京林屋 (希慎廣場)

营业中

休息中

好耐之前就想潮聖，今次搬左去新位先去左試，抹茶控恩物不解釋！芭菲分為6層左右雪糕 x 啫喱 x 米通 x 焦糖 x cream x 士多啤梨抹茶雪糕有足夠既抹茶味但吾會系苦，同埋一食已經feel到啲牛奶味，好正呀十分坦白地想講句食完雪糕戈層已經好飽然後其他戈啲就慢慢嘆～ 白玉十分煙韌，食芭菲永遠都好中意食脆脆既米通，最底兩三層好甜⋯⋯抹茶蕨餅也是一絕的，試咗一舊原味先，原先對於蕨餅嘅印象係諗住會好苦，但食落發覺抹茶同甜味係各佔一半加上黑糖漿同埋抹茶粉令蕨餅變得冇咁單調，煙煙韌韌咁好好食。相比起前面戈款食物，抹茶啫喱雪糕似乎就顯得單調，不過味道都系吾錯，香滑濃郁。P.s. 同隔離枱距離太近，傾計似乎都吾可以太舒心呢，食完出番去戈陣亦只系僅僅出到 (自問吾系超級肥戈隻😂)P.s 2 食物雖然好食但價錢真心進取。

好耐好耐以前，有兩個好中意食抹茶的女仔。食完雞煲都要食甜品餵另一個胃。*秘製抹茶蕨餅($88)蕨餅是必食的吧！抹茶蕨餅，配上黑糖蜜和抹茶粉，份量多少可以自行調教。黑糖蜜落的份量剛好，而抹茶粉就愈多愈好！甜味主要來自黑糖蜜；蕨餅質感軟淋淋，又帶點煙煙UNUN。*法式聖馬克抹茶蛋糕($88)聖馬克抹茶蛋糕，配上一球抹茶雪糕和紅豆茸。雪糕冰得來又軟滑，配上紅豆茸是一流的！聖馬克抹茶蛋糕是一個層次感較高的一個蛋糕，因為平時比較少見；由抹茶蛋糕、抹茶MOUSSE和薄酥皮組成，一層層的，有著不同口感；味道不會太甜，吃完都不感到濟。*香港限定芭菲($98)香港限定芭菲上面是抹茶軟雪糕，有小丸子、脆米、白色的爽口啫喱和蕨餅作配料；中間一層紅豆、一層忌廉和黑糖蜜草莓。最愛就是吃質感軟滑的雪糕，抹茶味和奶味配合得剛好。*林屋抹茶芭菲($88)朋友點的*玫瑰蘋果煎茶(跟餐+$20)第一次飲的時候，店員已為客人沖好第一次。第一次的茶，蘋果味香，茶味軟淡；第二次的茶，茶味是最濃的；第三次，反而是蘋果味較重。茶葉中，加入了蘋果皮。吃完甜的，再飲茶，可以清一清口裡的甜味。有說明書*桃味焙茶($42)朋友點的

鍾意呢間餐廳因爲佢除左主打甜品岩食之餘主菜都高質，可以坐定定食完飯再食甜品，唔駛周圍行周圍搵上網先知佢原來搬左，但都係同一座大廈，位於Hysan place，搭地鐵銅鑼灣站直接到達，落雨都唔駛開🌂。呢排日日落雨落唔完，黎呢度開餐就岩曬喇餐廳內既間格同之前無大分別，仍然有靚靚特別座位，似VIP 房咁有片刻私人空間，難得難得之前多數食烏冬但今次見有新既定食，當然要試下啦京式鰻魚飯$98鰻魚煮得軟軟的、配埋已調味既飯好夾呢最期待既甜品當然係佢既特製林屋抹茶餡蜜$98啦真係一次過滿足曬N個願望，雪糕、小丸子、蕨餅......不得了，重點係佢既甜品不是超甜的，有濃香既搽茶味喜歡食完野飲杯熱茶/咖啡，今晚都唔例外，飲埋呢個玉露玉艷$78就大滿足喇好清香既茶，飲完茶之後可以加少少醬汁食埋個茶葉，好特別既味道

夏天又熱又落雨，最好就係留喺商場，行左陣街黎到樓上搵食，朋友話想食京林屋，佢搬左舖後都未試過。新舖店口大左，但內裏依然少位，見門口聚左咁多人都知等位唔易，等了又等，足足過左大半個鐘。安排到中間的大長枱，跟不相干的人坐在一起，全部客人一齊落單，場面壯觀。稻庭烏冬（$68）先來一份簡單的鹹食，醬油湯底配上彈牙烏冬，份量還可以。金目鯛定食套餐（$108）金目鯛有三片，厚身肥美，醬汁調味得很好，甜甜的很好下飯。日本米香軟黏口，即使空口食亦是很不錯。麵豉湯熱辣辣，濃郁的麵豉味，非化學味道，好飲。玫瑰蘋果煎茶跟餐可以配茶，冷熱均可，要了一壺玫瑰蘋果綠茶，淡淡的玫瑰香，仲有濃郁的蘋果香，茶味不強，一壺茶可沖上三四次味道依然，好飲。京林屋抹茶巴菲（$88）來京林屋點少得食甜品，抹茶雪糕加上抹茶忌廉，仲有抹茶啫喱，絕對係抹茶控之選，香滑的雪糕加上甜甜的紅豆，好美味呀～焙茶巴菲（$88）朋友的焙茶亦很正點，茶味香香的，中間係牛奶雪糕，又香又甜。本想點的焙茶甜品一早已售罄，好受歡迎啊，見前端客人的抹茶芝士餅及蒴餅都好似好正咁，下次試下先。不過坐位真的有點少迫，連店員上餐都有難度呢。

買一送一優惠又嚟喇，因為父親節關係（只做一天)，今次promot既食品係紅豆白玉軟雪糕，佢哋d綠茶不嬲好味唔駛講，茶味香濃略帶回甘，真係食極都唔厭，紅豆唔太甜帶點起沙，配埋白玉食啱啱好，不過太大杯喇，剛食飽同人share先食得晒囉！

又係食甜品奬勵自己嘅時間，今日我嚟到銅鑼灣食我一直好想食嘅green tea甜品，佢有好多款都好吸引。呢個缺餅有黑蜜同抹茶粉一齊serve 唔會太甜。熱嘅抹茶牛奶。都有好濃郁嘅抹茶味。登登。係抹茶紅豆年糕湯，好靚和風盒入面年糕好軟q 同抹茶好夾 冬天食仲正tim🤤

久違了一段時間 原址由希慎6樓搬左上12樓啦 裝修同一style 門口仍舊有人等位 好彩今晚約定姊妹去囉位先 我要去金百利囉新配眼鏡 發現銅鑼灣食市真精彩 急急腳去希慎12樓揾翻姊妹兼開餐 真係較之前大同仍然坐無虛席 它們的甜品真係會令人食過再幫襯的林屋和食料理 $88第一次叫他們的料理 食物精緻 每樣都少去 跟面豉湯 醃蘿蔔 一碗有色紫菜飯 芝士魚卷真係好芝味濃 熟帶子 青魚都好滑無骨 北寄貝沙律 蛋角 同醃菜 餸飯一流 讚歧烏冬(熱湯) $68碗烏冬熱辣辣 烏冬彈牙應該手打的 令外d湯顏色好清但真夠味 配埋兩塊魚餅 紫菜絲 就係咁簡單就已經好好味 抹茶啫喱雪糕 $58抹茶軟雪糕份量都大 底部係抹茶啫喱 味道唔太甜帶d苦但回甘 兩樣一齊食有味覺享受 香港限定芭菲 $98 係就係比正餐貴 但每次都會叫 實在係甜品控必選 有齊抹茶軟雪糕 多種配料層層已成 每款都有自己特色 厥餅 紅豆 白玉 脆粒 新鮮strawberry肉 抹茶啫喱 食完感覺實在大滿足 我個人誠意推介 賣相靚又好味

同朋友係抺茶控，經過希慎，異口同聲話要食京林屋😂😂提外話，原址搬左，不過都係希慎，係上多幾層電梯je。入到去，比舊menu 多左選擇，非常好。我地就簡左下面ge 食物。林屋和石料理-有選擇困難ge 朋友不妨選這個，咩都有d,沙律，旦，帶子，秋葵等等，加上個飯係珍珠米，好香好軟，配埋食真係暖胃又美味。金目鯛定食-個set 有湯有蘿蔔，個魚微煎好香，肉質淋身，送飯真係好夾。焙茶沙冰雪糕-焙茶味超濃，加上雪糕，可以邊食邊飲，多重口感，正呀喂。法式聖馬克抹茶蛋糕-呢個蛋糕聽朋友講一定要食，果然一試不得了。好creamy 配上綠茶cream,一食會上引，一啖一啖好快就食哂，加上有綠茶雪糕可以mix 蛋糕一齊食，更有奶香。茶之戀-呢個係期間限定，入面係充滿忌廉，外面係綠茶栗子，一齊食又滑又香，甜度剛好，同朋友都大讚呀！個甜品仲有雪糕，又可以多重口感。葡萄煎茶-葡萄味好香，飯後飲可以消滯解膩。玫瑰蘋果煎茶-同樣蘋果味好出，個人比較中意蘋果香多d,食完甜品又有cream 又有雪糕，最岩飲番d 果茶中和下。

一直都想食京林屋好耐，但每次食完正餐都無肚去食甜品，直至朋友話果度都有飯食，就二話不說約男友去。入到去被安排於間幕卡位，感覺自成一角，多了一點私隱，所以店員每次都要蹲下黎serve我地。我地叫左Tea Set 鰻魚丼飯，飲熱-焙茶。店員話熱焙茶可以回沖，仲附上漏斗計時，好細心既服務。焙茶味道係第一杯時最濃味！鰻魚飯一送到就聞到好香，而且賣相吸引，魚的份量都唔少，燒得剛剛好，鰻魚汁不過甜，飯量適合女仔，如果男仔就未必夠飽。附上既麵豉湯和醃蘿蔔，剛好沖淡口腔內的丁點兒魚腥味。男友叫了金目鯛定食，我夾了一舊魚黎食，魚肉很淋，入口即融，原來魚肉上有很多魚脂，難怪如此滑溜！期待已久的抹茶甜品--抹茶蕨餅一送上已經迫不及待放入口。好似啫喱嘅口感，但又好似麻糬。總之個口感好正食到停唔到口，抹茶味又正宗，唔會有花香味！因怕食太多咖啡因，夜晚會瞓唔着所以叫咗呢款蛋糕。抹茶部分，很濃味，帶點苦澀味。配埋雪糕、紅豆一齊食，中和返！我嫌白玉有啲少，如果多啲就好啦。最後男友叫左杯抹茶沙冰，沙冰夠幼，茶味剛剛好。食完正餐又有得食甜品，實在太滿足啦！

第二次黎食京林屋啦,上次食距地都未搬上希慎頂樓,距地d抹茶雪糕真係幾好食!啱曬抹茶狂熱者!!香港限定雪岜($98)依然系咁好味呢個香港限定!!抹茶雪糕非常軟滑香濃,抹茶味滿口都係,配合埋有d小丸子同抹茶闕餅系入面,真係世界級!!而且距個小丸子好煙un彈牙,淡淡ge微甜,同抹茶雪糕一齊食真係完美配搭!焙茶雪岜($88)上次無食距呢個焙茶味道ge雪糕!今次一定要試翻,焙茶ge味道淡淡地,幾香,比食慣抹茶味ge客人多一個選擇,而且距入面會配搭焙茶果凍,都好好味.迷你抹茶芭菲 配自選茶($98)呢個其實就系迷你版ge🍵雪岜,不過就係份量細dd,但可以跟餐送個自選ge茶類飲品,我地就選擇咗桃味抹茶,入口非常清香,桃味鮮明.抹茶半月布甸($56)入口超級creamy,抹茶味濃郁,食得出落重本去炮製呢個細細件ge抹茶布甸,好正,但相對有dd流,但對於女仔黎講,裝甜品ge胃系無底洞!秘製抹茶闕餅($88)一試再試!上次都有食,必叫產品之一,抹茶闕餅,中意距個口感,而且抹茶味濃,真係好適合抹茶控,而且可以再加d抹茶粉落去,真係好正,最可惜系份量太小><好想瘋狂食啊!!京式鰻魚飯 配自選茶

最近剛搬遷的京林屋新推出了米飯，鹹食選擇多了，我又相約朋友吃個午餐。 京式鰻魚飯 $98 其實是款新出品，鰻魚碎上，撒上蛋絲和紫菜。坦白說，鰻魚碎上真的有點影響口感，而且米飯較為濕潤黏身，不是我喜歡的那種。 抺茶蕎麥麵 $78 抺茶顏色的蕎麥麵充滿抺茶的香氣，但吃不出抺茶的味道，味道清淡。 玫瑰蘋果煎茶 $20 加$20附送的玫瑰蘋果煎茶。第一泡茶，由師傅主理，喝完後，將熱水倒進茶壺30秒，便可以倒入茶杯享用。更有說明書，圖文並茂講解泡茶的方法，非常細心。 蘋果味撲鼻，非常清新。 焙茶卷蛋 $88 總是覺得卷蛋因為賣相平凡而被大家忽略，其實這兒的卷蛋非常值得推介。焙茶在製作過程中茶葉以較高溫炒焙而成，茶葉水分被高溫蒸發後，所蘊含的咖啡因等刺激物質相對較低。 而這個焙茶卷蛋，在鬆軟的蛋糕間透出淡淡的焙茶甘香，加上幼滑的焙茶忌廉，口感軟滑的軟雪糕，甜美的紅豆和煙韌的白玉丸子，口感非常豐富。 抹茶牛奶忌廉 $48 最後柩一杯口感香滑的抹茶牛奶忌廉作結。 京林屋的食物總是令人驚喜，相信不久我定會再次到訪。

綿綿長雨，行街轉戰室內，希慎誠品有三層可以慢慢行慢慢睇，誠品對上兩層都係食肆，原來京林屋都搬上十二樓，店舖比之前略細，裝修跟之前差不多一樣，用木質的裝飾帶出簡約風。門口見有新餐牌，有焙茶料理及鰻魚飯提供，可以食飯之餘又可以一次過食埋甜品，真係好方便。金目鯛料理中的金目鯛非常肥美，皮下有一層脂肪，入口味道跟鰻魚有點相似，有蒲燒汁的甜甜鹹鹹，亦有肉質肥美嫩滑。料理中的米飯以朝薰焙茶代水烹調，令飯粒滲透點點茶香。料理中的麵豉湯唔會一味死鹹。醃蘿蔔亦酸甜爽脆，配金目鯛很合適。林屋和食料理就最適合心多多的人，有照燒鯖魚、原粒帆立貝、蛋餅、芝士粒魚餅、八爪魚粒沙律等，每樣少少的，感覺上食物的配搭很傳統。食完料理就到重點食抹茶甜品，抹茶啫喱雪糕簡簡單單，軟滑抹茶雪糕配上抹茶啫喱同食，香滑味美。抹茶蕨餅每日新鮮製做，配上抹茶黃豆粉，口感清新煙韌綿滑，抹茶味比其他的抹茶製品都要濃郁，抹茶控不可錯過。抹茶沙冰雪糕的沙冰打得一片片的十分幼滑，配上一球抹茶雪糕，溶化中的雪糕跟沙冰同食，香甜美味，忍不住一羹羹送入口中，最後被我一個人完全消滅。

抹茶控必須要朝聖之地，我是本著「開業一段時間，應該不用排隊很久」而來，誰知原來搬舖了，搬到希慎十二樓，啊啊，又要排長龍了（笑）還好啦，約二十分鐘就入座，只是位置不算很舒適，一大堆人撘枱在所難免，和不認識的人對食甜品，心中總是覺得有點不好意思（尤其是雪糕溶得一杯都是的時候...）裝潢依然以木調為主，古式古鄉，限時1.5小時，其實很不錯了，放題也是90分鐘而已嘛。今天先來一點鹹食，因中午沒吃飯。以甜品店來說有鹹食已經很不錯了，質素我自己是沒太大的期待（你懂的！）這個稻庭麵，上桌賣相不錯，兩片厚厚的魚蛋加鳴門卷。附漬物，漬蘿蔔稍甜不夠酸。麵身彈牙，口感夠滑溜，份量其實OK的不算太少（以女生來說）所以是有點喜出望外的（因為我很大食…）鼓油湯底有點咸，應該說是過份咸（我覺得）不過聽說東京人的醬油麵就是這樣？我太孤陋寡聞沒去過日本啊（哭）冰抹茶不錯，茶味還算濃郁，稍有回甘的那種。不過有加糖水，沒有過甜，只是個人口味不太喜歡喝甜的茶而已。有機會會來試試喝熱的茶款！（看到別人的熱飲很別緻，哈哈～）朋友也來吃了一款鹹定食，燒鰻魚飯，賣相極美～份量十足呢！飯是啡色的，原來是用焙茶煮熟，吃到淡淡的茶香（不能

今晚兩個人去食京林屋 食咗四樣野 好似生積咁 但見到去樣樣野都咁精緻真係忍唔住！金木鯛定食朋友叫左呢個定食，見佢個樣咁多汁香口，忍唔住食左啖，啲魚係好滑，個飯仲食到有淡淡焙茶香京式鰻魚飯燒汁加上粒粒鰻魚，冇得輸嘅配搭，係好味，不過小心有骨！ 其實呢間鋪重點都係甜品，呢個抹茶芝士蛋糕 有雪糕有紅豆同白玉（即丸子） 芝士蛋糕係cream cheese 質地比較厚玉露。蕨餅好精美嘅焙茶料理，仲有instruction card教你點食 茶味好濃！真係好濃！飲完杯茶仲可以食埋啲茶葉呢個抹茶蕨餅上面沾有抹茶粉同黑蜜 口感好正！

相信近日大家都感受到夏日的温度, 走在街上都會覺得炎熱及出汗而且都會想食一些又凍又冰涼的食物人人手上都會拿著一杯杯的凍飲以作解渴之用因為走在街上真的覺得非常炎熱而且會出很多汗由其走在旺角,銅鑼灣等多車多人的地區真的會想一路食冰一路行街由於我是一個綠茶的愛好著所以我就不停的找綠茶的冰來食因為真的十分的炎熱而且不會出太汗所以就走了食一些較温及冰涼的食物最後就決定了食這一間京林屋決定食這間餐癮的原因是因為我之前食過覺得味道不錯,而且食物比較健康所以我與朋友就決定食這一間特濃抺茶雪山 $98這個冰我的期待了很久了因為食上來的時候不會像水一樣而是很重的抺茶味道但又不失甘甜而冰中的食物都十分多真的是我意料之外的除了有很多及很重的抺茶汁之後還有很愛的丸子, 紅豆等等令到本來有甘甜的冰更添加幾分特色及令到我更愛食不會像普通的冰一般水及有冰味所以令我更覺得值得食及與其他的冰有所不同的香港限定芭菲 $98這個甜品是我男朋友叫的因為他愛食雪糕以及芭中有coffee 未味既jelly 所以加口感比較特別再加上有抺茶的味苦澀味就會有好一種好FRESH 感覺而且仲有一啲丸子 CREAM 等入係甜品中令到整個甜品更