京林屋 (希慎廣場)

营业中

休息中

抹茶控聖地！如果你係抹茶愛好者，呢間店就岩曬你啦分分你都聽過食過添了等我同大家介紹下啦位於銅鑼灣希慎廣場12樓既佢，超級黃金地段，加上係日本餐廳，內外裝修設計都唔差，充滿日本味道坐低後睇睇餐牌，要先留意既係，佢設有最低消費，每位客人要最少叫一杯飲品或者一客甜品架！同時，入座時，侍應亦會同你講，用餐時間為90分鐘，不論繁忙時間與否，所以大家要留意喔繼續餐牌方面，每款食物都有圖供應參考甚至有中，英，日文對照添上圖可見，呢度除出名抹茶食物飲品外，熱食麵食都有選擇架想正宗品用抹茶，呢度應該都係不二之選了抹茶半月布丁 : $56小編無誇大，真係從未係香港食過一件抹茶布丁係禁好味，口感細滑，香濃既抹茶味藏係布丁既每一處，雖然佢係凍既，不過都好能夠突顯到抹茶既香濃味道細細舊，第一樣食佢就無錯了香港限定芭菲 : $98第二樣開始黎既就都係唔簡單！呢個只係香港店先食到既佢，雖然只係呈一個杯既形狀既甜品，但係就唔可以低估左佢既內容！非常有層次分明既佢，最上係一大舊既抹茶香濃雪糕！其實只係食呢個雪糕都已經滿足左再落一層有餡蜜，即小丸子似的甜品 ; 再落有脆可可米 ; 再落又黎一大舊抹茶香濃雪糕 ; 再落有淡

聚會前獨自去搵食，今天終於可以試食搬了位的京林屋，它位於希慎廣場，非常方便！新店比舊店較細小，座位不多，潔淨！6:00到達，食客並不多，但到接近7點，人就開始多了。晚餐選了林屋和食料理，一個人份量剛好，4小格內含有什菜玉子、魚乾、鯖魚、帶子邊、北寄貝、魷魚、海帶、八爪魚等....雖然每樣小小，但味道真不錯，感覺到製作認真，不是求其的，另配飯及湯，豐富的一餐！個人評分食物：B環境：C服務：B抵食：B

京林屋 - 位於銅鑼灣希慎廣場12樓，人流不錯，但於weekday晚上亦無須等位。眼看主食選擇並不多，似乎是以焙茶/ 抹茶類甜品為主的一家甜品店。簡單日系以淺木色作主調，感覺潔淨，但無甚麼特別。京式鰻魚飯 [$98/ 配自選茶($118)]: 幼嫩而爽彈的鰻魚配上蒲燒鰻魚汁，從來是我的最愛。醬汁沒一般的濃厚，拌日式珍珠米不感太膩，像我這種重口味之人或感稍淡，整體okay。加了$20元選配葡萄煎茶(熱): 店方有提供指示，教大家如何憑自己沖出最佳煎茶 - 先倒出第一杯茶品嘗，然而可加熱水浸泡30秒，再分三次倒出，如是者建議沖泡總共三杯，能感受三種不同濃度的葡萄煎茶，蠻有趣的。焙茶芝士蛋糕配焙茶雪糕 ($88): 儘管抹茶是京林屋的招牌之選，但偏偏卻想試茶焙茶。焙茶甘香而不澀，芝士蛋糕亦夠creamy，但無論是蛋糕或是雪糕均帶天然的香甜焙茶味道。

京林屋是我其中一間鍾意的日式甜品店， 偶然也會去食一趟. 今次去才發現佢地搬咗去希慎廣場的十二樓. 來這裡我太多數食甜品, 而睇餐牌時見到推出新系列的咸食, 今次我決定一試, 最後選了京式鰻魚飯. 除了單點, 可以加$20配自選茶. 京式鰻魚飯上枱. 賣相夠精緻. 隨飯附有前菜的酸蘿白和味噌湯. 鰻魚的份量不少, 在飯面還放滿了蛋絲. 鰻魚幾肥美，而且切成一粒粒, 容易進食. 我最愛帶點黏性口感的飯, 加上混入了醬汁, 特別美味. 食完咸食, 當然要食甜品. 我試了法式聖馬克抹茶蛋糕. 一層層的蛋糕, 每層也有所不同, 多重口感. 除了蛋糕, 還配上香濃幼滑的抹茶雪糕, 加上紅豆和煙煙韌韌的白玉點綴, 我自己就好鍾意這個配搭. 今次我無飲茶, 改了熱焙茶牛奶忌廉. 忌廉相當滑身, 這是我點這杯飲品重點所在. 而入口有淡淡的焙茶香味, 甜度適中, 好好飲.

趁放假去銅鑼灣行街，但銅鑼灣太太太多人了，所以決定在希慎食晚餐後便趕快回家去。我們點了定食及甜品。我點的是金目鯛定食，有一碗飯、一碗味增湯、幾條酸蘿蔔及一碟金目鯛。燒汁金目鯛很美味，魚肉肥美，嫩滑。京式鰻魚飯的鰻魚醬汁跟金目鯛的是相同的，味道很相似。鰻魚肉質鬆散，不太香脆但尚算肥美。甜品很吸引！我點的是香港限定芭菲，我不知道究竟它為何是香港限定的，但芭菲味道很好，口感及味道都很豐富。每層味道配搭得宜。抹茶味軟雪糕茶味濃郁，不會太甜，而且很軟滑。雪糕下面有小丸子、蕨餅、脆米、忌廉、啫喱及紅豆蓉，材料很多，很豐富，每吃一層都有驚喜，必食！我對食物頗滿意，餐廳環境亦舒服。但餐廳畢竟位於銅鑼灣地標商場，客人真的太多了。加上我們坐大枱，要跟別人搭枱，不太適合女生去聊天。不過，餐廳有幾張四人枱，有布簾隔開，有時間不妨主動向侍應提出要等四人枱！

今日同“抹茶控”朋友去完誠品買書，下一場就係同佢一齊去“京林屋”止下佢啲抹茶癮呢度既裝修佈置依舊係充滿日本風情，和風十足！！我地兩個都未食lunch，所以就先要一份“京式鰻魚飯”HKd$98+10% share黎食打一打底先留肚食甜品單品其實已經係一個定食，份量仲一啲都唔“的色”架除左有齊日式定食必有既暖暖海帶味增湯同前菜之外....仲有一大碗鰻魚焙茶飯！鰻魚雖然唔係原條上，但都有好多件，焙茶飯我地對分都每人一大碗滿滿的！！！食完咸野打左個底之後，我地就緊係要大戰甜品啦我地首先要左杯每次黎到都必點咁濟既“香港限定芭菲”HKd$98+10%呢個芭菲有齊抹茶軟雪糕、白玉、寒天、紅豆、脆米、忌廉同士多啤梨，一次過可以食齊咁多野兼且連埋一齊食都好夾，次次食完都會心情變好但一杯芭菲又點會夠留左肚話要大戰甜品既我地呀於是“抹茶控”朋友就嗌多客“秘製抹茶蕨餅”HKd$88+10%清涼Q彈既蕨餅本身已經好有抹茶香，但連埋黑蜜糖同沾埋抹茶粉就更加令我地食唔停，一碟六件我地閃下眼就經已食完啦而偏愛焙茶既我就要左份“焙茶卷蛋”HKd$88+10%個焙茶卷蛋我第一次食炸，好後悔咁遲先識得嗌佢黎食~~~唔好睇佢

京屋係香港開咗都有一段日子，但係係我嘅記憶中佢淨係集中食甜品嘅店舖。其實想試左好耐，但係一直都未有機會，今日終於有機會去試吓，但係發現原來除咗甜品之外，仲有其他嘢食味道都唔錯。特別想睇下佢呢一個熱湯烏冬，佢所用嘅烏冬雖然唔係我最鍾意食嘅厚身彈牙口感，係比較薄同軟，但係都不錯。因為我嘅焦點我落係佢個湯底到，係佢嘅秘製湯底，飲落去唔會太咸有日本嘅風味，仲甜甜地，而且熱辣辣，好正。抹茶鮮奶其實好多人都會好鍾意飲，但係我更加鍾意上面有個雪糕球喺度。就好似紅豆冰唔及雪糕紅豆冰咁好飲咁解。呢一杯綠茶芭菲係香港限定嘅產品，所以嚟到大家一定要叫佢。拒下邊有好多唔同嘅啫喱，紅豆蓉，脆脆同士多啤梨果醬等等組成。上面就有好軟滑抹茶雪糕，雪糕嘅味道唔會話太濃，有淡淡牛奶香。就算本身唔鍾意食抹茶嘅都可以試一試。除咗抹茶之外其實呢一度嘅另外一個產品大家都可以試一試，就係培茶。雖然我講唔出培茶係點樣做成，但係佢比抹茶嘅茶香更加香，適合啲唔係鍾意太甜嘅人士。

超級抹茶控, 國慶又要出去同肥仔搵野食！去左希慎食京林屋，又有甜品又有咸食。裝修以木為主，幾有和風感覺，晚上6點已經滿座。兩個人，一人一個飯同甜品抹茶蕎麥麵$78真係有抹茶味的蕎麥麵，爽口彈牙，配埋醬汁食一流京式鰻魚飯$98新推出的飯，鰻魚切成一片片，幾很厚身，沾滿鰻魚汁。有勁多紫菜絲同蛋絲香港限定芭菲$98有小丸子、紅豆、脆米、綠茶JELLY等，好足料！抹茶雪糕味道好濃，而且雪糕好滑，一個芭菲咩都可以試暈咁制。宇治茶冰$98打卡必點，真係好似雪山咁大個，勁重綠茶味！ 份量很大很吸睛！另外仲有綠茶醬唔夠可以自己落。抹茶牛奶$46和岀面既抹茶牛奶不同，唔係得個甜字，奶味和抹茶味都好香濃。OVERALL 好滿足今晚綠茶之夜。

是日忙著替某人買東西, 累得很, 晚上又來到筆者的飯堂京林屋. 平日晚上八時十五分到達, 店內大概三成full house, 不用等候便可入座了, 真好, 很肚餓了. 侍應安排筆者坐在私隱度較高的半屏風卡位, 哈哈, 很有VIP的感覺! 點選了讚岐烏冬(熱)(HK$68), 京式鰻魚飯配玫瑰蘋果煎茶(HK$118), 香港限定芭菲(HK$98), 抺茶芝士蛋糕(HK$88). 侍應先送上飲品. 玫瑰蘋果煎茶. 試一口,蘋果味較突出, 味道沒有過甜, 配上抺茶也挺夾, 感覺可以燒膩. 讚岐烏冬(熱), 水準依舊, 烏冬口感煙韌彈牙. 湯底的鏗魚汁調配得宜, 水温也夠熱騰騰. 兩大塊魚餅, 魚肉味濃郁, 也很有咬口, 讚! 尖子的京式鰻魚飯, 味道非常平衡, 鰻魚的醬汁雖然不少, 但也不會過鹹, 沒有蓋過珍珠米的飯香. 鰻魚口感淋軟, 鰻魚的芳香慢慢地滲出來, 整體不錯! 筆者必點的香港限定芭菲, 最愛它的抹茶雪糕不會過分苦澀, 口感非常軟滑. 紅豆煮得夠淋軟, 甜度適中, 加上煙韌彈牙的蕨餅, 脆脆的米餅, 很有咬口的小丸子, 吃完後充滿energy. 尖子的抺茶芝士蛋糕, 芝士蛋糕口

之前都有幫襯過京林屋，但係銅鑼灣店就第一次去，咁啱同朋友喺附近經過佢又話未試過，於是就決定帶佢入去試試京式鰻魚飯 $98以主食來講份量唔算多，加埋個甜品就啱啱好啦不過鰻魚味道唔錯，口感亦十分好，米飯加入左焙茶，啡啡地色，非常特別讚岐烏冬 $68醬油湯底烏冬上面有兩大塊炸魚餅，麵質煙韌滑溜，炸魚餅彈牙而且略帶甜味食完煮食當然要試吓京林屋嘅特色甜品啦特製林屋抹茶餡蜜 $98濃郁嘅抹茶雪糕加埋其他抹茶配料 e.g.抹茶啫喱，大菜糕味道都十分甘香，甜得來又唔會好膩抹茶芝士蛋糕 $88抹茶雪糕下面加上紅豆&小丸子，簡直係prefer match芝士蛋糕味道都非常濃郁

又是抹茶控出場的時間，今次再次走到銅鑼灣這家京林屋，一次過點了兩款不同的甜點，也點了一款飲品。無他的，「抹茶引」起，就會想盡辦法的吃到自己想吃的。我也忍得久了，隔了好一陣子才這樣子吃。要收細食量，就連同自己喜歡的都要放一邊，一星期最多只可以放肆兩晚吧。 秘製抹茶蕨餅 ($88) 先來一客抹茶蕨餅，忘了從甚麼時候開始，抹茶蕨餅成為了我心目中一個不能或缺的抹茶食材，廚師把抹茶蕨餅放得美美的，在吃之前，加入糖漿跟抹茶粉。本身這邊的抹茶蕨餅帶點點爽的，糖漿跟甘香的抹茶混合在一起，好讓抹茶蕨餅變得更甘甜可口；加入抹茶粉不但可以讓整體看上去更美，更有助讓口感更為豐富。 特濃抹茶雪山 ($98) 平日不吃雪山的我，突然很想要點冰凍的甜點。把甘甜的抹茶漿倒在雪山上面，有陣陣的抹茶香飄逸到我的鼻子裡，還看到雪山因抹茶漿而造成少少崩塌，但沒關係，我們已快快手把它吃掉，這種即時溶化兼涼透心的感覺相當不錯。抹茶雪山加抹茶雪糕，把抹茶的味道大大增加了。沒想過抹茶雪山底下原來有煙韌的白玉、甜而不膩的紅豆蓉跟甘香的抹茶啫喱，整份甜品相當豐富，而且滿足了我貪心的請求。 煎茶 錦上之花 ($48) 有甜點當

金目鯛定食 $88平日吃金目鯛，比較多選擇刺身的食法，原來汁燒也很美味。金目鯛魚香充滿口腔；醬汁也很適合送飯。套餐小食的酸蘿蔔也做得出色，雖然只有四條，也有一點開胃之效。麵豉湯京式鰻魚飯 $98日本米軟綿；雞蛋絲在碗中圍了一大圈；鰻魚則切成粒狀，肥美鬆化，但比較多細骨。京林屋是出名吃抹茶甜品，想不到熱食也不俗。特製林屋抹茶饀蜜 $98蕨餅煙韌滋味，紅豆配綠茶啫喱和雪榚乃穩陣之選。丸子粉團本身沒什麼味道，要蘸上旁邊的黑蜜一起吃。林屋抹茶芭菲 $88經典口味的芭菲賣相繽紛，又有層次，可同時嚐到多種食材，難怪是京林屋最受歡迎的甜品。特別喜歡加了脆米，䬷整體口感更豐富。

作為抺茶控的我什麼抺茶的食品、飲品都想一試、以抺茶為主題的京林屋就好像出奇蛋般一次滿足我所有願望😎抺茶蕎麥麵 $78 麵條細滑、有淡淡抺茶味、熱騰騰的呷著湯吃、裡面有些本菇粒、味道清淡得來又剛好。京式鰻魚飯$98、燒汁鰻魚味道不錯、份量亦挺多、珍珠米煙煙靭靭。焙茶卷蛋 $88 有香濃焙茶味、卷蛋軟熟、唔會太甜、跟旁邊的焙茶雪糕和紅豆蓉一起吃、好美味！抺茶沙冰好冰凍、抺茶味道完全沒有被冰塊溝淡、還是很濃呢☺️

前日同朋友行完街，就打算喺附近覓食。見平時好少去開嘅12/F都唔算多人，我地就揀左京林屋。一來我地好鍾意食日本菜，二來我見入面環境應該會坐得幾舒服。入到去，因為尚未到繁忙時段，店員安排我地到卡座卡座嘅設計有心思，由上而下有半人高的仿日式紙門屏風，讓客人可安坐其中，不受他人打擾地享用美食。因為臨近晚飯時間，所以我們各點了主食及不可不試的甜品。主食點了金目鯛定食及林屋和食料理。金目鯛味道濃，講求新鮮，否則會易有腥味。但京林屋用味道偏甜的醬汁烹煮，既能據升魚肉的鮮味之外，亦令魚肉的口感昇華，咬落嫩滑鬆化。而米飯方面，並非平淡無奇的白飯，而是加了醬汁煮成的飯，味道清淡。上桌前撒上海苔，滿滿的海苔香味。此道料理不可不試，很適合喜嘗鮮之人。一碟四款看似普通，吃下才知都花了很多心思。右上角的是海鮮沙律-材料有鮮八爪魚、蟹子、魷魚、北寄貝等等，全都切成小粒，吃下才分辨到。右下的是醬煮鯖魚-口感鬆化，依然是用偏甜的醬汁烹調過，將魚味提鮮，口感軟諗。左上角的是2款小菜-漬海帶及醬漬帶子裙邊，還有味道細膩的雜菜玉子。漬海帶和帶子裙邊都是用不同的醬汁煮過，但味道放置在一起也十分合適，下飯極佳。而雜菜玉子應該用

每次去完誠品買書， 之後都會黎依度食野因為依度野食又唔膩又令人感到回到日本咁對於今年無去旅行既我， 唯有去依度吊下癮先我地點左京式鰻魚飯 $98連同味噌湯一齊奉上鰻魚飯份量岩岩好上面鋪滿蛋絲將鰻魚、蛋絲、飯一拼放落口食好好味好滿足金目鯛定食 $88金目鯛廚師用醬汁醃製好再去煮十分入味、而且廚師亦將佢拆左骨肉質帶點脂肪、餸飯食一流甘栗抹茶紅豆白玉甜湯 $68食完鹹食當然要食個甜品呢呢個甜品有齊晒自己鍾意食既野栗子同我地平時食到果啲好唔同帶點爽口，除左軟綿綿的白玉之餘仲有紅豆蓉係個底部伴勻抹茶甜湯一齊食，好正特製林屋抹茶餡蜜 $98呢個甜品之前都食過佢既抹茶蕨餅的確令人回味好軟棉棉又好濃抹茶味加埋餡蜜一齊食，好好味最後就叫左個黑豆茶 $46聽說黑豆可以補血之功效呢度有得飲都唔錯食完雪糕再飲番依個暖下身第一壺店員已幫我地沖泡好當沙漏入面既沙流晒落去之後呢個時候就可以將入面啲茶倒出黎啦味道唔算好濃，都幾消膩相信下次去誠品，我都會照黎依度食