伊呂波燒肉 (已結業)

話說之前試過伊呂波既dinner set覺得幾好，見佢今次推出放題，就當然去支持下啦，book左八點，去到冇乜人，其實唔洗book。298 +1, 選擇比我想像中少，冇得任叫飲品。我每樣都叫左啲試下，咁多款牛，牛舌比較好食，其他都麻麻。然後叫左兩碗湯，一個蛋花湯，一個雜菜湯，兩個湯基本上一樣，只係個蛋花湯多左啲蛋，個湯比較淡。叫左兩隻蝦頭蝦肉黑色的梅的，冇食到，唔記得影相。都算啦，番到屋企我同男友都肚屙，唔知關唔關事，以後唔會再去。

讀書時一直也很想試試伊呂波的燒肉，聽過不少人讚它的出品，可是以前沒多餘的零用錢，所以從未吃過，而出來工作以後又沒特別想起，直至近來男友說起想吃日式燒肉，便和他過去一試。 周五晚上八時不用等位，印象中的呂波是走中價的燒肉路線，不知從何時起也推出了燒肉放題，分52品和60品兩款，價錢分別是$298和$398，後者有多幾款牛肉和豚肉選擇，見沒甚特別便選了較便宜的試試看。 食物種類大致分牛、豬、雞、海鮮、蔬菜、前菜、小食、沙律和飯麵，飲品另計。在各大種類裡皆點一些，肉看上去帶鮮紅色也新鮮，燒物印象較深的有甘香可口的牛舌和鮮甜的蜆肉，重覆下了幾轉單，其他則平平。 熟食方面，豆腐沙律和蔬菜沙律最得我倆歡心，吃得太多肉用來間場清新得很，前後吃了五份；炸物是即點即炸，新鮮熱辣，芝士年糕和天掃羅也好吃，而迷你海鮮煎餅就沒有什麼配料也沒有什麼味道，可省略。 綜觀食物中規中矩，上菜快又沒漏單，但吃放題似乎不及單點的滿足，對於不太大食的我倆不是特別划算，下次有機會會試試其午餐，希望可以挽回一些心中的形象。

之前同朋友食過一次伊呂波lunch set,當時覺得真係好好味，肉質好鮮嫩，知道伊呂波有做放題之後當然要去食啦！298蚊90分鐘嘅放題，時間的確有d短，不過上菜嘅速度都算快，但肉質就真係冇lunch set時咁靚，所以下次都係散叫好d,唔好貪心食多d,哈哈p. s. 我覺得最好味係牛舌囉

燒肉放題 $398 (60品)-伊呂波燒肉高水準日式燒肉! 食物種類包括牛肉,雞肉,豬肉各種部位以及海鮮, 少量熟食如沙律,冷麵,飯糰等! 最出色必定是壺浸牛胸外膜! 味道及肉質鮮嫩得令我不禁想起東京的六歌仙燒肉! 以壺盛載,大大鎖住肉汁, 加上伊呂波特製醬汁醃製, 香氣撲鼻, 有入口即化的口感! 令我不禁encore再encore!!rating:7.5/10

放假得閒，想食番餐好小小既午餐，一諗就諗起好耐無食過既伊呂波。午市套餐介乎係$120-170之間，有唔同種類既燒肉，牛雞豬等等，唔岩食肉既亦有銀雪魚定食，種類選擇幾多，適合唔同口味既人食。叫左一個伊呂波定食同燒肉定食，兩份都係牛，牛既厚度切得幾適中，不會太厚，食落口唔會覺得裡面未熟，口感非常好！牛肉味亦非常出，鎖住肉汁，非常好味。套餐裡面還有湯，蒸蛋，雪糕，泡菜，份量相當充足，肉份量亦可加錢加大，滿足食肉量高既人。另外伊呂波定食裡面還有天婦羅及刺身，一次過可以食多種美食，非常有滿足感！2個人去食，大約合共360元，個人覺得質素好得黎午餐既抵食

辛苦工作後，當然要好好獎勵自己。當知道IROHA出了放題後，便立即約朋友試試!我們簡了$298的，因為加100但只多了幾款肉，好像不太化算。有別一般放題，可能只分了牛、雞、豬肉等等，他們把肉的種類也分得很細。我最愛是圖中最多脂肪那種，但名字確實也忘了。另外牛舌也不錯，這款屬於薄切牛舌，燒到金黃色，微脆最好吃。如果可以同時提供厚切的就更好了。除了牛肉，豬雞肉也不少，個人比較推薦豬頸肉，但厚的五花肉及雞翼有點難燒。另一驚喜是內臟，因為不算是放題中常見的。牛大腸是不錯的選擇，口感很爽。大家都很喜歡這個蜆，蜆肉算大隻新鮮，而且味道鮮甜，而味道也很好!最後以一個燒三文魚飯團結尾！很飽 得滿足！

這家燒肉專門店素來出名質素高價錢亦高，因此到來光顧的決定一直猶豫不決。但近日聽聞終於推出放題，所以乘著友人生日而一嘗所願。 我們一行五人選擇了$298價錢，選擇與$398不大分別，牛雞豬海鮮類都有。但價錢不包括飲品，所有飲品（包括水）都要額外收費，所以我們都只喝餐廳提供的熱茶。 海鮮雜錦串燒海鮮雜錦串燒只有一粒帶子和蝦仁夾雜腸仔大蔥，十分奇怪，為何歸納海鮮類？味道沒有特別，但大蔥太生。魷魚魷魚燒了很久都不會太'un'，而且只用豉油已經很足夠，十分鮮味。 五花肉 牛排肉 牛舌 雞翼 豬頸肉肉類因為點太多所以用大碟放一起，當中我最喜歡是五花肉和牛排肉。五花肉和牛排肉脂肪及肉的比例平均，而且用鹽調味已經十分香口，我們共點了3-4次，分量都沒有因為常點而減少和質素變差。豬頸肉我個人本來不大興趣，我們怕豬頸肉太厚難熟而燒了很久，但沒有變得難食，依然爽口，而且肉味香。 薄切牛排肉有點像打邊爐的肥牛，很快熟，配上餐廳的燒汁（？），很美味，但真的薄了點。 炒雜菜沒有太多調味料，清清地，因為太多肉所以點了雜菜減低油膩感，味道不錯，而且不是預先炒定，夠熱夠新鮮。 冷盤 凍菠

同女人食野可以好簡單，可以好複雜。但有一樣野係同我相同既，大家都係食肉獸。所以今晚走去做食肉獸。女人帶我上去呢間日式燒肉店，看見MENU很多選擇，我的選擇障外症又發作喇，女人不慌不忙地說...「呢個二人餐咪得囉」。GOOD又搞掂了我呢個苦惱。先來個雜菜拼盤，新鮮爽口，各有特式，各有精彩。沙律，濃郁芝士香味，作為前菜相當不俗，煎餅：外脆內軟，裡面配料又吾會太干，好得很。主菜黎喇～～～牛舌：薄薄的燒得很脆，口感不會太韌，而肉汁也很豐富。上牛排肉：雪花均勻，香氣撲鼻，肉質也香。豚肩肉：薄薄的燒很快熟透。咬下去有濃烈既豬肉味。不會俾牛肉比下去。牛胸外膜：UN UN 的有咬口。一路咬一路出味，到尾沒有渣。值得一讚。肉根：油花分佈多，可口得很。肉質香。讚讚讚讚讚里脊肉：在爐上一燒後, 肉片較易散開, 但油花仍是分佈相當均衡，極為美味。其實食肉無他既，不用腌制，只取其新鮮味道。一試便知龍與鳳，我同女人一直都冇出聲。只在享受。最後女人話要加多豆腐泡菜湯。要加辣。不一會豆腐泡菜湯來了。香氣撲鼻，看見已經心動了。急不及待馬上飲，太正喇。一個路飲湯一路飲到𠽌𠽌聲。到最後我同女人都食到很飽！女人話今次滿足呵！

朋友生日約食飯, 生日o個個話想食日式燒肉。 自從韓風襲港後好耐冇食日式燒肉...純粹好多韓式燒肉店出現, 朋友間多左約去試新野, 其實我鐘意食日式多d, 因為相對起上黎, 日式個醬甜d, 同埋野食多數感覺新鮮d, 同埋唔知點解我覺得冇韓式咁熱氣…心理上。4個人去, 叫左個家庭套餐, 有前菜, 有湯, 有海鮮, 有幾種唔同o既肉, 樣樣有D好似幾豐富。每個人都有件紅色o既圍裙仔, 唔係張張檯D人都有用, 但係我地幾個都有著…其實著左上身都冇乜野丫, 哈哈哈~ 先黎左個凱撒沙律, 有好多芝士, 醬都都多。 再黎就係松葉蟹, 紅蝦, 燒完都仲係好新鮮。 之後到重點, 肉! 雖然之前報告話紅肉同腸仔都會有機會致癌, 但食左咁多年…好難唔再食…呢個拼盤有腸仔, 金菇卷, 牛舌, 牛排肉, 雞肉, 蕃茄煙肉等等, 樣樣有D可以試多幾款。我覺得個牛舌, 牛排肉幾好食, (其實腸仔都係我最愛, 哈哈), 另外燒粟米啦, 平時打邊爐o個d我就麻麻, 燒粟米係特別香, 所以食燒肉我會食架~ 煎餅幾脆, 同埋好大塊, 食完海鮮同肉再食呢個都已經飽飽地 朋友極力推介呢個燒團, 初時以為

我和朋友都是食肉獸，由於大家很久沒見，建議不如一起去吃燒肉，於是揀咗去伊呂波。我地叫咗一個家庭套餐，睇落份量好多，有牛肉、牛舌、煙肉蕃茄卷同一Ｄ蔬菜，感覺好多款食物，而肉既質素亦都唔差，正如蔡瀾先生話齋：「牛有牛味」，只係份量上比想像中少了一點。而我比較喜歡的是牛舌，薄薄的燒得很脆，口感不會太韌，而肉汁也很豐富，值得一試！ 之後還來了我最喜愛的「燒飯團」，用醬油薄薄地搽在飯團表面，再燒到佢外面像飯焦一樣，感覺脆脆的，超好食！食到尾聲，雖然我和友人都已經飽飽地，但在食肉方面仍是有quota的，於是叫多個「和牛三筋肉」。真的不得了咁好食，牛肉好嫩，肥瘦均勻，牛味亦都好出，真係好想再食！最後食埋雪糕做甜品，呢餐燒肉之旅就咁結束。事後感想：其實初頭都諗過，齋食肉會好肥膩，意想不到伊呂波個套餐入面都有幾多款食物，仲食得好飽添！不過如果「愛牛之人」想主打食肉的話，不妨可以考慮單點。

以前成日跟契爺黎既伊呂波，比我既感覺係好貴好貴，食服務，食靚牛既地方。覺得佢太“高貴”既我，次次都係契爺請我食，一直都冇試過自己黎食 今晚約左剛剛加拿大返黎既daddy，決定肉痛都要請佢食靚肉。我地1家4口，daddy揀左個家庭餐，咩都有啲，千5蚊左右，但其實我印象中以前係冇餐既，或者咁，所以先覺得佢以前貴。首先有前菜同沙律，前菜係平時韓國菜個啲前菜，豆芽，KimChi同菠菜，3樣都同其他餐廳一樣，正常味道，但冇咩大驚喜。沙律okay，菜好新鮮爽甜，加埋少少dressing同好多芝士，件事好清爽，好開胃跟住黎既有煎餅， 簡簡單單，掛住食其他野既關係，我食既時候已經凍左了，但雖然話就話凍左， 但係都幾好味， 相信上枱熱辣辣既時候食，應該都會幾正。之後黎左一堆海鮮， 有蟹腳有蠔有蝦， 唔食蠔既我將我個份俾埋daddy，佢個樣食得鬼咁滋味， sorry 恕我唔識欣賞。蟹腳好正，佢整得好容易食，燒熟左之後，剪開頭尾，成條肉幾乎一抆就出，蟹肉好鮮味，完全唔洗點野，就咁食就已經好好味。大蝦肉質好彈牙，味道幾好。接住黎就係肉肉肉肉肉， 初初睇落好似好少，都驚唔夠食， 但其實慢慢食落去原來都好漏。

相信不用多介绍，老字號保持水準的只有他上枱已見肉質新鲜，先食個生牛肉其鲜感已覆蓋口腔及腦海其餘熟食燒肉，有我剛係沖繩食燒肉之满足感，肉質及味道另我找回所有，不同部位有不同享受，每款肉，肉味輕重不同，但總有一種失散尋回之感。

真的退步了！以前成同人推介呢度lunch set性價比高，今日呢餐好明顯等價了。首先前菜已經唔係一向有心機製作的日本味菜，而係韓國餐食開的小菜。到日式蒸蛋，個底竟然係有粒大薯仔。到個湯，水都唔水的沖粉湯。刺身以前會有2種，依家最平三文魚幾件.....好在主菜 牛肉同天婦羅都仲算ok....唔係就真係唔會再來。我會再試尖沙咀那間，希望水準唔會好似呢邊跌watt咁多啦～

是日跟同事吃lunch,來到伊呂波．平日中午一時多到達，已訂枱，不用等候便可入座．眼見場內也有七成滿．店內一貫和式風格，感覺也很舒適自在．Lunch set 頗多，點選了燒肉set (HK$120).先來麵豉湯，非常的燙口．試一口，正常的味道，只是略嫌蔥花多了一點，影響了口感．蒸蛋，也是非常的燙口，試一口，口感頗滑溜，感覺較為水狀，蛋香不算很濃．來到主角，牛肉和牛舌．先說牛舌，很有咬口，口感彈牙，牛肉味很香濃，加上那個酸甜的醬汁，很美味啊！至於牛肉，相對下是較為淋的，牛肉味也是非常濃郁，配上那個醬汁，也是很滋味呢！餐後的甜品是綠茶雪糕，由於筆者仍有點咳，則由同事品嚐．整體水準依舊，尤其沾上的醬汁較昔日的更好，很滿意的一餐，只是略嫌價錢貴了一點．

2015年7月29日 (星期一)2個囡去爺爺嫲嫲屋企放暑假幾日，我都一齊放假幾日，真開心，可以約下人食飯﹗7月尾先食囡囡契媽的生日飯，其實契媽是同大囡同一日生日，即是 5月生日，哈哈...我都幾過份﹗今次我揀去伊呂波，通常去完日本都會係咁，對佢地的美食念念不忘﹗今次佢地個 mini set 又轉咗， $500/ 2人set，平過上一次我同老公去食，不過就無刺身，轉咗天婦羅﹗前菜原來 2個女仔要 ko 呢碟肉，係有少少困難﹗平時同老公食又唔覺咁大碟，不過之前係分幾碟上﹗總共有 8款肉，包括 4款牛﹑牛舌﹑2款豬﹑同雞翼﹗份量唔知有冇比之前多，不過選擇就豐富咗﹗沙律牛肉蠔豆腐湯，一般般，其實無咩蠔味﹗天婦羅的份量都十分多﹗有蕃薯﹑南瓜﹑蝦﹑洋蔥﹗唔知點解我覺得雞翼怪怪地味﹗店員換過牛比我地﹗佢話雞翼是當日入貨，本身調味係咁嘅味﹗但明明係一陣 "酸叔" 味﹗算啦﹗佢都肯換比我地﹗最後仲有 panna cotta﹗不過無咗上次的士多啤梨汁﹗