亞龍咖喱 (已搬遷) 新店位置

個個都講到咁好食, 就不妨一試。要了一個外賣返屋企慢慢嘆, 牛腩同飯係分開裝, 這個要一讚, 而且咖哩牛腩份量都好足夠, 牛腩又好淋, 絕對啱哂心水。只是略貴了一點, 成$41呀。

第一次比意見,希望以後多D見...我記得大約十年前,我老公帶我黎食,果時初初同佢拍拖,我仲話佢帶我食cheap野,點知一試就超級愛上我經常帶D人黎食,食評好壞參半,原因係如果唔係食好辣,好難食得出佢D功夫...果種美味第二道唔可以比美,我同老公都會每個星期必食一次,我最鍾意食魚,老公食牛肉,今日我地食蟹,D蟹好大隻,好好食.....

所謂的名店, 又多雜誌介紹, 又多人排隊, 店方又志得意滿意氣風發地於壁上題詩, 理應有其獨到之處. 可惜, 試過, 不外另一名不符實而已. 老實說, 他們自稱的巴基斯坦咖哩, 是否正宗, 余實不知. 純以味道論之, 的確非常特別, 與平常吃慣之印式或南亞咖哩大異其趣. 稀身的咖哩汁內有大量香料, 完整一粒粒的而非磨成粉狀, 加上極大量洋蔥粒, 食落不俗. 然而香味不足, 不知是未經炒烘亦或功夫不夠好. 未至非常好吃, 然而老飧偶爾得嘗不同食趣, 不亦樂乎? 惜哉咖哩還好, D碼就舔晒野. 先食蝦, 都幾健碩, 卻是大而無當, 極不新鮮, 頭內之膏呈黑色, 泊泊流出之時彷彿溝渠內黃白之物湧出. 原來不只老鼠屎可壞一鍋粥, 蝦都可以搞死一兜咖哩. 再來倉魚, 我老人家見識淺薄, 不知巴基斯坦人點食咖哩, 如何煮魚, 只知以我們粵南蠻子吃汁燴或煮之魚必先煎炸過, 若番茄紅衫, 紅燒班腩等. 便是煲魚湯or 魚腩粥, 亦復如是. 而此間即就將舊魚掉入汁中煮之, 成品白也o徙o徙, 更兼一陣幽幽腥氣滲出, 乖乖不得了. 老伴甚怕腥, 只得在兜邊畢少少汁拌飯吃矣, 狀甚凄涼. 在別處吃個稍具水

聞名已久的亞龍,日前才第一次去,說起也汗顏.這間亞龍,多年來以Paki風味咖喱獨步江湖,不是又乾又濕有椰味薯仔那些,而是沒有其他香料,只有咖喱粉同洋荵便是.我一向沒有研究,不知道這是否真正Paki味道?環境劑逼,搭檯又是例牌,知道其牛腩馳名,但我偏"拗頸",在牛根,魷魚,雞等等之中,要個咖喱魚.本身咖喱又不是很辣,但有原始的咖喱香味,點樣原始?即是沒有加香料,椰漿之類咁上下,味道刺激而不過搶喉,我輩非大辣者也吃得很痛快.一整碟白飯,撈汁之後去存無菁.因為材料非同咖喱同煮之故,所以魚肉不甚入味,不過魚肉就幾新鮮.年前甚麼仿製品如"正亞龍咖喱","亞郭咖喱"一早結業,亞龍仍然車水馬龍,自然有其道理.

有雜誌寫過，人多？預料中事。其實我都係睇到專訪先去幫襯。一共幫襯咗三次。我哋第一次叫兩個馳名嘅牛腩飯，一客跟薄餅，一客跟飯，跟飯正啲，可以撈到啲汁，啲汁咁正，洋葱好多，一於唔好嘥，啲汁係稀嘅，但去過重慶大廈嗰啲都係稀稀哋嘅，所以一啲都唔出奇。幾夠味吖！第二次叫牛腩同魚，啲腩一樣咁稔咁好味，啲魚係鯧魚，好腥吓，都係食牛腩好啲。第三次叫牛腩飯外賣，坐喺屋企自自在在食最好味！

我幫趁咗＋幾年囉,味度依然不變! 聽老細講話,下個月加價,無辦法la, 鬼叫物價咁X貴咩! 所以趁未過下年,未食一定要試下囉!!

油酥餅,點埋咖喱汁真係好味到暈啦!我地叫左咖喱牛腩同牛筋,汁裡面充滿左洋蔥粒粒同香濃嘅咖喱味,好快就可以食完一碟飯!

絕對認同大食Kate! 我冇諗過$40 食咖哩雞, 得2 舊雞, 2 舊雞分別係一隻炆到梅晒既雞全翼+ 一舊冇乜肉既雞胸!真係想問:比多隻雪藏雞翼氹下人，成本好貴咩！根本唔需要佢服務，所以冇必要談論服務！

走出佐敦挑戰亞龍咖哩，點了小辣魷魚，中辣雞及大辣牛﹗其實一直都係想試番一次，因當年我食左個小辣唔知咩﹗飲左八杯水先食完，今次食完，都係好辣，不過接受到，無喊，上次重慶的勁好鬼多﹗呢道0的位真係仲迫過返大陸，唉，邊有人咁坐架，一0的都食得唔舒服，再好食的都無人來幫趁啦﹗

好多報紙雜誌都讚呢度點好點好唔自己試下點得?去到門口...好多人等外賣......點解唔堂食?因為間鋪勁迫................坐得好唔舒服......我同旁邊的食客差唔多---膊頭掂膊頭對腳又頂住張臺邊.......=_=...超辛苦.......真係迫得太緊"是我共你逼得太近　你間中想一個人跟你早應該要如遠若近"但諗住~~野食好就得啦,我不嬲唔係食環境..我係食味道叫左個CURRY雞飯...........(因我唔想食牛)等左一陣就來喇............一大碟飯,另外上一碗CURRY雞.........成碗CURRY得2舊雞..我冇打錯,真係得2舊!!!....外形同大小似KFC的雞胸呆左!!好X唔抵!!叫左唯有硬食.........佢D雞又係幾有雞味ke....curry都食到出落左好多香料唔似出面求其加辣加curry分就扮正宗curry.........不過服務方面就唔洗講.........除左寫單、放低餐點同收錢.......基本上係零服務........=_=overall,唔會再有下次.........$40零服務+2舊雞胸+冇野飲+迫得太緊.......

餅, 吃不得, 揀飯為上上之選咖哩牛腩+ 飯為至安全選擇咖哩個人覺得只係一盤辣汁, 咖哩香完全欠奉我想大夥兒在些撰文好吃, 可能都係拜倒洋蔥粒撈飯, 真的一絕配搭; 老老實實只點一砵白飯, 叫老細淋上"咖哩"洋蔥, 更為上算!!!著實起名咖哩實有點為過, may be 呢種就係香港咖哩, 不著邊際... 不為過! 何苦又夾雜異國既風情, 一塊不夠風味既薄餅, 離學滿師還遠, 算罷啦個人推介, 葵興既咖哩1)打磚坪街名德大樓地下2)打磚坪街名賢大樓地下

以味論味.這裡的咖哩的確係有D唔同....入口個種香味遠勝其他地方....後來先知原來係佢地加左好多洋蔥既關係...但食雞就真係有D搵笨- - '好少肉....牛肉就好好多喇...個汁用來撈飯簡直就係PERFEECT-.- 但對學生來講真係好貴..-.-而且簡直冇咩SERVICE可言- -'個老板好串好惡死- -SO 叫外賣算喇都係...!

又起佐敦搵野食，媽媽話想食咖喱，所以就黎試食亞龍咖喱。我地兩個都唔係太餓，所以叫左咖喱雞同甜薄餅。咖喱雞- 等左十分鐘先黎到既咖喱雞，好肯定既係佢地即叫即做而唔係做定一大煲囉。先試食一口咖喱汁，唔~好好味呀。有岩岩到我個位既辣，有好香洋荵，有好香既咖哩，仲有好多食唔出既秘制配方。不過當我想搵啖雞肉黎食就發現D雞原來係無乜肉，好失望囉，覺得有小小搵笨囉~甜薄餅–ok 呀，油左D,甜左D,但係口感都唔錯既咖喱係得既，所以都會再去試，不過一定唔係咖喱雞囉

今日因為趕時間,路過入去點了個快餐咖喱牛腩中辣,味道好像比以前淡了些,如果咖喱汁在濃一點會更好,牛腩肉嫩,不錯這裡的咖喱特別在用了很多洋蔥,吃時特別香口,和一般咖喱很不同15分鐘就搞掂,真係好快呢

點解都無雜誌寫得咁好食既?!三人同行, 叫了牛肉, 牛根同鮮魷. 無乜咖喱味, 入口只有辣味. 牛根ok啦, 不過牛肉就"拿"到飛起,無晒牛肉味lu, 鮮魷就同咖喱格格不入, 好似夾硬加入去咁... 唔會有下次啦.