亞龍咖喱 (已搬遷) 新店位置

聞名已久，今次叫了咖哩牛腩，咸薄餅，啤酒，鮮青瓜。咖哩牛腩要了中辣，看似很辣，吃了不覺辣，但咖哩尚自有水準。水準之處在於吃得出有很多香料，但融入了咖哩之餘又不會太搶，只是有一部份還是比較稀，雖然適合送飯，但個人還是喜歡杰身一點的咖哩。牛腩是林的，也十分入味，間中有一兩樣肥腩，看個人口味吧，我自己不太喜歡全肥的。咸薄餅，不算十分熱，但也叫可以。味道偏淡，食落煙ｕｎ，同咖哩好夾，好。青瓜係生的，但我無食，無乜意見。

Actually, both of us are not curry or spicy fans. Since there are many good comments on this place, I would like to give it a try:1.咖喱牛腩配飯:9分2.咖喱雞配薄餅:7分牛腩is very easy to bite. but 雞is too big. hard to handle with a large dish of curry. be careful of splash! they should cut the chicken in small pieces.the curry is still a little spicy for us, but we could barely stand for it. only 牛腩is already worth the try. if you could eat spicy, it would be better!

記得是大約十年前第一次食阿龍咖喱, 當時是個同學仔帶我去, 不過是旺角弼街, 那次第一次接觸阿龍咖喱, 記憶覺得係又辣又要食, 幸好有店舖有冰水供應.及後無左弼街店, 知道佐敦有間, 便間唔中會光顧, 咖哩同樣是水準之作, 價錢亦平民化, 街坊客又有, 駕車專程來食都有. 我都係次次食到成頭大汗行出去叫好味.一別數年, 今晚再次光顧, 水準依舊. 我叫了一客咖喱雞, 女友叫了一客咖喱牛腩. 咖喱有好多洋葱, 有別於其他舖頭, 雞有兩件, 好食但嫌不夠, 我同女友結果一人一件.牛腩肥瘦適中, 炆得很腍很香, 好食就真係覺得份量略嫌小.咖哩汁都係要跟飯才正路, 一兜咖喱汁, 唔駛餸已經好快食晒成碟飯. 個餅亦非常熱騰騰, 但感覺係好熱的乾粉. 都係食飯配搭好D.冰水同樣有供應.一客飯三十多元起, 加支細青島9 蚊, 總共只係四十多元. 非常抵食.我見隔離枱都有叫咖哩蟹, 我未試過, 聽時價中蟹150 蚊, 大就180 蚊.要講平民化咖哩, 我本來有阿龍及阿郭心水之選, 但阿郭已經搬左去天后, 變左高級餐廳, 阿龍便是心水之選.食完行經隔離佐敦咖哩, 入座率是兩碼子事.誠意推薦.

之前係佐敦食野時已經發現呢間野有好多人等位，門口仲貼左好多剪報，應該會幾好食。上星期九點幾去幫襯，店內都係坐滿人，但係就唔駛等位。舖仔細細，差唔多所有食客都要搭，而且d 位頗窄，坐得唔係幾舒服。我地兩個人叫左咖哩雞同牛腩，配薄餅同飯。碟飯唔算大，男仔可能唔夠食。個薄餅可能係剛剛出爐既關係，熱到拎唔起。d咖喱又香又濃，汁多到食唔哂。牛腩煮得幾腍，但係d雞就太大件，但係就係用連骨雞，都算有雞味。我地冇指明要幾辣既咖哩，相信都係俾唔辣既我地，所以我都唔覺得辣。總括佢d咖哩都幾有水準，但係價錢可以平d仲好。

昨晚和女友到阿龍咖哩吃飯，我地點了咖哩牛肉飯。女友要大辣我要小辣(食辣野同找女朋友一樣，宜量力而為)。這裡賣的是巴基斯坦咖哩，加了很多碎洋蔥，十分香口，是最高水準的咖哩。牛肉滑而有咬口；除牛肉外，要咖哩蟹也極佳(雖然貴得多，$150)，但要食好野係要咁貴！唔係用得個殼個d 貨式，係用大大隻生猛肉蟹喎！飯和咖哩係最佳拍擋，呢度係用中國絲苗，有飯味但較硬和乾身；建議改用香軟的泰國米會較好配合d 咖哩。呢度有副對聯，係話食勻全世界，最正都係呢度既咖哩。雖然我未食勻全世界，但都很認同。

好耐冇食過亞龍咖哩~及日行開佐敦就同亞媽去左食亞龍因為以前既經驗係(食親D牛腩都好韌)所以我同亞龍2 人叫左1個咖哩雞同1個喊餅~個雞黎到...發覺得兩舊..少左D喎= ="2個人食..1人得1舊~_~唯有食汁拉~可能我同媽咪都幾LIKE食洋蔥~而且佢煮到D 洋蔥好腍好入胃~而且都發現佢唔似出面D咖哩咁..D油浮曬係面到~都OK嫁~個餅即叫即煎(可能個陣下就4點幾冇咩人)~熱勒勒~正

日前,行開佐敦搵食,見到間野門口人頭湧湧,心諗更係好野啦,還掂又好耐無食過咖理,一於入去試試,於是我地3個人叫左2個咖哩,叫左雞同牛肉,一個配飯一個配薄餅,本人覺得個雞麻麻地得幾夠,份量太少,反宜牛肉就好滑仲好多,不過D咖哩實在太辣啦,我一路食一路貫水,但係果度d咖喱就好正宗囉。食得辣既朋友,不妨一試。

尋日同D朋友仔去左佐敦亞龍咖喱度食飯, 四個人叫左四款咖喱, 另外重加左兩種薄餅.埋單既時候都唔駛兩條魚. 平呀......雖然呢度既咖喱價錢咁平, 咁係水準唔差喎, 我地叫左四款咖喱, 分別係牛腩, 魚, 魚同埋鮮魷, 我覺得最好味既係咖喱牛腩, 因為佢D牛腩煮得好林, 而且唔會無哂牛味.至於雞就太少啦, 一碟得果四件, 仲要係無乜肉ge添.魚亦都唔係太出色, 因為魚同咖喱自己顧自己, D味道好似分開上咁.鮮魷就不過不失啦!另外呢度既油薄餅都唔差, 不過一定要襯熱食. 凍左就會略為遜色.而跟餐既咸薄餅就真係唔係咁好食啦, 因為太淡同埋太硬.而甜薄餅就真係好甜, 所以點揀都係油薄餅比較好食.若果鍾意食咖喱同埋牛既話, 呢間就真係要試下啦. 至於環境方面, 因為鋪頭太細啦, 所以好多時都會版人撞到, 呢樣較為失色.另外呢度亦可能因為太細既關係, 所以有俾人覺得有食快餐既感覺, 食左就會自動離開, 除左呢樣, 呢度D阿姐都幾好架, 一見妳跌左隻叉會係你執返之前比過另一套你.總欴佢地既服務就全部都係快.

阿龍係我食過o既咖哩之中最好食o既。咖哩屬巴基斯坦咖哩，唔用椰汁，但有好多洋蔥碎同香料，勁香！款式方面唔算多，但每樣都有唔錯水準。我就最鍾意牛腩同牛肉，又腍又入味。咖哩蟹都好正，不過就比其他菜色貴少少（時價，一般百二蚊左右一隻），但都試得過。咁o既價錢環境當然唔會話好舒適，o的位好窄，想搵個位放袋都好勉強，個地下仲要都幾跣，所以都係食完即刻要走o個隻。但愛咖哩之人不可不試！

Curry Crab is the Best. Beef tounge is also Best.

非常適合愛辣人士。

I know somebody doesn't love such 'poor' enviroment, services and the sauce. But I'm really enjoyed the beef curry since 15 years ago at the old shop (same street but different part of the street). Besides, who else will really concern the service if you're in 'Temple street area'?

好耐以前佢個名真係好響, 但對我o黎講就真係聞名不如見面.o的咖喱o既汁好稀, 近乎老火湯o既質感, 加埋o的大大粒o既洋蔥粒令到碟o野不倫不類, 話哂正經o既印巴式o既Dopiaza (洋蔥咖喱) 都唔會煮成咁o架! 要大辣小辣只係就咁加減辣椒油撈落碟咖喱o既份量, 咁樣又點可能會好食o丫!食一次都兼多.

前日去食咖哩,好正呀!!!咖哩汁入面d洋蔥粒香噴噴,加落d飯到食好醒胃,牛腩吸受哂洋蔥咖哩味,好軟綿綿,諗番都流口水,另外小女子再order咗一塊鹹同一塊甜薄餅,鹹果一塊一般,甜薄餅有d油,入口可以咬到一粒粒黃糖,有d黃糖熔咗,好sweet啊~^0^~(p.s. 呢餐好平,total $52 only ^^)

亞lung咖哩太強,小妹抵不了.<br />你喜歡吃咖哩嗎?<br />如果你像小妹抵不了,可以試一下旺角豉油街間咖哩大王,果度有紅,白,綠,黃...等咖哩,好香咖哩味道.不過,記得叫野飲,因為佢地只會俾水喉水你飲(當然有filter 過啦).