仟穆

营业中

休息中

今日黎到上環哩間串燒小店。餐廳位置隱蔽，要走入古董街入面先會搵到，內裏有一張大L型吧枱，可以望到師傅燒製串燒既過程，而且廚師會喺客人面前即叫即燒，保證熱辣辣～哩到可以單點串燒，亦可以叫串燒Omakase套餐。✨串燒Omakase 廚師之選 $680套餐除左有八串串燒，仲包🥗沙律、🍶煮物、雞湯烏冬及甜品，而今日既煮物係清酒煮蜆，蜆肉清甜無沙～🔥串燒八串燒牛舌燒黃油雞髀肉雞胸軟骨燒白鱔燒雞心燒秋葵免治雞肉棒焦糖車厘茄燒牛舌肉質軟腍，油脂分佈平均；燒黃油雞髀肉黃油咸香，雞肉嫩滑；雞胸軟骨香脆好咬，咸香好食；燒白鱔魚皮燒得香脆，魚油豐富，非常好食👍🏻燒雞心質感微帶煙韌，雞油豐溢；燒秋葵調味唔錯；免治雞肉棒配有生蛋醬油，咬落去仲有雞軟骨粒粒；焦糖車厘茄外脆且香甜～🍜雞湯烏冬雞湯味道超濃郁，口感順滑濃稠，烏冬質感彈牙，完全食唔停口，好食推介👍🏻🍯甜品今日既甜品係抹茶粉同黃豆粉蕨餅，仲有黑芝麻麻糬。整體黎講，餐廳環境唔錯，串燒亦有質素，幾適合同朋友黎食野傾計～

這間隱身於摩羅上街的日式串燒店，入夜之後靜中帶旺，甚是熱鬧。小店裝潢走日系簡約路線，一入門就是一張長長吧枱，食客可於吧枱前近距離欣賞師傅在爐前製作各款串燒，不單讓味覺得到滿足，連視覺都能享受烹調的美學。小店主打雞串燒，可以品嚐雞的不同部位，以「從喙到尾」（beak-to-tail）的理念，讓食客感受到完整的燒鳥體驗。除雞之外，亦都有豚、牛、羊、海鮮等。跟小編同樣有選擇困難症的朋友，不妨點這裡的廚師發辦，一次過可以品嚐到八款由廚師發辦的串燒外，更包含沙律、煮物、雞湯烏冬及甜品，不用擔心吃串燒但不飽肚的憂慮。🦋廚師之選 $680吃串燒前，先來沙律及煮物，是日煮物是清酒煮蜆，酒香撲鼻，蜆肉鮮甜。串燒方面，師傅今日預備了燒牛舌、燒黃油雞髀肉、雞較軟骨、燒白鱔、燒雞心、燒秋葵、免治雞肉棒及焦糖車厘茄。各款串燒都各有特式，調味合宜，牛舌口感超讚；黃油雞髀肉雞油超香，雞脾肉嫩滑至極；雞較軟骨爽脆有咬口，佐酒一流；燒白鱔好彈牙，鮮而不腥；免治雞肉棒配蛋黃醬汁，更添滋味。最後再奉上雞湯烏冬及甜品(抹茶蕨餅、黃豆蕨餅、芝麻糯米滋)，嘴饞及果腹都好滿足。

哩間餐廳係一間唔錯嘅食燒鳥嘅地方。價錢方面算唔貴，推薦食雞翼，雞肝，免治雞肉棒，提燈。環境方面幾衛生，新淨如果有條食燒鳥癮可以去下哩間餐廳醫下肚。五分比四分哩間

呢間餐廳貫徹「從喙到尾」，以本地新鮮黃油雞製作各款雞串燒🐓更由日本鹿兒島同宮崎縣進口各種食材，保證用料新鮮🎌🍢廚師の選八式串燒套餐 ($680/ 位)💗鱈魚乾鱈魚乾香脆可口，越食越上癮🐡💗沙律沙律以日式醋汁調味，味道清爽開胃🥗💗清酒煮蜆蜆肉每隻都脹卜卜，而且無沙，充滿清酒香氣，鮮甜十足🍶💗黃油雞腿肉雞腿肉爽滑細嫩，雞鮮味美，肉汁同油香豐腴，雞皮亦燒得焦香🐔💗雞心雞心口感Q軟帶嚼勁，油脂香四溢🤎💗白鱔白鱔肉質結實彈牙，魚味濃郁，完全無泥腥味，不過略有魚刺🪱💗牛舌薄切牛舌脆嫩爽彈，油脂豐富👅💗免治雞肉棒免治雞肉棒混合黃油雞雞扒肉、雞軟骨、洋蔥等搓製，食落軟綿鬆化，同時帶軟骨脆脆口感，蘸上日本蛋黃同香甜雞汁吃，口感更細膩🍗💗雞胸軟骨雞軟骨脆口而不硬，貼附少量雞胸肉🦴💗秋葵秋葵清脆黏滑，簡單以牛油同海鹽調味🌵💗燒冬菇冬菇保持爽滑多汁，加上大量木魚絲🍄💗雞湯烏冬以雞骨、雞腳、雞肉熬煮8小時而成嘅雞白湯，入口濃厚鮮味，充滿骨膠原，配搭細滑煙韌嘅烏冬🍜💗甜品分別有黃豆粉蕨餅、抹茶蕨餅、芝麻紅豆和菓子，簡樸香甜🍡

# #上環 @chiyawaragu🍢行經上環小巷, 發現一家串燒店, 提供很多串燒店不常見的食材, 同閨蜜決定一試! 因為只做晚市, 所以我們早早訂位, 坐室內看著師傅燒, 人多可坐半室外, 很有風味! 一來便有個 Welcome Snack, 燒鱈魚片, 很驚艷! 很香很脆, 送酒一流! 再來個 #廚師發辦 套餐 $680! 包括: 沙律、煮物、雞湯烏冬、甜品, 及廚師發辦的8款串橈!清酒煮蜆 ~ 愛! 蜆沒有砂, 隻隻又肥又圓又厚, 熟度剛剛好, 酒味不會太濃, 湯頭清甜, 一飲而盡! 🐥雞頸皮 $46/串 ~ 雞頸皮比較厚身, 外層燒得香脆, 入口不會一口油, 我愛燒雞皮! 雞胸軟骨 $48/串 ~ 好爽好脆, 燒得恰到好處! 🐣黃油雞肉 ~ 有驚喜! 雞脾肉好嫩, 沒有一嚿嚿肥膏! 雖入口油脂滿滿, 但不會覺得油膩, 推介! 燒白鱔 $68/串 ~ 好厚身, 唔腥, 皮燒得很脆! 👅牛舌 $58/串 ~ 串燒中我的最愛之一! 唔會好薄, 有咬口、不靭、無渣, 入口爽滑, 好讚啊! 免治雞肉棒 $88/串 ~ 入口有軟骨碎, 有咬口! 內質嫩滑, 沾上日本雞蛋黃同食, 味道層次

Walk in customers 但係服務有待改善同埋野食salty唔係話佢哋不應該同客溝通，但係佢哋不斷interrupt 同埋問同一個問題然後我明明講唔食白鱔，我點咗8串Omakase 佢哋又俾白鱔我最後最精彩係我話我趠住走，不如你哋係我單點個度計返一串代替白鱔啦，佢哋同我講話因為我用信用卡付款，所以冇辦法退錢。咁我話不如你下次先補俾我啦，佢哋就同我講話啲野食預備咗，所以冇得下次補返俾我…自己做錯野都仲要個客suffer，個客講左話趕時間（講咗最少兩次）都要我等佢燒另一串先走

今晚車車抱大腿, 跟朋友仔食好西, 嚟到E間位於上環既仟穆食串燒omakase😍 門外可以直望到餐廳入面嘅情況, 入到去有張長長嘅Bar枱, 一邊望住師傅整串燒一邊同朋友足吹水飲酒確係幾正幾relax! 餐牌上有多款各式各樣既串燒, 仲有d特色串燒選擇, 食串燒點可以無野飲, 餐廳另有飲品menu, 多款酒類可供選擇, 真係樣樣都想試呀!今晚我地揀左串燒Omakase, 個Set除左有8串由廚師發辦嘅串燒之外, 仲有沙律／煮物／雞湯烏冬同甜品, 超豐盛😍 等緊上菜嘅時候, 仲有鱈魚乾作餐前小食好開心🙈✨️日式沙律沙律菜清新爽脆, 搭沙律醋汁, 酸酸地好開胃✨️清酒煮蜆熱辣辣嘅清酒煮蜆係車車最愛, 湯汁清甜味美帶陣陣酒香, 蜆肉飽滿肥美無沙, 超鮮甜!✨️廚師發辦串燒串燒每串都係即燒即上, 串串都燒得脆卜卜又juicy, 可配搭辣粉或山椒粉或兩者混合一齊食更惹味🍢燒雞胸軟骨雞胸軟骨比平時食嘅雞軟骨更爽脆有咬口🍢燒牛舌牛舌口感多汁, 爽彈牛味濃郁🍢燒雞腿肉雞腿肉啖啖肉好juicy🍢燒白鱔白鱔燒到外皮帶焦, 魚肉爽彈有嚼勁🍢燒雞心雞心質感柔軟帶微脆, 味道不錯🍢燒秋葵秋葵燒到剛好, 食落仲有d爽爽

估唔到日式串燒都有 #廚師發辦 ！ #中環地膽 帶路，地點喺摩羅廟街附近嘅串燒店 - 仟穆！日系嘅裝潢加上特長吧枱設計，可以望住廚師煮！氣氛超好！menu主打日式串燒，我地揀左廚師發辦set，有沙律、煮物、8款串燒、烏冬、甜品；店員會細心問問有咩唔食，因為8款串燒係由廚師決定！ 點餐後立即送上燒魚乾餐前小食，又香又脆！🍢Chef Exclusive 8 skewers $680🥗沙律🥗沙律菜味道新鮮爽口！🍲煮物🍲白酒煮蜆：粒粒蜆肉漲卜卜又鮮甜，白酒味香氣濃郁，飲一啖好暖胃！🍢8款串燒🍢🍗雞胸軟骨：帶點咸香嘅雞胸肉，配上爽脆雞軟骨，口感層次豐富！🍗黃油雞肉串：燒得黃金香脆嘅雞腿肉，黃油爆滿！嫩滑嘅雞肉好juicy！推介！🍗免治雞肉棒：自家製嘅雞肉棒味道香濃，配埋日本蛋一齊食更滑溜！🍗 燒雞皮：燒到脂香酥脆嘅雞皮，比燒雞胸皮油脂更豐盈！🐟燒白鱔：薄薄嘅外皮十分脆口，肉裡嘅魚肉非常嫩滑！輕輕調味就引出鱔嘅鮮味！正！🍖五花腩肉串: 五花腩肉油香滿溢！肉質爽口彈牙！🍅焦糖車厘茄：外脆內軟，香甜無比！估唔到咁好食！🍢燒豆腐: 硬豆腐燒到啱啱好, 加上面層嘅木魚絲更香口! 🍜烏冬：特濃雞湯烏冬，湯頭

今天來到呢間位於上環既仟穆食串燒omakase😍見到餐牌有許多各式各樣既串燒可供選擇🤲感覺每樣串燒都好好食既感覺😋店內氣氛放鬆舒適😍一字形Bar枱環境很適合朋友傾偈😌今晚我地就點了☺️價位680 Omakase‼️除左有8串由廚師安排既特色串燒外☺️還有沙律、煮物、雞湯烏冬及甜品😋感覺好豐富呀🥰餐前小食💫鬆脆鱈魚乾😋💫日式沙律🥗色彩鮮艷配搭酸醋汁寧舍開胃🙂💫清酒煮蜆上枱時還熱辣辣🔥4大隻蜆肉夠哂肥美飽滿😋清酒份量比平時食既多傳來陣陣米酒香🤩我還把所有清酒飲掉串燒 （另配辣粉或生椒粉🌶️）💫秋葵燒到剛好唔會乾爭爭👍💫白鱔燒到皮燶燶哋帶焦香脆🤤💫雞心食落爽口有嚼勁❤️💫雞胸軟骨係最愛之一😍軟骨夠大又爽脆😊💫雞髀肉大大舊啖啖肉醬汁好香☺️💫冰糖車厘茄感覺似冰糖葫蘆😬爆汁清甜💫月見免治雞肉串夠大夠厚🫢點埋蛋黃醬令滋味提升😍🍜雞湯烏冬必點之一😍用左多隻雞🐣連骨打碎再熬製咗八個鐘既全雞濃湯🤤味道唔會過咸😬每條烏冬掛湯🤗骨膠原超滿分💯💫甜品黑芝麻日式福餅中間有cream好香濃🥰原味及抹茶麻薯煙煙韌韌幾好味

.[🇭🇰香港- 上環].🔻二訪 - 有新發現🤩上次推介嘅 雞掌心 / 雞腳筋都有encore, 冇諗過望落超級普通嘅 “雞湯烏冬” 超正! 湯底濃到會掛汁, 重點係食完即時暖笠笠🥰.🔻🍽 仟穆📌 地址: 上環摩羅上街28號地舖.#tummysreadyatsheungwan #tummysreadyforjapanese #tummysreadyforyakitori

聽呢間日式串燒店聽過幾次，好想去試，今日太太生日大日子，一於去試吓！一入到去，小店但不會太逼夾，全吧枱，另外有4-5號個位，喺門口，正常四人枱打對坐，好有feel!店長非常nice,介紹呢支雪女清酒，好好飲❤️樓面同事亦非常細心，串燒不需多講，非常好食，尤其是個雞湯烏冬，好想再食，總括來講嘢食同服務，可以話接近滿分極力推介既日式串燒店，讚👍🏻👍🏻👍🏻一定會回頭！最後，要讚吓佢裝修，個廁所非常有心❤️(因為我對廁所非常嚴格😂)

日前同朋友去咗食串燒omakase ，係一次非常開心又新鮮嘅初體驗😍位於上環既仟穆 Chi Yawaragu ，店內播放日文歌曲，坐bar檯看著師傅用心製作，好有氣氛💖😍今次品嚐了價值$680既廚師精選八式串燒套餐，非常高質抵食。👍先食前菜沙律，好新鮮。🐟燒雞泡魚乾系我喜歡既小食👍🍶白酒煮蜆夠暖身，蜆新鮮肥美，幾大隻。🐔雞胸軟骨，黃油雞肉串，免治雞肉棒，燒雞心，一次食勻多款雞串燒，全部都係 即叫即燒，充滿炭香味。🔥🐟燒白鱔外皮香脆，肉質juicy。🐂燒牛舌： 肉質淋中帶爽，極品。🍅蔬果類焦糖車厘茄及秋葵夠fresh😍🥢食返碗雞湯烏冬， 熬足8小時，呈奶白色，滿滿嘅骨膠原😋甜品係紅豆忌廉大福加抹茶蕨餅，甜蜜滋味💕

仟穆 Chi Yawaragu 隱身於上環摩羅上街既古玩店之間，係主打高質日式串燒小店。廚師精選八式串燒套餐 $680套餐包括前菜、時令煮物、八款廚師發辦串燒、 雞湯烏冬及甜品▪️沙律🥗 ：清新開胃I ▪️燒雞泡魚乾：脆卜卜好香口▪️白酒煮蜆：蜆好新鮮，肉質肥美又漲卜卜，清酒經煮熱後味道香濃▪️雞胸軟骨：肉質結實，口感層次豐富▪️黃油雞肉串：油香滿滿，雞件非常嫩滑，保留到超多肉汁▪️免治雞肉棒：味道獨特，既帶有蛋香，更有雞肉鮮味▪️ 燒雞心：嫩滑爽口▪️燒白鱔：肉質雪白口感結實，燒到皮脆肉厚▪️燒牛舌：厚身之餘咬落夠淋，燒得岩岩好，用上鹽和黑椒調味，味道十分正！▪️焦糖車厘茄：咬落粒車厘茄到爆哂汁，酸酸甜甜。▪️秋葵：灑上鹽花再去燒，十分惹味▪️烏冬：暖笠笠嘅雞湯烏冬，湯頭熬製了8小時，濃郁厚稠帶有鮮味，加上彈牙的稻庭烏冬，索晒雞湯嘅精華，好正。▪️甜品，紅豆忌廉大福+抹茶蕨餅口感QQ好滋味，作今晚嘅完美句號。推薦愛吃串燒既朋友前來💓❣️

上環摩羅街除左賣vintage chinese pieces 外，仲有唔少美食架！平時刺身同壽司Omakase 就食得多，我都係第一次食串燒廚師發辦☺️$680 有八樣串燒，唔需要驚唔夠飽，因為仲有沙律、煮物、雞湯烏冬同埋甜品🌝 仟穆主打本地黃油雞，你諗得出既雞部位佢差不多都有。煮物係肥大鮮甜既花甲，再黎主打串燒八串，分別係白鱔、燒雞胸軟骨、雞心、牛舌、雞肉棒、黃油雞、焦糖車厘茄同好香牛油味既秋葵。白鱔同燒雞胸軟骨一試難忘，白鱔燒得皮脆肉厚身鮮味；燒雞胸軟骨燒得剛好，有不同既口感。雞湯烏冬亦係值得一提，佢既雞湯十分鮮甜，有濃郁既骨膠原，平時唔飲晒麵湯底既我都一口氣飲晒👍🏻 最後甜品有日式蕨餅，入口即溶，唔會太甜。

❣️仟穆 🔍上環摩羅上街28號地舖-----以前嘅摩羅街有古董，而家嘅摩羅街除咗有古董仲有美食。呢間位於上環嘅串燒店，入口位於摩羅街嘅兩個鐵皮屋之中，雖然隱蔽，但係唔算難搵，喺遠處已經聽到熱鬧嘅客人歡聚聲，仲聞到陣陣嘅串燒香氣。店內主打雞肉串燒，可以食到好多雞嘅唔同部位，例如雞尾雞心。除咗雞肉之外，亦都有豚肉、牛肉、羊肉、蔬菜，仲有海鮮等等，想要澱粉嘅亦都有雞肉烏冬或者迷你飯團。裝修行型格日式高檔路線，廚師喺客人面前即叫即燒👨🏻‍🍳，但係客人嘅檯前會有約20cm高左右嘅矮牆擋，以免係烹調過程會有油濺至客人位置，設計貼心。廚師之選（$680）呢個omekase style嘅套餐，包含多款串燒，除此之外亦有沙律、煮物（是日為清酒煮蜆）、雞湯烏冬及甜品（是日為蕨餅及豆沙mochi)串燒：✨燒雞泡魚乾✨燒黃油雞髀肉✨雞胸軟骨✨雞較軟骨 （即係雞肩膀嘅T字位軟骨）✨燒白鱔✨燒雞心✨燒秋葵✨免治雞肉棒（配搭生蛋醬油）✨焦糖車厘茄燒雞泡魚乾薄脆非常，蘸點少許蛋黃醬已是絕佳佐酒佳品。黃油雞髀肉味如其名，油香滿滿，雞件滑溜。兩款軟骨口感甚佳，脆卜卜帶椒鹽味，過癮。仲有魚油豐腴嘅白鱔、牛油香氣濃濃嘅秋葵，同