影片
更多
2016-01-22
512 浏览
尖沙咀出名難搵食，咁啱見到雜誌介紹，赫德道呢座新食厦，推出午市燒肉定食，最貴嘅海鮮燒肉定食都只係$78,仲要四人同行，一人免費，計落都只係人均$60左右，咁抵梗係要同人分享。 十二點正嚟到，由於剛開門，我哋係第一枱客人。除咗入門口入圓形壽司吧枱同露台位，其他位置以卡位為主，高高嘅屏風令每枱客人嘅私隱度提高。 今日有幸坐WINDOW SIDE,可以俯覽赫德道一帶景色，心曠神怡。 每張枱都有一個燒烤網爐，簡約調味料樽提供海鹽、七味粉同黑胡椒，另外唔少得燒汁同日式醬油。 由於晚市做燒肉放題，全舖利用TOUCH PAD落單，慳紙慳人慳時間，而且資料詳盡，一睇就知每個餐有咩食。今日點咗海鮮燒肉定食同伊賀燒肉定食。 點完餐，侍應哥哥笑容滿面先奉上碟帶子和風沙律，清新開胃。唔使5分鐘啲餐就嚟齊晒。鍾意日本餐廳做事一絲不苟。午市都依然落足心機。上完味噌湯同白飯，就見到用燒肉砌成嘅4幅畫令人食慾大增。 伊賀燒肉定食$68牛仔骨切得小巧有牛味，豬腩肉爽口豐腴，煎出嚟嘅油正好用嚟燒栗米同冬菇，正到暈雞髀肉啖啖肉，同豬腩肉一樣，點少少鹽已經好正，喺正中間扭晒花
尖沙咀出名難搵食，咁啱見到雜誌介紹，赫德道呢座新食厦，推出午市燒肉定食，最貴嘅海鮮燒肉定食都只係$78,仲要四人同行，一人免費，計落都只係人均$60左右，咁抵梗係要同人分享。
十二點正嚟到，由於剛開門，我哋係第一枱客人。除咗入門口入圓形壽司吧枱同露台位，其他位置以卡位為主，高高嘅屏風令每枱客人嘅私隱度提高。
今日有幸坐WINDOW SIDE,可以俯覽赫德道一帶景色，心曠神怡。
每張枱都有一個燒烤網爐，簡約調味料樽提供海鹽、七味粉同黑胡椒，另外唔少得燒汁同日式醬油。
由於晚市做燒肉放題，全舖利用TOUCH PAD落單，慳紙慳人慳時間，而且資料詳盡，一睇就知每個餐有咩食。今日點咗海鮮燒肉定食同伊賀燒肉定食。
和風帶子沙律
30 浏览
1 赞好
0 留言
點完餐，侍應哥哥笑容滿面先奉上碟帶子和風沙律，清新開胃。唔使5分鐘啲餐就嚟齊晒。鍾意日本餐廳做事一絲不苟。午市都依然落足心機。上完味噌湯同白飯，就見到用燒肉砌成嘅4幅畫令人食慾大增。
伊賀燒肉定食
$68
81 浏览
1 赞好
0 留言
伊賀燒肉定食$68
牛仔骨切得小巧有牛味，豬腩肉爽口豐腴，煎出嚟嘅油正好用嚟燒栗米同冬菇，正到暈雞髀肉啖啖肉，同豬腩肉一樣，點少少鹽已經好正，喺正中間扭晒花嘅係豬頸肉， 醃得入味，薄切南瓜片清甜軟糯，輕輕燒一下已十分滋味
海鮮燒肉定食
$78
53 浏览
1 赞好
0 留言
海鮮燒肉定食$78
肉類同伊賀定食差唔多咁豐富，主角當然係5吋長海蝦同青口，夠晒新鮮青口將近熟時灑上海鹽，三個字，無懈可擊！
可以喺尖沙咀可以唔使迫唔使排隊，食到個靚景靚價靚午餐，感恩呢份小幸福，人生的確每日有驚喜。
张贴
