京林屋 (希慎廣場)

营业中

休息中

京都百年抹茶老店京林屋, 係銅鑼灣希慎廣場有分店, 今日係誠品睇書睇到累走左上去食, 因為不想等位所以單點了一個抹茶雪糕筒, 大杯,  茶味濃烈, 開頭食要有少少甘甘地或苦苦地, 但食得出佢係真材實料的, 有少少易溶但溶得唔算好過份, $42 這個價錢合理, 值得一試.

今晚同朋友二人嘗試這間的晚餐，充電寶出邊外望到這餐廳覺得係食甜品嘅專門店，所以我們都抱着一絲究竟嘅心態去嘗試晚餐。煮食我們叫了抹茶蕎麥面和和食料理，很好我們二人的食量都不大，否則真係一點都不夠食。味道沒有特別出眾，個賣相很精緻，對於夜市的銅鑼灣來說價錢還算是可以吧。甜品我哋就叫咗甘粟甜湯和抹茶卷蛋糕，相對而言甜品就出色很多，甜湯裏面有紅豆蓉，很好吃。二蛋糕就充滿濃郁的抹茶味，值得一試。二飲品就叫咗玫瑰蘋果煎茶，老實說，的確是有點失望，整杯茶味道很淡，比甜品失色不少。

約朋友上希慎廣場午飯，經過此店看見無人龍，便立即轉軚在此進食。本身打算只吃甜品當午飯，但又怕不夠飽，結果一人一個咸食加一個甜品，滿足地離開。寫這食評時才發覺，原來我在京都也幫襯過此店，立時覺得很正宗。朋友點的京式鰻魚飯很多汁，與平常吃的鰻魚飯有點不同，鰻魚切件上，很彈牙。我則簡單地點了讚岐烏冬，烏冬很彈牙很滑，雖然看來碗仔細細，但原來份量頗大，加上兩件大大的魚餅，結果因為要留肚食甜品而沒有食完！😝重頭戲是抺茶甜品！朋友點了香港限定芭菲，她是被"香港限定"所吸引的，抺綠茶雪糕很多，她說有種像食了很多雪糕還未到下層的感覺。我則點了特製林屋抺茶餡蜜，最欣賞的是其綠茶蕨餅，軟熟得來有點Q彈的口感，加上抺茶粉配合綠茶雪糕及紅豆，超級好味!另外朋友點了的焙茶牛奶也不差，淡淡的焙茶味，是此店抺茶以外的選擇。

早前，若非朋友告知，都不知道銅鑼灣希慎廣場6樓的 <京林屋> 搬往樓上12樓！京林屋最近，走上 6樓，已被 IT集團旗下服裝店佔地一層，另有一間新開的人氣班戟店進駐！經過見到還大排長龍！食客需在門口取籌等候安排入座！除了供應甜品、烏冬、飲品...之外最驚喜的是，新店推出了飯及定食系列！當然不容錯過！京式鰻魚飯 $98鰻魚肥美可口，份量十足！飯的份量大約碗半飯，飯粒粒飽滿！有點乾身看似飯焦，有顏色卻是無味，全靠醬汁提味，對女生來說都夠飽！熱葡萄煎茶 +$20女店員清晰指示第一杯茶已為食客準備，根據餐牌指示要放多久才倒出來及泡第二杯茶的程序。散發果酸清香，茶味清而甘！焙茶芝士蛋糕 $88看起來幾挺身，茶味不算好突出，口感軟滑濕潤，剛剛夠甜！相對焙茶雪糕較為冰凍及甜美！

行完誠品就近找間餐廳食飯，見到京林屋咁多綠茶甜品就入去一試。先點一壺玉露$78。玉露以傳統方法在宇治栽種、帶微微甘甜、喝過茶後、可配柚子醬油品嘗餘下的茶葉。茶葉的味道有點像海棠。抺茶蕎麥麵 $78 麵條有淡淡抺茶味、配醬汁吃味道亦較清淡。京式鰻魚飯$98、鰻魚份量挺多、配燒汁味道討好、珍珠米口感煙靭。抺茶卷蛋 $88好香濃抺茶味、不過卷蛋唔夠日本吃的軟綿。香港限定芭菲 $98 上層是綿滑的抺茶軟雪糕、抺茶布丁、丸子、中間是紅豆蓉和脆米、脆米令整個雪糕口感更豐富。下面有焙茶啫喱、一個芭菲滿足多個願望！

京林屋為京都抹茶百年老店之一，於1753年創立。今次進軍來到香港開分店，我這個抺茶控又怎會不來朝聖呢?今天與家人一同三人來到京林屋食點甜點，下午時份，人流都不算太多，我們等了一會已經被安排入座。茶室和座設有屏風，有私人度高，裝潢帶似日式和風的茶室，仿如置身於日本，座位之間又不會坐得太迫，而且氣氛環境都好舒適。家人先點杯煎茶錦上之花($48)享用，店員細心奉上一張沖茶的指引，建議最多可以沖三泡茶。茶色色澤清綠，煎茶味道清淡，飲下來都幾清香及帶有回甘。＿接下來是抺茶卷蛋，我們選擇了套餐可以加一杯自選茶($108)，家人點了杯玄米茶，泡了一陣已有濃烈的烘米香，茶香濃郁，茶的顏色黃綠，茶米的香氣與綠茶交織一起，仍保持了綠茶自然的清香，確是別有風味。而抺茶卷蛋的糕身入口軟綿，蛋糕濕潤度足夠，中間的抺茶忌廉份量適中，入口質感幼滑、抺茶味濃郁並帶點天然抺茶苦味，再吃埋香甜軟滑抺茶味雪糕，已經教入一試傾心，滋味無窮。身為一個抹茶控當然都是選擇抹茶類的芭菲，我選擇了日本首創的經典林屋抺茶芭菲($88)，上層有一球抺茶雪糕，加上了一些忌廉、啫喱、白玉丸子及紅豆蓉，還有京林屋每日新鮮製作的蕨餅，蕨餅軟滑彈口

擁有264年歷史嘅抹茶老字號-京林屋，久仰大名，剛進駐希慎廣場時氣勢一時無兩，要食，就要有排等。今日七點就嚟到希慎搵食，諗起京林屋就過嚟碰碰運氣，竟然……有好多位喎。可能太早，未到晚膳時間或甜品時間，我哋即刻入坐! 店舖裝飾以原木素材為主，面積唔係太大，但座位之間都算幾濶落。一坐低店員就提醒我地用餐時間只有90分鐘!飯餐選擇少，只有三款選擇。我哋快快手叫左兩個飯餐先，兩個都配麵豉湯、醃蘿蔔同埋焙茶飯︰麵豉湯好夠熱，濃味，但有少少偏咸。焙茶飯 - 焙茶煮成嘅珍珠米飯，飯粒粒粒飽滿分明，但茶香就好淡。林屋和食料理$88 - 主菜係照燒汁鯖魚，多汁肉嫩。配菜仲有原粒帆立貝、日本地道乾魚仔、獅子狗、木耳絲、野菜豆腐漢堡、沙律等……一次過食到多種食物，非常不錯。一般鯖魚都偏腥同多骨，但呢個鯖魚一啲魚腥味都冇，更加係零魚骨，都幾驚喜。金目鯛定食$88，魚肉做得多汁入味，嫩滑無骨。食完鹹食，最啱嘆一壺熱茶，消滯解膩，清清口腔。玉露 玉艷$78，第一杯店方已經沖泡好，聞一下，茶味清香。嚐一口，茶味很濃，甘香青澀，但之後就有一陣回甘。仲附上烹調說明。飲飽茶後，茶葉變得軟腍，加少少柚子醬油，就可以連茶葉都

今日下午來到銅鑼灣見客，見完後想獎勵下自己，特意簡左京林屋，一直都好想試呢間，今日終於有機會了。個meau 實在太多選擇，好唔容易簡左呢幾款。林屋和食料理-實在太豐富，麵豉湯配set,賣相造得非常日式地道。要餸更加係用豐盛來形容，糙米飯上蓋滿紫菜絲，有鯖魚，帆立貝，魚干，芝士蛋卷，八爪魚沙律，樣樣都有d,最適合樣樣都想試既人！所有餸都非常新鮮美味，由其是芝士蛋卷，每咬一口，芝士都會必哂出尼。呢般和食料理真係好似置身日本咁，就連器皿和店內裝修都做得非常出色。焙茶牛奶忌廉-焙茶味非常突出，配上忌廉ge 香滑，飲得好舒服，因為和式料理通常都唔會好熱辣辣，所以飯後飲熱飲比較舒服。焙茶芭菲-來到呢間，唔係唔食最最最出名既芭菲呀嘛！由於綠茶坊間實在太多太多，選了這款焙茶味的。雪糕香滑配上焙茶既茶香，唔會令人有滯溜感覺，加上monchi,果凍，多重口感，大滿足呀！！價錢比日本略高一點，但完全做足日本既味道，唔錯！！

放工走到銅鑼灣一帶行街，晚飯時間度度都好多人，所以回到了最愛的京林屋。 上到希慎，見到封晒，原來京林屋已經搬左上12樓。12樓新鋪貫徹之前的裝備風格，簡潔而明亮的木系設計，但就少了前鋪有的天花上設計特別的白色燈。新鋪除左麵食，仲多左定食，正合我地意，坐低侍應就為我地加水。我們先點了個鰻魚飯定食和金目鯛定食。定食上菜好快，鰻魚上鋪滿了鮮黃色的蛋絲。肥美的鰻魚則埋在其間，上面淋有惹味的醬汁。 鰻魚著實是肥美，和秘製的醬汁配埋一齊，簡直是完美的搭檔，送飯一流，加上蛋絲紫菜增加口感，簡單得黎食完又好滿足。 金目鯛煎得甘香，單看外表已經見到油脂閃閃發亮。魚肉因爲肥美，一口魚肉配上一口預先調好味的飯，扎扎實實的吃到了香煎金目鯛的美味。呢度的熱牛奶係每次黎必點的，今次就點左培茶牛奶。香濃的牛乳又唔會蓋過茶味，係好有水準的一杯飲品。 到了甜品，今次汲有點綠茶芭菲杯，反而點了焙茶味的。味算當然都没有令人失望~焙茶雪糕好濃的焙茶味，入口香濃，加上焙茶啫喱和煙韌 朋友揀左抹餡蜜，又是我的大愛之一。綠茶啫喱配上白玉和紅荳蓉，這些材料其實已討人歡喜，煙韌的粉圓和爽滑的啫喱，還要加上那綠茶味甚濃，軟糯非常的蕨餅

這天晚上約了朋友到銅鑼灣吃晚餐，我們決定吃聞名已久的「京林屋」。這餐廳位於希慎廣場裡，光是看地點都知道去吃的人非富則貴，大家都是慕名而來。店面：超級多人在排隊，想也知道有多受歡迎。裡面不算很大，在寸金尺土的香港，很難有餐廳可以佔地甚廣。最特別是有些像包廂的座位，食客要俯身入去坐，這應該是為增加私癮度而設。廚房那邊：餐單印刷精美，上面有各種食物的圖片：我們決定選道2主菜、2道甜品和1杯飲品。讚岐烏冬 $68湯底很鮮，有紫菜味，烏冬彈牙得來不黏牙。京式鰻魚飯 $98因為太遲入座，所以3個飯餐只剩下這一個，不過我就是喜歡鰻魚，知道還有得點就毫不猶豫點了。蛋絲偏乾，蛋味能再濃郁點會更好。鰻魚不算黏牙，加上醬汁很惹味，幾乎就是我心目中理想鰻魚的味道，吃後齒頰留香。配菜有醃蘿蔔，還有味噌湯，就是一個日本定食的樣子。香港限定芭菲 $98見到同場很多人都有點，我們當然也要一試，始終是香港限定，即是其他地方是沒有的。最上面是綠茶雪糕，柔軟得來較重奶味（至少比綠茶蛋糕重），下面有多種材料，包括小丸子、涼粉。非常足料，彷似永遠不會吃完。法式聖馬克抹茶蛋糕 $88旁邊有綠茶雪糕、紅豆和兩顆小丸子。蛋糕不同層有

好耐無食，原來搬咗上12樓京都風鰻魚飯 $98粒粒照燒鰻魚，每一啖都有鰻魚~  無平時啲原條鰻魚飯咁濃味，配有味增湯。林屋和食料理 $88 日式四餸飯 +味增湯 + 酸蘿蔔其實唔止 4 款餸，有玉子、沙律、青魚、魚仔、芝士獅子狗等等～好豐富抹茶卷蛋 $88好好味～～～ 蛋卷好鬆軟，抹茶味濃，唔會太甜，裡面啲忌廉好滑～ 必食推薦～香港限定芭菲樂

朋友生日話想食京林屋我即刻話好，因為我都好鐘意食（雖然前排lunch先喺太古城食完)而且我仲有好多款甜品想試呢個林屋和食料理，差唔多每檯都叫，真係好正！只係$88!!!!!!左下角有大大粒帶子再加芝士魚蛋，連配料既魚仔都好好味右上角既墨魚沙律係勁多墨魚，絕對有料到右下角既魚有三舊咁多，又無魚骨所有食物都用心處理👍鰻魚飯都好正啊！夾走面頭既蛋絲，入面全部都係鰻魚，覆蓋成碗飯，醬汁又正，果然係京林屋~~~~點少得甜品必叫，香港限定芭菲！所有想食既野都喺晒入面，而且非常夾上面最頂軟雪糕，非常軟滑，綠茶味都幾濃，唔會太甜再落有丸子，蕨餅，（應該叫脆米），又有紅荳蓉，無限口感，同朋友極速ko 成杯生日就要食蛋糕🎂法式聖馬克抹茶蛋糕，可能因為抹茶既關係，蛋糕唔覺得好甜美中不足就係唔夠喉不過有丸子、雪糕、紅荳蓉補返數夏日消暑，叫左杯抹茶沙冰雪糕等我生日朋友透心涼可能因為今日係平日，加上時間尚早，唔駛等位👍

前排PPFood同媽媽去開銅鑼灣 見食飽冇野做 加上時間又尚早 所以就食左呢間好耐冇食嘅京林屋🤗平時黎呢道都係食佢嘅抹茶製品多 今次就轉轉新口味 食焙茶製品👇🏻👇🏻👇🏻呢個特濃焙茶雪山（$98）喺堆到滿滿嘅焙茶冰上面仲有球雪糕😸 食落味道都可以 但焙茶味就唔算好重🤔 最大問題係由於佢碟太細而啲冰又太高 所以食果陣好易跌曬出來🤦🏻‍♂️🤦🏻‍♀️ 變得浪費🙈🙈 然而真係要小心翼翼咁食😹 整體而言算係不過不失 但價錢都係略貴😣 試過就可以了！

和同樣喜愛日本文化的好友吃飯，吃日本料理總錯不了，加上我極度喜歡日本抹茶和甜品，京林屋是完美的選擇。星期二的晚上七時多，京林屋人不多，不用等位。我們一人選一個主食加一個甜品。朋友要了金目鯛定食 ($88) ，是新出的呢！上次來京林屋也沒見到這個菜色，今次，京林屋加了不少主食，不單是只售甜品的地方呢！這個金目鯛定食十分精緻，飯應該是用茶泡過才呈現棕色 (不是豉油哦！嚐不到豉油味 )，這金目鯛真的很好吃，連平時不吃海鮮的我也忍不住吃了好幾口，肉質嫩滑有彈性，醬料超入味，味道不會是一般沒味的魚，亦沒有腥味，而且沒有骨! 金目鯛定食可配飲品，朋友選了冷的蜜桃焙茶。第一次喝這個蜜桃和焙茶的組合呢！雖嚐到蜜桃味，但甜味被茶味中和，而焙茶的味道也因為蜜桃的關係而變淡了。建議不要貪心，喜歡焙茶的話就只叫焙茶好了！我則要了我每次必點的冷喬麥面，是炎炎夏日的消暑佳品，亦喚起我在日本的夏天回憶 ! >3< 當芥末和豉油攪拌在一起，就不會太辣，但如果將面條浸在芥末和豉油中愈久，就會愈辣。飲品我就要了熱的焙茶朝薰，可以自己泡，問職員多拿一個杯，就可以和朋友一起喝。^_^ 焙茶香味非常濃郁，喝下去

一直以為京林屋得甜品, 朋友今日點醒左我, 原來係有咸食既, 咁行開希慎, 就一於陪佢食啦, 大家一齊開心SHARE我點左個抹茶蕎麥麵, 蕎麥麵的香味強，蕎麥麵滑溜溜，有少少煙韌彈牙，沾上混合昆布, 味道清爽鮮美並散發出悠悠的抹茶香，熱辣辣, 好好味, 蕎麥的香味先在口中彌撒，緊隨而來的是柔滑清爽的麵條和鮮美的醬汁在口中碰撞、激發出美妙的味道林屋和食料理, 有開胃既沙律, 爽口既漬物, 還有用照燒汁燒成的鯖魚，香甜鮮美，口感綿滑, 帆立貝雖然細細粒, 但幾有咬口. 珍珠米既飯粒散發著甘香誘人的飯香之餘，口感較煙韌, 正!