伊賀日本燒肉料理 (已結業)

小朋友125cm,因為超過120，要按照大人價錢收費。食物種類少，熟食味道好普通。刺身算合格。燒虎蝦幾乎不新鮮。三文魚湯無味道。溏心菠蘿酸到。。。飲品另收費，只有相當於開水的所謂茶可以飲。一個人268再加一服務費，總之又貴又不好食

早排天氣凍，朋友介紹我到尖沙咀一間新開業不久的燒肉店「伊賀日本燒肉州料理」，普通的燒肉店朋友當然不會特別給我介紹，而朋友就叮囑我一定要坐室外座，老實說，天寒地凍還要坐室外，好像有點自討苦吃吧樓下電梯旁有一店員正在派發單張，上方寫上了不同時段及收費，不過最重要的是單張上還附有一張$100優惠卷！而時段則分為三個：星期一至四：6:00-8:00 $228                 8:00-10:00 $258                 10:00後 $228星期五至日：6:00-8:00 $268                 8:00-10:00 $298                 10:00後 $268店內環境頗大，雖然是烤肉放題，但亦設有吧枱位置，不知是想讓客人一邊烤肉一邊欣賞著師傅的刀功，還是日後會有專人代勞烤肉呢~幸好當晚人流不多，能安排到室外座，看到烤爐終於明白友人的叮囑，原來室內所用的是電爐，而室外所用是炭爐！另外，平常餐廳把放題慣用的點餐紙換成平板電腦，既方便又環保刺身拼盤正當點選食品的同時，店員為我們奉上一客刺身船，讓我們可以邊吃邊點。船內共有6款刺

今日去左呢度食放題，2大人，1小童，由於我地好鐘意食燒肉，所以專登上黎搵食評先， 咁見好多人推介呢間店舖，所以就去試試，一上到去，未夠6點半，企門口的店員講，限時110分鐘，咁冇問題~而小童高於95cm就有可能要收費，咁就度高啦，剛好踩界，最後佢話free wor ，我冇hard r 優惠的，就咁我地就入去餐廳食野……其實間餐廳食物質素唔錯，一坐低已經有刺身船，一碟燒肉併盤上枱，唔使等食物到已經可以開住餐叫食物，呢吓好體貼，而且刺身幾新鮮，榮螺，帶子，大蝦，北寄貝都好甜好好食，上菜速度又好快，本應食得幾滿意，飯後仲有movenpick 雪糕，但，一見到張單我地就呆左……第1，2張單 人頭費 $228x3 升級任飲 $30x3 第3張單（最後）人頭費 $228x2 +$168 小童價升級任飲 $30x2咁我地頭2次以為佢地打錯啦，就同店員講返張單打錯，人頭費應該係2位大人，而唔係3個大人，何況門口店員開頭話係free 小朋友添，佢地話會修改，到第3次的時候，佢地位高級職員話小朋友冇得free 因為超過90cm, 我地o晒咀，門口店員話係95cm的，聽得好清楚，咁算數，我地全程冇發難，照俾

日式燒肉店在香港不多有，而價錢通常都偏貴但這間伊賀日本燒肉店不單止價錢實惠，而且還是任食放題，點可以唔去食！店內點單全用pad點，好方便而且唔會漏單話明係日式放題店，刺身是少不了的！雖然刺身的選擇不多，但每樣都十分新鮮鮮甜美味，甜蝦爽口彈牙，三文魚切得頗厚身，而且油脂分佈均勻，入口有油香；帶子也是必吃之選，鮮甜嫩滑的口感入口即化開有刺身當然也有壽司啦，最愛就是火灸左口魚邊，油脂豐富但入口絕不油膩，一咬油香遍佈口腔內我們還叫了一些炸物填填肚子，天婦羅絕不欺場，炸粉份量裹得剛剛好，不會只吃到一團炸粉而已，而且外皮酥脆內裡仍然保持肉質彈牙！另外必食推介就是炸芝士年糕，一咬開芝士流晒出嚟超香濃，好好味話明日本燒肉放題，當然少不了主角燒肉啦！！燒肉質素同樣係高品質，看到肉質色澤及肥脂的紋理就知道品質有保障燒過的肉質仍然嫩滑多汁，一點也不柴，富有肉味除了肉類更有海鮮選擇，虎蝦是必食之選，雖然不是很大隻，但勝在好有鮮蝦味道而且肉質彈牙還有冷麵及沙律，款式真的非常之多最後還附送每人一客Movenpick雪糕，真的是食回票價

聽聞伊賀有特色的戶外炭爐燒烤, 而且在港亦較少見, 就跟朋友去試試, 不過當晚已爆滿, 只剩下室內的普通石油氣網燒. 由於抽風系統不佳, 吃完後衣服及頭髮都沾了極大的燒烤氣味, 我想...若能坐戶外, 空氣流通一點, 整體的用餐體驗必定有所不同.室內有一圓形位置, 食客都圍住師傅來坐, 不知道是吃甚麼的呢?而我們坐的是四方枱, 網燒就在前面. 以mini ipad點菜, 有圖有文字, 要吃幾多便點幾多, 大部份是以件數去計, 例如豬腩肉下單數量為三, 就會來三片.點好想吃的食物後, 按送單便可.送菜速度不算快, 但至少不需等太久, 但會有漏留情況出現. 先來刺身, 甜蝦、螺、帶子、八爪魚及三文魚, 最好吃是帶子.點了幾款壽司, 水準唔錯! 玻璃蝦、蟹棒及蟹籽都好吃, 只是飯粒欠缺點點醋味.芝士年糕是個人必食推介! 芝士夠流心, 年糕沒有很難頂的麵粉味, 反而是芝味濃, 也沒有太勁油份, yummy~爐燒方面有虎蝦、帆立貝, 海鮮比較不容易吃滯, 所以要吃就先吃海鮮嚕.帆立貝比較薄身, 肉也較細粒, 幸好味道可以. 相對地虎蝦較受歡迎.以生菜夾著來吃, 減熱氣之選, 亦很有清新感.糖心菠

因為呢間野推動到我要寫我第一個食評，見咁多人讚就嚟試啦，點知真係差到呢⋯我地訂咗位8點2，點知嚟到仲要等，話等一陣執緊枱，點知等咗幾個字都冇執，我地最後8點8先坐底，明明有空位都要等半個鐘，入到去，咩都冇，茶，杯，醬油碟咩都冇，有野嚟咗都燒唔到，又要係咁等。用iPad order,但個iPad load得勁慢又無啦啦error,又搵唔到staff幫，到見到叫佢又唔行過嚟。開頭未叫野已嚟咗盤刺身同生肉，個樣都可以，點知之後叫親都唔係遲嚟就唔嚟，同一堆咁，見到都唔開胃，仲嚟過碟魚生勁唔新鮮，唔記得影低佢就退咗俾佢，d肉又唔得，個羊架勁怪，你地睇相都知衰，熟食冇樣好食，真係超差。食物選擇唔多，野飲又要加30蚊。個通風系統差到不得了，成間野勁煙，煙到對眼勁慶，我同我屋企人都標晒眼水，依家食完對眼仲「那」緊，未試過食飯食得咁辛苦，最後隔離枱都頂唔順好快走咗，我都食唔到咁耐都頂唔順走咗。成間野勁唔夠樓面staff,所以佢地冇service冇禮貌唔應人，間野又咁煙，我唔怪佢地。呢到一位298+10%，切餅費100蚊，講真呢個價唔值，要我只俾100蚊我都唔會食，因為真係完全唔掂，唔會再有下次。

第一次去食日式燒肉😍之前都係韓燒多呢間燒肉任食咼！重有放題，刺身，壽司，炸物等等都係任食！！入座起任食110分鐘😋假日黎到只係$268一位 刺身種類多，又新鮮又大片上菜速度快，可以盡情食多d最欣賞係芝士年糕！炸得岩岩好 入面好多芝士狂食！燒肉既種類都係好多 最喜歡方形粒狀既伊賀一口牛細細粒 易熟又唔韌牛肉味濃重有海鮮 帶子大大粒 啖啖肉 每位有一杯movenpick雪糕為燒肉放題畫上完美句號呢到既食物質素幾高 座位都幾寬敞食物種類又多 可以encore再黎

香港的燒肉放題店選擇不多, 有的話通常也很貴, 網上看到伊賀同時提供日式燒肉和刺身放題, 對愛吃鬼來說簡直是一大喜訊, 隔天就馬上跟一班朋友吃個夠~抱歉抱歉, 那天只顧吃, 完全忘了拍環境, 但座位闊落, 坐得挺舒服的, 在露台用餐的客人更可用炭爐燒烤, 燒出來的肉一定更香更好吃~首先來個沙律清清味蕾, 為瘋狂吃肉的一頓作好準備刺身全都很新鮮, 三文魚厚切, 甜蝦和帶子很鮮甜, 其他則較普通肉類有薄切里肌肉、極上牛小排、牛舌、一口牛、五花肉、豬柳蓋片和牛肋肉, 最喜歡極上牛小排、豬柳蓋片和牛肋肉, 肉質軟稔肉味亦夠, 牛舌再厚切一點會更好好想快點吃~~蔬菜類點了冬菇、雞脾菇、菠蘿和紫薯, 除了紫薯很難控制火喉外其他都很好吃; 當然少不了海鮮, 帆立貝和虎蝦都超大, 肉質鮮甜有彈性, 放題吃到這樣的質素真的很不錯那四隻虎蝦超吸引的想不到連炸物也有, 立刻來個芝士年糕和蝦天婦羅~ 芝士年糕煙韌芝士又流心; 蝦天婦羅則有點油, 可以跳過壽司太飽肚, 只淺嘗了火炙三文魚壽司、三文魚壽司和蟹子壽司; 最喜歡火炙三文魚壽司, 三文魚燒得油份都迫出來了, 加上沙律醬很好吃吃完主菜後每人還有一杯 Mö

要找放題, 通常都係食壽司串燒燒肉放題係香港唔算好多係呢個酒吧街的盡頭, 有一間新的日式放題店我食個時間係6:00, $228 一位而且人未算好多, 位好多可以休閒咁坐入到店中間有個酒吧位都可以燒野食haaaa, 唔知師傳會唔會幫手燒下架呢~~~~一上枱就會有隻刺身船都係平時放題會見到的材料算好新鮮食三文魚仲有三文魚腩位食lucky!!!!!!!!!!之後用電子Menu點菜, 都有唔小種類我地樣樣就店左1-2件試下先擺出黎都幾靚仔其中我覺得最特別係有個叫豬蓋片的位置我揾完都唔知係邊, 不過燒完好爽好好味!!!另外佢地D牛全部都係agnus 牛, 牛味好香食落亦都好有咬口同牛味, 我鍾意燒肉食呢種肉唔會只係有油感唔好以為放題D材料就會渣DD野食都唔差, 唔會食落好頽最驚喜係佢D海鮮竟然有竹蝦, 爽又大隻, 燒完真係啖啖肉鮮味~~~~最後食飽飽佢仲會送上movenpick 雪糕好滿足的完結丫!!!我唔記得影佢地個燒菠蘿, 真係超好味丫~~~~佢唔係平時的大菠蘿, 而係細細隻的個種超甜超好味, 我一個人可以食10個!!!!!大家一定要食丫佢出邊有個露台位有D炭爐位可以燒~~真係好正, 店員話

炭爐燒烤好像比較少有， 我和朋友就是看中這點， 所以選擇在伊賀來個110分鐘的放題燒烤 。餐廳室內位置是用一般的燒烤爐， 炭爐燒烤是在戶外位置， 只有幾個爐頭， 所以預約時記得說明呀!滿心歡喜地來個特式燒烤， 怎料朋友忘了預約.......>_<, 本來今晚晚餐要泡湯了， 幸好餐廳也給我們找到個座位， 不致完全失望而回。時間有限， 建議大家甫坐下就要快快用ipad點食物了！未點餐前， 餐廳先送來燒肉拼盤及刺身， 牛的選擇較多, 有一口牛， 牛肋肉，牛小排，牛舌等, 豬的有豬頸肉、五花腩、豬柳蓋。這些肉類都沒有醃製過的， 燒過後，包生菜也可， 沾燒汁也可。用中火燒烤較好，油煙不會太多， 但燒烤需時， 根本不容許在有限時間內燒無盡的食物; 用大火燒又好快會燒焦， 在爐邊的抽油煙系統就更加起不到作用。喜歡醃製過的單骨雞翼， 燒烤容易吃得方便。海鮮類有虎蝦、帶子、藍青口等， 質數與大小不過不失。反而要讚一讚鯖魚， 肉嫩又不腥。另外額外加錢點了韓國蠔， 半打$48， 蠔味不重， 大小不一。刺身有鮮甜甜蝦、爽身北寄貝、帶子、螺、肥美三文魚等，質數算不錯， 後來都有再點。天婦羅、刺身

天氣咁凍我最喜歡就係去火鍋及食燒肉''*早前跟男朋友發現赫德道 The Hart 開左間新既燒肉放題店；即刻去上試試~~位於赫德道 4號 The Hart 3樓的【伊賀日本燒肉放題】餐廳地方都幾大, 除了卡廂座位外, 還有吧檯位置及室外位置可選擇!!!放題來說這裡已經非常寬敞及舒適~~星期日晚上六時多到達, 人流還未算多； 放題限時 2小時, 時間都算充裕''*店員安排了室外的位置~~地方開揚舒適, 特別的是室外是用上炭爐來燒烤的喔!!!陣陣炭香感覺很有風味''*一坐下不久, 店員就端上伊賀刺身頭盤~~款式包括：三文魚‧甜蝦‧帶子‧北寄貝‧八爪魚‧榮螺這二人份量的刺身船份量不少；全新都很新鮮又沒有雪味, 帶子鮮甜, 三文魚亦很厚身!!!不夠還可以再點呢''*未諗到點咩燒肉好?? 唔洗急, 店員亦會先端上伊賀盛合拼盤!!可以慢慢試真 D味之後再翻點都未遲喔~~燒肉拼盤分別有：伊賀一口牛‧牛舌‧極上牛小排‧帶骨牛助肉‧比利時五花腩‧加拿大醬油豬柳蓋片‧薄切裡肌肉每樣的份量都細細件, 方便客人每款也品嚐一下；喜歡的亦可再多點份量呢!! 另一個賣點就是以平板電腦來點餐的''*想點幾多就點幾多,

好耐無食過燒肉放題，同大帝老公亂咁搵，係尖沙咀搵到間不太逼人的舒服放題店。環境又唔錯，啲位都算坐得舒服~~枱面有晒所需的調味。值得一讚是電子落單系統，唔會浪費紙張，環保之餘下單更有效率。燒肉落咗，無咁快黎，當然叫個刺身食食先！值得一讚，是這裡的三文魚，是腩位呢~~ 驚喜吧！刺身款式都算多。還有帶子、甜蝦、螺肉、八爪魚以及北寄貝。值得推介是帶子及甜蝦，不會有冰雪味，處理得不錯。店員建議先上一碟肉類拼盤，咁就乜都可以試一塊先。牛肉為主，款式好多！有安格期牛、豬里肌、五花腩、牛舌、牛肋骨、一口牛、豬頸肉以及豬柳肉。看到都幾新鮮。而且不是用醬料醃制，就夠膽上黎直接燒，可以說是店對自己的肉類很有信心。基本上，對這裡的肉我是讚賞的，當然不是A5牛的級數。但放題燒肉店而言，這裡的級數是比一般的放題店高。原汁原味的肉，未經過醃制，燒好後肉汁夠多、肉味都濃郁。特別推介是五花腩、牛舌、牛肋骨、安格斯以及豬肌里。當然最後也是重點「安哥」這些肉了！除了肉，這裡也有海鮮款式。例如魷魚、帶子、青口、東風螺以及蝦！更有多春魚！！夠多款了吧？！蔬菜類當然也有，香菇、蕃薯、南瓜等等。還有我最喜歡的燒菠蘿！而蕃薯更是紫心

尖沙咀出名難搵食，咁啱見到雜誌介紹，赫德道呢座新食厦，推出午市燒肉定食，最貴嘅海鮮燒肉定食都只係$78,仲要四人同行，一人免費，計落都只係人均$60左右，咁抵梗係要同人分享。 十二點正嚟到，由於剛開門，我哋係第一枱客人。除咗入門口入圓形壽司吧枱同露台位，其他位置以卡位為主，高高嘅屏風令每枱客人嘅私隱度提高。 今日有幸坐WINDOW SIDE,可以俯覽赫德道一帶景色，心曠神怡。 每張枱都有一個燒烤網爐，簡約調味料樽提供海鹽、七味粉同黑胡椒，另外唔少得燒汁同日式醬油。 由於晚市做燒肉放題，全舖利用TOUCH PAD落單，慳紙慳人慳時間，而且資料詳盡，一睇就知每個餐有咩食。今日點咗海鮮燒肉定食同伊賀燒肉定食。 點完餐，侍應哥哥笑容滿面先奉上碟帶子和風沙律，清新開胃。唔使5分鐘啲餐就嚟齊晒。鍾意日本餐廳做事一絲不苟。午市都依然落足心機。上完味噌湯同白飯，就見到用燒肉砌成嘅4幅畫令人食慾大增。 伊賀燒肉定食$68牛仔骨切得小巧有牛味，豬腩肉爽口豐腴，煎出嚟嘅油正好用嚟燒栗米同冬菇，正到暈雞髀肉啖啖肉，同豬腩肉一樣，點少少鹽已經好正，喺正中間扭晒花

今次聖誕大阪之旅行程緊湊全程只係食得一次燒肉老公覺得唔夠喉返嚟香港勢必再食一次係日本習慣咗食燒肉返嚟香港都唔係容易搵但咁都俾佢搵到喎要比個叻叻佢星期五晚上嘅尖沙咀赫德道有點兒像小蘭桂坊我本來係街口等遲到的人諗緊食乜好的時候一個親切的阿姨遞上傳單見到減＄100即刻打電話去訂位8.00pm walk-in滿座等左一陣有人走有位坐價錢親民但係驚喜地見到裝修走型格路線又有燒肉又有刺身老公就最開心裝修格局用具等同日本地道嘅炭火燒肉料理有點相似環境真的很不錯卡位又好闊落又是用 pad 點菜的年代燒肉刺身壽司海鮮小食炸物野菜應有盡有一邊點菜另一邊 店員已經自動送上燒肉拼盤我同老公都好喜歡食牛肉伊賀真係有好多款式揀牛小排牛肋肉五花腩一口牛仲有薄切裡肌肉單看色澤已經好紅潤脂肪分佈又好平均輕輕燒兩吓把肉汁鎖住好快已經聞到牛肉嘅香氣撲鼻而來牛肉味 濃郁仲要全部肉質很嫰滑哦同埋好大隻嘅刺身船呀我最鍾意嘅甜蝦大大隻鮮甜帶子肥美肉厚北寄貝同榮螺十足嚼勁而且爽口彈牙三文魚全部都好新鮮放題都有水準之作仲可以任點海鮮超大隻凡立貝燒烤seafoods 要比較有耐性慢火連殻燒帶子吃起來很鮮甜而且我很喜歡燒烤可以玩嘅過程+錢

I was having a mini gathering with my friends the Sunday evening. We love Japanese food!! We saw that there are all-you-can-eat Japanese BBQ in TST and the price was just right! So we gave it a go.The environment is cozy. There was a balcony with stove, which used coal as fuel!! We would really loved to sit there if the weather wasn't that cold. Sitting indoors was comfortable with the sofa seats.We can also enjoy looking at the preparation of food from our seat.We were quite hungry so we ordere