影片
港铁旺角站 E2 出口, 步行约3分钟
继续阅读
电话号码
27718018
27716111
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
食记 (228)
约了好友，除夕＜伦敦＞饭聚，系指旺角弥敦道的＜伦敦＞，作为2024年最后的晚餐。 点左几个菜，有素有荤，为了健康 ，晚餐少一点肉类也无碍。烧味拼盘 鸡鸭叉，味道正常。北菇红烧豆腐 软绵绵，容易咬。锦卤云吞 有猪膶，叉烧，鱿鱼，虾，青椒，蕃茄，洋葱。首次遇到配料丰富的锦卤云吞。五柳甜酸汁酸度不突兀，没有盖过云吞皮的原味。捏碎云吞皮，变做碎片，沾上五柳甜酸汁，绝配。五香脆素鹅 香脆外皮，内里腐竹软滑。柠蜜焗肉排 猪肋骨，肉质上已经无得输，再配上酸甜又带咸的柠蜜汁，很惹味。瑶柱蛋白炒虾仁 份量足。炒蛋捞炸云吞的甜酸汁，又似蕃茄炒蛋。上汤粟子豆苗煲 干烧伊面 皆为全素，走葱韮蒜。六位点了八款食物，真系好饱。
继续阅读
今晚喺旺角食咗呢间酒楼，试咗几款怀旧菜，味道唔错，性价比高。呢个传统嘅锦卤云吞印象中喺香港真系冇乜地方可以食得到，出面食到嘅感冒云吞都系普通炸云吞然后淋过酸汁落去，而真正传统锦卤云吞嘅汁就应该好似呢个咁样，个酸甜汁入面应该有青椒菠萝仲有一啲珍肝鱿鱼蕃茄。粟米鱼肚羹味道唔错，入面好多鱼肚，都几足料。虾酱鱿鱼炒通菜几惹味，不过呢碟嘅碟头就细咗少少。虾子柚皮又系好耐冇食过嘅怀旧菜。栗子斋菜煲材料都几丰富几新鲜。
继续阅读
自从妈咪行路不方便，我又要喺屋企养病之后，好耐冇出过旺角饮早茶，琴日同妈咪去咗做眼部手术，所以今日一朝早又要去覆诊，因为好快睇完所以去咗对面饮茶。#伦敦大酒楼 喺旺角都可以叫话历史悠久，都好多年冇上过去饮茶喇，见到仲系推住点心车，仲有𠮶个煎炸档口睇见都开心。我小时后每日都系同妈咪一齐饮茶，所以我好好钟意饮茶，尤其是可以出去攞点心特别过瘾，不过而家好多酒楼都系用点心纸，所以我觉得冇咗饮茶嘅 feel ～难得今日细佬都喺度，我哋两个好似失控小朋友甘，见到乜嘢都好想叫，之后谂都唔谂就叫晒以前必定食嘅嘢，芋角芋头糕，煎肠粉，鱼翅饺豆苗饺，豉汁蒸鱼云（妈咪啲朋友话好食），黑椒金钱肚，柴鱼花生粥（我平时唔食粥嘅，但唔知点解觉得酒楼𠮶啲好好食），虾胶丸，猪脚姜醋（我妈话超正条友差不多自己食晒成碗），最后就叫咗个椰皇炖鲜奶（我见𠮶个出去抢，几乎每一台都叫）今日好开心大满足呀，好耐冇试过食得咁开心啦，有机会都要带老公去食一次～#伦敦大酒楼 #怀旧点心车
继续阅读
细个系住港岛区，所以好少过九龙，大个之后先识旺角哩间伦敦大酒楼。潮流兴怀旧，最近好多人提及伦敦酒楼仲有推车仔卖点心，咁就嚟试吓啦！虽然地方都宽敞，但佢哋啲车仔都唔系推嚟推去，只系泊两架喺度，等啲人自己埋去攞！咁唯一俾到我有啲怀旧感觉嘅，就系啲人自己捧住啲点心埋自己张枱啰！记得细个见啲大人都系走出去睇吓有咩点心，因为惊住啲车仔俾人拦截哂！😅点心方面，肠粉好食，粉质地系以前𠮶种滑、薄得嚟唔易烂，但又唔系依家有啲烟韧到唔似肠粉皮！虾饺有笋！👍🏻依家啲虾饺只系大只多虾！其实好食嘅虾饺唔需要大只，啱啱好一啖就好，而且要有笋啰！烧卖就同虾饺饮茶系一定要有嘅，但佢嘅烧卖就麻麻，我唔系要有虾，但一定要有冬菇，否则就只系一嚿猪肉啰！佢嘅薄罉都唔得，厚身面粉，少韮菜，用火腿！🙄无香味！记得细个食𠮶啲，系有糯米粉+粘米粉、虾米、韮菜、菜甫，煎得薄薄，边有啲㶶脆，中间软糯。整体不过不失啦！
继续阅读
下午1点半入到嚟，无人问津，见到无人坐就自己行埋去搭枱，开茶啲啊姐都唔想so你。2点开始无点心，剩系得萝卜/芋头糕、奶皇包、金钱肚、牛柏叶。难得有五笼鸡扎，又唔够啲叔叔阿婆抢，眨下眼乜都无。点知谂住叫萝卜糕，阿姐煎得劲慢，又多人等。饮完壶茶，跟住叫阿姐帮手加水，又黑晒面叫我揾另一个职员加，不如你俾返+1服务费我，我自己加仲好呢铺真系食包食饱，下次都系落楼下面包舖买包算。真系可一不可再想练身法斗抢嘢嘅可以一试
继续阅读
您可能会有兴趣的...