亞龍咖喱 (已搬遷) 新店位置

見到雜誌介紹好似好好味咁, 咁啱去開個頭,就買左個黎試下咖哩魚飯中辣: 好似真係即整, 等左一陣先拎得, 我覺得好好味, 個魚好新鮮, 真係唔係平時食開個啲雪藏魚柳, 好滑好好味, 雖然唔係好大塊,但係新鮮又好味都值得, 好過唔好食, 個汁同入面啲洋蔥先係靈魂所在, 啲洋蔥切到好細粒, 好易入口,送飯真係無得頂呀, 差唔多全部洋蔥都比我食晒, 正~~ 要左中辣,唔會好辣, 啱啱好, 如果個面無咁多油就仲好啲添~~~雖然外賣,但係返到屋企仲熱辣辣, 唔會影響個味道, 好味~~~

甚為鍾情咖哩，但每次嚐完後好的就只是喉嚨有一兩日不適，差的情況會出現喉嚨發炎，故若那段時候個人較躁熱或像現在的大熱天時，絕對避免點選咖哩的菜式。前段時間雜誌介紹這食肆時心動，奈何時間不配之餘就是上文問題，故一直卻步；前陣子到寧波街處理點事情後就需醫肚，經過這裡時心大心細，但見到牆上書寫這裡的咖哩絕不燥熱，雖然不太相信但起碼有一借口，進來試試。地方不大，靠牆的四人坐好一點，但食肆中間一字排開的長檯就幾難座；一個人，很快在旮旯地方佔上一席，牛利、魚、雞、牛根、鮮魷、蝦等，但首次過來，點選掛頭牌及不太易處理的中辣咖哩牛腩，問阿姐可否配牛根但冷冷回應說唔可以，一包冷冷的唔可以服務一列分數不會高了。等陣子咖哩牛腩及白飯上檯，咖哩不管她是巴基斯坦好還是印度好，是跟平常坊間不一樣，沒有薯仔，只有大量切成碎粒的洋蔥，攪動咖哩時聞不到濃烈的咖哩味道，但看到牛腩的切頭及賣相就相當好，肥瘦相間，從外面看已睇出炆制得宜，起碼不會過硬。不管他，先嚐牛腩，夠腍夠香，絕對是新鮮貨色之餘還是剛烹好似的；咖哩聞不到香味但啖落咖哩獨有的香味蹈蹈湧上，這不是港式一味夠辣夠嗆的，而是不溫不火的咖哩香味，中辣程度亦不算太辣，絕

我同Food Observer一樣, 都係睇完飲食男女先第一次試阿龍咖哩. 而且試完同佢感受差不多.唔係話佢唔好食(但亦唔係好好食!), 但最失望係唔夠辣!因為我食前聽聞係勁辣的, 仲嗌定個涷可樂諗住"救火"!落order時又冇問我地要幾辣, 所以我以為無分的. 咁佢就咁畀咗小辣我地.兩人去食, 一人一客(一魚一蝦)都唔多飽. 加多一個(食咗乜都唔多記得!) 埋單成$150!雖然今次印象真係好一般, 但第日都會畀佢同畀自己多一次機會試吓. 印象最深的, 是"飲食"訪問中阿龍同龍嫂話唔會畀啲仔落去幫手, 因為該區品流複雜. 但果日又見到兩位公子, 大仔仲幫手收錢. 真係好事, 等兩位小朋友見識吓世界艱難, 知道父母幾辛苦搵錢養佢地!

做咗幾十年人，路經亞龍咖哩不下幾十次，今次專誠去試，是飲食男女惹的禍。是福不是禍，是禍躲不過。為食鬼上身，食完先算。話佢喺禍喺跨張咗D，因為暫時都只喺荷包損，喉朧只是痕痕地，都仲未痛。雖然話荷包損，但亞龍同亞龍嫂其實吾喺收我一千幾百，只喺幾草嘢，但40蚊嘅咖哩雞飯得二件雞，碗半飯(已經叫咗多飯)，同清水任飲。食到一半，仲肚空空，吾對路，加碼甜薄餅，但等到黐根都未到。亞龍嫂見我塊面黑過墨汁，又眼神兇狠咁望住厨房出菜個窿，而我又坐正門口，怕我嚇走Ｄ客，又或者拉閘掹槍掃射洩忿，於是立刻安撫我，又去厨房趨，又解釋。千呼萬喚，熱辣辣嘅甜薄餅上枱，極速3分鍾清晒起身俾錢走人，事關隔離坐咗條阿伯頂住頂住....大熱天時，交換汗水呢Ｄ嘢，靚女就話啫！！正吾正宗我吾識，無謂充。論味道，算吾錯，辣中有酸有甜，吾濃郁但惹味，食到成頭大汗。二件雞唔嚡，但件數真喺太小。甜薄餅熱辣辣，好難吾好食。Total$49，吾包餐飲，價錢同附近美都差吾多，但美都坐得好D。不能令我魂牽夢繫，偶然試吓無妨。希望揾日番威靈頓街香滑咖哩屋回味吓Ｄ馬沙拉雞球，同初出茅廬的日子。食完燥燥地，去松記整碗白果腐竹雞蛋糖水，潤佢一潤。七點幾

Curry Crab (~$180) - u got both curry and crab 鮮味in the sauce. Curry Fish (~$60) - 倉魚- my favourite.

好滿足的午餐:咖喱牛腩和咖喱魚! 服務就.....

吾等一家都是此店的fans,幫襯左甘耐,原來都未寫過食評, 星期四晚1行2人心思思又黎,至愛咖哩鮮尤,牛利,咖哩汁好香,送飯好正!一向都唔會加辣,(雖然食得辣),但驚搶左咖哩味, 試過午飯時間黎,但好似晚市咖哩濃味0的,雖然地方好逼,但食得好滿足;今晚重另叫外賣咖哩蝦同牛腩給OT中的細妹同妹夫,細妹勁開心,1世人2姊妹無計啦!

I went 亞龍咖喱1 month ago. there is nothing i can remember, but the bad service. One of the waitress (may be boss) are really rude to us. May be we didnt spent much money. We will never visit again.

每隔一段時間總會心癢癢去亞龍十次有九次都係叫咖喱牛肉因為我目標係D咖喱汁，咩肉對我來講都一樣，最緊要係咖喱牛肉比其他平正唔正宗，我不管，只要合我口味就可以了地方，真係好迫，所以好多人都買走佢o既蟹，隻隻揀手又多肉又大隻又生猛，但成二百蚊，對我來說只好遠觀了上次同阿女一齊去，所以第一次叫蕃茄牛肉，哇，原來佢D蕃茄汁咁好味，唔怪得仲貴過咖喱啦！！搞到老婆話下次都要轉軑食蕃茄，激死！！

叫了一個咖哩牛，一個咖哩雞，兩樣都跟薄餅。薄餅皮不夠軟，又帶點燒焦，不好吃。相比印度餐館的質素，相差十萬八千倍。講番咖哩，味道不夠濃、油膩、不好吃；洋蔥切得太細，沒有口感；牛肉，係快餐店用個d肉片，份量少、沒有咖哩味....雞，男朋友叫的，自己冇食過。叫了一碟青瓜蕃茄(兩樣都係生既)，蕃茄生得制，粉紅色的，又一難食之作。阿龍，冇下次！

男朋友成日話好好食，成日話要帶我去試下咪去試下囉，少辣、中辣、大辣都叫晒，唉~~~~~不外如是，少辣就有d咖哩味，大辣就真係得個辣字，$37個咖哩牛腩飯，話貴唔貴，話平都唔平囉，可能係因為bf讚果度好食，所以抱住好大其望啦，事實都好食過好多茶餐廳，最弊係坐得好唔舒服，地方實在太迫囉！

甜薄餅一定要試呀! 好好味架!!!!!

好耐都冇去過呢度食, 因為實在太唔就腳!!星期六既夜晚8點去度, 初頭都諗住一定好多人等位, 點知都唔係等左好耐, 唔駛5分鐘就有位喇!!我同友人唔算太肚餓, 所以只係點左咖哩雞同牛筋, 1個跟飯1個跟咸餅唔知係咪太多人呢, 個咖哩雞好似唔係太入味, 只係得面頭既雞皮有咖哩味, 但肉就淡得濟; 反而牛筋非常入味, 好正!!!d汁依然咁好味, 好多蒜同洋, 撈飯一流...連我呢個唔鐘意蒜既人都可以成碟汁撈晒飯!!!唯一可惜係冇得食咖哩羊...因為淨係得冬天先有架!!!

記得幾年前經常跟老友們來呢度食飯，食到杯盤狼籍，好不痛快。今日又再次路經此地，不禁要入來懷舊懷舊....咖喱仍然係老味道，食到成口都係洋蔥味，就來自己都頂唔順...忘記叫老闆加辣，食得唔夠過癮...但水準仍可保持...

橫風橫雨下的非繁忙時間快食晚餐。叫的仍是咖哩牛腩...但不知它有沒有「調整」過其「辣味指數」，而小姐又提供唔到指引的情況下，唯有叫住中辣先。咖哩牛腩仍是無花奶、無椰汁的齋洋蔥辣油牛筋腩；話須為「巴基斯坦式」「合乎伊斯蘭教飲食規條」的食店，但要吃「正宗」的「巴基斯坦式合乎伊斯蘭教飲食規條的食店」，可能你會失望了- 它標榜的是「改良了」的「巴基斯坦式合乎伊斯蘭教飲食規條」的食物（重慶大廈仍是首選...當然Jashan 等「大機構」不計算在內）。喜歡它多洋蔥、無薯（因為薯仔有時有點「喧賓奪主」的果效），依然惹味，可是因辣度「港人化」，雖然港人大多要「少辣」，但「中辣」對我而言，辣度有猶似無，不夠「刺激」。但是，你把你改良了的鹹薄餅曰作roti，則有點兒誤導。要改進的空間是：做回自己。