想嘆吓一中兩件，就最好不過，而且分分鐘可以識到新朋友，正所謂呃水吹⋯ 😅😅😅 但如果你鈡意靜D，咁就上4樓，三唔知己，圍爐吹水正好不過啦⋯大、中、小點全部$28/碟，茶錢3樓同4樓都只係差一蚊雞，都係果句，今時今日香港邊度搵⋯坦白講佢哋D點心，唔係超級正，不過咁嘅價錢性價比已經好高，同最重要呢度係食氣氛⋯同様佢D炒粉炒麵非常唔錯，今日叫咗個菜遠排骨炒麵+兩面王，$95但味道真係相當唔錯，今日兩個人叫咗兩碟點心+ －個炒麵，共銀$195胞胞回⋯

星期日細妹一家約婆婆飲茶，一個住新界一個住港島，所以攞個中間點決定去九龍食約早上9:00先到先等，去到原來真係要自己搵位，好彩佢有三層五樓比人book咗，四樓10:00先開，我哋一行七人搵到位，洗好餐具即時帶兒甥女出去攞嘢食我哋攞托盤分別攞咗咸水角、炸雲吞、芋角（超級好食）另外嗰幾款係姐姐推車仔我哋點㗎！我哋仲分別排隊等蝦餃同椰皇，兒甥女排蝦餃，排到佢冇哂😂😂😂（佢有啲失望）唔緊要姨媽排到椰皇我哋要咗4個，原來椰皇要等半個鐘頭先再出。邊食住邊等我哋食到蝦餃、燒賣、山竹牛肉、馬拉糕、小蘢包、煎腸粉、煎蘿蔔糕、煎釀尖椒、薑醋等等（個個掛住食已經唔記得影相啦🤣🤣🤣）埋單$1000都唔洗，好抵散場各自回家，細妹話兒甥女話下個星期再約婆婆去同人搶椰皇🤣🤣🤣

今天 經過旺角見到倫敦酒樓，因為平日都見到佢的老闆上電視接受訪問，所以便上去飲過下午茶，時間差不多二時了，都仲有很多茶客。不過等了不用5分鐘就取到位。因為初次上來，不知道枱的位置，想 嘗試問過酒樓 侍應，點知佢 唔瞅唔睬你，算啦， 自己去搵位坐。到想舉手問 侍應取辣椒醬， 佢又唔睬你， 要叫個第二個侍應先至有反應。啲點心姐姐推啲點心出來賣，冇得用點心纸自己去點。啲點心車又冇標示買什麼點心，每次都耍問下姐姐，真係有些煩。 啲點心買嚟買去都係嗰幾款，想食多不同款式都不可以。又話大，中，小點每款$28元， 點知原來排骨是33元， 叫了先至知道中招。問侍應佢話不是樣樣都會28元。佢又冇牌話俾人聽边啲先至係大中小點。叫個侍應加水，佢都唔願意去做咁。到食飽去了櫃枱埋單，我問佢想取回張單，點知佢大大聲聲話張單不是佢負責，叫我問侍應取。我想取回張單睇下佢有無計錯數，點知都不可以。 今時今日咁嘅服務態度，點解仲可以生存咁耐。 冇問題，我以後都唔會再幫襯這間倫敦酒樓，我覺得係佢的損失囉

前些時偶然在網上看見有報導介紹香港現時其中一間碩果僅存，仍然有嬸嬸推點心車、煎糕車、腸粉車逡巡酒樓叫賣點心的傳統舊式酒樓，正是我小時候偶然會和婆婆、姨姨一起去飲茶的地方，不禁讓我勾起一番傷感的老派約會的回憶。於是便趁復活節假期，找了一天上午去飲早茶，懷緬一番。才剛到酒樓門口，我便看見一個立牌，中間寫著午茶車仔大中小點心$28的吸引字句，旁邊一左一右，分別有兩段細字，一邊寫著（香港製造自家點心），另一邊就寫著「三樓全層搭檯  四樓不用搭檯」，有得揀，當然揀不用搭檯啦，坐電梯直上四樓，電梯門打開，地方就跟往時一樣，十分寬敝，客人亦已幾近坐滿整層樓，幸好這天我們只得兩人，仍可即時有檯，不用等候便可入座。雖然我入座到結帳，我都見不到有蒸籠車在巡迴叫賣點心，只在門口旁邊不遠處的擺放蒸點角落中，憑我手上的蓋印點心卡拿了數款蒸點，並且在這頓早茶的最後時間再拿了蓋印點心卡去擺放炸物的點心車拿了一碟「炸雲吞」回座位享用，這裡總算仍是個難得地沒有用更加先進方式點選點心的地方。這天所吃的各款點心，主要都是些傳統必吃的「蝦餃」、「燒賣」、「叉燒包」等物，還有較特別的「蒸釀苦瓜」和我喜歡的「蒸鯪魚球」，再加上先

話說之前見有傳媒介紹，呢間係香港所餘無幾，仲有🥟點心車仔同🍵懷舊點心嘅酒樓~同朋友講起，大家都有D興趣，見今日放假，就去飲早茶了😎朋友雖然有興趣，但只係平常飲茶嘅心態，冇抱有太大期望，我反而係幾期待嘅，點知大家都好失望😢酒樓分三樓、四樓兩層~三樓係點心車仔同點心檔主要聚集嘅層數，所以茶客多數都會揀坐三樓，但三樓要搭枱，茶錢會平少少，每位 $12~四樓裝修相對三樓來講會新少少，但就得兩架點心車仔，停係近門口嘅角落頭位，點心選擇較少，勝在唔洗搭枱，所以茶錢會比三樓貴少少，每位 $13~我地來到酒樓個陣已經係十點幾，三樓已經坐爆左，只能夠上四樓🤦‍♀️但慶幸空枱頗多，唔洗等位😂經理開左張卡仔俾你，就可以自己出去攞點心~比較值得留意係，呢度冇點心紙，你要食乜點心就自己去攞，三四樓你都可以攞嘅~我地首先係四樓攞轉點心試試先~🦐燒賣，明明係點心車攞返埋位就食，但食落口，凍嘅😤只食到中間豬肉味，完全係匪夷所思🤷‍♀️🦐蝦餃，微暖😕但蝦肉幾大舊，皮幾煙韌~🐮金錢肚，熱熱地嘅~幾大塊，同埋好入味，如果佢可以熱多少少就好啦~🐔鳳爪，呢個係姐姐推介嘅~都係呢四個點心最熱嘅一個，有煙嘅😂但我唔食鳳爪，味道上就評論

第二次光顧倫敦大酒樓，位置於旺角彌敦道，食肆林立，但酒樓的招牌卻能吸引遊客進去，因為不止寫上中文，還有英文和日文，有趣有趣。男朋友一早找好位置，讓我和爸媽直接乘搭客𨋢直上四樓。酒樓分兩層，三樓是最重要的一層，因為所有即炒即煎即出爐的全在這。四樓都有點心專區，不過就沒有三樓那麼多，我和男朋友充當“速遞員”😂，把三樓美味的點心送上四樓，當做運動，走了三趟。第一趟拿了一客：豬肉鮮蝦燒賣💖：大大粒，超多蝦，媽媽說少少硬，不過我們就沒有感覺硬鮮蝦餃💖：皮薄餡靚匙椒鳳爪💖：少時候已經超級喜歡吃，是回憶的味道第二趟爸爸好奇也跟我們下去看看，拿了：煎薄餅💖：煎得香脆又有蛋香，點心嬸嬸好有手勢好有經驗，不停反轉又反轉都接得住煎堆仔💖：我竟然係第一次食😂煙煙un un好正，感覺係木薯粉檽米粉混合，好好味炸雲吞：自己冇食，但聽到大家食落不停讚就知唔錯煎蝦米腸粉💖：嘩呢個不得了，外面脆脆地又熱辣辣超級野味，點埋啲花生醬不得了！咸水角💖：有水準！最後點少得鎮店之寶：💖原個椰皇燕窩鮮奶💖這個椰皇分時段出，每人限攞一個，細心甘用膠碗承載住，超級暖身既甜品。用左本身既椰汁加奶，一口一幼滑，一口一滿足。食完仲可以食埋啲

星期日想搵地方飲茶上網睇到廣告講呢間酒樓有懷舊點心車，諗住黎懷舊一下，晏就2點鐘到黎到一入就有位仲好開心諗住唔洗等位點知坐底之後就發現已經乜都無餐牌上10樣無7樣除左炒粉麵，最後點左個干燒伊麵，同埋d無味道既所謂燒味賴粉，蒸點心除左燒賣蝦餃牛肉之外乜都無仲要排十分鐘隊去拎點心，排骨，腸粉，奶皇包乜都無未試過食到要靠炒粉麵，燒味賴粉黎填肚，如果要靠炒粉麵，燒味湯粉黎填肚我乜上黎酒樓我落茶餐廳都得啦？

香港僅有嘅中式懷舊酒樓，仲要有推車仔買點心嘅，相信只有呢一間，呢間就係喺旺角嘅倫敦大酒樓，上到去全部係自助搵位，仁意搭枱。你可以同….不同嘅食客一齊坐。點心亦採取酒樓嘅一貫作風。就係自己出去搵嘢食又或者等姐姐推車仔出嚟叫點心， 呢種咁懷舊亦都有人情味嘅酒樓喺香港越嚟越少見，所有點心都係懷舊款式，自己想食咩就自己出去拎，想點配搭你亦都可以出聲同侍應講點樣配。完全係符合客人嘅要求，值得推介嘅就係佢最出名嘅椰皇燉鮮奶，每次一出唔使10秒已經冇晒，我都係為咗呢樣嘢慕名而來

倫敦大酒樓 行開旺角彌敦道應該不陌生已經好多年 有三及四樓兩層環境正常傳統酒樓樣 有點心車遊走 有阿姐大叫有咩點心 印象好似無棟牌 所以有時聽唔到要問阿姐有咩點心 點心質素不過不失 貪佢即叫即刻有得食 不用等 每架車經過 都有種期待🤭

三至五樓都係自己地方呢度無得自己填紙畫點心不論你坐345樓點心都係以自取的形式┈┈┈┈┈┈┈┈┈┈┈┈┈┈┈┈3/F 搭檯加自由搵位有點心檔, 蒸點心, 炸野 烚菜等等 選擇最齊4/F & 5/F 四樓不搭檯加可以拎飛等叫號有少量蒸點心同即煎點心 好似蘿蔔糕, 腸粉, 煎釀3寶咁, 同多d 點心拎（有埋炸野）午市茶錢分左兩組價錢 (3/F💰$12；4/F & 5/F💰$13)我地兩個人食左乜?𓋜 煎物:1蘿蔔糕2腸粉𓋜 蒸物:3牛柏葉4牛肉球 5雞扎 6粉果7即烚青菜一碟🥬✩ 雞扎足料有兩舊雞 但無芋頭, 無火腿, 但反而魚肚就有一大舊⋮(𖤋͈  ૢ𖤋͈)⋮✩ 食食下見到人地隔離檯叫左個勁大窩好震撼既錦鹵雲吞✩ 午市埋單兩個人盛惠$271

第一次在這裏吃春茗 ，對於舊式大酒樓， 本來沒有什麼期望， 但食落發覺又幾好。 傳統菜式分量足夠 ，賣相靚靚， 食材新鮮， 服務態度好 ，難怪生意咁好， 有一班長期捧場客。 這裏的舞台音響都不錯 ，可惜是有柱位， 遮擋了舞台部分視線 ，總的來說 ，整個春茗各方面都不錯， 值得推薦。菜式共有十個， 加兩個炒粉麵， 仲有水果盤， 保證食到飽飽， 仲可以打包 。最好味有芹菜彩椒腰果炒肉片 ，西蘭花炒花姿雞片，炸蝦球 ，蒸雙石斑魚 ，魚肚羹，靚北菇生菜， 碟雞就遜色少少 ，跟住個炒麵都好好食， 燒味拼盤就普通， 不過因為係最早上嘅菜， 一掃而空，因為大家都等到好肚餓。 當晚雖然擺咗好多圍， 但係啲侍應都非常盡責勤力 ，不停咁斟茶斟酒 ，換碟 ，個個都敬業樂業 ，酒席菜色雖然不是名貴的食材， 但新鮮好味好味就會食得開心 ，最後仲有水果盤， 可惜已經太夜喇 ，大家都歸心似箭， 希望下次啲酒席唔好太夜。

今日早上，去到旺角倫敦大酒樓飲早茶。照舊坐𨋢上三樓，雖然人流好多但都好快就搵到座位，坐低一陣就到大排檔叫點心，由於剛剛出爐了椰皇所以先點了一客椰皇，奶味濃郁椰味清香，呢個是必點的甜品。之後見到有雞扎就點了一客，雞扎價錢比較貴是43元，但是物有所值內裏的魚肚相當豐厚口感軟綿帶有一啲黏黏的感覺，雖然比較貴但是必需要點的。之後還點了鹹水角，一碟有四件比平時的酒樓多一件，味道尚可。最後點了煎腸粉，腸粉煎得香脆加點甜醬豉油十分匹配，今次已經很飽了下次再來。

《倫敦大酒樓》呢個名由細聽到大👶🏻屹立旺角多年 以前上堂介紹香港著名景點佢都有份🤣經過左幾十八次 今次終於的起心肝入去試吓！之前聽湯令山🎤嗰首超浪漫勁溫馨🎼嘅時候 見到入面超懷舊嘅裝修 仲有囍字同兩條龍🐲🐉重點係仍然保留到點心車 呢一樣傳統特色🌟其實我哋係食飽咗先黎 完全係為咗參觀🦭所以淨係粗粗地 叫左三樣飲茶必食三寶🫖🔹蝦餃$28🔹蟹籽燒賣$28🔹豉椒蒸排骨$26食物質素一般般 不過蝦餃入面啲蝦肉都大大粒嘅！因為一直有車仔暖住啲點心 所以都夠熱辣辣🔥不過啲姐姐就好熱情好好人 會推住車仔過嚟介紹點心 介紹吓邊樣啱啱出爐啊 邊樣點心好靚呀💓真係人情味十足 去其他酒樓都好耐都冇感受過人與人之間既溫度🤣整體黎講:體驗大過食物🥟如果想話真係食到好高質素嘅點心就建議可以唔使黎都得。但係如果想話體驗返以前傳統茶樓 點心手推車🛒人情味啊💓倫敦大酒樓絕對係一個唔錯嘅選擇👍🏻

好耐無見過仲有推車仔嘅點心車，所以一於去試下呢間傳統酒樓！酒樓有好多層，唔洗等位直接到自己想去嘅樓層就可以！對後生一輩嚟講，可以體驗下以前酒樓嘅文化！✅炸雲吞好食！皮唔太厚，不過餡就唔太多✅炸芋頭好少酒樓有得食，炸粉唔太厚，但味道偏淡✅蝦餃皮有啲厚，蝦還算新鮮，味道偏鹹✅燒賣肉質還好，味道偏鹹，帶點味精嘅味道✅家鄉煎薄撐即煎，自己拎點心紙去offer！不過一啲都唔脆，偏淋身，有啲失望