令和鍋物酒場

营业中

休息中

雖然肺炎疫情未退，但亦無損我地沖出去食好野既心。今次就去下高質居酒屋，補償一下去唔到日本食好野既肚腩。叫左一個set,包左燒牛加海鮮鍋。頭盤係一碟椰菜加醋，唔好睇少呢道菜，入口超甜，又新鮮。食到索索聲，加埋酸醋就岩岩好。食日本野點可以少左酒。呢杯自家製梅酒，啖啖梅子酒香，以威士忌調製，實屬不俗。食個新鮮芝豆佐下口，正!仲有一個豆腐蕃茄，過下口癮。加左芝麻醬，係幾開胃。食日本野當然唔少得刺身，每款都好新鮮，厚切絕不欺場。最喜歡油甘魚刺身，充滿一浸油脂，口感非常好。餐前小食呢個唐揚雞真係不得了，一啲都唔厚粉，而且雞肉嫩滑。加埋沙律醬真係一流。燒日本和牛，有人燒埋比我地，唔怕燒濃。口感軟嫩唔韌，油脂適中，香味撲鼻。最後當然唔少得個主菜海鮮鍋，大大隻帶子，蟹腳，生蠔同蜆。海鮮無沙又甜又新鮮，個鍋仲要有大量蔬菜，點會食唔飽呢？最後呢杯檸檬汁蝶豆花就來個美好總結，清清我地既喉嚨，不過就甜左啲。