亞龍咖喱 (已搬遷) 新店位置

試過多間食肆的咖喱牛腩, 此終對亞龍的出品情有獨鍾.這家牛腩連住些少薄膜, 入口即時有濃香牛腩味, 只須用牙稍稍咬幾口, 牛腩便輕易斷開, 肉汁隨住斷開的牛腩流入口腔, 肉汁在口腔徘徊之際, 伴住牛腩的獨特咖喱汁亦同時發揮作用, 兩種汁液混合起來, 那種豐富的肉味, 跟咖喱汁裹面的香料, 果香, 辛辣簡直配合得天衣無縫.第一啖牛腩仍在口腔未落食道之際, 另一啖咖喱汁已經送入口, 總之欲罷不能...配絲苗白飯吃這份咖喱牛腩確有意想不到的效果, 飯香軟, 牛腩稔, 味辛辣, 肉汁濃, 就算飽肚, 亦很容易吃光一份咖喱牛腩飯. 十多年前, 在舊舖一份賣18元, 時至今日, 一份已賣36元. 價錢尚算可以.

老字號，聽過未食過，Lunch特來試試，叫了個咖喱牛腩飯，牛腩雖腍，但有黑色肉圍邊，賣相欠佳，至於咖喱汁較稀又有洋蔥怪怪的，可以說是店主獨創，但我個人認為不太像巴基斯坦咖喱煮法，亦不太合我口味。

耐唔耐又要來食呢度啲咖哩，所以都心裡有數，十二點九去到，以往來講，已經坐滿人，但今日郤不足十個客，直到食完離開也一樣．可見客人的眼光是雪亮的．味道嘛，是不錯的，但是三十六元一碟咖哩牛腩飯，肯定是貴，座位又不舒服，地方又骯髒，除了吃特色外，實在不化算．因為更好吃，更平的，更舒服的，比比皆是，．

久聞此店名氣, 於是一試, 叫了個咖哩牛肉飯, 味道普通, 價錢卻要三十七元, 以此店環境及食物水準, 收二十六元以下才比較合理. 咖喱沒什麼香料味, 最差是白飯,乾水硬身. 總之兩個字-----------失望!!!

咖喱汁完全無咖喱香,只不過係一個普通咖喱汁加勁多辣椒油落去,要幾多辣佢就加幾多辣椒油食咖喱係食香味,唔係食辣味,要辣既,去雲吞麵舖食過夠,根本唔洗幫襯佢三十幾蚊碗仲要得三舊雞,呢間野俾我叮出局!!

住左佐敦超過２０年既我．對呢間鋪頭始終情有獨鐘．咖喱牛腩係我既最愛．不過其實始終最最最鐘意都係佢個汁．唔需要配料淨係佢個汁都足夠我食三，四碟飯．前幾日食番．水準同幾年前一樣．咖喱雞的確係較少．因為都幾大舊嘛．．．價錢雖然略貴得物有所值．

小弟由細到大都喜吃咖喱。近年來一直有聞阿龍咖喱﹐故今晚去一試。1。唔可以話唔好食。但係呢點解我總係覺得D 咖喱做法有D 怪﹖2。洋蔥跟咖喱汁根本是完完全全分開的。你幾乎可以一粒粒洋蔥由汁中分出來。即係話﹐個汁太稀。3。我唔知個咖喱係什麼種類﹐但我在英國當地食過的印巴咖喱都唔係咁o既。4。我個人認為個咖喱汁只算一般得很。5。牛腩是做得不錯的。羊都不錯。6。牛筋不可以。好多黑色東西附在邊邊。是食得的﹐但賣相唔可以。老老實實﹐我去鵝頸橋買咖喱粉返去自己整﹐我sure 可以整得好過佢。

我老豆最歡喜呢度的咖哩夠香，夠濃，夠辣，我本人就麻麻，但係米飯o黎講算Okay，唔太硬又唔係三及第，普通啦。Inside the restaurant 就污穢D, 環境麻麻。

以地方，服務，舒適程序來說，價錢是偏貴的，三十六元個碟頭咖哩牛腩飯，份量不多，食量大的，絶對不飽，而且怪的是，牛腩是牛腩，牛筋是牛筋，不可過界，如要筋腩，加錢可也，與別的可筋可腩的食店不同．話說回來，味道郤是不錯的，好過隔離的xx咖哩，份量亦多些，試過xx的咖哩牛腩飯，份量可能連我家的貓都不飽！阿龍的咖哩雖然好味，缺點是只得一種咖哩配方，汁底是洋蔥汁，很香，所有肉類海鮮都是一個味道，所以只能間中去一次，常常去便會生厭，至於辣度，只是加減所下的辣椒油，喜吃勁辣的便會不夠喉．地方和座位是十年不變的不舒服，狹窄，污穢，服務欠佳，但是一邊埋怨，一邊在門口等位的大有人在．

咖喱牛腩跟飯+ 咖喱蟹跟咸薄餅+ 甜薄餅+ 油薄餅($36+140+9+9)本人不太食得辣，所以對辣的感覺不太準確。咖喱牛腩: 咖喱，洋蔥香料味重。牛腩，有牛肉味，算淋，有小小肥。咖喱蟹，對我太辣，食不出鮮味。飯，算不上好，加上咖喱，幾好味。薄餅，麵粉味太重，甜的比較好。

以前不吃辣的我...自從吃左阿龍咖喱就可以喜歡辣的美道...去阿龍度吃咖喱, 千萬不要期望會有舒服的坐位, 有好多選擇, 去這裡吃的人, 都只有一個目的, 就係吃咖喱, 不是吃環境, 吃服務我同男友去襯, 都一定吃咖喱牛腩+ 雞+ 蝦, 雞係得兩件, 但真係好滑...好滑....有時呢, 如果想吃辣的, 可以叫加辣~若果唔食得辣, 可以叫個蕃茄牛肉, 都係一流架~咸餅同油餅好吃, 甜餅個人來說不太喜歡啦~最好笑係當阿龍客似雲來時, 出面會有幾個阿差用d阿差口音嗌"佐敦咖喱", 逢親行過阿龍門口都特別嗌得大聲~哈！

咖哩牛腩: 一大碗咖哩內有不同部位的牛腩多件，牛腩幾"淋"，咖哩濃，但不太spicy。

行行下廟街,有D悶,忽發奇想,行過隔離一條街.咁就發現左喱間野. 自稱幾十年歷史,全港只此家,別無分店,咖喱辣而不燥......叫個咖喱雞加薄餅.咖喱同平時食開o既唔同,稀到好似水咁,但係有渣,自稱巴基斯坦咖喱.聞落有強烈o既咖喱味,好攻鼻.食落第一口有辣o既感覺,咖喱味勁農不在話下,但過左一陣就完全冇左辣味,咖喱味卻歷久不散,咖喱雞落手食,洗完手D咖喱味仲0係度!雞得兩件,雞下比同雞胸各一件,完全唔夠喉.叫左跟薄餅係我第一敗北,唔係話薄餅唔好食,而係跟飯先可以食盡D咖喱汁同D渣,而家晒左成半!$40對比分量確實貴左D,叫做見識下巴基斯坦咖喱.

我同個朋友叫了咖哩牛腩同咖哩魷魚。咖哩魷魚跟飯或咸薄餅($49)貴咗d, 相比咖哩牛腩($37)平d，仲好食d!唔提議你叫咖喱雞或咖喱蝦。雞得兩件，太大件了。

未去過巴基斯坦食佢既咖喱...........都唔知佢係咪正宗.....不過又好好味..........唔太辣......