伍佰私廚•海鮮火鍋

营业中

休息中

如果喺尖沙咀提起海鮮火鍋，「伍佰海鮮火鍋」必定有一席位，伍佰係天文臺道開左新鋪，主打小菜，同屋企人一於去試吓😆「伍佰」由海鮮批發起家，海鮮質素一向有保證👍 第一道海鮮，即刻試吓佢哋既「豉汁蒸鱔」 ，二姑媽就最鍾意食鱔，佢食鱔有多年心得，佢大贊鱔肉新鮮彈牙，豉汁香濃，佢話最緊要配返碗白飯😆我哋仲嗌咗「蒜蓉粉絲蒸貴妃蚌」，貝殼形態呈飽滿三角形，殼薄肉厚，店家預早拆成半殼，貼心又方便👍 貴妃蚌用咗經典嘅蒜蓉粉絲蒸煮，蒸嘅時間啱啱好，蚌肉唔會過老👍小菜方面我哋嗌咗「麻辣雞煲半隻」、「上湯時菜」，雖然雞煲係半隻，但係絕不欺場，依然係大大煲咁上，兩者都係係後廚即煮即上，上到枱仲係熱辣辣👍除咗小菜之外，我見到佢哋都依舊有火鍋套餐，小菜依家勁抵，見到係OpenRice 訂枱有68折，消費滿$1000 仲有一部車可以免費泊3個鐘🚗 啱晒揸車人士！

同屋企人食飯好多時都會選擇食中菜，款式變化多，無論大人、小朋友都岩食😋 今次呢間中餐廳係天文臺道，店內既座位都幾闊落，台與台之間一啲都吾會逼👍🏻餐廳除左火鍋好多人Order 外，佢既小菜系列都幾吸引，所以我地就揀左食小菜😋 雞煲熱辣辣好惹味，食落吾會覺得好辣，老人家都食到。肉質比較有咬口，好緊緻🐥 蒸鱔好爽彈、好食，只係份量少左啲，食得吾夠滿足😹餐廳既氛圍整體比較熱鬧，所以講野時要大聲小小😝

以前去伍佰舊址都是吃火鍋，上個月老闆通知我已在尖沙咀天文台道開張，這次還加入特式私房菜，當然立即call友人們一行八人預訂房間，原來現在房間有點難book，我當晚去到房間已經滿座，想訂房的要提早預約啊先講返當晚菜式，頭盤象拔蚌刺身必吃，椒汁蟶子，這個椒汁都幾辣，但好吃，如不能吃辣不要叫這個，滷水鵝血就同滷水舖差唔多，黃金虾球全沾滿鹹蛋黃好邪惡，另外主菜梅干寶塔肉造型好似金字塔，必叫白飯配吃，我們幾個朋友都喜歡吃辣，也叫了海鮮毛血旺，我覺得也不錯，但友人覺得不夠四川正宗，最後老闆推薦的招牌菜金湯脆米東星班，這道菜十分讚

知道伍佰私廚裝修完，第一時間去棒埸，上到去裝修不算豪裝，樓底勝在夠高，比人感覺清爽。跟住見到老闆伍佰一樣甘熱情介紹，行咗一圈見到有6間房。我哋10條友訂咗間中房，坐落闊落，我吔預訂咗私房菜，佢主打招牌菜龍蝦金湯脆米東星班（野生）一出埸非常耀眼，條東星班非常有份量，脆米鋪面，然後經理張d金湯倒落去，噴出d煙，即時要攞電話出來打卡，d肉配上龍蝦湯非常正，魚有魚味和彈口。另一道菜係手撕包菜炒鴿鬆，黑松露鴿腿，非常非常正，聽講話d師父要花好多時間，有一道也要重點推介，我本人對羊肉冇乜特別喜愛，但伍佰私廚的師傅張藤椒羊扒，帶出色香味俱全，送酒一流，食到我到幾條友都讚不絕口，麻辣豆腐手撕膏蟹，一口灌漿蘿薥，藕醬萵筍炒帶子，也非常正，以前佢地火鍋一向出息，估唔到私房菜也非常得，環境90分，食材係用靚料，加上煮得出色95分，服務態度幾好，但運作可能剛剛開業，有少少不夠流暢，80分，價錢也非常合理，9道菜每人$500，一句講哂值得大家去食

佢嘅海鮮刺身真係好新鮮，好正， 特別個加拿大野生象拔蚌刺身，真係要必食，個火鍋湯底都好好味， 值得再泥！其中西班牙黑毛豬好正， 味道濃，口感都幾好， 仲有極牛都好有牛味， 今次個湯底就試左海底耶雞腳湯， 原來除咗用泥打邊爐之外， 個湯就咁飲都ok喎

聽講之前伍佰火鍋搬鋪到天文台道，環境舒服裝修比以前更高級，仲有得食私房菜私房菜要提早預訂，有廚師特設餐單金湯脆米東星斑有驚喜！魚肉非常嫩滑，亦非常細心地起晒骨 金湯泡脆米好入味秘製釀鴿髀都好食，入面釀咗啲松露蘑菇粒，口感幾特別麻辣豆腐手撕膏蟹好惹味辣辣地幾開胃，膏蟹份量毫不吝嗇，可以送多兩碗飯。當晚預訂咗一間房，非常適合一家大細慶祝特別日子。每間房仲有得唱k 本身仲諗緊會唔會好嘈 但隔音措施又做得不錯 不會影響其他食客