京林屋 (希慎廣場)

营业中

休息中

我喜愛的京林屋早前搬了舖，幸好只是遷高了幾層，依然留在希慎廣場，門面及裝潢依舊，間格略有改變，似乎細了點。供應的食事添加了三款飯之定食，京式鰻魚飯、林屋和食料理及金目鯛定食，皆可單點或配茶，配茶比較超值，而且茶本來就是主題，沒有不選的道理。我一向喜歡有葡萄香味的這一款，依然是最香，嗅覺齊齊享受。同伴選了玄米茶，炒米之香，不同口味，各有各好。京林屋的抹茶麵及烏冬皆出色，向來選材及料理皆一絲不苛，做飯如是，奈何沒有驚喜。京式鰻魚飯材料慷慨，燒鰻魚切粒，加上蛋絲及紫菜絲，鋪滿飯面，而且用上有味飯。鰻魚汁沒有過多，剛好被鰻汁吸飽，沒有坊間不少過濃過甜之弊，味道不錯，但可惜沒有煎過不香，而米飯亦過腍，口感失分。林屋和食料理看來豐富，四格多款食品配有味飯，包括沙律、金目鯛、帶子、魚仔、魚蛋卷、素菜玉子、菇仔及海帶，更有酸蘿蔔及麵鼓湯，味道對辦。飯之食事不過不失，始終飯並非強項，還是麵更可取。

朋友推出了本新書作為頭號粉絲的我當然要報捧場買了書後就上了兩層吃我很久沒吃過的京林屋搬了鋪之後，裝修仍然保留之前的感覺之前在這都食過冷麵這次就試試飯吧「京式鰻魚飯」 $118一大碗飯之餘，兩個跟餐套餐都配搭埋麵豉湯這個鰻魚飯，切成粒狀的鰻魚和醬汁拌好後放置係飯上面，再在鰻魚上曬上蛋絲鰻魚和飯比例剛剛好，每啖兩者都可以吃到跟餐還點選了「葡萄煎茶」這個茶之前都有飲過它的香味令我每次來吃都會必點未飲先已聞到茶香隨茶還付上說明書，介紹第一杯是師父已泡好之後每當再泡就要待沙漏倒完後就可以將茶倒進杯喝「林屋和食料理」 $108整個定食奉上，份量比我想像中多除了一大碗鋪滿紫菜的飯外旁邊的和食料理還有無骨的鯖魚、帆立貝、魚干、八爪魚沙律等等其中有兩件好像蛋角的東西入口口感似魚蛋，但又充滿豆腐味，好特別配上「玫瑰蘋果煎茶」，玫瑰配蘋果味道原來如此夾以凍飲上，十分消毒來到這裡當然要吃甜品「茶之戀」 $88這個之前沒有吃過，原來是期間限定擠滿抹茶忌廉的蛋糕，中間是鮮奶忌廉抹茶的甘苦味道與忌廉中和不是抹茶控的人都會愛吃旁邊還有紅豆、小丸子及「特製林屋抹茶餡蜜」 $98有抹茶雪糕、蕨餅、小丸子、抹茶凍抹茶雪糕帶

今日和太太往銅鑼灣京林屋新店食lunch, 我們點了京式鰻魚飯配玫瑰蘋果煎茶, 金目鯛定食配玄米茶、抹茶牛奶、茶之戀和抹茶厥餅。京式鰻魚飯是京林屋的新菜式,第一次食京林屋的定食,鰻魚切粒好惹味, 珍珠米好香綿、蛋黃絲好香、紫菜絲爽脆、鰻魚配上醬汁食十分惹味、整個飯食落口感豐富, 美味非常、酸蘿蔔食落開胃、味噌湯味道適中、玫瑰蘋果煎茶茶味好香飲落有啖啖玫瑰蘋果香味, 甜度適中、好豐富的定食；太太點的金目鯛定食金目鯛肉質鮮甜, 魚食落好滑不油膩, 配上珍珠米食落十分醒胃, 整個定食食落好滿足, 餐飲玄米茶茶味香濃. 溫度適中；抹茶牛奶抹茶味香濃配上香滑牛奶飲落去十分香滑, 而且甜度適中好好飲的飲品；茶之戀是新的產品有抹茶忌廉蛋糕,紅荳和雲呢拿雪糕, 抹茶忌廉蛋糕食落軟綿, 面頭一條條的抹茶茶味香濃, 中間忌廉打得好滑, 最底的蛋糕好軟綿, 食落口感豐富；紅荳好香甜度適中, 雲呢拿雪糕好滑, 整個茶之戀感覺好豐富, 甜而不膩；抹茶厥餅厥餅味道食落不會太甜, 配上抹茶粉和黑糖食落甜度適中, 口感清香。餐廳座位舒適, 食物美味, 尤其是京式鰻魚飯配和金目鯛定食, 十分美味, 餐廳食品材料豐富,

之前去日本旅行食完宇治日本綠茶軟雪糕及甜點之後，發覺我完全喜愛左日本抹茶及茶系嘅甜品。之前聽朋友講過有一間叫做京林屋由日本開過來，有不同茶係嘅甜品選擇，所以都想去試一試。咁岩上個禮拜日同朋友食完飯喺銅鑼灣，梗係預埋佢哋一齊去品嚐一下。　Menu入邊有五花八門嘅茶系品種，我哋叫咗唔同嘅嘢大家share . 抹茶啫哩雪糕，看到軟雪糕嘅柔軟度同埋香滑度，仲要好有抹茶味。姐你亦都係以抹茶製成，夠晒特別。抹茶半月布丁, 通常係出面食嘅布甸都係偏甜，但係呢個抺茶布丁，除咗有茶味嘅配合之外，仲要唔會太甜。完全帶出咗抹茶嘅香味茶之戀，呢個甜品期間限定，只限於四至五月。佢嘅特別抹茶茸，有點像出面吃的栗子蛋糕。 當然呢個係有香濃嘅抹茶味啦，雪糕下面有粒粒嘅紅豆。食起來好有質感。 呢個餐仲會有杯葡萄煎茶，香醇清香。如果大家喜愛飲沙冰嘅朋友，一定要飲下呢個抹茶雪糕沙冰，香濃嘅抹茶，仲要配上香滑嘅抺茶雪糕，沙冰充滿着抹茶嘅香味。

今晚約左個好耐冇見既朋友黎銅鑼灣行街 =]行到咁上下，佢話不如食京林屋，見唔係好多人排隊，就一於等一陣～等左AROUND 10-15分鐘已經有位，好好彩！我地點左２個熟食～朋友想要清淡，話留肚食甜品，所以叫左個"讚岐烏冬"！烏冬出奇地滑溜，而且爽口彈牙，朋友一路食一路讚話好耐都冇食過咁正既烏冬 =] 而我就點左個"林屋和食料理"～賣相非常吸引，睇落超精緻！配菜既小食有：醃魚、墨魚粒、帶子、魚仔乾、芝士魚餅。另外，仲有麵豉湯，醃蘿蔔，仲有焙茶飯，入口飯粒有烤烘香味，正！ 呢２個主食，包埋自選茶~我地揀左熱葡萄煎茶、桃味焙茶，有水果味既茶飲落非常清新 =] 之後我地仲點左２個甜品share ~一個係"香港限定芭菲"，大大杯，好有層次感！材料非常豐富，上層係軟身抹茶雪糕，蕨餅同白玉；中間有抹茶雪糕、紅豆蓉、CREAM等！overall，最中意就係：抹茶雪糕，蕨餅、紅豆蓉～好香抹茶味，配上紅豆簡直係perfect match！ 另一個甜品大家share 就係 " 玉露 - 紅豆白玉" ~玉露非常甘香！！！另配有蕨餅、紅豆、白玉作組合；每食完甜點後，再飲玉露，會 feel 到又甘又甜，

#抹茶半月布丁(HKD56)✔️👅：3/10✏️ 之前好好味！抹茶味甘醇之餘濃郁到爆 宜家唔知做咩係貨源定配方轉左 有怪味🌚 由kff必食打入冷宮都少有😑#焙茶芝士蛋糕(HKD88)✔️👅：6/10✏️ 之前食過抹茶果款覺得芝士味蓋過曬抹茶味 焙茶就好少少～ 茶香都好突出 但份量偏細 同餅底好淋#抹茶牛奶忌廉(HKD48)✔️👅：6/10✏️ 淡過之前🙄 ⭐️ 轉左地方姐 點解好似所有野食質素都差曬既 要保持水準啊

呢間已經有二百幾年歷史嘅抹茶老店，店裏面嘅所有甜品原材料都係由日本新鮮空運到港，亦都係焙茶甜品嘅始創者，所以一放工就同D朋友黎試吓。迷你焙茶芭菲配自選茶焙茶係經過高溫炒焙嘅茶葉，入口比起抹茶更獨特而濃郁，配搭咪焙茶啫喱同雪糕，適合鍾意較少甜嘅朋友。跟餐亦配一杯自選嘅茶類飲品，揀咗熱嘅葡萄煎茶，味道清新。特濃焙茶雪山相比芭菲，焙茶雪山更加清甜，更適合夏天咁熱嘅天氣香港限定抹茶芭菲抹茶雪糕味道濃郁，加埋紅豆蓉，綠茶啫喱同白玉，令甜品更加好味抺茶卷蛋糕蛋糕鬆軟，配搭抹茶雪糕加紅豆都好夾，不過味道較甜

这间真是坑爹，一个是贵，一个是唔好食，一个或者就是唔抵食。食完饭来的，堂食几乎冇人，所以坐低，发现人均最少点一份，两份就要过百。唔係钱唔钱嘅问题，但为咗啲咁嘅嘢，不多值得，所以在某人的强烈要求下，打包咗一份蕨根糕。貌似要六十几吧，食完，她自己都话唔好食。钵仔糕都好过佢啦。东西精致，味道清新，但我不懂欣赏。关键问题在于性价比太低！有这个钱和时间，我去多次金凤好过啦！难怪没有人，因为人民群众的眼睛是雪亮的！广州最近也开了好多抹茶主题的甜品店，也是排队排到飞起。

抹茶甜品我相信對女孩子來說，都有著超強的吸引力。而好朋友，要的就是每月一聚，前排好友先去完東京，對抹茶雪糕甚是想念。念念不忘，必有回響，這次我們來到以抹茶為主打的京林屋，決定吃抹茶吃到盡興。早前聽聞這間要大排長龍，所以我們在誠品行到快九點先上去。所幸有位不必等，店員領我們坐入四週有擋板的卡座，一來非常有日式風味，二來可以保證談天的隱密性，可以同朋友暢所欲言。揭開menu，真係樣樣都想試！京式鰻魚飯，主食先做打底，我們二人share。非常足料的鰻魚飯，鰻魚肉不是丁粒狀，而是一大塊一大塊，確保到每一口都可以食到鰻魚肉。京式烹調，飯粒軟，黏度比較高，食起身有少少糯米飯的感覺，加上紫菜，更有海的味道。抹茶牛奶忌廉，才喝第一口就被它降服！奶味重的黎但不會甜膩，即使有忌廉都不會漏，飲落下就有預感今晚應該好瞓。秘製抹茶蕨餅，口感Q軟，味道有些似龟苓膏，給人感覺很下火。抹茶芝士蛋糕，開始我們還驚訝於其份量之迷你，其實這一小塊足以。芝士味非常濃郁，蛋糕口感也比較扎實，所以這一小塊食下去已經開始飽。香港限定芭菲，算是以上幾樣甜品之集大成，每種都可以嚐到，是最經濟、最划算的選擇。抹茶愛好者在這一晚真食得超盡

這間京林屋一直都在羊媽媽的 to-eat-list上，今天終於抽時間去品嚐！幸運地只等了一會就可以入坐了羊媽媽點了招牌甜品 - 特製林屋抹茶餡蜜，而我就點了京都鰻魚飯再加一杯熱茶。兩款食物都是$98，相比之下，總覺得飯比甜品抵食特製林屋抹茶餡蜜是一個很豐富的甜品，應該店裏各種甜品材料都放了一點點。賣相很精美，份量也是頗大的。我覺得抹茶雪糕的抹茶味道不算太濃郁，但蕨餅就真的很好吃，口感非常煙韌，而且表面沾滿了抹茶粉，令到這蕨餅帶濃醇的抹茶味，甜味適中我的鰻魚飯也是出乎預料的好吃 （總覺得甜品店的主食不會好吃）！切粒的燒鰻魚蓋著充滿鰻魚汁飯，而且整碗飯也有很多鰻魚粒。飯是一粒粒渾圓的珍珠米，濕潤但不會太濕太腍這杯焙茶朝薰味道帶點苦澀，茶味很香，又提神，又消滯；而且喝完師傅泡好的茶以後，還可以自己再泡兩三杯，每杯茶的味道也有一點點不同除了甜品，這裏的主食其實也有幾款，下次可以試試其他的：

位於銅鑼灣Hysan Place 12樓的京都老店京林屋，主打日本宇治抹茶培茶。晚餐吃飽了但未八卦完就在這裡繼續。限時1.5小時，每位最少點一項東西。茶大约42元一杯。來就是為其甜點但發覺其咸食也不貴。大约一百元左右，下次可以試一下。朋友們點了抹茶芭菲和香港芭菲。香港芭菲98元，抹茶則是88元。分別為香港是用蕨餅，軟抹茶雪糕，有草莓，脆米和黑糖醬。比較甜。。抹茶是Green Tea Jello, 抹茶雪糕球及抹茶醬。兩個都有紅豆白玉!我點了林屋蕨餅三拼盛，98元包一杯42-46元的茶。我選了培茶朝薰。這茶配日本甜點非常合。茶香但不濃。有種和烏龍茶相類的感覺。白玉紅豆和黑糖蕨餅根本是绝配。抹茶雪糕球的茶味非常香濃，很重抹茶味，對怕甜的我非常對口味!再提一下是這裡會教妳泡茶方法。提供計時漏斗及熱水自行泡續杯。非常對品質控制的表現!老店不倒永恆秘方就是平靚正!

希慎有間由京都來的百年老字號餐廳，京林屋。鋪頭外面人山人海，都要等位，入座還有時限，1.5小時，但鋪內依然客似雲來。先來京式鰻魚飯$98，鰻魚肉鮮味，肉質彈牙，有鰻魚燒汁味，切碎了一件件上，面鋪大量蛋絲同紫菜絲撈埋飯底一齊食，而珍珠米飯更有焙茶泡過，清香味濃，還有麵鼓湯，唔算好咸，配菜還有酸蘿蔔。如覺得飯味濃還可加wasabi 撈飯食。之後上金目鯛定食$88， 魚油香味濃，用了醬汁覆蓋全塊魚，非常入味，最佳餸飯，一匙焙茶飯配啲紫菜同魚食，味道剛好。食完飯當然口乾嘆返杯靚茶，跟餐多$20 可叫杯葡萄煎茶，店員一放下已聞到葡萄清香味，有漏斗，可泡三杯，很喜愛，飲完清一清口腔可以叫甜品同飲品，叫了香港限定既芭菲，賣相好吸引，一次過可以滿足好多願望，由頂至下，有抹茶軟雪糕，綠茶味香濃，有馳名既綠茶厥餅，質感像果凍但煙韌，還有再煙韌啲既小丸子，米通，焙茶厥餅，呍喱拿軟雪糕，大滿足的甜品。焙茶沙冰雪糕$58，相對清甜解渴，焙茶味雪糕滑溜，茶香夠清甜。綠茶還未夠喉，再叫了茶之戀，給人浪漫感覺，有綠茶豆蓉，裡面包了忌廉同海綿蛋糕，夾埋食比想像中冇咁甜。呍喱拿雪糕幼滑，沾啲紅豆粒同小丸子一齊食。唔怪得咁

京林屋同小山園一樣，都係香港出名既抹茶甜品專賣店，雖然面對Via Toyko等等過江龍既挑戰，但京林屋都一直保持到水準，無論係主食定甜品，都對得住香港抹茶龍頭界既頭銜，其實早係佢搬舖裝修之前，都好想去食多幾次，但無奈次次都就唔到時間，終於有日與朋友相約逛銅鑼灣，又咁啱見到佢新舖裝修完，當然要試下久違既抹茶香。抹茶牛奶味道不過不失，比起以前黎講抹茶香無咁出，而且唔知係咪落左太多冰既緣故，所以味道偏淡，飲落去奶味唔算太出。但天氣酷熱叫一杯頗能夠消暑解渴。桃味焙茶一上到黎桃香味四溢，店員會貼心咁比張指引我地點飲，第一杯茶係師傅調配好既，可以趁熱飲，飲落去唔會桃既甜味會隨著茶味既餘韻慢慢回甘，係京林屋餐飲既必叫之選。京式鰻魚飯呢個京式鰻魚飯好足料，面頭舖滿曬鰻魚，而且佢地既角切同出面日本餐廳既角切唔同，大大舊肉唔呃秤，作為一間甜品店黎講份量絕對反映到佢地既誠意，蛋絲同紫菜配埋醬油飯一齊食好開胃，而鰻魚雖然食得出唔係即叫即燒既高檔嘢，但$98足料之餘，仲夠曬入味，收得貨。林屋和食料理呢款林屋和食料理賣相就十分精緻啦，涼菜如秋葵、蛋餅、木耳絲、蝦餅等口味上既嘢見人見智啦，但個沙律同燒鯖魚就要比li

最近京林屋搬上來12樓，所以我們再次光顧~~咸食比上次多了款式，至於新鋪比舊鋪較細，座位不算多。京都鰻魚飯 $118 set鰻魚肉嫩入味，而飯選用日本米，更有紫菜、蛋絲，好有香味，跟鰻魚一起吃很不錯。如果覺得未夠濃味，可加另配的醬油及wasabi，味道又是另一種感覺，很不錯！讚崎烏冬 $88 set2塊圓形的東東就是魚餅，好厚又彈牙。至於烏冬質感好滑又彈牙叫套餐可選指定的熱或凍茶，我這個是桃味焙茶。師傅已預先沖泡好一杯~~有清楚的說明書指示，熱水倒在茶壺約7-8滿，再倒轉沙漏計時器，約等30秒就完成，最後分3次倒熱茶出來。好清甜不假的桃味，隨後是濃郁的焙茶香，熱飲更突出茶香，所以夏天也要飲熱茶的原因。至於朋友點的是玫瑰蘋果煎茶，蘋果味相當突出，也是十分吸引來京林屋相當不少得主打甜品，抹茶卷蛋糕 $88，抹茶味雪糕香濃，配微甜的紅豆，至於奪子也夠軟腍Q彈。蛋糕不算好鬆軟，不過有濕潤的濃郁抹茶cream補救下，整體味道也是不錯的。想試的焙茶軟雪糕，只是星期五、六、日供應，未能盡興，等待下次吧！

人大左開始鍾意食番啲清清地嘅野，最好滿足到味蕾和視覺嘅享受，但又不會太過heavy。依照呢個準則，京林屋必定係我首選。今日又和朋友來到這裡，鋪搬了位置，但依舊在希慎，餐牌上多了一些選擇。林屋和食料理配玫瑰蘋果煎茶($108)呢款料理都幾抵食，有面鼓湯、紫菜珍珠飯、鯖魚、八爪魚沙拉、還有芝士魚糕、小魚干、帆立貝等等...不能盡錄，總之就唔洗去日本都可以過足口癮。一如以往，煎茶配有instruction card和沙漏，提醒客人第二杯和第三杯茶的沖泡方法，十分貼心，味道香口怡人。抹茶喬麥麵($78)每次必點！湯底清得來帶層次感，麵條口很有質感，還有小菇和紫菜絲點綴。焙茶牛奶忌廉($48)茶味香濃，口感幼滑。有時喝得多綠茶產品，轉焙茶既有新鮮感，味道亦有一定的保證。法式聖馬克抹茶蛋糕($88)抹茶蛋糕有四層，口感豐富。丸子Q彈，香濃的綠茶雪糕味道像極一杯真正的上等綠茶。配合紅豆蓉一起更讓人滿足。林屋蕨餅三種盛($98)這款甜品亦有丸子、紅豆蓉及綠茶雪糕。不同的是主角變了蕨餅。京林屋的蕨餅是我吃過最好吃的！跟抹茶喬麥麵一樣，是我每次來的首選。今次的menu多了很多新選擇，款款吸引。可惜胃不夠大