亞龍咖喱 (已搬遷) 新店位置

今日出左去買野,之後就順路兜左去佐敦間阿龍咖哩食野,我朋友話呢間係最正宗既,係佢做開左,個條街先咁多乜乜咖哩物物咖哩,正唔正宗我唔知,不過就幾好味,而好抵食。我地兩個人7點去到,岩岩唔洗等位,但係都要搭檯。食左咖哩雞同咖哩牛利,一個跟飯一個跟咸薄餅,另外叫左個甜薄餅。咖哩汁濃,辣味岩岩好(可以自己揀幾辣,我個fren唔食得辣所以只係要左小辣,下次去得一定試下中辣!),而且佢d咖哩汁唔係水咁,係好杰身,好多渣,有碎洋蔥同其他香料等,撈飯食一流~佢既薄餅夠熱,而且唔油,唔會食到成日油又飽飽濟濟!之前怕個甜薄餅同咖哩汁唔夾,點知好好味,可能我鍾意甜野啦,我覺得仲好食過咸薄餅!清晒!咁樣食法都只係唔洗100蚊,兩個人攪掂一餐,抵呀!走個時8點,已經有等位,呢樹菜式選擇唔算多,都係咖哩乜乜咖哩物物,我諗鍾意食咖哩既人應該一試!不過佢既位就迫左少少又要搭檯,想坐下傾下計就真係唔洗諗了!

0米以為旺場就好味, 起初以為佢地0既咖哩咁出名,唔會衰得去邊,點知就係咁衰,試0左0加哩雞,0加哩汁'稀' 到無比,好像水咁,一味得個辣字;環境又迫又嘈,唔駛指意我再去!

價格無咩改動。<br />咖喱牛腩真係幾正，咸薄餅一般，甜薄餅油左d，但伴咖喱最好，因甜味中和左辣味。

聽人講得多話呢間亞龍咖喱非常出名非常好食!!於是就同左個朋友去到呢間咖喱舖食o下!!首先講o下?地D菜係分小中大辣三種!!於是我地就叫左個咖喱牛腩(小辣)跟薄餅一個咖喱雞(中辣)跟飯!!好喇!!食完之後真係唔覺得佢點解會咁出名???的所謂小中大辣只不過係小辣~小D辣椒油;中辣~多D辣椒油;大辣~勁多辣椒油!!佢用咁多辣椒油溝落去D咖喱汁度!!攪到成碟咖喱一味得個"辣"字!!完全冇咖喱的香味!!我食左成碟飯!!淨係覺得自己食緊落左好多辣椒油的汁!!仲有咖喱雞只得二塊!!咁就賣三十八蚊仲要加一!!咁的質素咁的價錢!!唔合理!!一句講晒!!一味得個"辣"~乜味都食唔出!!

一坐低, 望住個餐牌好迷惘, 因為佢地o既咖喱選擇真係唔多, 我怕叫份咖喱雞和咖喱牛腩會係同一味道,所以我叫o左一份咖喱雞和青瓜牛腩. 我無強調要咩辣我想知佢地比咩辣味程度我.咖喱雞首先上檯, 唔~~~~嗅到好香, 佢o既汁好濃, 最o岩配飯,不過就唔係好夠喉(只得兩件雞:1/4雞胸及雞翼), 唔係太辣,但帶好重o既八角味,有d 苦, 好彩o係呢個時候青瓜牛腩出埸, 點都估唔到呢個唔係咖喱而係一個好有肉汁o既gravy 連同有o既牛腩,... 真係好正!比起什麼馳名牛腩店此店必然優勝!兩個菜o既味道完全中和晒口腔內o既氣味,食完真係唔覺個口有陣咖喱味呀! 再去約朋友談心都唔怕啦~~

香辣咖喱，一字記之曰：正！牛腩夠腍，味道好，咖喱偏向巴基斯坦風味，因為汁料較濃及色澤較深，著重口感！叫個大辣直頭可去地府報到(誇張)，老字號係唔同！

Woo!! 好正呀...阿龍咖喱果然最出名係咖喱蟹...味道很好...價錢合理...而且d 蟹仲好有鮮味..除了咖喱蟹之外, 咖喱雞也不錯...不過最好份量可以多一點就更好了!!

香辣食譜，唔係人人脾胃都可頂順。亞龍咖喱店，日日"質" 滿嗜辣老饗，每天如是，可謂傳奇。時為咖喱牛腩飯只賣十八蚊一客的年代。第一次啖亞龍的出品，想來已經十幾年前的事，那時亞龍仍在同街的老舖；細細的一間店子，只放四五桌方摺檯，冰水用豉油玻璃樽裝住，坐o既係港產圓摺凳，後欄漏水天井位則是洋蔥磨坊及廚房。裝修雖屬零蛋，但由於出品滿分，故此店小客不稀。當時倘屬年輕的亞龍何氏夫婦，對主顧們招呼週週，任您搓圓拑扁，待客態度與現時的亞龍有天壤之別矣。那時候亞龍咖喱的店務，由開店元勛何老伯加埋一對兒媳打理，兒子在廚房主政，媳婦在舖面幫閒，正式家爺仔"也母" 生意，幫趁時偶然可見何老先生在後欄做磨作洋蔥的粗活。力到心到，出品自然好味道。現在的亞龍新店，食物出品仍有當年八成水準。筆者最喜"咖喱肥腩" 跟白飯，牛腩只啖帶肥油部份，厚凸凸黃色牛脂肪和著些少筋肉與咖喱汁料一併入口，人間極品。自忖膽固醇血脂過高，心律不穩者請勿嚐試，否則閻王帖提早送到. 改食"咖喱魚" 或"咖喱雜菜" ，可保百年安康。若老闆們嫌食魚食菜排場唔夠，敬請柯打"咖喱蟹" 一隻，自有專人活捉大肉蟹乙隻到廚房以咖喱入饌；秤埋個殼，都係多花您

對於嗜辣o既我，龍咖喱絕對可以滿足到我o既要求，咖喱除o左夠辣之外，仲好香，好有味道o添，有分大中小辣o既，迎合各人需要，嗜辣o既朋友試試佢喇!

我又一次好犯賤咁，唔食得辣但係又走去食咖喱，仲要係出名好辣o既亞龍咖喱！！開頭食個咖喱牛筋都仲得，之後個咖喱雞都勉強可以，飲多D水o者！但係個咖喱蟹．．見到紅色o既辣椒油時，心諗仲唔“賴”o野．．食到麻痺！！結果都係叫o左個茄魚，D魚真係好鮮味！！所以得到我阿媽o既激讚！！咖喱汁裡面o既洋蔥茸好正，令到阿哥食不停口！！不過真係好辣，連食得辣o既阿爸都食到o雪o雪聲，而我就食到肚都漲，因為飲o左好多水！！

嘩!! <br>真係野都講唔到呀!! 咁辣點食?? 水都要飲兩樽呀!! <br>個咀好似孖潤腸咁.. 真係咩味都食唔出啦!! 救命呀~~

係一間有名的Curry 店,呢間o野特色係Curry 整得好足料,食落會留有餘味,就係呢手調味功夫就值得一試,但就配肉來講哩,我就覺得可以仲好d..環境就唔好講啦,你來食o野嘛,其次就例牌一杯冰水,汽水,如果香港d 港式curry 店覺得就係咁就至高無上的話,不如去政府熟食檔位擺番檔咪算囉.

真係好辣~ 不過好正~ 仲要好平添~ 我試過咖喱魷魚同牛腩, 煮得好林~ 又試左咖喱雜菜, 太林, 有D 似豬"sau"~ 有隻甜薄餅幾好食~ 間野真係好細架~ 晚晚都好多人企o 係門口等~ 而且D 位極窄, 坐得幾辛苦~ 試唔試就自己諗諗啦~

如果這間是很多人也讚的食店, 那我真 的有點失望了, 咖喱很浠, 水汪汪的, 很難與薄餅一起吃, 我想巴基斯坦的咖 喱不會是這樣吧..

亞龍d 咖哩點正，我諗都唔駛點介紹，唔係都唔會咁多明星去食。不過我覺得最正就係鮮茄牛肉，d 牛肉滑到唔知點形容，番茄又新鮮，撈十碗飯都得，唔食咖哩的朋友就最o 岩。