伊呂波燒肉 (已結業)

聽就聽左好耐，今日終於去試佢晚餐。之前老公食過午餐set話好味，但無燒肉，所以今晚一定要黎試下。兩個人叫左一個伊呂波燒烤併盆，一份燒餅團，一份鹽燒小牛排，一份大腸。燒肉當然出式，特別是雪花牛，入口即熔。另外相反併盆內既海鮮只屬一般，下次都係主打肉類。值得一提係個燒餅團，燒到外脆內軟，燒完再加埋佢個醬汁，真係好好味。

日式燒肉晚餐向來都有返甘上下價錢所以為左可以食到有質素而又抵一定係午餐去食聞名已久 但由於心知價錢中上一直無去食過直至同事話團年午餐提議去呢間即刻贊成啦 午餐選擇非常多配搭抱住又抵又可以食得飽既心態試左個~$110既LUNCH SET套餐包括刺身 前菜 蒸蛋 天婦羅 自選豬/雞/牛 雪糕刺身唔錯WOR~唔係HEA野蒸蛋滑溜 個人本來都鐘意食蛋天婦羅就一般啦 個皮我覺得有點柴皮FEEL唔夠鬆脆~~但跟餐都唔能夠要求太多是日揀左牛肉 認真幾好WOR之前食過同區其他燒肉店價錢一樣 但明顯呢間既牛好食D而且個餐仲豐富D TIM~總括都好滿意~~會再黎食

商議一會，點來兩款套餐，其中的一款，有牛肉、豬肉，以及牛舌的，可加錢去加大，有多些肉吃。跟餐，有嫩滑又足料的茶碗蒸，最重要還是夠熱，麵豉湯亦沒有嗆侯，再吃點辣辣的泡菜，胃口已經開了。先是加大了的一份，牛舌都幾爽口，不過我始終喜歡厚切的；豬肉雖是薄身，但有肥有瘦，甘香好吃；牛肉還好，至少有點脂香。另一款的牛小排，厚身一點，燒得香香的，更有口感。以脂香豐盛的牛肉去送飯，最為合心。而燒洋蔥、冬菇，以及青辣椒，只是配角。除了白飯，那牛小排的套餐，還跟上冷麵，清爽又醒胃，在吃過重口味的日本燒肉後來一碗，很舒服。是日作結的，並不是咖啡，或者檸檬茶，而是香濃又煙韌的芝麻雪糕，爽！好想夜晚再來吃過，我真係一個不折不扣既食肉獸呀~

地點好方便，地鐵站轉個灣就到。一入到去仿效日本人坐嘅方法幾特別，好有日本feel既燒肉店。呢次係我第一次黎伊呂波食燒肉。我自己同朋友們都係隻食肉獸，所以係度食野，見到肉已經好開心，睇下menu都已係係未出發，先興奮。叫左牛肉、海鮮set、特上肉併盤，個特上肉併盤有鹽燒和牛牛舌，厚切胸外膜，鹽燒西冷，肉眼，牛里脊背。呢間燒肉店既肉整體既感覺都不錯，再加上自己燒埋係份外好食，ｄ肉既肉質鬆軟多汁，海鮮亦保有鮮味，好好食。另外，我地唔想咁油膩，我地又叫左個石頭海鮮飯，海鮮飯感覺不錯，但建議不好放涼，放涼後既海鮮食物始終不太好味道。總括而言，這裹的燒肉、肉類係不錯，至於海鮮都不太差，但由於燒肉店的重點都不是放於海鮮上，所以我一開始沒有放上特別既期待，平心而論都確實不差。

三個人食晚飯，朋友揀左呢間，環境簡約，由於係平曰晚上，無乜客，但其實枱與枱好少空間。一嚟就叫個和牛併盤，野菜併盤同一支750ml 清酒，嘩……咁已經成千幾蚊，而和牛份量，真係一個人食就差吾多……之後加追一支清酒同一個海鮮併盤，而個海鮮併盤份量又係少得可憐……品質方面，和牛係好吾錯，全部入口即溶。但D海鮮就吾得，蟹係水蟹，燒完得丁丁咁多肉。其他海產都只係一般雪藏貨，不值一提……最後埋單要二千三蚊，同一價錢，外面大把選擇。

等位：可能因為落雨，晚餐時間冇人排隊，即刻有得坐。環境：佈置得唔算特別靚，一般日式餐廳水準。菜式：牛舌係食日式烤肉必點。而且果然冇令人失望！牛舌非常彈牙多汁。相比之下，牛肩肉就認真麻麻地，夾住一齊食ge洋蔥都冇咩味。醬汁都非常唔錯，同喺日本食ge一樣好味。

伊呂波係銅鑼灣同灣仔都有分店, 不過銅鑼灣就比較就腳。之前食過唔同既韓燒, 都等左好耐, 今次專登BOOK左位都早D去, 好彩去到等左5分鐘多D就入到。烤肉係佢地最大既特點, 所以一定要叫黎試下, 燒起上黎多汁而且幾香, 咬落去都好有口感亦唔會太難入口。另外佢地既炸物都值得一試, 炸完唔會有太油既感覺, 比起同價位既餐廳, 呢間係更值得去。

第一次黎伊呂波食，地點好方便，地鐵站轉個灣就到。一入到去仿效日本人坐嘅方法幾特別。叫左牛肉、海鮮set，自己燒完份外好食！肉質鬆軟多汁，海鮮亦保有鮮味，好好食！之後黎嘅日本芝麻雪糕更係冇得彈！之後叫左個天婦羅，同朋友介紹一樣脆。整體黎講成餐都好滿意，值得再黎！

Normally I don't write for Korean BBQs but with Iroho, I was quite impressed.  With most Korean BBQ restaurants, I get very bothered with the poor ventilation and the over-flavoring in the marinades that make the food either too salty or overpowering in flavor.  Iroho provides a good selection of meets and seafood and as well you can choose the flavor of marinades which makes things more interesting if you are going with a large party and ordering several plates of the same cuts of meat.  I woul

好日本feel嘅燒肉店，食物質素OK，都算係香港top5嘅燒肉店・特上肉併盤 (鹽燒和牛牛舌，厚切胸外膜，鹽燒西冷，特選肉眼，特選牛里脊背)普遍嚟講d牛好juicy，油份高，有牛味我每次嚟都會order 呢個 set・牛排肉普通，冇乜牛味，可以唔試・厚切和牛牛舌 IS A MUST***  燒到外脆內軟，一咬落去就feel到d油bit出嚟，不過又唔會太漏，我一個人可以KO一碟 (因為得5條)・柚子胡椒燒豬頸肉勁咸，生粉太多，完全食唔出佢係豬頸肉我最想講係，我食過銅鑼灣總店幾次都OK，對上一次母親節去咗尖沙咀分店食係差到冇朋友，牛肉唔新鮮，所有野都唔好食。如果想maintain都要搞好間分店先得！

日本烤肉店，和風裝潢，座位都算舒適。一行六人點了以下美食品嚐一番，由小吃、烤肉、海鮮、菜蔬，以至飯款主食皆有試過，整體而言烤肉質素尤其和牛算上不錯，其如菜式如海鮮飯吃則無乜特別。海鮮煎餅：過於厚身，脆度稍遜，海鮮餸料明顯不足。日本和牛西冷及日本產和牛盛：和牛盛內含牛排肉、牛排肉腩及牛肋骨，各式和牛肉味皆濃郁有水準，肉質亦腍身。要肥美一點選肉腩；要口感豐富實在一點選西冷。黑豚豬肩肉：肉香都算理想，薄切處理易於控製烤煮時間以保肉質鬆軟。雞腿肉：調味比和牛及豚肉皆重手，無乜特別。海鮮盛：內含蝦、松葉蟹、北寄貝、三文魚、魷魚、帶子及蜆，每款海鮮份量不多，質素亦未見突出，合格評分。燒野菜盛：內含雞脾菇、茄子、南瓜、青椒、洋葱、粟米及蕃薯，菜蔬以燒烤方式烤煮，難免會被抽乾水份以致硬身，美味度先天不足。雞蛋蔬菜湯飯：清淡之選。香葱吞拿魚腩蓉飯：吞拿魚味道都算新鮮，魚腩蓉肥美，可追加多一點香葱以添香口。石頭海鮮飯：熱辣出品，海鮮給力不足，除面上數件蝦蟹外，飯內的海鮮用料很少很碎。石頭飯稍稍放涼，水份被抽乾，米飯呈半糊狀，感覺不太好。

 傍晚與友伴欲到<咖啡弄>晚膳,可惜到達時籌已派完,而且亦受不了領籌後要苦等3小時之久,所以最後到了附近著名的日式燒肉店---伊呂波進餐, 幸運地一到步後已獲安排入座。原想選擇晚市套餐,可惜是日星期六沒有供應,最後只好單點了事, 與友伴二人分別點了<鹽燒牛脊肉>, <醬燒豬頸肉>, 及<生牛肉石窩韓式伴飯>共3樣。首先<鹽燒牛脊肉>,是單點後從雪櫃取出,上台時仍是硬如冰片, 但可能是切得相對較薄身的關係, 在爐上一燒後, 肉片較易散開, 但油花仍是分佈相當均衡, 頗為美味。但最令我傾心的卻是<醬燒豬頸肉>,被淡淡醬汁沾滿,再被慢火燒烤的豬頸肉,經微微香烤後,入口香脆,令我回味無窮,本欲再encore,可是大半飽了, 唯有放棄!令我進入飽和狀態的是<生牛肉石窩韓式伴飯>,一窩到來後,發現飯面有一大堆碎牛肉, 侍應先生會詢問要否需要替我們拌勻,我與友伴二人也懶得動手,就由侍應先生代勞吧!這個飯其他足夠裝下3平碗, 標價$100元也算抵食之選,而且窩底飯焦也確是美味,雖然是日式食店

I'd heard of Iroha a long long time, finally me and my friend have this pleasure to visit and try this restaurant, and it hadn't disappointed us.To be honest, there are many many good quality restaurants in Causeway Bay but this is surely among the best - in terms of the freshness and the quality of the food - this is truly delicious.Let's forget about the price, it's a frightening figure for those who only expect to spend around $100-200 per meal, but in the end, it's worth that expensive thoug

 Happy Friday, 同事們興致勃勃話要食日式燒烤, 我哋一行三人喺冇訂枱嘅情況下, 只係等咗 5分鐘左右就可以入座, 真好彩!!餐廳環境高雅舒適, 充滿日本風情 ^^我哋三人都點咗伊呂波定食, 愛其包羅萬有~ 有刺身, 天婦羅, 前菜, 日式蒸蛋, 麵豉湯, 白飯 & 最緊要嘅燒肉! 燒肉方面, 我哋點咗兩個加大碼嘅牛肉 & 一個標準豬肉 ^^三色前菜嘅味道中規中矩, 但麵豉湯就好好飲 ^^ 湯裏除咗有蔥花之外, 仲有好滑嘅豆腐粒!! 日式蒸蛋亦蒸得恰到好處, 夠哂嫩滑~三色刺身好新鮮, 每款兩片, 份量啱啱好!!天婦羅有炸蝦, 蕃薯, 茄子 & 青椒 ^^ 炸粉唔厚, 粘上特製醬油一齊食, 味道好夾, 又唔覺油膩!!主角出場~ 加大碼嘅牛肉 ^^ 份量真係大咗一截, 而且肉質鮮嫩, 就算唔係和牛, 脂肪嘅分佈都好平均! 加上本身醃得好, 燒起上嚟好香, 唔易燶!!標準豬肉 ^^ 其實以一人份量嚟計都唔算少! 脂肪嘅分佈比較重, 似五花腩, 但燒完食又唔覺肥膩, 粘埋醬汁就梗加美味!!另外, 我哋點咗一份迷你鹽燒牛舌 ^^ 呢個就真係名符其實咁迷你, 一碟六塊, 每人分到兩塊

今次第一次嘗試日式燒牛肉, 此食店環境寧靜, 有適合三五知己相聚, 各款菜色令我大開眼界, 回味無窮. 有選擇困難症的我, 見到太多款式真係好難決策, 最終都依朋友介紹叫咗個拼盤, 因為樣樣都有, 樣樣都可以試.當然不能沒有和牛啦!!!還有牛肉刺身, 都係令人回味無窮!!!其實除了牛肉好好味之外, 大家都可以試下海鮮.還有令我大開眼界嘅兩款刺身, 秋刀魚刺身同油甘魚BB刺身. 平時出街真係好少見到呢兩味菜式, 但今次俾我一次過品嘗兩款美食, 真係好想再繼續食.