京林屋 (希慎廣場)

营业中

休息中

餐廳環境以淺色的木裝修，清雅脫俗。台與台之間有一定距離，具有空間感。餐牌選項不多，但這是用心製造的有利因素之一。小妹點了鰻魚飯，玫瑰蘋果煎茶和抹茶餡蜜。鰻魚飯味道不錯，但飯油略多。煎茶凊清地，散發一股清新感。餡蜜非常好吃，不太漏，甜味剛剛好，連不愛紅豆的我也認為整個甜點的配搭非常好👍🏻

适合朋友小聚或者情侣的地方，环境不错我本来不想吃冰激凌的，但是看了一圈没有单点蛋糕，囧。抹茶和红豆最配啦，味道还好，尝了朋友的抹茶杯里的jelly？我不知道叫什么。。味道一般但是晚上九点多，希慎广场里很多都已经不卖了，所以这家也不失一个选择

這間餐廳除了甜品外，還開始提供熱葷。由於聽說鰻魚飯不錯，所以我這個鰻魚飯控急不及待上來試菜。鰻魚飯端出來時是熱騰騰的，餐廳毫不吝嗇，鰻魚也有8至9塊，肥厚嫩滑，肉汁四溢，甜味適中，魚骨不算多。如未吃過日本的鰻魚飯，應該會覺得這碗飯很好吃，但吃過福岡柳川本吉屋鰻魚飯和大阪ひつまぶし備長的我，就覺得這碗鰻魚欠缺了炭燒香味和外脆內嫩的鮮味。飯是日本米，加上焙茶，濕潤諗身，倍感開胃，我十分喜歡這種質感。配菜是醃白蘿蔔，爽脆清香，酸甜醒胃，也不會搶去主角鰻魚飯的香味。唯一要改善的地方是味噌湯，實在太鹹了，要再調校一下味道，才能為這套午餐錦上添花。

平時行開希慎見到京林屋都以為得甜品食，今日同朋友行完街決定入去試吓。發現原來有正餐，例如蕎麥面同埋定食。朋友叫咗個抹茶蕎麥面，而我就叫咗個金目鯛定食。抹茶蕎麥面沒有太大抹茶味，蕎麥麵麵質煙un。金目鯛定食份量比較少，但金目鯛配上特製嘅汁非常特別，甜甜地幾開胃。金目鯛定食套餐配左玄米茶，店員亦會教你點樣去泡茶。附上一個小漏斗去計算着每一杯茶應該泡幾耐。玄米茶茶味香濃。京林屋嘅特色應該係甜品，所以我哋亦都嗌左個焙茶芭菲，同埋一個秘製抹茶蕨餅。蕨餅加上抹茶粉同埋糖漿，幾特別。而最有驚喜就係佢個焙茶芭菲。芭菲雪糕有淡淡嘅茶味，入面亦有果凍同埋果肉，呢個真係值得推介！

身為抺茶控，點都要幫襯一次，食完晚飯行完誠品，係時候去填補第二個胃食飯時間坐滿人，9點後終於有位吾洗等秘製抹茶蕨餅($88)自己加抺茶粉同黑糖漿可因應個人需要調配質地有小小似糯米慈抹茶半月布丁(HKD56)我最鐘意布丁,好滑好香抺茶味甘中帶甜!!十隻手指法式聖馬克抹茶蛋糕($88)聖馬克抹茶蛋糕偏甜,抹茶雪糕軟滑,茶味中和聖馬克抹茶蛋糕甜味好match 抹茶啫喱雪糕 $58抹茶軟雪糕味道唔太甜抹茶啫喱混合雪糕一齊食好有口感烘焙牛奶$46茶味同奶味十分適中,茶中帶有牛奶香滑,牛奶又帶有茶香味,入口香滑無比玫瑰萍果煎茶$20清清的玫瑰香味微微的萍果甜味茶湯好清,同甘香抺茶甜品配搭一流

今日見係星期三所以去食呢間好多人食既抹茶甜品店…點知..... 一樣好多人。咁我諗都黎到啦, 就等啦, 一等就是20分鐘。一坐低睇下餐牌就點左幾樣試, 店員好擔心我地食唔晒! 哈哈最先黎既係呢個抹茶芭菲杯, 亦係佢地至至至出名既野。一入口, 抹茶味既SOFT SERVE好香好濃亦冇少到個奶味, 有少少回甘, 配埋下面一層層既紅豆丫白玉同埋黑糖啫喱真係好有層次。之後就試左佢地個抹茶芝士旦糕, 好軟好滑, 亦唔會太過漏!好岩我胃口。之後叫左個比較特別既野, 佢係有杯暖茶之後可以用剩下既茶葉拌柚子豉油去食…講真我唔多中意, 但友人出奇地中意。只能說各人口味都唔同…但係要讚讚佢有個說明書比我地, 唔洗麻煩店員去解畫!等左咁耐, 都覺得呢餐甜品盛宴真心高質! 會再來~~~~~

特製京林抹茶餡蜜 ($98)-每次黎到京林屋都要諗好耐先落到單😂因爲次次都有好多野想食🍡😛特製京林抹茶餡蜜 一次過滿足哂肥妹所有既願望☺️有白玉 抹茶啫喱 寒天 抹茶雪糕 紅豆蓉 同埋....最愛既特製抹茶蕨餅😳💚雪糕方面 都係中意食抹茶軟雪糕多d🙈質感較單球雪糕細滑😛如果嫌白玉同啫喱味道偏淡 可以淋上黑蜜☺☺❤️ 當然啦 搭配蕨餅的話 效果會更突出😌苦澀中帶點甜...好味道😋

我有一個好奇怪既心態..就係茶... 唔應該係甜唔知幾時.. 係邊到食到飲到一杯好甜既抹茶自始之後... 我對抹茶既食品..一概不吃是日, 朋友生日..抹茶控既她選擇左呢京林屋食飯由於生日大哂而我覺得除左抹茶外, 必定會有其他食品所以我無反對就同佢黎試試京林屋位於希慎廣場12樓地點非常方便而我地去到時全場滿座但等了10分左右就有位置了呢到主打抺茶食品還未晚飯既我地見叫熱食我就order了一個京式鰻魚飯大大碗, 而套餐配上麵豉湯切粒的鰻魚每舊沾上等製鰻魚醬汁撈在一起食, 非常惹味而飯口應剛剛好唔會太腍來到這裡 必要試試甜點第一次食抹茶既我 已愛上抹茶雪糕每一啖都有抹茶香濃味道雪糕質感細滑雪糕跟蛋糕一樣兩者一樣唔會好甜非常好食而每個餐都會跟飲品我就order左焙茶好細心地, 有一張泡茶教學好讓食客們自己亦可以泡一杯美味既茶超讚 這次令我對於抹茶完全改觀還愛上了 下次必要再來試試其他食品

一向都好愛抹茶既我，一直都有留意開而家新開好多嘅抹茶也也也，當然當中都小好多伏野，唔知今次又伏唔伏呢！？首先講既係今次尼間係位於希慎廣場，感覺丄唔會伏。。。但價錢定得都幾高。我地一人三行，tea time 既時後尼到，有得坐係小包廂裡面，感覺好private ，講咩秘密都得！哈原來平日5,6點唔會爆場既！今次我地三個女仔嗌左3樣野一齊happy share (around $60/each)抹茶雪糕同其他行開高質素既抹茶店一樣，無咩特別，就係一如既往嘅好味，反而下面既抹茶 jelly令我留下深刻嘅印象，綠茶味好重，jelly嘅口感亦很好！為左jelly，各位抹茶fans值得一試！抹茶冰沙唔算好好濃抹茶味，但都不過不失。而個球沒茶雪糕就無軟雪糕咁出色啦！烘茶冰沙真係勁淺味，茶味唔出，個球雪糕就稍為好啲。。。尼個好令人失望呀

是日陪sis去shopping, 逛了一會來到京林屋吃午餐. 週日中午十二時十五分到達, 不用等候便可入坐, 真好! 店內地方較以前寬敞, 樓底很高呢, 依舊和式的設計, 坐得很舒適. 看看menu, 點選了讚岐烏冬(熱)配焙茶朝薰(HK$88), 焙茶牛奶忌廉(HK$48),香港限定芭菲(HK$98). 侍應先送上焙茶朝薰. 第一回的焙茶, 呷到微微的烘焙味, 茶香帶點回甘, 入口很順喉. 用上timer, 再來第二回, 這次茶味更濃, 烘焙味更加濃烈, 很好喝啊!Sis的焙茶牛奶忌廉, 牛奶味極濃郁, 又帶點烘焙味, 也不錯呢. 再來的讚岐烏冬(熱), 分量也不少. 試一口烏冬, 烏冬口感帶點煙韌, 頗有水準. 試一口湯底, 鏗魚汁調配得剛剛好, 不會太鹹. 配料有兩大塊魚餅, 入口彈牙, 魚肉味也有, 整體簡單而美味. 香港限定芭菲,外形真是無得輸, 很美呢! 試一口抹茶雪糕, 味道剛剛好, 不會濃至苦澀.蕨餅, 口感煙韌, 抹菜味頗濃, 也很有質素!一口一口地吃, 真的透心涼呢! 侍應服務不錯, 值得一讚!

吃飽飽晚飯後我們更到樓下的京林屋 Kyo Hayashiya吃抹茶甜品呢！ 甜品店內有兩個卡座位置好可愛要俯身走入才可安坐，而這個位置係要限一小時交檯，不過一小時對我哋來講已經綽綽有餘啦！ 而且甜品店更要求每位五歲以上的客人要點選一款甜品，同行三歲的Chloe妹妹就不需計數了！ 我們點選的甜品亦已來到好不豐富呢！包括抹茶啫喱雪糕，秘製抹茶蕨餅，焙茶卷蛋，林屋抹茶芭菲。 抹茶啫喱雪糕＄58綠茶味也算濃但不夠甘香，雪糕質感是頗幼滑的，抹茶啫喱味道跟質感也未算十分出色！ 另外這份焙茶蛋卷＄88跟那球焙茶雪糕可以用南轅北轍來形容，同是焙茶口味的蛋卷質感軟綿味道香濃，而那球焙茶雪糕則味道溫溫吞吞的確實不爽！ 而這杯林屋抹茶芭菲＄88，綠悠悠的賣相很討人歡喜，這份量最適合就係開心Share啦！ 最後這份秘製抹茶蕨餅＄88蕨餅須不算十分出色！但同上的黑糖蜜味香甜十分誘人！

不知道銅鑼灣有甚麼好吃隨便在openrice 找找就發現了新開張的京林屋而且 好評也很多 所以一定要來試試！我們4個人share吃 以下都是單叫的價錢💁🏻京式鰻魚飯 $98看到餐牌 一定一定要點鰻魚飯吃！😍一向都愛吃鰻魚飯❤️鰻魚切成粒狀 份量亦足夠 吃起來 很新鮮！飯底 珍珠米飯加上醬汁好香好濃😋😋金目鯛定食 $88肉質好嫩 醬汁十分入味雖然都是配上珍珠前米可惜飯底不是熱 所以相對鰻魚飯底較差抺茶蕎麥麵 $78我們叫的是冷麵沒有吃到抹茶的味道份量亦不算太多但是 配上蕎麥麵汁 感覺好清新😋稻庭麵 $68麵身幼細 有口感魚糕 不過不失配上熱辣辣的昆布湯♨️湯底真的做得很好✨👍🏻可惜沒有嘗試甜點🙁下次一定會再來！

原來搬咗舖，又可以食到我哋最鍾意食嘅抹茶。香港限定雪芭。係我最鍾意食的，所以返屋企開張反嘅時候我同朋友已經超想去食。新開嘅店舖位置都幾大，比起以前更加多人。抹茶味嘅雪糕真係好香濃而且入邊會有小丸子同埋闕餅，真係世界級。係咁多間枺茶雪糕入邊，京林屋真係數一數二我自己心目中嘅排行榜第一位。小丸子會甜甜地亦都會好配合到雪糕，味道亦都唔會係死甜，淡淡的雪糕香味，配上濃烈嘅抹茶。另外我哋嗌咗個焙茶雪芭，佢入邊會有果凍，味道比起㭑茶較甜，會有淡淡的茶香。上面會茶味嘅雪糕，如果鍾意食甜野嘅話呢一個會比抹茶更香甜。另外梗係食呢度其中一個我平時都會叫嘅蕎麥面，佢嘅差餉唔係話特別突出但係蕎麥面嘅質地係我最鍾意嘅，試過喺出邊食蕎麥面但係就一咬就斷，呢度好感係我食過嘅最好食。隔離會有少少菇同埋蘿蔔，配上佢嘅特製醬汁，每一口都係享受。另外我哋都叫咗個迷你嘅抹茶芭菲因為實在太鍾意食抹茶，佢上面係圓形嘅雪糕，份量比起之前嗰個細啲，但係味道依然茶香好濃。另外我哋都點左一杯凍嘅茶，中和返食咗咁多甜品。

沒錯，Kikusan 的下場就是12樓的 京林屋 了！這裡也有用餐時限，而且規定每人一定要選點一份食物，還好五歲以下小孩不在此限，所以4大1小分享4份甜品也就夠了～ 來到這裡很難不與中村藤吉比較，個人覺得各有特色。首先選了 抹茶啫喱雪糕 ($58)，這裡抹茶軟雪糕味道比中村甘濃，雪糕中綠色的茶點可以做證，但啫喱則是中村優勝～ 焙茶卷蛋 ($88) 則是天與地的組合，大家都覺得焙茶雪糕非常麻麻... 中村會好吃很多；但焙茶蛋卷卻是說不出的香凝味美，請問，這卷蛋可以獨立外賣走嗎？ 秘製抹茶蕨餅 ($88) 也是遠不及中村的彈滑口感，但同上的黑蜜是很香甜吸引的～  最後 林屋抹茶芭菲 ($88) 也不錯，因為這裡的抹茶類雪糕，確是比中村濃郁。不過中村整間店都滲著迷人茶香，實在會令味道加分啊！ 飯後，貪靚妹還在樓下 Line Friends Store 大擺甫士，這就是題外話了！正如脂肪永遠總是太多，相聚時間往往總是太少，期待8月再聚吧～

創立於1753年的京林屋為京都抹茶百年老店之一。於2015年進軍香港，位於尖沙咀希稹12樓，這家餐廳以木材為主要裝潢的素材，現代和式設計，清麗幽雅。起初以售賣抹茶/焙茶飲品及茶抹茶甜品為主，近期更引入了熱食。今天我和朋友專程來到嚐一下他們的焙茶料理。餐廳至現時為至只供應三款料理，包括京式鰻魚飯、林屋和食料理及金目鯛定食。這三款料理均配有焙茶飯。林屋和食料理：傳統日式家庭料理式強調以當造的食物作為用料，因此不論配菜和主食都會不時有所轉變的。今天這款林屋和食料理內，供有主食四款，包括 (左上)汁煮秋葵、木耳絲及野菜豆腐漢堡，(右上)海鮮沙律，(左下)帆立貝、魚乾及芝士腐皮卷，(右下)燒汁鯖魚。每款主食味道各有濃淡，口感多樣，層次分明。呈淡褐色的焙茶飯其實是由朝薰焙茶煮成，珍珠米吸收了焙茶的烤香，飯身軟綿，味道清香。京式鰻魚飯：淋上秘製鏗魚汁的蒲燒鰻魚粒整齊地放在焙茶飯上，再加上大量蛋絲。鰻魚肉厚實，皮下脂肪多。一口鰻魚粒，一口焙茶飯，烤香泗溢，口感豐富。推﹗餐廳內的飲品皆為茶。熱飲滋潤，凍飲清新。